Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi

    ੧੦. ਦੁਤਿਯਨવਕਂ 1

    10. Dutiyanavakaṃ 2

    ੧੮੩. ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ। ਤਸ੍ਸ ਸਙ੍ਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ। ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਾ ਅਪ੍ਪਟਿਚ੍ਛਨ੍ਨਾਯੋ। ਸੋ ਸਙ੍ਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ। ਤਂ ਸਙ੍ਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਅਧਮ੍ਮਿਕੇਨ ਕਮ੍ਮੇਨ ਕੁਪ੍ਪੇਨ ਅਟ੍ਠਾਨਾਰਹੇਨ, ਅਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ; ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ, ਭਿਕ੍ਖવੇ, ਭਿਕ੍ਖੁ ਅવਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੧)

    183. ‘‘Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi…pe… vavatthitampi sambhinnampi. So saṅghaṃ tāsaṃ āpattīnaṃ samodhānaparivāsaṃ yācati. Tassa saṅgho tāsaṃ āpattīnaṃ samodhānaparivāsaṃ deti. So parivasanto antarā sambahulā saṅghādisesā āpattiyo āpajjati parimāṇā appaṭicchannāyo. So saṅghaṃ antarāāpattīnaṃ mūlāyapaṭikassanaṃ yācati. Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṃ deti; dhammena mānattaṃ deti, dhammena abbheti. So, bhikkhave, bhikkhu avisuddho tāhi āpattīhi. (1)

    ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ। ਤਸ੍ਸ ਸਙ੍ਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ। ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਾ ਪਟਿਚ੍ਛਨ੍ਨਾਯੋ। ਸੋ ਸਙ੍ਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ। ਤਂ ਸਙ੍ਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਅਧਮ੍ਮਿਕੇਨ ਕਮ੍ਮੇਨ ਕੁਪ੍ਪੇਨ ਅਟ੍ਠਾਨਾਰਹੇਨ , ਅਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ; ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ, ਭਿਕ੍ਖવੇ, ਭਿਕ੍ਖੁ ਅવਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੨)

    Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi…pe… vavatthitampi sambhinnampi. So saṅghaṃ tāsaṃ āpattīnaṃ samodhānaparivāsaṃ yācati. Tassa saṅgho tāsaṃ āpattīnaṃ samodhānaparivāsaṃ deti. So parivasanto antarā sambahulā saṅghādisesā āpattiyo āpajjati parimāṇā paṭicchannāyo. So saṅghaṃ antarāāpattīnaṃ mūlāyapaṭikassanaṃ yācati. Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena , adhammena samodhānaparivāsaṃ deti; dhammena mānattaṃ deti, dhammena abbheti. So, bhikkhave, bhikkhu avisuddho tāhi āpattīhi. (2)

    ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ। ਤਸ੍ਸ ਸਙ੍ਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ। ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਾ ਪਟਿਚ੍ਛਨ੍ਨਾਯੋਪਿ ਅਪ੍ਪਟਿਚ੍ਛਨ੍ਨਾਯੋਪਿ। ਸੋ ਸਙ੍ਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ। ਤਂ ਸਙ੍ਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਅਧਮ੍ਮਿਕੇਨ ਕਮ੍ਮੇਨ ਕੁਪ੍ਪੇਨ ਅਟ੍ਠਾਨਾਰਹੇਨ, ਅਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ; ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ ਭਿਕ੍ਖવੇ, ਭਿਕ੍ਖੁ ਅવਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੩)

    ‘‘Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi…pe… vavatthitampi sambhinnampi. So saṅghaṃ tāsaṃ āpattīnaṃ samodhānaparivāsaṃ yācati. Tassa saṅgho tāsaṃ āpattīnaṃ samodhānaparivāsaṃ deti. So parivasanto antarā sambahulā saṅghādisesā āpattiyo āpajjati parimāṇā paṭicchannāyopi appaṭicchannāyopi. So saṅghaṃ antarāāpattīnaṃ mūlāyapaṭikassanaṃ yācati. Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṃ deti; dhammena mānattaṃ deti, dhammena abbheti. So bhikkhave, bhikkhu avisuddho tāhi āpattīhi. (3)

    ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ, ਏਕਨਾਮਮ੍ਪਿ ਨਾਨਾਨਾਮਮ੍ਪਿ, ਸਭਾਗਮ੍ਪਿ વਿਸਭਾਗਮ੍ਪਿ, વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ। ਤਸ੍ਸ ਸਙ੍ਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ । ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਅਪਰਿਮਾਣਾ ਅਪ੍ਪਟਿਚ੍ਛਨ੍ਨਾਯੋ…ਪੇ॰… ਅਪਰਿਮਾਣਾ ਪਟਿਚ੍ਛਨ੍ਨਾਯੋ…ਪੇ॰… ਅਪਰਿਮਾਣਾ ਪਟਿਚ੍ਛਨ੍ਨਾਯੋਪਿ ਅਪ੍ਪਟਿਚ੍ਛਨ੍ਨਾਯੋਪਿ…ਪੇ॰… ਪਰਿਮਾਣਾਯੋਪਿ ਅਪਰਿਮਾਣਾਯੋਪਿ ਅਪ੍ਪਟਿਚ੍ਛਨ੍ਨਾਯੋ। ਸੋ ਸਙ੍ਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ। ਤਂ ਸਙ੍ਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਅਧਮ੍ਮਿਕੇਨ ਕਮ੍ਮੇਨ ਕੁਪ੍ਪੇਨ ਅਟ੍ਠਾਨਾਰਹੇਨ, ਅਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ; ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ, ਭਿਕ੍ਖવੇ, ਭਿਕ੍ਖੁ ਅવਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੪-੭)

    ‘‘Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi, ekanāmampi nānānāmampi, sabhāgampi visabhāgampi, vavatthitampi sambhinnampi. So saṅghaṃ tāsaṃ āpattīnaṃ samodhānaparivāsaṃ yācati. Tassa saṅgho tāsaṃ āpattīnaṃ samodhānaparivāsaṃ deti . So parivasanto antarā sambahulā saṅghādisesā āpattiyo āpajjati aparimāṇā appaṭicchannāyo…pe… aparimāṇā paṭicchannāyo…pe… aparimāṇā paṭicchannāyopi appaṭicchannāyopi…pe… parimāṇāyopi aparimāṇāyopi appaṭicchannāyo. So saṅghaṃ antarāāpattīnaṃ mūlāyapaṭikassanaṃ yācati. Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṃ deti; dhammena mānattaṃ deti, dhammena abbheti. So, bhikkhave, bhikkhu avisuddho tāhi āpattīhi. (4-7)

    ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ। ਤਸ੍ਸ ਸਙ੍ਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ। ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਾਯੋਪਿ ਅਪਰਿਮਾਣਾਯੋਪਿ ਪਟਿਚ੍ਛਨ੍ਨਾਯੋ। ਸੋ ਸਙ੍ਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ। ਤਂ ਸਙ੍ਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਅਧਮ੍ਮਿਕੇਨ ਕਮ੍ਮੇਨ ਕੁਪ੍ਪੇਨ ਅਟ੍ਠਾਨਾਰਹੇਨ, ਅਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ, ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ, ਭਿਕ੍ਖવੇ, ਭਿਕ੍ਖੁ ਅવਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੮)

    ‘‘Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi…pe… vavatthitampi sambhinnampi. So saṅghaṃ tāsaṃ āpattīnaṃ samodhānaparivāsaṃ yācati. Tassa saṅgho tāsaṃ āpattīnaṃ samodhānaparivāsaṃ deti. So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyo. So saṅghaṃ antarāāpattīnaṃ mūlāyapaṭikassanaṃ yācati. Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṃ deti, dhammena mānattaṃ deti, dhammena abbheti. So, bhikkhave, bhikkhu avisuddho tāhi āpattīhi. (8)

    ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਙ੍ਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ। ਤਸ੍ਸ ਸਙ੍ਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ। ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਾਯੋਪਿ ਅਪਰਿਮਾਣਾਯੋਪਿ ਪਟਿਚ੍ਛਨ੍ਨਾਯੋਪਿ ਅਪ੍ਪਟਿਚ੍ਛਨ੍ਨਾਯੋਪਿ। ਸੋ ਸਙ੍ਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ। ਤਂ ਸਙ੍ਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਅਧਮ੍ਮਿਕੇਨ ਕਮ੍ਮੇਨ ਕੁਪ੍ਪੇਨ ਅਟ੍ਠਾਨਾਰਹੇਨ, ਅਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ; ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ, ਭਿਕ੍ਖવੇ, ਭਿਕ੍ਖੁ ਅવਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੯)

    ‘‘Idha pana, bhikkhave, bhikkhu sambahulā saṅghādisesā āpattiyo āpajjati parimāṇampi aparimāṇampi…pe… vavatthitampi sambhinnampi. So saṅghaṃ tāsaṃ āpattīnaṃ samodhānaparivāsaṃ yācati. Tassa saṅgho tāsaṃ āpattīnaṃ samodhānaparivāsaṃ deti. So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopi appaṭicchannāyopi. So saṅghaṃ antarāāpattīnaṃ mūlāyapaṭikassanaṃ yācati. Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena, adhammena samodhānaparivāsaṃ deti; dhammena mānattaṃ deti, dhammena abbheti. So, bhikkhave, bhikkhu avisuddho tāhi āpattīhi. (9)

    ਦੁਤਿਯਨવਕਂ ਨਿਟ੍ਠਿਤਂ।

    Dutiyanavakaṃ niṭṭhitaṃ.




