| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. து³தியஞாணவத்து²ஸுத்தவண்ணனா
4. Dutiyañāṇavatthusuttavaṇṇanā
34. சதுத்தே² ஸத்தஸத்தரீதி ஸத்த ச ஸத்தரி ச. ப்³யஞ்ஜனபா⁴ணகா கிர தே பி⁴க்கூ², ப³ஹுப்³யஞ்ஜனங் கத்வா வுச்சமானே படிவிஜ்ஜி²துங் ஸக்கொந்தி, தஸ்மா தேஸங் அஜ்ஜா²ஸயேன இத³ங் ஸுத்தங் வுத்தங். த⁴ம்மட்டி²திஞாணந்தி பச்சயாகாரே ஞாணங். பச்சயாகாரோ ஹி த⁴ம்மானங் பவத்திட்டி²திகாரணத்தா த⁴ம்மட்டி²தீதி வுச்சதி, எத்த² ஞாணங் த⁴ம்மட்டி²திஞாணங், ஏதஸ்ஸேவ ச²ப்³பி³த⁴ஸ்ஸ ஞாணஸ்ஸேதங் அதி⁴வசனங். க²யத⁴ம்மந்தி க²யக³மனஸபா⁴வங். வயத⁴ம்மந்தி வயக³மனஸபா⁴வங். விராக³த⁴ம்மந்தி விரஜ்ஜனஸபா⁴வங். நிரோத⁴த⁴ம்மந்தி நிருஜ்ஜ²னஸபா⁴வங். ஸத்தஸத்தரீதி ஏகேகஸ்மிங் ஸத்த ஸத்த கத்வா ஏகாத³ஸஸு பதே³ஸு ஸத்தஸத்தரி. இமஸ்மிங் ஸுத்தே விபஸ்ஸனாபடிவிபஸ்ஸனா கதி²தா. சதுத்த²ங்.
34. Catutthe sattasattarīti satta ca sattari ca. Byañjanabhāṇakā kira te bhikkhū, bahubyañjanaṃ katvā vuccamāne paṭivijjhituṃ sakkonti, tasmā tesaṃ ajjhāsayena idaṃ suttaṃ vuttaṃ. Dhammaṭṭhitiñāṇanti paccayākāre ñāṇaṃ. Paccayākāro hi dhammānaṃ pavattiṭṭhitikāraṇattā dhammaṭṭhitīti vuccati, ettha ñāṇaṃ dhammaṭṭhitiñāṇaṃ, etasseva chabbidhassa ñāṇassetaṃ adhivacanaṃ. Khayadhammanti khayagamanasabhāvaṃ. Vayadhammanti vayagamanasabhāvaṃ. Virāgadhammanti virajjanasabhāvaṃ. Nirodhadhammanti nirujjhanasabhāvaṃ. Sattasattarīti ekekasmiṃ satta satta katvā ekādasasu padesu sattasattari. Imasmiṃ sutte vipassanāpaṭivipassanā kathitā. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. து³தியஞாணவத்து²ஸுத்தங் • 4. Dutiyañāṇavatthusuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. து³தியஞாணவத்து²ஸுத்தவண்ணனா • 4. Dutiyañāṇavatthusuttavaṇṇanā
