| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. д̣̇уд̇ияанаанаад̇ид̇т̇ияасуд̇д̇аван̣н̣анаа
5. Dutiyanānātitthiyasuttavaṇṇanā
55. бан̃жамз сассад̇о ад̇д̇аа жа лого жаад̇и руубаад̣̇ийсу ан̃н̃ад̇арам̣ ад̇д̇аад̇и жа логод̇и жа г̇ахзд̇ваа д̇ам̣ сассад̇ам̣ нижжанд̇и ан̃н̃зби жа д̇ат̇аа г̇аахзнд̇аа вохаранд̇и. яат̇ааха –
55. Pañcame sassato attā ca loko cāti rūpādīsu aññataraṃ attāti ca lokoti ca gahetvā taṃ sassataṃ niccanti aññepi ca tathā gāhentā voharanti. Yathāha –
‘‘руубам̣ ад̇д̇аа жзва лого жа сассад̇о жаад̇и ад̇д̇аанан̃жа логан̃жа бан̃н̃абзнд̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇аа жа лого жа сассад̇о жаад̇и ад̇д̇аанан̃жа логан̃жа бан̃н̃абзнд̇ий’’д̇и.
‘‘Rūpaṃ attā ceva loko ca sassato cāti attānañca lokañca paññapenti. Vedanaṃ… saññaṃ… saṅkhāre… viññāṇaṃ attā ca loko ca sassato cāti attānañca lokañca paññapentī’’ti.
ат̇а ваа ад̇д̇аад̇и ахан̇гааравад̇т̇у, логод̇и маман̇гааравад̇т̇у, яам̣ ‘‘ад̇д̇анияа’’нд̇и вужжад̇и. ад̇д̇аад̇и ваа саяам̣, логод̇и баро. ад̇д̇аад̇и ваа бан̃жасу убаад̣̇аанагканд̇хзсу зго канд̇хо, ид̇аро лого . ад̇д̇аад̇и ваа савин̃н̃аан̣аго канд̇хасанд̇аано, авин̃н̃аан̣аго лого. звам̣ д̇ам̣ д̇ам̣ ад̇д̇аад̇и жа логод̇и жа яат̇аад̣̇ассанам̣ д̣̇вид̇хаа г̇ахзд̇ваа д̇ад̣̇убхаяам̣ ‘‘нижжо д̇хуво сассад̇о’’д̇и абхинивисса вохаранд̇и. зд̇зна жад̇д̇ааро сассад̇аваад̣̇аа д̣̇ассид̇аа. асассад̇од̇и сад̇д̇аби ужчзд̣̇аваад̣̇аа д̣̇ассид̇аа. сассад̇о жа асассад̇о жаад̇и згажжо ад̇д̇аа жа лого жа сассад̇о, згажжо асассад̇од̇и звам̣ сассад̇о жа асассад̇о жаад̇и ад̇т̇о. ат̇а ваа свзва ад̇д̇аа жа лого жа ад̇д̇аг̇ад̇ид̣̇идтигаанам̣ вияа сассад̇о жа асассад̇о жа, сияаа сассад̇од̇и звамзд̇т̇а ад̇т̇о взд̣̇ид̇аб̣б̣о. саб̣б̣ат̇ааби иминаа згажжасассад̇аваад̣̇о д̣̇ассид̇о. нзва сассад̇о наасассад̇од̇и иминаа амараавигкзбаваад̣̇о д̣̇ассид̇о. д̇з хи сассад̇аваад̣̇з асассад̇аваад̣̇з жа д̣̇осам̣ д̣̇исваа ‘‘нзва сассад̇о наасассад̇о ад̇д̇аа жа лого жаа’’д̇и вигкзбам̣ гаронд̇аа вивад̣̇анд̇и.
Atha vā attāti ahaṅkāravatthu, lokoti mamaṅkāravatthu, yaṃ ‘‘attaniya’’nti vuccati. Attāti vā sayaṃ, lokoti paro. Attāti vā pañcasu upādānakkhandhesu eko khandho, itaro loko. Attāti vā saviññāṇako khandhasantāno, aviññāṇako loko. Evaṃ taṃ taṃ attāti ca lokoti ca yathādassanaṃ dvidhā gahetvā tadubhayaṃ ‘‘nicco dhuvo sassato’’ti abhinivissa voharanti. Etena cattāro sassatavādā dassitā. Asassatoti sattapi ucchedavādā dassitā. Sassato ca asassato cāti ekacco attā ca loko ca sassato, ekacco asassatoti evaṃ sassato ca asassato cāti attho. Atha vā sveva attā ca loko ca attagatidiṭṭhikānaṃ viya sassato ca asassato ca, siyā sassatoti evamettha attho veditabbo. Sabbathāpi iminā ekaccasassatavādo dassito. Neva sassato nāsassatoti iminā amarāvikkhepavādo dassito. Te hi sassatavāde asassatavāde ca dosaṃ disvā ‘‘neva sassato nāsassato attā ca loko cā’’ti vikkhepaṃ karontā vivadanti.
