| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. দুতিযনতুম্হাকংসুত্তং
2. Dutiyanatumhākaṃsuttaṃ
৩৪. সাৰত্থিনিদানং । ‘‘যং, ভিক্খৰে, ন তুম্হাকং, তং পজহথ। তং ৰো পহীনং হিতায সুখায ভৰিস্সতি। কিঞ্চ, ভিক্খৰে, ন তুম্হাকং? রূপং, ভিক্খৰে, ন তুম্হাকং, তং পজহথ। তং ৰো পহীনং হিতায সুখায ভৰিস্সতি। ৰেদনা ন তুম্হাকং… সঞ্ঞা ন তুম্হাকং… সঙ্খারা ন তুম্হাকং… ৰিঞ্ঞাণং ন তুম্হাকং, তং পজহথ। তং ৰো পহীনং হিতায সুখায ভৰিস্সতি। যং, ভিক্খৰে, ন তুম্হাকং তং পজহথ। তং ৰো পহীনং হিতায সুখায ভৰিস্সতী’’তি। দুতিযং।
34. Sāvatthinidānaṃ . ‘‘Yaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Vedanā na tumhākaṃ… saññā na tumhākaṃ… saṅkhārā na tumhākaṃ… viññāṇaṃ na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Yaṃ, bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissatī’’ti. Dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. দুতিযনতুম্হাকসুত্তৰণ্ণনা • 2. Dutiyanatumhākasuttavaṇṇanā
