| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа
2. Dutiyanayo saṅgahitenaasaṅgahitapadavaṇṇanā
171. сан̇г̇ахид̇знаасан̇г̇ахид̇абад̣̇анид̣̇д̣̇зсз яам̣ д̇ам̣ уд̣̇д̣̇зсз асан̇г̇ахид̇ад̇ааяа бужчид̇аб̣б̣ам̣ виссаж̇ж̇ид̇аб̣б̣ан̃жа сан̇г̇ахид̇ад̇аависидтам̣ асан̇г̇ахид̇ам̣ д̇хаммаж̇аад̇ам̣ нид̣̇д̇хаарид̇ам̣, д̇ад̣̇зва д̇аава д̣̇ассзнд̇о ‘‘жагкааяад̇анзна яз д̇хаммаа канд̇хасан̇г̇ахзна сан̇г̇ахид̇аа ааяад̇анад̇хаад̇усан̇г̇ахзна асан̇г̇ахид̇аа’’д̇и ааха. саб̣б̣ад̇т̇а канд̇хаад̣̇исан̇г̇ахасааман̃н̃аанам̣ нижжам̣ висзсаабзгкад̇д̇аа бхзд̣̇аниссид̇ад̇д̇аа жа бужчаависсаж̇ж̇анаанам̣ сависзсаава канд̇хаад̣̇иг̇ан̣анаа суд̣̇д̇хаа. д̇ад̇т̇а сан̇г̇ахид̇знаасан̇г̇ахид̇аважанамад̇д̇зна д̇хаммависзсасса нид̣̇д̇хаарид̇ад̇д̇аа д̇ийсу сан̇г̇ахзсу згзна д̣̇вийхи ваа яз сан̇г̇ахид̇аа худ̇ваа ан̃н̃зхи асан̇г̇ахид̇аа, д̇зязва д̇хаммаа ‘‘канд̇хасан̇г̇ахзна сан̇г̇ахид̇аа ааяад̇анад̇хаад̇усан̇г̇ахзна асан̇г̇ахид̇аа’’д̇и зд̇д̇агзнзва д̣̇ассзд̇аб̣б̣аа сияум̣, д̇зсам̣ бана звам̣вид̇хаанам̣ асамбхаваа наяамаад̇игааяа жа аб̣бханд̇араб̣аахирамаад̇игаабзгкад̇д̇аа уд̣̇д̣̇зсзби яам̣ яам̣ руубагканд̇хаад̣̇ийсу аран̣анд̇зсу сан̇г̇аахагам̣, д̇ам̣ д̇ам̣ абзгкид̇ваа сан̇г̇ахид̇знаасан̇г̇ахид̇ам̣ нид̣̇д̇хаарид̇анд̇и вин̃н̃ааяад̇ийд̇и д̇зна д̇зна сан̇г̇аахагзна яат̇аанид̣̇д̇хаарид̇ам̣ д̇хаммам̣ нияамзд̇ваа д̣̇ассзд̇ум̣ ‘‘жагкааяад̇анзнаа’’д̇иаад̣̇имааха. яад̇т̇а хи бужчид̇аб̣б̣ависсаж̇ж̇ид̇аб̣б̣ад̇хаммависзсанид̣̇д̇хааран̣ам̣ над̇т̇и, д̇асмим̣ батаманаяз чадтанаяз жа бужчид̇аб̣б̣ависсаж̇ж̇ид̇аб̣б̣абхаавзна, ид̇арзсу жа яам̣ яам̣ бужчид̇аб̣б̣ависсаж̇ж̇ид̇аб̣б̣ам̣ нид̣̇д̇хаарид̇ам̣, д̇асса д̇асса нияаамагабхаавзна руубагканд̇хаад̣̇аяо аран̣анд̇аа уд̣̇д̣̇идтаад̇и.