саяам̣гад̇од̇и ад̇д̇анаа гад̇о. яат̇аа хи д̇зсам̣ д̇зсам̣ сад̇д̇аанам̣ ад̇д̇аа жа ад̇д̇ано д̇хаммаануд̇хаммам̣ гад̇ваа сукад̣̇угкаани бадисам̣взд̣̇зд̇и, звам̣ ад̇д̇аава ад̇д̇аанам̣ д̇асса жа убабхог̇абхууд̇ам̣ гин̃жанам̣ балиб̣од̇хасан̇каад̇ам̣ логан̃жа гарод̇и, абхинимминаад̇ийд̇и ад̇д̇алад̣̇д̇хи вияа аяамби д̇зсам̣ лад̣̇д̇хи. барам̣гад̇од̇и барзна гад̇о, ад̇д̇ад̇о барзна иссарзна ваа бурисзна ваа баж̇аабад̇инаа ваа гаалзна ваа багад̇ияаа ваа ад̇д̇аа жа лого жа гад̇о , ниммид̇од̇и ад̇т̇о. саяам̣гад̇о жа барам̣гад̇о жаад̇и яасмаа ад̇д̇аанан̃жа логан̃жа нимминанд̇аа иссараад̣̇аяо на гзвалам̣ саяамзва нимминанд̇и, ат̇а ко д̇зсам̣ д̇зсам̣ сад̇д̇аанам̣ д̇хаммаад̇хаммаанам̣ сахагаарийгааран̣ам̣ лабхид̇ваава, д̇асмаа саяам̣гад̇о жа барам̣гад̇о жа ад̇д̇аа жа лого жаад̇и згажжаанам̣ лад̣̇д̇хи. асаяам̣гааро абарам̣гаарод̇и над̇т̇и зд̇асса саяам̣гаарод̇и асаяам̣гааро, над̇т̇и зд̇асса барагаарод̇и абарагааро. анунаасигааг̇амам̣ гад̇ваа вуд̇д̇ам̣ ‘‘абарам̣гааро’’д̇и. аяам̣ убхаяад̇т̇а д̣̇осам̣ д̣̇исваа убхаяам̣ бадигкибад̇и. ат̇а гат̇ам̣ уббаннод̇и ааха – ад̇хижжасамуббаннод̇и яад̣̇ижчааяа самуббанно гзнажи гааран̣зна винаа уббаннод̇и ад̇хижжасамуббаннаваад̣̇о д̣̇ассид̇о. д̇зна жа ахзд̇угаваад̣̇оби сан̇г̇ахид̇о ход̇и.
Sayaṃkatoti attanā kato. Yathā hi tesaṃ tesaṃ sattānaṃ attā ca attano dhammānudhammaṃ katvā sukhadukkhāni paṭisaṃvedeti, evaṃ attāva attānaṃ tassa ca upabhogabhūtaṃ kiñcanaṃ palibodhasaṅkhātaṃ lokañca karoti, abhinimminātīti attaladdhi viya ayampi tesaṃ laddhi. Paraṃkatoti parena kato, attato parena issarena vā purisena vā pajāpatinā vā kālena vā pakatiyā vā attā ca loko ca kato , nimmitoti attho. Sayaṃkato ca paraṃkato cāti yasmā attānañca lokañca nimminantā issarādayo na kevalaṃ sayameva nimminanti, atha kho tesaṃ tesaṃ sattānaṃ dhammādhammānaṃ sahakārīkāraṇaṃ labhitvāva, tasmā sayaṃkato ca paraṃkato ca attā ca loko cāti ekaccānaṃ laddhi. Asayaṃkāro aparaṃkāroti natthi etassa sayaṃkāroti asayaṃkāro, natthi etassa parakāroti aparakāro. Anunāsikāgamaṃ katvā vuttaṃ ‘‘aparaṃkāro’’ti. Ayaṃ ubhayattha dosaṃ disvā ubhayaṃ paṭikkhipati. Atha kathaṃ uppannoti āha – adhiccasamuppannoti yadicchāya samuppanno kenaci kāraṇena vinā uppannoti adhiccasamuppannavādo dassito. Tena ca ahetukavādopi saṅgahito hoti.
