| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೪. ದುತಿಯನಾನಾಕರಣಸುತ್ತವಣ್ಣನಾ
4. Dutiyanānākaraṇasuttavaṇṇanā
೧೨೪. ಚತುತ್ಥೇ ರೂಪಮೇವ ರೂಪಗತಂ। ಸೇಸಪದೇಸುಪಿ ಏಸೇವ ನಯೋ। ಅನಿಚ್ಚತೋತಿಆದೀಸು ಹುತ್ವಾ ಅಭಾವಟ್ಠೇನ ಅನಿಚ್ಚತೋ, ಆಬಾಧಟ್ಠೇನ ರೋಗತೋ, ಅನ್ತೋ ಪದುಸ್ಸನಟ್ಠೇನ ಗಣ್ಡತೋ, ಅನುಪವಿಟ್ಠಟ್ಠೇನ ಸಲ್ಲತೋ, ಸದುಕ್ಖಟ್ಠೇನ ಅಘತೋ, ಸಮ್ಪೀಳನಟ್ಠೇನ ಆಬಾಧತೋ, ಅವಿಧೇಯ್ಯಟ್ಠೇನ ಪರತೋ, ಪಲುಜ್ಜನಟ್ಠೇನ ಪಲೋಕತೋ, ನಿಸ್ಸತ್ತಟ್ಠೇನ ಸುಞ್ಞತೋ, ಅವಸವತ್ತನಟ್ಠೇನ ಅನತ್ತತೋ। ಏತ್ಥ ಚ ‘‘ಅನಿಚ್ಚತೋ ಪಲೋಕತೋ’’ತಿ ದ್ವೀಹಿ ಪದೇಹಿ ಅನಿಚ್ಚಲಕ್ಖಣಂ ಕಥಿತಂ, ‘‘ಸುಞ್ಞತೋ ಅನತ್ತತೋ’’ತಿ ದ್ವೀಹಿ ಅನತ್ತಲಕ್ಖಣಂ, ಸೇಸೇಹಿ ದುಕ್ಖಲಕ್ಖಣಂ ಕಥಿತನ್ತಿ ವೇದಿತಬ್ಬಂ। ಸಮನುಪಸ್ಸತೀತಿ ಞಾಣೇನ ಪಸ್ಸತಿ। ಏವಂ ಪಞ್ಚಕ್ಖನ್ಧೇ ತಿಲಕ್ಖಣಂ ಆರೋಪೇತ್ವಾ ಪಸ್ಸನ್ತೋ ತಯೋ ಮಗ್ಗೇ ತೀಣಿ ಫಲಾನಿ ಸಚ್ಛಿಕರೋತಿ। ಸುದ್ಧಾವಾಸಾನಂ ದೇವಾನಂ ಸಹಬ್ಯತಂ ಉಪಪಜ್ಜತೀತಿ ತತ್ಥ ಠಿತೋ ಚತುತ್ಥಜ್ಝಾನಂ ಭಾವೇತ್ವಾ ಉಪಪಜ್ಜತಿ।
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೪. ದುತಿಯನಾನಾಕರಣಸುತ್ತಂ • 4. Dutiyanānākaraṇasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೪-೬. ದುತಿಯನಾನಾಕರಣಸುತ್ತಾದಿವಣ್ಣನಾ • 4-6. Dutiyanānākaraṇasuttādivaṇṇanā
