| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. து³தியனானாகரணஸுத்தவண்ணனா
4. Dutiyanānākaraṇasuttavaṇṇanā
124. சதுத்தே² ரூபமேவ ரூபக³தங். ஸேஸபதே³ஸுபி ஏஸேவ நயோ. அனிச்சதோதிஆதீ³ஸு ஹுத்வா அபா⁴வட்டே²ன அனிச்சதோ, ஆபா³த⁴ட்டே²ன ரோக³தோ, அந்தோ பது³ஸ்ஸனட்டே²ன க³ண்ட³தோ, அனுபவிட்ட²ட்டே²ன ஸல்லதோ, ஸது³க்க²ட்டே²ன அக⁴தோ, ஸம்பீளனட்டே²ன ஆபா³த⁴தோ, அவிதெ⁴ய்யட்டே²ன பரதோ, பலுஜ்ஜனட்டே²ன பலோகதோ, நிஸ்ஸத்தட்டே²ன ஸுஞ்ஞதோ, அவஸவத்தனட்டே²ன அனத்ததோ. எத்த² ச ‘‘அனிச்சதோ பலோகதோ’’தி த்³வீஹி பதே³ஹி அனிச்சலக்க²ணங் கதி²தங், ‘‘ஸுஞ்ஞதோ அனத்ததோ’’தி த்³வீஹி அனத்தலக்க²ணங், ஸேஸேஹி து³க்க²லக்க²ணங் கதி²தந்தி வேதி³தப்³ப³ங். ஸமனுபஸ்ஸதீதி ஞாணேன பஸ்ஸதி. ஏவங் பஞ்சக்க²ந்தே⁴ திலக்க²ணங் ஆரோபெத்வா பஸ்ஸந்தோ தயோ மக்³கே³ தீணி ப²லானி ஸச்சி²கரோதி. ஸுத்³தா⁴வாஸானங் தே³வானங் ஸஹப்³யதங் உபபஜ்ஜதீதி தத்த² டி²தோ சதுத்த²ஜ்ஜா²னங் பா⁴வெத்வா உபபஜ்ஜதி.
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. து³தியனானாகரணஸுத்தங் • 4. Dutiyanānākaraṇasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4-6. து³தியனானாகரணஸுத்தாதி³வண்ணனா • 4-6. Dutiyanānākaraṇasuttādivaṇṇanā