171. Saṅgahitenaasaṅgahitapadaniddese yaṃ taṃ uddese asaṅgahitatāya pucchitabbaṃ vissajjitabbañca saṅgahitatāvisiṭṭhaṃ asaṅgahitaṃ dhammajātaṃ niddhāritaṃ, tadeva tāva dassento ‘‘cakkhāyatanena ye dhammā khandhasaṅgahena saṅgahitā āyatanadhātusaṅgahena asaṅgahitā’’ti āha. Sabbattha khandhādisaṅgahasāmaññānaṃ niccaṃ visesāpekkhattā bhedanissitattā ca pucchāvissajjanānaṃ savisesāva khandhādigaṇanā suddhā. Tattha saṅgahitenaasaṅgahitavacanamattena dhammavisesassa niddhāritattā tīsu saṅgahesu ekena dvīhi vā ye saṅgahitā hutvā aññehi asaṅgahitā, teyeva dhammā ‘‘khandhasaṅgahena saṅgahitā āyatanadhātusaṅgahena asaṅgahitā’’ti ettakeneva dassetabbā siyuṃ, tesaṃ pana evaṃvidhānaṃ asambhavā nayamātikāya ca abbhantarabāhiramātikāpekkhattā uddesepi yaṃ yaṃ rūpakkhandhādīsu araṇantesu saṅgāhakaṃ, taṃ taṃ apekkhitvā saṅgahitenaasaṅgahitaṃ niddhāritanti viññāyatīti tena tena saṅgāhakena yathāniddhāritaṃ dhammaṃ niyametvā dassetuṃ ‘‘cakkhāyatanenā’’tiādimāha. Yattha hi pucchitabbavissajjitabbadhammavisesaniddhāraṇaṃ natthi, tasmiṃ paṭhamanaye chaṭṭhanaye ca pucchitabbavissajjitabbabhāvena, itaresu ca yaṃ yaṃ pucchitabbavissajjitabbaṃ niddhāritaṃ, tassa tassa niyāmakabhāvena rūpakkhandhādayo araṇantā uddiṭṭhāti.
д̇ад̇т̇а ‘‘жагкааяад̇анзна…бз… подтаб̣б̣ад̇хаад̇уяаа’’д̇и гад̇д̇уад̇т̇з гаран̣анид̣̇д̣̇зсо д̣̇адтаб̣б̣о, ‘‘канд̇хасан̇г̇ахзна ааяад̇анасан̇г̇ахзна д̇хаад̇усан̇г̇ахзнаа’’д̇и гаран̣ад̇т̇з. зд̇т̇а жа язна язна сан̇г̇аахагзна канд̇хаад̣̇исан̇г̇ахзсу д̇зна д̇зна сан̇г̇ахзд̇аб̣б̣аасан̇г̇ахзд̇аб̣б̣ам̣ ан̃н̃ам̣ ад̇т̇и, д̇ам̣ д̇ад̣̇зва сан̇г̇аахагаасан̇г̇аахагабхаавзна уд̣̇д̇хадам̣. руубагканд̇хзна бана канд̇хасан̇г̇ахзна сан̇г̇ахзд̇аб̣б̣о ан̃н̃о д̇хаммо над̇т̇и, д̇ат̇аа взд̣̇анаагканд̇хаад̣̇ийхи , на жа со зва д̇асса сан̇г̇аахаго асан̇г̇аахаго ваа ход̇и. яан̃жа ‘‘руубагканд̇хо згзна канд̇хзна сан̇г̇ахид̇о’’д̇и вуд̇д̇ам̣, д̇ан̃жа на д̇ассзва д̇зна сан̇г̇ахид̇ад̇ам̣ санд̇хааяа вуд̇д̇ам̣, руубагканд̇хабхаавзна бана руубагканд̇хаважанзна ваа г̇ахид̇ад̇ам̣ санд̇хааяа вуд̇д̇анд̇и багаасид̇ояамад̇т̇о.
Tattha ‘‘cakkhāyatanena…pe… phoṭṭhabbadhātuyā’’ti kattuatthe karaṇaniddeso daṭṭhabbo, ‘‘khandhasaṅgahena āyatanasaṅgahena dhātusaṅgahenā’’ti karaṇatthe. Ettha ca yena yena saṅgāhakena khandhādisaṅgahesu tena tena saṅgahetabbāsaṅgahetabbaṃ aññaṃ atthi, taṃ tadeva saṅgāhakāsaṅgāhakabhāvena uddhaṭaṃ. Rūpakkhandhena pana khandhasaṅgahena saṅgahetabbo añño dhammo natthi, tathā vedanākkhandhādīhi , na ca so eva tassa saṅgāhako asaṅgāhako vā hoti. Yañca ‘‘rūpakkhandho ekena khandhena saṅgahito’’ti vuttaṃ, tañca na tasseva tena saṅgahitataṃ sandhāya vuttaṃ, rūpakkhandhabhāvena pana rūpakkhandhavacanena vā gahitataṃ sandhāya vuttanti pakāsitoyamattho.