    Next: ੧੧. ਤਤਿਯਨવਕਂ • 11. Tatiyanavakaṃ




    Footnotes:
    1. ਇਦਂ ਨવਕਂ ਪੋਰਾਣਪੋਤ੍ਥਕੇਸੁ ਅવਿਸੁਦ੍ਧਿવਸੇਨੇવ ਆਗਤਂ, વੁਚ੍ਚਮਾਨਤਤਿਯਨવਕੇਨ ਚ ਸਂਸਟ੍ਠਂ। ਤਂ ਪਟਿવਿਸੋਧਕੇਹਿ ਅਸਂਸਟ੍ਠਂ ਕਤ੍વਾ વਿਸੁਂ ਪਤਿਟ੍ਠਾਪਿਤਂ। ਸੀਹਲ਼ਸ੍ਯਾਮਪੋਤ੍ਥਕੇਸੁ ਪਨ ਤਂ વਿਸੁਦ੍ਧਿવਸੇਨੇવ ਆਗਤਂ। ਤਂ ਪਨੇવਂ વੇਦਿਤਬ੍ਬਂ –§੧੦- ਮੂਲਾਯવਿਸੁਦ੍ਧਿਨવਕ (ਸੀ॰ ਸ੍ਯਾ॰)§੧੮੩. ਇਧ ਪਨ ਭਿਕ੍ਖવੇ ਭਿਕ੍ਖੁ ਸਮ੍ਬਹੁਲਾ ਸਂਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਂਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ, ਤਸ੍ਸ ਤਸ੍ਸ ਸਂਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ, ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਂਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਾਯੋ ਅਪ੍ਪਟਿਚ੍ਛਨ੍ਨਾਯੋ…ਪੇ॰… ਪਰਿਮਾਣਾਯੋ ਪਟਿਚ੍ਛਨ੍ਨਾਯੋ…ਪੇ॰… ਪਰਿਮਾਣਾਯੋ ਪਟਿਚ੍ਛਨ੍ਨਾਯੋਪਿ ਅਪ੍ਪਟਿਚ੍ਛਨ੍ਨਾਯੋਪਿ। ਸੋ ਸਂਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ, ਤਂ ਸਂਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਧਮ੍ਮਿਕੇਨ ਕਮ੍ਮੇਨ ਅਕੁਪ੍ਪੇਨ ਠਾਨਾਰਹੇਨ, ਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ, ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ ਭਿਕ੍ਖવੇ ਭਿਕ੍ਖੁ વਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੧-੩)§ਇਧ ਪਨ ਭਿਕ੍ਖવੇ ਭਿਕ੍ਖੁ ਸਮ੍ਬਹੁਲਾ ਸਂਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਂਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ, ਤਸ੍ਸ ਸਂਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ, ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਂਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਅਪਰਿਮਾਣਾਯੋ ਅਪ੍ਪਟਿਚ੍ਛਨ੍ਨਾਯੋ…ਪੇ॰… ਅਪਰਿਮਾਣਾਯੋ ਪਟਿਚ੍ਛਨ੍ਨਾਯੋ…ਪੇ॰… ਅਪਰਿਮਾਣਾਯੋ ਪਟਿਚ੍ਛਨ੍ਨਾਯੋਪਿ ਅਪ੍ਪਟਿਚ੍ਛਨ੍ਨਾਯੋਪਿ। ਸੋ ਸਂਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ, ਤਂ ਸਂਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਧਮ੍ਮਿਕੇਨ ਕਮ੍ਮੇਨ ਅਕੁਪ੍ਪੇਨ ਠਾਨਾਰਹੇਨ, ਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ, ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ ਭਿਕ੍ਖવੇ ਭਿਕ੍ਖੁ વਿਸੁਦ੍ਧੋ ਤਾਹਿ ਆਪਤ੍ਤੀਤਿ। (੪-੬)§ਇਧ ਪਨ ਭਿਕ੍ਖવੇ ਭਿਕ੍ਖੁ ਸਮ੍ਬਹੁਲਾ ਸਂਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤੀ ਪਰਿਮਾਣਮ੍ਪਿ ਅਪਰਿਮਾਣਮ੍ਪਿ…ਪੇ॰… વવਤ੍ਥਿਤਮ੍ਪਿ ਸਮ੍ਭਿਨ੍ਨਮ੍ਪਿ। ਸੋ ਸਂਘਂ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਯਾਚਤਿ, ਤਸ੍ਸ ਸਂਘੋ ਤਾਸਂ ਆਪਤ੍ਤੀਨਂ ਸਮੋਧਾਨਪਰਿવਾਸਂ ਦੇਤਿ, ਸੋ ਪਰਿવਸਨ੍ਤੋ ਅਨ੍ਤਰਾ ਸਮ੍ਬਹੁਲਾ ਸਂਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਤਿ ਪਰਿਮਾਣਾਯੋਪਿ ਅਪਰਿਮਾਣਾਯੋਪਿ ਅਪ੍ਪਟਿਚ੍ਛਨ੍ਨਾਯੋ…ਪੇ॰… ਪਰਿਮਾਣਾਯੋਪਿ ਅਪਰਿਮਾਣਾਯੋਪਿ ਪਟਿਚ੍ਛਨ੍ਨਾਯੋ…ਪੇ॰… ਪਰਿਮਾਣਾਯੋਪਿ ਅਪਰਿਮਾਣਾਯੋਪਿ ਪਟਿਚ੍ਛਨ੍ਨਾਯੋਪਿ ਅਪ੍ਪਟਿਚ੍ਛਨ੍ਨਾਯੋਪਿ। ਸੋ ਸਂਘਂ ਅਨ੍ਤਰਾਆਪਤ੍ਤੀਨਂ ਮੂਲਾਯਪਟਿਕਸ੍ਸਨਂ ਯਾਚਤਿ, ਤਂ ਸਂਘੋ ਅਨ੍ਤਰਾਆਪਤ੍ਤੀਨਂ ਮੂਲਾਯ ਪਟਿਕਸ੍ਸਤਿ ਧਮ੍ਮਿਕੇਨ ਕਮ੍ਮੇਨ ਅਕੁਪ੍ਪੇਨ ਠਾਨਾਰਹੇਨ, ਧਮ੍ਮੇਨ ਸਮੋਧਾਨਪਰਿવਾਸਂ ਦੇਤਿ, ਧਮ੍ਮੇਨ ਮਾਨਤ੍ਤਂ ਦੇਤਿ, ਧਮ੍ਮੇਨ ਅਬ੍ਭੇਤਿ। ਸੋ ਭਿਕ੍ਖવੇ ਭਿਕ੍ਖੁ વਿਸੁਦ੍ਧੋ ਤਾਹਿ ਆਪਤ੍ਤੀਹਿ। (੭-੯)§ਮੂਲਾਯ વਿਸੁਦ੍ਧਿਨવਕਂ ਨਿਟ੍ਠਿਤਂ।
