| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. දුතියනතුම්‌හාකංසුත්‌තං
2. Dutiyanatumhākaṃsuttaṃ
34. සාවත්‌ථිනිදානං . ‘‘යං, භික්‌ඛවෙ, න තුම්‌හාකං, තං පජහථ. තං වො පහීනං හිතාය සුඛාය භවිස්‌සති. කිඤ්‌ච, භික්‌ඛවෙ, න තුම්‌හාකං? රූපං, භික්‌ඛවෙ, න තුම්‌හාකං, තං පජහථ. තං වො පහීනං හිතාය සුඛාය භවිස්‌සති. වෙදනා න තුම්‌හාකං… සඤ්‌ඤා න තුම්‌හාකං… සඞ්‌ඛාරා න තුම්‌හාකං… විඤ්‌ඤාණං න තුම්‌හාකං, තං පජහථ. තං වො පහීනං හිතාය සුඛාය භවිස්‌සති. යං, භික්‌ඛවෙ, න තුම්‌හාකං තං පජහථ. තං වො පහීනං හිතාය සුඛාය භවිස්‌සතී’’ති. දුතියං.
34. Sāvatthinidānaṃ . ‘‘Yaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Vedanā na tumhākaṃ… saññā na tumhākaṃ… saṅkhārā na tumhākaṃ… viññāṇaṃ na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Yaṃ, bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissatī’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. දුතියනතුම්‌හාකසුත්‌තවණ්‌ණනා • 2. Dutiyanatumhākasuttavaṇṇanā