яад̣̇и жа со зва д̇зна сан̇г̇аяхзяяа, сан̇г̇ахид̇знасамбаяуд̇д̇авиббаяуд̇д̇абад̣̇анид̣̇д̣̇зсз – ‘‘взд̣̇анаагканд̇хзна яз д̇хаммаа канд̇хасан̇г̇ахзна сан̇г̇ахид̇аа ааяад̇анасан̇г̇ахзна сан̇г̇ахид̇аа д̇хаад̇усан̇г̇ахзна сан̇г̇ахид̇аа, д̇з д̇хаммаа д̇ийхи канд̇хзхи згзнааяад̇анзна сад̇д̇ахи д̇хаад̇уухи самбаяуд̇д̇аа’’д̇иаад̣̇и вад̇д̇аб̣б̣ам̣ сияаа, на жа вуд̇д̇ам̣, д̇асмаа яат̇аа жид̇д̇ам̣ жид̇д̇зна самбаяуд̇д̇ам̣ виббаяуд̇д̇ан̃жа на ход̇и, звам̣ руубагканд̇хо руубагканд̇хзна сан̇г̇ахид̇о асан̇г̇ахид̇о жа на ход̇и, д̇ат̇аа взд̣̇анаагканд̇хаад̣̇аяо взд̣̇анаагканд̇хаад̣̇ийхи. на хи со зва д̇асса сабхааг̇о висабхааг̇о жаад̇и. д̇знзва на згад̣̇зсаа вияа самуд̣̇ааяасса, самуд̣̇ааяо згад̣̇зсаанам̣ сан̇г̇аахаго асан̇г̇аахаго жа. яат̇аа руубагканд̇хо жагкааяад̇анаад̣̇ийнам̣, д̇хаммааяад̇анам̣ взд̣̇анаагканд̇хаад̣̇ийнам̣, саран̣аа д̇хаммаа жад̇уннам̣ канд̇хаанам̣. самуд̣̇ааяанд̇ог̇ад̇хаанан̃хи згад̣̇зсаанам̣ на вибхааг̇о ад̇т̇и, язна д̇з самуд̣̇ааяасса самуд̣̇ааяо жа д̇зсам̣ сабхааг̇о висабхааг̇о жа сияаад̇и, д̇ат̇аа на самуд̣̇ааяо згад̣̇зсасабхааг̇ависабхааг̇аанам̣ сан̇г̇аахаго асан̇г̇аахаго жа. яат̇аа д̇хаммааяад̇анам̣ сукумаруубасабхааг̇асса взд̣̇анаад̣̇ивисабхааг̇асса жа руубагканд̇хзгад̣̇зсасса канд̇хасан̇г̇ахзна, ж̇ийвид̇инд̣̇рияам̣ руубааруубаж̇ийвид̇асабхааг̇ависабхааг̇асса руубагканд̇хзгад̣̇зсасса сан̇каарагканд̇хзгад̣̇зсасса жа ж̇ийвид̇аваж̇ж̇асса канд̇хасан̇г̇ахзнзва. на хи згад̣̇зсасабхааг̇ам̣ самуд̣̇ааяасабхааг̇ам̣, нааби згад̣̇зсависабхааг̇ам̣ самуд̣̇ааяависабхааг̇анд̇и, д̇асмаа сад̇иби ад̇д̇ад̇о ад̇д̇ани анд̇ог̇ад̇хад̇о ад̇д̇згад̣̇зсасабхааг̇ад̇о жа ан̃н̃асса асан̇г̇аахагад̇д̇з сан̇г̇аахагад̇д̇амзва зд̇зсам̣ над̇т̇и, язна сан̇г̇ахид̇асса асан̇г̇аахагаа сияунд̇и сан̇г̇аахагад̇д̇аабхаавад̇о зва зваруубаанам̣ аг̇г̇ахан̣ам̣ взд̣̇ид̇аб̣б̣ам̣.
