| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༤. དུཏིཡནཱནཱཀརཎསུཏྟཝཎྞནཱ
4. Dutiyanānākaraṇasuttavaṇṇanā
༡༢༤. ཙཏུཏྠེ རཱུཔམེཝ རཱུཔགཏཾ། སེསཔདེསུཔི ཨེསེཝ ནཡོ། ཨནིཙྩཏོཏིཨཱདཱིསུ ཧུཏྭཱ ཨབྷཱཝཊྛེན ཨནིཙྩཏོ, ཨཱབཱདྷཊྛེན རོགཏོ, ཨནྟོ པདུསྶནཊྛེན གཎྜཏོ, ཨནུཔཝིཊྛཊྛེན སལླཏོ, སདུཀྑཊྛེན ཨགྷཏོ, སམྤཱིལ༹ནཊྛེན ཨཱབཱདྷཏོ, ཨཝིདྷེཡྻཊྛེན པརཏོ, པལུཛྫནཊྛེན པལོཀཏོ, ནིསྶཏྟཊྛེན སུཉྙཏོ, ཨཝསཝཏྟནཊྛེན ཨནཏྟཏོ། ཨེཏྠ ཙ ‘‘ཨནིཙྩཏོ པལོཀཏོ’’ཏི དྭཱིཧི པདེཧི ཨནིཙྩལཀྑཎཾ ཀཐིཏཾ, ‘‘སུཉྙཏོ ཨནཏྟཏོ’’ཏི དྭཱིཧི ཨནཏྟལཀྑཎཾ, སེསེཧི དུཀྑལཀྑཎཾ ཀཐིཏནྟི ཝེདིཏབྦཾ། སམནུཔསྶཏཱིཏི ཉཱཎེན པསྶཏི། ཨེཝཾ པཉྩཀྑནྡྷེ ཏིལཀྑཎཾ ཨཱརོཔེཏྭཱ པསྶནྟོ ཏཡོ མགྒེ ཏཱིཎི ཕལཱནི སཙྪིཀརོཏི། སུདྡྷཱཝཱསཱནཾ དེཝཱནཾ སཧབྱཏཾ ཨུཔཔཛྫཏཱིཏི ཏཏྠ ཋིཏོ ཙཏུཏྠཛ྄ཛྷཱནཾ བྷཱཝེཏྭཱ ཨུཔཔཛྫཏི།
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. དུཏིཡནཱནཱཀརཎསུཏྟཾ • 4. Dutiyanānākaraṇasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༦. དུཏིཡནཱནཱཀརཎསུཏྟཱདིཝཎྞནཱ • 4-6. Dutiyanānākaraṇasuttādivaṇṇanā
