| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. д̣̇уд̇ияан̃аан̣авад̇т̇усуд̇д̇аван̣н̣анаа
4. Dutiyañāṇavatthusuttavaṇṇanā
34. жад̇уд̇т̇з сад̇д̇асад̇д̇арийд̇и сад̇д̇а жа сад̇д̇ари жа. б̣яан̃ж̇анабхаан̣агаа гира д̇з бхигкуу, б̣ахуб̣яан̃ж̇анам̣ гад̇ваа вужжамаанз бадивиж̇жхид̇ум̣ саггонд̇и, д̇асмаа д̇зсам̣ аж̇жхаасаязна ид̣̇ам̣ суд̇д̇ам̣ вуд̇д̇ам̣. д̇хаммадтид̇ин̃аан̣анд̇и бажжаяаагаарз н̃аан̣ам̣. бажжаяаагааро хи д̇хаммаанам̣ бавад̇д̇идтид̇игааран̣ад̇д̇аа д̇хаммадтид̇ийд̇и вужжад̇и, зд̇т̇а н̃аан̣ам̣ д̇хаммадтид̇ин̃аан̣ам̣, зд̇ассзва чаб̣б̣ид̇хасса н̃аан̣ассзд̇ам̣ ад̇хиважанам̣. каяад̇хамманд̇и каяаг̇аманасабхаавам̣. ваяад̇хамманд̇и ваяаг̇аманасабхаавам̣. вирааг̇ад̇хамманд̇и вираж̇ж̇анасабхаавам̣. нирод̇хад̇хамманд̇и нируж̇жханасабхаавам̣. сад̇д̇асад̇д̇арийд̇и згзгасмим̣ сад̇д̇а сад̇д̇а гад̇ваа згаад̣̇асасу бад̣̇зсу сад̇д̇асад̇д̇ари. имасмим̣ суд̇д̇з вибассанаабадивибассанаа гат̇ид̇аа. жад̇уд̇т̇ам̣.
34. Catutthe sattasattarīti satta ca sattari ca. Byañjanabhāṇakā kira te bhikkhū, bahubyañjanaṃ katvā vuccamāne paṭivijjhituṃ sakkonti, tasmā tesaṃ ajjhāsayena idaṃ suttaṃ vuttaṃ. Dhammaṭṭhitiñāṇanti paccayākāre ñāṇaṃ. Paccayākāro hi dhammānaṃ pavattiṭṭhitikāraṇattā dhammaṭṭhitīti vuccati, ettha ñāṇaṃ dhammaṭṭhitiñāṇaṃ, etasseva chabbidhassa ñāṇassetaṃ adhivacanaṃ. Khayadhammanti khayagamanasabhāvaṃ. Vayadhammanti vayagamanasabhāvaṃ. Virāgadhammanti virajjanasabhāvaṃ. Nirodhadhammanti nirujjhanasabhāvaṃ. Sattasattarīti ekekasmiṃ satta satta katvā ekādasasu padesu sattasattari. Imasmiṃ sutte vipassanāpaṭivipassanā kathitā. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. д̣̇уд̇ияан̃аан̣авад̇т̇усуд̇д̇ам̣ • 4. Dutiyañāṇavatthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. д̣̇уд̇ияан̃аан̣авад̇т̇усуд̇д̇аван̣н̣анаа • 4. Dutiyañāṇavatthusuttavaṇṇanā