    2. idaṃ navakaṃ porāṇapotthakesu avisuddhivaseneva āgataṃ, vuccamānatatiyanavakena ca saṃsaṭṭhaṃ. taṃ paṭivisodhakehi asaṃsaṭṭhaṃ katvā visuṃ patiṭṭhāpitaṃ. sīhaḷasyāmapotthakesu pana taṃ visuddhivaseneva āgataṃ. taṃ panevaṃ veditabbaṃ –§10- mūlāyavisuddhinavaka (sī. syā.)§183. idha pana bhikkhave bhikkhu sambahulā saṃghādisesā āpattiyo āpajjati parimāṇampi aparimāṇampi…pe… vavatthitampi sambhinnampi. so saṃghaṃ tāsaṃ āpattīnaṃ samodhānaparivāsaṃ yācati, tassa tassa saṃgho tāsaṃ āpattīnaṃ samodhānaparivāsaṃ deti, so parivasanto antarā sambahulā saṃghādisesā āpattiyo āpajjati parimāṇāyo appaṭicchannāyo…pe… parimāṇāyo paṭicchannāyo…pe… parimāṇāyo paṭicchannāyopi appaṭicchannāyopi. so saṃghaṃ antarāāpattīnaṃ mūlāyapaṭikassanaṃ yācati, taṃ saṃgho antarāāpattīnaṃ mūlāya paṭikassati dhammikena kammena akuppena ṭhānārahena, dhammena samodhānaparivāsaṃ deti, dhammena mānattaṃ deti, dhammena abbheti. so bhikkhave bhikkhu visuddho tāhi āpattīhi. (1-3)§idha pana bhikkhave bhikkhu sambahulā saṃghādisesā āpattiyo āpajjati parimāṇampi aparimāṇampi…pe… vavatthitampi sambhinnampi. so saṃghaṃ tāsaṃ āpattīnaṃ samodhānaparivāsaṃ yācati, tassa saṃgho tāsaṃ āpattīnaṃ samodhānaparivāsaṃ deti, so parivasanto antarā sambahulā saṃghādisesā āpattiyo āpajjati aparimāṇāyo appaṭicchannāyo…pe… aparimāṇāyo paṭicchannāyo…pe… aparimāṇāyo paṭicchannāyopi appaṭicchannāyopi. so saṃghaṃ antarāāpattīnaṃ mūlāyapaṭikassanaṃ yācati, taṃ saṃgho antarāāpattīnaṃ mūlāya paṭikassati dhammikena kammena akuppena ṭhānārahena, dhammena samodhānaparivāsaṃ deti, dhammena mānattaṃ deti, dhammena abbheti. so bhikkhave bhikkhu visuddho tāhi āpattīti. (4-6)§idha pana bhikkhave bhikkhu sambahulā saṃghādisesā āpattiyo āpajjatī parimāṇampi aparimāṇampi…pe… vavatthitampi sambhinnampi. so saṃghaṃ tāsaṃ āpattīnaṃ samodhānaparivāsaṃ yācati, tassa saṃgho tāsaṃ āpattīnaṃ samodhānaparivāsaṃ deti, so parivasanto antarā sambahulā saṃghādisesā āpattiyo āpajjati parimāṇāyopi aparimāṇāyopi appaṭicchannāyo…pe… parimāṇāyopi aparimāṇāyopi paṭicchannāyo…pe… parimāṇāyopi aparimāṇāyopi paṭicchannāyopi appaṭicchannāyopi. so saṃghaṃ antarāāpattīnaṃ mūlāyapaṭikassanaṃ yācati, taṃ saṃgho antarāāpattīnaṃ mūlāya paṭikassati dhammikena kammena akuppena ṭhānārahena, dhammena samodhānaparivāsaṃ deti, dhammena mānattaṃ deti, dhammena abbheti. so bhikkhave bhikkhu visuddho tāhi āpattīhi. (7-9)§mūlāya visuddhinavakaṃ niṭṭhitaṃ.

    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact