| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. து³தியனதும்ஹாகங்ஸுத்தங்
9. Dutiyanatumhākaṃsuttaṃ
102. ‘‘யங் , பி⁴க்க²வே, ந தும்ஹாகங் தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதி. கிஞ்ச, பி⁴க்க²வே, ந தும்ஹாகங்? சக்கு², பி⁴க்க²வே, ந தும்ஹாகங். தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதி. ரூபா ந தும்ஹாகங். தே பஜஹத². தே வோ பஹீனா ஹிதாய ஸுகா²ய ப⁴விஸ்ஸந்தி. சக்கு²விஞ்ஞாணங் ந தும்ஹாகங். தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதி. சக்கு²ஸம்ப²ஸ்ஸோ ந தும்ஹாகங். தங் பஜஹத². ஸோ வோ பஹீனோ ஹிதாய ஸுகா²ய ப⁴விஸ்ஸதி…பே॰… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி ந தும்ஹாகங். தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதி. யம்பி, பி⁴க்க²வே, ந தும்ஹாகங், தங் பஜஹத². தங் வோ பஹீனங் ஹிதாய ஸுகா²ய ப⁴விஸ்ஸதீ’’தி. நவமங்.
102. ‘‘Yaṃ , bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Cakkhu, bhikkhave, na tumhākaṃ. Taṃ pajahatha. Taṃ vo pahīnaṃ hitāya sukhāya bhavissati. Rūpā na tumhākaṃ. Te pajahatha. Te vo pahīnā hitāya sukhāya bhavissanti. Cakkhuviññāṇaṃ na tumhākaṃ. Taṃ pajahatha. Taṃ vo pahīnaṃ hitāya sukhāya bhavissati. Cakkhusamphasso na tumhākaṃ. Taṃ pajahatha. So vo pahīno hitāya sukhāya bhavissati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na tumhākaṃ. Taṃ pajahatha. Taṃ vo pahīnaṃ hitāya sukhāya bhavissati. Yampi, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissatī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8-9. பட²மனதும்ஹாகங்ஸுத்தாதி³வண்ணனா • 8-9. Paṭhamanatumhākaṃsuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8-9. பட²மனதும்ஹாகங்ஸுத்தாதி³வண்ணனா • 8-9. Paṭhamanatumhākaṃsuttādivaṇṇanā
