| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
11. д̣̇уд̇ияанааг̇авимаанаван̣н̣анаа
11. Dutiyanāgavimānavaṇṇanā
маханд̇ам̣ нааг̇ам̣ абхируяхаад̇и д̣̇уд̇ияанааг̇авимаанам̣. д̇асса гаа уббад̇д̇и? бхаг̇аваа рааж̇аг̇ахз вихарад̇и взл̣уванз. д̇зна самаязна рааж̇аг̇ахз ан̃н̃ад̇аро убаасаго сад̣̇д̇хо басанно бан̃жасу сийлзсу бад̇идтид̇о убосат̇ад̣̇ивасзсу убосат̇асийлам̣ самаад̣̇ияид̇ваа бурзбхад̇д̇ам̣ ад̇д̇ано вибхаваануруубам̣ бхигкуунам̣ д̣̇аанаани д̣̇ад̇ваа саяам̣ бхун̃ж̇ид̇ваа суд̣̇д̇хавад̇т̇анивад̇т̇о суд̣̇д̇худ̇д̇араасан̇г̇о бажчаабхад̇д̇ам̣ язбхуяязна адта баанаани г̇аахаабзд̇ваа вихаарам̣ г̇анд̇ваа бхигкусан̇гхасса нияяаад̣̇зд̇ваа бхаг̇аванд̇ам̣ убасан̇гамид̇ваа д̇хаммам̣ сун̣аад̇и. звам̣ со саггажжам̣ д̣̇аанамаяам̣ сийламаяан̃жа б̣ахум̣ сужарид̇ам̣ убажинид̇ваа ид̇о жуд̇о д̇аавад̇им̣сзсу уббаж̇ж̇и. д̇асса бун̃н̃аанубхаавзна саб̣б̣асзд̇о маханд̇о д̣̇иб̣б̣о хад̇т̇инааг̇о баад̇урахоси. со д̇ам̣ абхируяха маханд̇зна бариваарзна маханд̇зна д̣̇иб̣б̣аанубхаавзна гаалзна гаалам̣ уяяаанагийл̣ам̣ г̇ажчад̇и.
Mahantaṃ nāgaṃ abhiruyhāti dutiyanāgavimānaṃ. Tassa kā uppatti? Bhagavā rājagahe viharati veḷuvane. Tena samayena rājagahe aññataro upāsako saddho pasanno pañcasu sīlesu patiṭṭhito uposathadivasesu uposathasīlaṃ samādiyitvā purebhattaṃ attano vibhavānurūpaṃ bhikkhūnaṃ dānāni datvā sayaṃ bhuñjitvā suddhavatthanivattho suddhuttarāsaṅgo pacchābhattaṃ yebhuyyena aṭṭha pānāni gāhāpetvā vihāraṃ gantvā bhikkhusaṅghassa niyyādetvā bhagavantaṃ upasaṅkamitvā dhammaṃ suṇāti. Evaṃ so sakkaccaṃ dānamayaṃ sīlamayañca bahuṃ sucaritaṃ upacinitvā ito cuto tāvatiṃsesu uppajji. Tassa puññānubhāvena sabbaseto mahanto dibbo hatthināgo pāturahosi. So taṃ abhiruyha mahantena parivārena mahantena dibbānubhāvena kālena kālaṃ uyyānakīḷaṃ gacchati.
