| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၄. ဒုတိယနာနာကရဏသုတ္တဝဏ္ဏနာ
4. Dutiyanānākaraṇasuttavaṇṇanā
၁၂၄. စတုတ္ထေ ရူပမေဝ ရူပဂတံ။ သေသပဒေသုပိ ဧသေဝ နယော။ အနိစ္စတောတိအာဒီသု ဟုတ္ဝာ အဘာဝဋ္ဌေန အနိစ္စတော, အာဗာဓဋ္ဌေန ရောဂတော, အန္တော ပဒုသ္သနဋ္ဌေန ဂဏ္ဍတော, အနုပဝိဋ္ဌဋ္ဌေန သလ္လတော, သဒုက္ခဋ္ဌေန အဃတော, သမ္ပီဠနဋ္ဌေန အာဗာဓတော, အဝိဓေယ္ယဋ္ဌေန ပရတော, ပလုဇ္ဇနဋ္ဌေန ပလောကတော, နိသ္သတ္တဋ္ဌေန သုညတော, အဝသဝတ္တနဋ္ဌေန အနတ္တတော။ ဧတ္ထ စ ‘‘အနိစ္စတော ပလောကတော’’တိ ဒ္ဝီဟိ ပဒေဟိ အနိစ္စလက္ခဏံ ကထိတံ, ‘‘သုညတော အနတ္တတော’’တိ ဒ္ဝီဟိ အနတ္တလက္ခဏံ, သေသေဟိ ဒုက္ခလက္ခဏံ ကထိတန္တိ ဝေဒိတဗ္ဗံ။ သမနုပသ္သတီတိ ဉာဏေန ပသ္သတိ။ ဧဝံ ပဉ္စက္ခန္ဓေ တိလက္ခဏံ အာရောပေတ္ဝာ ပသ္သန္တော တယော မဂ္ဂေ တီဏိ ဖလာနိ သစ္ဆိကရောတိ။ သုဒ္ဓာဝာသာနံ ဒေဝာနံ သဟဗ္ယတံ ဥပပဇ္ဇတီတိ တတ္ထ ဌိတော စတုတ္ထဇ္ဈာနံ ဘာဝေတ္ဝာ ဥပပဇ္ဇတိ။
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. ဒုတိယနာနာကရဏသုတ္တံ • 4. Dutiyanānākaraṇasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄-၆. ဒုတိယနာနာကရဏသုတ္တာဒိဝဏ္ဏနာ • 4-6. Dutiyanānākaraṇasuttādivaṇṇanā
