| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. ദുതിയനാനാകരണസുത്തവണ്ണനാ
4. Dutiyanānākaraṇasuttavaṇṇanā
൧൨൪. ചതുത്ഥേ രൂപമേവ രൂപഗതം. സേസപദേസുപി ഏസേവ നയോ. അനിച്ചതോതിആദീസു ഹുത്വാ അഭാവട്ഠേന അനിച്ചതോ, ആബാധട്ഠേന രോഗതോ, അന്തോ പദുസ്സനട്ഠേന ഗണ്ഡതോ, അനുപവിട്ഠട്ഠേന സല്ലതോ, സദുക്ഖട്ഠേന അഘതോ, സമ്പീളനട്ഠേന ആബാധതോ, അവിധേയ്യട്ഠേന പരതോ, പലുജ്ജനട്ഠേന പലോകതോ, നിസ്സത്തട്ഠേന സുഞ്ഞതോ, അവസവത്തനട്ഠേന അനത്തതോ. ഏത്ഥ ച ‘‘അനിച്ചതോ പലോകതോ’’തി ദ്വീഹി പദേഹി അനിച്ചലക്ഖണം കഥിതം, ‘‘സുഞ്ഞതോ അനത്തതോ’’തി ദ്വീഹി അനത്തലക്ഖണം, സേസേഹി ദുക്ഖലക്ഖണം കഥിതന്തി വേദിതബ്ബം. സമനുപസ്സതീതി ഞാണേന പസ്സതി. ഏവം പഞ്ചക്ഖന്ധേ തിലക്ഖണം ആരോപേത്വാ പസ്സന്തോ തയോ മഗ്ഗേ തീണി ഫലാനി സച്ഛികരോതി. സുദ്ധാവാസാനം ദേവാനം സഹബ്യതം ഉപപജ്ജതീതി തത്ഥ ഠിതോ ചതുത്ഥജ്ഝാനം ഭാവേത്വാ ഉപപജ്ജതി.
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൪. ദുതിയനാനാകരണസുത്തം • 4. Dutiyanānākaraṇasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൪-൬. ദുതിയനാനാകരണസുത്താദിവണ്ണനാ • 4-6. Dutiyanānākaraṇasuttādivaṇṇanā