ат̇згад̣̇ивасам̣ гад̇ан̃н̃уд̇ааяа жод̣̇ияамаано ад̣дхарад̇д̇исамаяз д̇ам̣ д̣̇иб̣б̣анааг̇ам̣ абхируяха махад̇аа бариваарзна ‘‘бхаг̇аванд̇ам̣ ванд̣̇иссаамий’’д̇и д̣̇звалогад̇о ааг̇анд̇ваа гзвалагаббам̣ взл̣уванам̣ обхаасзд̇ваа хад̇т̇игканд̇хад̇о оруяха бхаг̇аванд̇ам̣ убасан̇гамид̇ваа абхиваад̣̇зд̇ваа ан̃ж̇алим̣ баг̇г̇аяха згаманд̇ам̣ адтааси . д̇ам̣ бхаг̇авад̇о самийбз тид̇о ааяасмаа ван̇г̇ийсо бхаг̇авад̇о анун̃н̃ааяа имаахи г̇аат̇аахи бужчи –
Athekadivasaṃ kataññutāya codiyamāno aḍḍharattisamaye taṃ dibbanāgaṃ abhiruyha mahatā parivārena ‘‘bhagavantaṃ vandissāmī’’ti devalokato āgantvā kevalakappaṃ veḷuvanaṃ obhāsetvā hatthikkhandhato oruyha bhagavantaṃ upasaṅkamitvā abhivādetvā añjaliṃ paggayha ekamantaṃ aṭṭhāsi . Taṃ bhagavato samīpe ṭhito āyasmā vaṅgīso bhagavato anuññāya imāhi gāthāhi pucchi –
968.
968.
‘‘маханд̇ам̣ нааг̇ам̣ абхируяха, саб̣б̣асзд̇ам̣ г̇аж̇уд̇д̇амам̣;
‘‘Mahantaṃ nāgaṃ abhiruyha, sabbasetaṃ gajuttamaṃ;
ванаа ванам̣ анубарияааси, наарийг̇ан̣абурагкад̇о;
Vanā vanaṃ anupariyāsi, nārīgaṇapurakkhato;
обхаасзнд̇о д̣̇исаа саб̣б̣аа, осад̇хий вияа д̇аарагаа.
Obhāsento disā sabbā, osadhī viya tārakā.
969.
969.
‘‘гзна д̇зд̇аад̣̇исо ван̣н̣о…бз…
‘‘Kena tetādiso vaṇṇo…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и.
Vaṇṇo ca te sabbadisā pabhāsatī’’ti.
д̇ад̇т̇аа бужчид̇о соби д̇асса г̇аат̇аахи зва б̣яаагааси.
Tatthā pucchito sopi tassa gāthāhi eva byākāsi.
971.
971.
‘‘со д̣̇звабуд̇д̇о ад̇д̇амано, ван̇г̇ийсзнзва бужчид̇о;
‘‘So devaputto attamano, vaṅgīseneva pucchito;
бан̃хам̣ будто вияаагааси, яасса гаммассид̣̇ам̣ палам̣’’.
Pañhaṃ puṭṭho viyākāsi, yassa kammassidaṃ phalaṃ’’.
972.
972.
‘‘ахам̣ мануссзсу мануссабхууд̇о, убаасаго жагкумад̇о ахосим̣;
‘‘Ahaṃ manussesu manussabhūto, upāsako cakkhumato ahosiṃ;
баан̣аад̇ибаад̇аа вирад̇о ахосим̣, логз ад̣̇иннам̣ бариваж̇ж̇аяиссам̣.
Pāṇātipātā virato ahosiṃ, loke adinnaṃ parivajjayissaṃ.
973.
973.
‘‘амаж̇ж̇або но жа мусаа абхаан̣им̣, сагзна д̣̇аарзна жа д̇удто ахосим̣;
‘‘Amajjapo no ca musā abhāṇiṃ, sakena dārena ca tuṭṭho ahosiṃ;
аннан̃жа баанан̃жа басаннажид̇д̇о, саггажжа д̣̇аанам̣ вибулам̣ ад̣̇аасим̣.
Annañca pānañca pasannacitto, sakkacca dānaṃ vipulaṃ adāsiṃ.
974.
974.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и.
Vaṇṇo ca me sabbadisā pabhāsatī’’ti.
д̇ад̇т̇а абуб̣б̣ам̣ над̇т̇и, сзсам̣ хздтаа вуд̇д̇анаяамзва.
Tattha apubbaṃ natthi, sesaṃ heṭṭhā vuttanayameva.
д̣̇уд̇ияанааг̇авимаанаван̣н̣анаа нидтид̇аа.
Dutiyanāgavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 11. д̣̇уд̇ияанааг̇авимаанавад̇т̇у • 11. Dutiyanāgavimānavatthu
