| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. д̣̇уд̇ияан̃аан̣авад̇т̇усуд̇д̇аван̣н̣анаа
4. Dutiyañāṇavatthusuttavaṇṇanā
34. сад̇д̇арийд̇и д̇а-гаарасса ра-гаараад̣̇зсам̣ вуд̇д̇ам̣. сад̇д̇ад̇исад̣̇д̣̇зна ваа самаанад̇т̇о сад̇д̇арисад̣̇д̣̇о. б̣яан̃ж̇анаруживасзна б̣яан̃ж̇анам̣ бхан̣анд̇ийд̇и б̣яан̃ж̇анабхаан̣агаа. д̇знааха ‘‘б̣ахуб̣яан̃ж̇анам̣ гад̇ваа’’д̇иаад̣̇и. д̇идтад̇и д̇ад̇т̇а палам̣ д̇ад̣̇ааяад̇д̇авуд̇д̇ид̇ааяаад̇и тид̇и, бажжуббанналагкан̣асса д̇хаммасса тид̇и д̇хаммадтид̇и. ат̇а ваа д̇хаммод̇и гааран̣ам̣, бажжаяод̇и ад̇т̇о. д̇хаммасса яо тид̇исабхааво, сова д̇хаммад̇о ан̃н̃о над̇т̇ийд̇и д̇хаммадтид̇и, бажжаяо. д̇ад̇т̇а н̃аан̣ам̣ д̇хаммадтид̇ин̃аан̣ам̣. д̇знааха ааяасмаа д̇хаммасзнаабад̇и – ‘‘бажжаяабариг̇г̇ахз бан̃н̃аа д̇хаммадтид̇ин̃аан̣а’’нд̇и (бади. ма. маад̇игаа 4). д̇ат̇аа жааха ‘‘бажжаяаагаарз н̃аан̣а’’нд̇иаад̣̇и. д̇ад̇т̇а д̇хаммаананд̇и бажжаяуббаннад̇хаммаанам̣. бавад̇д̇идтид̇игааран̣ад̇д̇аад̇и бавад̇д̇исан̇каад̇ааяа тид̇ияаа гааран̣ад̇д̇аа. ‘‘ж̇аад̇ибажжаяаа ж̇араамаран̣а’’нд̇иаад̣̇инаа ад̣̇д̇хад̇д̇аяз анваяаб̣яад̇ирзгавасзна бавад̇д̇ияаа чаб̣б̣ид̇хасса н̃аан̣асса. каяо наама винаасо, сова бхзд̣̇од̇и. вираж̇ж̇анам̣ балуж̇ж̇анам̣. нируж̇жханам̣ анд̇арад̇хаанам̣. згзгасминд̇и ж̇араамаран̣аад̣̇ийсу згзгасмим̣. буб̣б̣з ‘‘яат̇аабхууд̇ан̃аан̣а’’нд̇и д̇арун̣авибассанам̣ ааха. д̇асмаа ид̇хааби д̇хаммадтид̇ин̃аан̣ам̣ вибассанаад̇и г̇ахзд̇ваа ‘‘вибассанаабадивибассанаа гат̇ид̇аа’’д̇и вуд̇д̇ам̣.
34.Sattarīti ta-kārassa ra-kārādesaṃ vuttaṃ. Sattatisaddena vā samānattho sattarisaddo. Byañjanarucivasena byañjanaṃ bhaṇantīti byañjanabhāṇakā. Tenāha ‘‘bahubyañjanaṃ katvā’’tiādi. Tiṭṭhati tattha phalaṃ tadāyattavuttitāyāti ṭhiti, paccuppannalakkhaṇassa dhammassa ṭhiti dhammaṭṭhiti. Atha vā dhammoti kāraṇaṃ, paccayoti attho. Dhammassa yo ṭhitisabhāvo, sova dhammato añño natthīti dhammaṭṭhiti, paccayo. Tattha ñāṇaṃ dhammaṭṭhitiñāṇaṃ. Tenāha āyasmā dhammasenāpati – ‘‘paccayapariggahe paññā dhammaṭṭhitiñāṇa’’nti (paṭi. ma. mātikā 4). Tathā cāha ‘‘paccayākāre ñāṇa’’ntiādi. Tattha dhammānanti paccayuppannadhammānaṃ. Pavattiṭṭhitikāraṇattāti pavattisaṅkhātāya ṭhitiyā kāraṇattā. ‘‘Jātipaccayā jarāmaraṇa’’ntiādinā addhattaye anvayabyatirekavasena pavattiyā chabbidhassa ñāṇassa. Khayo nāma vināso, sova bhedoti. Virajjanaṃ palujjanaṃ. Nirujjhanaṃ antaradhānaṃ. Ekekasminti jarāmaraṇādīsu ekekasmiṃ. Pubbe ‘‘yathābhūtañāṇa’’nti taruṇavipassanaṃ āha. Tasmā idhāpi dhammaṭṭhitiñāṇaṃ vipassanāti gahetvā ‘‘vipassanāpaṭivipassanā kathitā’’ti vuttaṃ.
д̣̇уд̇ияан̃аан̣авад̇т̇усуд̇д̇аван̣н̣анаа нидтид̇аа.
Dutiyañāṇavatthusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. д̣̇уд̇ияан̃аан̣авад̇т̇усуд̇д̇ам̣ • 4. Dutiyañāṇavatthusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̣̇уд̇ияан̃аан̣авад̇т̇усуд̇д̇аван̣н̣анаа • 4. Dutiyañāṇavatthusuttavaṇṇanā