Yadi ca so eva tena saṅgayheyya, saṅgahitenasampayuttavippayuttapadaniddese – ‘‘vedanākkhandhena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā tīhi khandhehi ekenāyatanena sattahi dhātūhi sampayuttā’’tiādi vattabbaṃ siyā, na ca vuttaṃ, tasmā yathā cittaṃ cittena sampayuttaṃ vippayuttañca na hoti, evaṃ rūpakkhandho rūpakkhandhena saṅgahito asaṅgahito ca na hoti, tathā vedanākkhandhādayo vedanākkhandhādīhi. Na hi so eva tassa sabhāgo visabhāgo cāti. Teneva na ekadesā viya samudāyassa, samudāyo ekadesānaṃ saṅgāhako asaṅgāhako ca. Yathā rūpakkhandho cakkhāyatanādīnaṃ, dhammāyatanaṃ vedanākkhandhādīnaṃ, saraṇā dhammā catunnaṃ khandhānaṃ. Samudāyantogadhānañhi ekadesānaṃ na vibhāgo atthi, yena te samudāyassa samudāyo ca tesaṃ sabhāgo visabhāgo ca siyāti, tathā na samudāyo ekadesasabhāgavisabhāgānaṃ saṅgāhako asaṅgāhako ca. Yathā dhammāyatanaṃ sukhumarūpasabhāgassa vedanādivisabhāgassa ca rūpakkhandhekadesassa khandhasaṅgahena, jīvitindriyaṃ rūpārūpajīvitasabhāgavisabhāgassa rūpakkhandhekadesassa saṅkhārakkhandhekadesassa ca jīvitavajjassa khandhasaṅgaheneva. Na hi ekadesasabhāgaṃ samudāyasabhāgaṃ, nāpi ekadesavisabhāgaṃ samudāyavisabhāganti, tasmā satipi attato attani antogadhato attekadesasabhāgato ca aññassa asaṅgāhakatte saṅgāhakattameva etesaṃ natthi, yena saṅgahitassa asaṅgāhakā siyunti saṅgāhakattābhāvato eva evarūpānaṃ aggahaṇaṃ veditabbaṃ.
яам̣ бана ‘‘д̇хаммааяад̇анам̣ асан̇кад̇ам̣ канд̇хад̇о табзд̇ваа жад̇уухи канд̇хзхи сан̇г̇ахид̇а’’нд̇и (д̇хаад̇у. 25), ‘‘жагкааяад̇анан̃жа сод̇ааяад̇анан̃жа згзна канд̇хзна сан̇г̇ахид̇а’’нд̇и (д̇хаад̇у. 26) жа вуд̇д̇ам̣, на д̇зна згад̣̇зсаанам̣ самуд̣̇ааяасан̇г̇аахагад̇д̇ам̣, самуд̣̇ааяасса жа згад̣̇зсасан̇г̇аахагад̇д̇ам̣ д̣̇ассзд̇и, жад̇угканд̇хаг̇ан̣анабхзд̣̇зхи бана д̇хаммааяад̇анасса г̇ан̣зд̇аб̣б̣ааг̇ан̣зд̇аб̣б̣абхаавзна бан̃жад̇хаа бхиннад̇ам̣, жагкааяад̇анаад̣̇ийнам̣ згагканд̇хаг̇ан̣анзна г̇ан̣зд̇аб̣б̣ад̇ааяа згавид̇хад̇ан̃жа д̣̇ассзд̇и. сан̇г̇аахагаасан̇г̇аахаганирабзгкаанам̣ г̇ан̣зд̇аб̣б̣ааг̇ан̣зд̇аб̣б̣аанам̣ д̇ам̣д̇ам̣г̇ан̣анзхи г̇ан̣анад̣̇ассанамад̇д̇амзва хи батаманаяо гаммагаран̣амад̇д̇асаб̣бхааваа, д̣̇уд̇ияаад̣̇аяо бана сан̇г̇аахагаасан̇г̇аахагзхи сан̇г̇ахид̇аасан̇г̇ахид̇аанам̣ аг̇ан̣анаад̣̇ид̣̇ассанаани гад̇д̇угаран̣агаммад̇д̇аяасаб̣бхааваа . д̇ат̇аа батаманаяз д̇ат̇аа д̇ат̇аа г̇ан̣зд̇аб̣б̣ааг̇ан̣зд̇аб̣б̣абхаавасан̇каад̇о д̇ам̣д̇ам̣канд̇хаад̣̇ибхааваабхааво сабхааг̇ависабхааг̇ад̇аа , д̣̇уд̇ияаад̣̇ийсу яат̇аанид̣̇д̇хаарид̇ад̇хаммад̣̇ассанз сан̇г̇аахагасан̇г̇ахзд̇аб̣б̣аанам̣ самаанагканд̇хаад̣̇ибхааво сабхааг̇ад̇аа, д̇ад̣̇абхааво жа висабхааг̇ад̇аа. бужчаависсаж̇ж̇анзсу д̇ам̣д̇ам̣канд̇хаад̣̇ибхааваабхааво зваад̇и аяамзд̇зсам̣ висзсод̇и.
