| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. དུཏིཡནཏུམྷཱཀཾསུཏྟཾ
2. Dutiyanatumhākaṃsuttaṃ
༣༤. སཱཝཏྠིནིདཱནཾ ། ‘‘ཡཾ, བྷིཀྑཝེ, ན ཏུམྷཱཀཾ, ཏཾ པཛཧཐ། ཏཾ ཝོ པཧཱིནཾ ཧིཏཱཡ སུཁཱཡ བྷཝིསྶཏི། ཀིཉྩ, བྷིཀྑཝེ, ན ཏུམྷཱཀཾ? རཱུཔཾ, བྷིཀྑཝེ, ན ཏུམྷཱཀཾ, ཏཾ པཛཧཐ། ཏཾ ཝོ པཧཱིནཾ ཧིཏཱཡ སུཁཱཡ བྷཝིསྶཏི། ཝེདནཱ ན ཏུམྷཱཀཾ… སཉྙཱ ན ཏུམྷཱཀཾ… སངྑཱརཱ ན ཏུམྷཱཀཾ… ཝིཉྙཱཎཾ ན ཏུམྷཱཀཾ, ཏཾ པཛཧཐ། ཏཾ ཝོ པཧཱིནཾ ཧིཏཱཡ སུཁཱཡ བྷཝིསྶཏི། ཡཾ, བྷིཀྑཝེ, ན ཏུམྷཱཀཾ ཏཾ པཛཧཐ། ཏཾ ཝོ པཧཱིནཾ ཧིཏཱཡ སུཁཱཡ བྷཝིསྶཏཱི’’ཏི། དུཏིཡཾ།
34. Sāvatthinidānaṃ . ‘‘Yaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Vedanā na tumhākaṃ… saññā na tumhākaṃ… saṅkhārā na tumhākaṃ… viññāṇaṃ na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Yaṃ, bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissatī’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. དུཏིཡནཏུམྷཱཀསུཏྟཝཎྞནཱ • 2. Dutiyanatumhākasuttavaṇṇanā
