| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. ทุติยนานากรณสุตฺตวณฺณนา
4. Dutiyanānākaraṇasuttavaṇṇanā
๑๒๔. จตุเตฺถ รูปเมว รูปคตํฯ เสสปเทสุปิ เอเสว นโยฯ อนิจฺจโตติอาทีสุ หุตฺวา อภาวเฎฺฐน อนิจฺจโต, อาพาธเฎฺฐน โรคโต, อโนฺต ปทุสฺสนเฎฺฐน คณฺฑโต, อนุปวิฎฺฐเฎฺฐน สลฺลโต, สทุกฺขเฎฺฐน อฆโต, สมฺปีฬนเฎฺฐน อาพาธโต, อวิเธยฺยเฎฺฐน ปรโต, ปลุชฺชนเฎฺฐน ปโลกโต, นิสฺสตฺตเฎฺฐน สุญฺญโต, อวสวตฺตนเฎฺฐน อนตฺตโตฯ เอตฺถ จ ‘‘อนิจฺจโต ปโลกโต’’ติ ทฺวีหิ ปเทหิ อนิจฺจลกฺขณํ กถิตํ, ‘‘สุญฺญโต อนตฺตโต’’ติ ทฺวีหิ อนตฺตลกฺขณํ, เสเสหิ ทุกฺขลกฺขณํ กถิตนฺติ เวทิตพฺพํฯ สมนุปสฺสตีติ ญาเณน ปสฺสติฯ เอวํ ปญฺจกฺขเนฺธ ติลกฺขณํ อาโรเปตฺวา ปสฺสโนฺต ตโย มเคฺค ตีณิ ผลานิ สจฺฉิกโรติฯ สุทฺธาวาสานํ เทวานํ สหพฺยตํ อุปปชฺชตีติ ตตฺถ ฐิโต จตุตฺถชฺฌานํ ภาเวตฺวา อุปปชฺชติฯ
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. ทุติยนานากรณสุตฺตํ • 4. Dutiyanānākaraṇasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๔-๖. ทุติยนานากรณสุตฺตาทิวณฺณนา • 4-6. Dutiyanānākaraṇasuttādivaṇṇanā
