| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਦੁਤਿਯਞਾਣવਤ੍ਥੁਸੁਤ੍ਤવਣ੍ਣਨਾ
4. Dutiyañāṇavatthusuttavaṇṇanā
੩੪. ਚਤੁਤ੍ਥੇ ਸਤ੍ਤਸਤ੍ਤਰੀਤਿ ਸਤ੍ਤ ਚ ਸਤ੍ਤਰਿ ਚ। ਬ੍ਯਞ੍ਜਨਭਾਣਕਾ ਕਿਰ ਤੇ ਭਿਕ੍ਖੂ, ਬਹੁਬ੍ਯਞ੍ਜਨਂ ਕਤ੍વਾ વੁਚ੍ਚਮਾਨੇ ਪਟਿવਿਜ੍ਝਿਤੁਂ ਸਕ੍ਕੋਨ੍ਤਿ, ਤਸ੍ਮਾ ਤੇਸਂ ਅਜ੍ਝਾਸਯੇਨ ਇਦਂ ਸੁਤ੍ਤਂ વੁਤ੍ਤਂ। ਧਮ੍ਮਟ੍ਠਿਤਿਞਾਣਨ੍ਤਿ ਪਚ੍ਚਯਾਕਾਰੇ ਞਾਣਂ। ਪਚ੍ਚਯਾਕਾਰੋ ਹਿ ਧਮ੍ਮਾਨਂ ਪવਤ੍ਤਿਟ੍ਠਿਤਿਕਾਰਣਤ੍ਤਾ ਧਮ੍ਮਟ੍ਠਿਤੀਤਿ વੁਚ੍ਚਤਿ, ਏਤ੍ਥ ਞਾਣਂ ਧਮ੍ਮਟ੍ਠਿਤਿਞਾਣਂ, ਏਤਸ੍ਸੇવ ਛਬ੍ਬਿਧਸ੍ਸ ਞਾਣਸ੍ਸੇਤਂ ਅਧਿવਚਨਂ। ਖਯਧਮ੍ਮਨ੍ਤਿ ਖਯਗਮਨਸਭਾવਂ। વਯਧਮ੍ਮਨ੍ਤਿ વਯਗਮਨਸਭਾવਂ। વਿਰਾਗਧਮ੍ਮਨ੍ਤਿ વਿਰਜ੍ਜਨਸਭਾવਂ। ਨਿਰੋਧਧਮ੍ਮਨ੍ਤਿ ਨਿਰੁਜ੍ਝਨਸਭਾવਂ। ਸਤ੍ਤਸਤ੍ਤਰੀਤਿ ਏਕੇਕਸ੍ਮਿਂ ਸਤ੍ਤ ਸਤ੍ਤ ਕਤ੍વਾ ਏਕਾਦਸਸੁ ਪਦੇਸੁ ਸਤ੍ਤਸਤ੍ਤਰਿ। ਇਮਸ੍ਮਿਂ ਸੁਤ੍ਤੇ વਿਪਸ੍ਸਨਾਪਟਿવਿਪਸ੍ਸਨਾ ਕਥਿਤਾ। ਚਤੁਤ੍ਥਂ।
34. Catutthe sattasattarīti satta ca sattari ca. Byañjanabhāṇakā kira te bhikkhū, bahubyañjanaṃ katvā vuccamāne paṭivijjhituṃ sakkonti, tasmā tesaṃ ajjhāsayena idaṃ suttaṃ vuttaṃ. Dhammaṭṭhitiñāṇanti paccayākāre ñāṇaṃ. Paccayākāro hi dhammānaṃ pavattiṭṭhitikāraṇattā dhammaṭṭhitīti vuccati, ettha ñāṇaṃ dhammaṭṭhitiñāṇaṃ, etasseva chabbidhassa ñāṇassetaṃ adhivacanaṃ. Khayadhammanti khayagamanasabhāvaṃ. Vayadhammanti vayagamanasabhāvaṃ. Virāgadhammanti virajjanasabhāvaṃ. Nirodhadhammanti nirujjhanasabhāvaṃ. Sattasattarīti ekekasmiṃ satta satta katvā ekādasasu padesu sattasattari. Imasmiṃ sutte vipassanāpaṭivipassanā kathitā. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਦੁਤਿਯਞਾਣવਤ੍ਥੁਸੁਤ੍ਤਂ • 4. Dutiyañāṇavatthusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਦੁਤਿਯਞਾਣવਤ੍ਥੁਸੁਤ੍ਤવਣ੍ਣਨਾ • 4. Dutiyañāṇavatthusuttavaṇṇanā
