| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๔. ทุติยญาณวตฺถุสุตฺตวณฺณนา
4. Dutiyañāṇavatthusuttavaṇṇanā
๓๔. จตุเตฺถ สตฺตสตฺตรีติ สตฺต จ สตฺตริ จฯ พฺยญฺชนภาณกา กิร เต ภิกฺขู, พหุพฺยญฺชนํ กตฺวา วุจฺจมาเน ปฎิวิชฺฌิตุํ สโกฺกนฺติ, ตสฺมา เตสํ อชฺฌาสเยน อิทํ สุตฺตํ วุตฺตํฯ ธมฺมฎฺฐิติญาณนฺติ ปจฺจยากาเร ญาณํฯ ปจฺจยากาโร หิ ธมฺมานํ ปวตฺติฎฺฐิติการณตฺตา ธมฺมฎฺฐิตีติ วุจฺจติ, เอตฺถ ญาณํ ธมฺมฎฺฐิติญาณํ, เอตเสฺสว ฉพฺพิธสฺส ญาณเสฺสตํ อธิวจนํฯ ขยธมฺมนฺติ ขยคมนสภาวํฯ วยธมฺมนฺติ วยคมนสภาวํฯ วิราคธมฺมนฺติ วิรชฺชนสภาวํฯ นิโรธธมฺมนฺติ นิรุชฺฌนสภาวํฯ สตฺตสตฺตรีติ เอเกกสฺมิํ สตฺต สตฺต กตฺวา เอกาทสสุ ปเทสุ สตฺตสตฺตริฯ อิมสฺมิํ สุเตฺต วิปสฺสนาปฎิวิปสฺสนา กถิตาฯ จตุตฺถํฯ
34. Catutthe sattasattarīti satta ca sattari ca. Byañjanabhāṇakā kira te bhikkhū, bahubyañjanaṃ katvā vuccamāne paṭivijjhituṃ sakkonti, tasmā tesaṃ ajjhāsayena idaṃ suttaṃ vuttaṃ. Dhammaṭṭhitiñāṇanti paccayākāre ñāṇaṃ. Paccayākāro hi dhammānaṃ pavattiṭṭhitikāraṇattā dhammaṭṭhitīti vuccati, ettha ñāṇaṃ dhammaṭṭhitiñāṇaṃ, etasseva chabbidhassa ñāṇassetaṃ adhivacanaṃ. Khayadhammanti khayagamanasabhāvaṃ. Vayadhammanti vayagamanasabhāvaṃ. Virāgadhammanti virajjanasabhāvaṃ. Nirodhadhammanti nirujjhanasabhāvaṃ. Sattasattarīti ekekasmiṃ satta satta katvā ekādasasu padesu sattasattari. Imasmiṃ sutte vipassanāpaṭivipassanā kathitā. Catutthaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. ทุติยญาณวตฺถุสุตฺตํ • 4. Dutiyañāṇavatthusuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. ทุติยญาณวตฺถุสุตฺตวณฺณนา • 4. Dutiyañāṇavatthusuttavaṇṇanā