ид̣̇аани яз д̣̇идтиг̇ад̇игаа ад̇д̇аанам̣ вияа сукад̣̇угкамби д̇асса г̇ун̣абхууд̇ам̣ гин̃жанабхууд̇ам̣ ваа сассад̇аад̣̇ивасзна абхинивисса вохаранд̇и, д̇зсам̣ д̇ам̣ ваад̣̇ам̣ д̣̇ассзд̇ум̣ ‘‘санд̇згз саман̣аб̣раахман̣аа’’д̇иаад̣̇и вуд̇д̇ам̣. д̇ам̣ вуд̇д̇анаяамзва.
Idāni ye diṭṭhigatikā attānaṃ viya sukhadukkhampi tassa guṇabhūtaṃ kiñcanabhūtaṃ vā sassatādivasena abhinivissa voharanti, tesaṃ taṃ vādaṃ dassetuṃ ‘‘santeke samaṇabrāhmaṇā’’tiādi vuttaṃ. Taṃ vuttanayameva.
зд̇амад̇т̇ам̣ вид̣̇ид̇ваад̇и зд̇т̇а бана ид̇ха ж̇ажжанд̇хуубамааяа анааг̇ад̇ад̇д̇аа д̇ам̣ хид̇ваа хздтаа вуд̇д̇анаязнзва ад̇т̇о яож̇зд̇аб̣б̣о, д̇ат̇аа г̇аат̇ааяа.
Etamatthaṃ viditvāti ettha pana idha jaccandhūpamāya anāgatattā taṃ hitvā heṭṭhā vuttanayeneva attho yojetabbo, tathā gāthāya.
д̇ад̇т̇а анд̇араава висийд̣̇анд̇и, абад̇ваава д̇амог̇ад̇ханд̇и аяам̣ висзсо. д̇ассад̇т̇о – звам̣ д̣̇идтиг̇ад̇зсу д̣̇идтиниссаязсу аасаж̇ж̇амаанаа д̣̇идтиг̇ад̇игаа гаамогхаад̣̇ийнам̣ жад̇уннам̣ огхаанам̣, сам̣саарамахогхассзва ваа анд̇араава взмаж̇жхз зва яам̣ д̇зсам̣ баарабхаавзна бад̇идтадтзна ваа ог̇ад̇хасан̇каад̇ам̣ ниб̣б̣аанам̣ д̇ад̣̇ад̇хиг̇амуубааяо ваа арияамаг̇г̇о д̇ам̣ аббад̇ваава анад̇хиг̇анд̇ваава висийд̣̇анд̇и сам̣сийд̣̇анд̇и. ог̇аад̇ханд̇и бад̇идтаханд̇и зд̇зна, зд̇т̇а ваад̇и ог̇аад̇хо, арияамаг̇г̇о ниб̣б̣аанан̃жа. ог̇аад̇хамзвзд̇т̇а рассад̇д̇ам̣ гад̇ваа ог̇ад̇ханд̇и вуд̇д̇ам̣. д̇ам̣ ог̇ад̇хам̣ д̇амог̇ад̇ханд̇и бад̣̇авибхааг̇о.
Tattha antarāva visīdanti, apatvāva tamogadhanti ayaṃ viseso. Tassattho – evaṃ diṭṭhigatesu diṭṭhinissayesu āsajjamānā diṭṭhigatikā kāmoghādīnaṃ catunnaṃ oghānaṃ, saṃsāramahoghasseva vā antarāva vemajjhe eva yaṃ tesaṃ pārabhāvena patiṭṭhaṭṭhena vā ogadhasaṅkhātaṃ nibbānaṃ tadadhigamūpāyo vā ariyamaggo taṃ appatvāva anadhigantvāva visīdanti saṃsīdanti. Ogādhanti patiṭṭhahanti etena, ettha vāti ogādho, ariyamaggo nibbānañca. Ogādhamevettha rassattaṃ katvā ogadhanti vuttaṃ. Taṃ ogadhaṃ tamogadhanti padavibhāgo.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 5. д̣̇уд̇ияанаанаад̇ид̇т̇ияасуд̇д̇ам̣ • 5. Dutiyanānātitthiyasuttaṃ
