| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༤. དུཏིཡཉཱཎཝཏྠུསུཏྟཝཎྞནཱ
4. Dutiyañāṇavatthusuttavaṇṇanā
༣༤. ཙཏུཏྠེ སཏྟསཏྟརཱིཏི སཏྟ ཙ སཏྟརི ཙ། བྱཉྫནབྷཱཎཀཱ ཀིར ཏེ བྷིཀྑཱུ, བཧུབྱཉྫནཾ ཀཏྭཱ ཝུཙྩམཱནེ པཊིཝིཛ྄ཛྷིཏུཾ སཀྐོནྟི, ཏསྨཱ ཏེསཾ ཨཛ྄ཛྷཱསཡེན ཨིདཾ སུཏྟཾ ཝུཏྟཾ། དྷམྨཊྛིཏིཉཱཎནྟི པཙྩཡཱཀཱརེ ཉཱཎཾ། པཙྩཡཱཀཱརོ ཧི དྷམྨཱནཾ པཝཏྟིཊྛིཏིཀཱརཎཏྟཱ དྷམྨཊྛིཏཱིཏི ཝུཙྩཏི, ཨེཏྠ ཉཱཎཾ དྷམྨཊྛིཏིཉཱཎཾ, ཨེཏསྶེཝ ཚབྦིདྷསྶ ཉཱཎསྶེཏཾ ཨདྷིཝཙནཾ། ཁཡདྷམྨནྟི ཁཡགམནསབྷཱཝཾ། ཝཡདྷམྨནྟི ཝཡགམནསབྷཱཝཾ། ཝིརཱགདྷམྨནྟི ཝིརཛྫནསབྷཱཝཾ། ནིརོདྷདྷམྨནྟི ནིརུཛ྄ཛྷནསབྷཱཝཾ། སཏྟསཏྟརཱིཏི ཨེཀེཀསྨིཾ སཏྟ སཏྟ ཀཏྭཱ ཨེཀཱདསསུ པདེསུ སཏྟསཏྟརི། ཨིམསྨིཾ སུཏྟེ ཝིཔསྶནཱཔཊིཝིཔསྶནཱ ཀཐིཏཱ། ཙཏུཏྠཾ།
34. Catutthe sattasattarīti satta ca sattari ca. Byañjanabhāṇakā kira te bhikkhū, bahubyañjanaṃ katvā vuccamāne paṭivijjhituṃ sakkonti, tasmā tesaṃ ajjhāsayena idaṃ suttaṃ vuttaṃ. Dhammaṭṭhitiñāṇanti paccayākāre ñāṇaṃ. Paccayākāro hi dhammānaṃ pavattiṭṭhitikāraṇattā dhammaṭṭhitīti vuccati, ettha ñāṇaṃ dhammaṭṭhitiñāṇaṃ, etasseva chabbidhassa ñāṇassetaṃ adhivacanaṃ. Khayadhammanti khayagamanasabhāvaṃ. Vayadhammanti vayagamanasabhāvaṃ. Virāgadhammanti virajjanasabhāvaṃ. Nirodhadhammanti nirujjhanasabhāvaṃ. Sattasattarīti ekekasmiṃ satta satta katvā ekādasasu padesu sattasattari. Imasmiṃ sutte vipassanāpaṭivipassanā kathitā. Catutthaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༤. དུཏིཡཉཱཎཝཏྠུསུཏྟཾ • 4. Dutiyañāṇavatthusuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. དུཏིཡཉཱཎཝཏྠུསུཏྟཝཎྞནཱ • 4. Dutiyañāṇavatthusuttavaṇṇanā
