| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
4. දුතියනානාකරණසුත්‌තවණ්‌ණනා
4. Dutiyanānākaraṇasuttavaṇṇanā
124. චතුත්‌ථෙ රූපමෙව රූපගතං. සෙසපදෙසුපි එසෙව නයො. අනිච්‌චතොතිආදීසු හුත්‌වා අභාවට්‌ඨෙන අනිච්‌චතො, ආබාධට්‌ඨෙන රොගතො, අන්‌තො පදුස්‌සනට්‌ඨෙන ගණ්‌ඩතො, අනුපවිට්‌ඨට්‌ඨෙන සල්‌ලතො, සදුක්‌ඛට්‌ඨෙන අඝතො, සම්‌පීළනට්‌ඨෙන ආබාධතො, අවිධෙය්‍යට්‌ඨෙන පරතො, පලුජ්‌ජනට්‌ඨෙන පලොකතො, නිස්‌සත්‌තට්‌ඨෙන සුඤ්‌ඤතො, අවසවත්‌තනට්‌ඨෙන අනත්‌තතො. එත්‌ථ ච ‘‘අනිච්‌චතො පලොකතො’’ති ද්‌වීහි පදෙහි අනිච්‌චලක්‌ඛණං කථිතං, ‘‘සුඤ්‌ඤතො අනත්‌තතො’’ති ද්‌වීහි අනත්‌තලක්‌ඛණං, සෙසෙහි දුක්‌ඛලක්‌ඛණං කථිතන්‌ති වෙදිතබ්‌බං. සමනුපස්‌සතීති ඤාණෙන පස්‌සති. එවං පඤ්‌චක්‌ඛන්‌ධෙ තිලක්‌ඛණං ආරොපෙත්‌වා පස්‌සන්‌තො තයො මග්‌ගෙ තීණි ඵලානි සච්‌ඡිකරොති. සුද්‌ධාවාසානං දෙවානං සහබ්‍යතං උපපජ්‌ජතීති තත්‌ථ ඨිතො චතුත්‌ථජ්‌ඣානං භාවෙත්‌වා උපපජ්‌ජති.
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. දුතියනානාකරණසුත්‌තං • 4. Dutiyanānākaraṇasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 4-6. දුතියනානාකරණසුත්‌තාදිවණ්‌ණනා • 4-6. Dutiyanānākaraṇasuttādivaṇṇanā