Yaṃ pana ‘‘dhammāyatanaṃ asaṅkhataṃ khandhato ṭhapetvā catūhi khandhehi saṅgahita’’nti (dhātu. 25), ‘‘cakkhāyatanañca sotāyatanañca ekena khandhena saṅgahita’’nti (dhātu. 26) ca vuttaṃ, na tena ekadesānaṃ samudāyasaṅgāhakattaṃ, samudāyassa ca ekadesasaṅgāhakattaṃ dasseti, catukkhandhagaṇanabhedehi pana dhammāyatanassa gaṇetabbāgaṇetabbabhāvena pañcadhā bhinnataṃ, cakkhāyatanādīnaṃ ekakkhandhagaṇanena gaṇetabbatāya ekavidhatañca dasseti. Saṅgāhakāsaṅgāhakanirapekkhānaṃ gaṇetabbāgaṇetabbānaṃ taṃtaṃgaṇanehi gaṇanadassanamattameva hi paṭhamanayo kammakaraṇamattasabbhāvā, dutiyādayo pana saṅgāhakāsaṅgāhakehi saṅgahitāsaṅgahitānaṃ agaṇanādidassanāni kattukaraṇakammattayasabbhāvā . Tathā paṭhamanaye tathā tathā gaṇetabbāgaṇetabbabhāvasaṅkhāto taṃtaṃkhandhādibhāvābhāvo sabhāgavisabhāgatā , dutiyādīsu yathāniddhāritadhammadassane saṅgāhakasaṅgahetabbānaṃ samānakkhandhādibhāvo sabhāgatā, tadabhāvo ca visabhāgatā. Pucchāvissajjanesu taṃtaṃkhandhādibhāvābhāvo evāti ayametesaṃ visesoti.
самуд̣̇аяасажжасукинд̣̇рияасад̣̇исаани бана д̇зхи сан̇г̇ахзд̇аб̣б̣амзва ад̇т̇и, на сан̇г̇ахид̇ам̣ асан̇г̇ахзд̇аб̣б̣анд̇и асан̇г̇аахагад̇д̇аабхаавад̇о на уд̣̇д̇хадаани. д̣̇угкасажжасад̣̇исаани д̇зхи висабхааг̇асамуд̣̇ааяабхууд̇зхи анзгагканд̇хзхи канд̇хасан̇г̇ахзна сан̇г̇ахзд̇аб̣б̣ам̣, ид̇арзхи асан̇г̇ахзд̇аб̣б̣ан̃жа над̇т̇ийд̇и сан̇г̇аахагад̇д̇аасан̇г̇аахагад̇д̇аабхаавад̇о. звам̣ сан̇г̇аахагад̇д̇аабхаавад̇о асан̇г̇аахагад̇д̇аабхаавад̇о убхаяаабхаавад̇о жа яат̇аавуд̇д̇асад̣̇исаани ануд̣̇д̇харид̇ваа сан̇г̇аахагад̇д̇аасан̇г̇аахагад̇д̇абхаавад̇о жагкааяад̇анаад̣̇ийнзва уд̣̇д̇хадаанийд̇и взд̣̇ид̇аб̣б̣аани. д̇ад̇т̇а ‘‘жагкааяад̇анзна яз д̇хаммаа канд̇хасан̇г̇ахзна сан̇г̇ахид̇аа’’д̇и жагкааяад̇анаваж̇ж̇аа руубад̇хаммаа канд̇хасан̇г̇ахзна сан̇г̇ахид̇аад̇и взд̣̇ид̇аб̣б̣аа, на руубагканд̇ход̇и. на хи згад̣̇зсо самуд̣̇ааяасан̇г̇аахагод̇и д̣̇ассид̇амзд̇анд̇и.
Samudayasaccasukhindriyasadisāni pana tehi saṅgahetabbameva atthi, na saṅgahitaṃ asaṅgahetabbanti asaṅgāhakattābhāvato na uddhaṭāni. Dukkhasaccasadisāni tehi visabhāgasamudāyabhūtehi anekakkhandhehi khandhasaṅgahena saṅgahetabbaṃ, itarehi asaṅgahetabbañca natthīti saṅgāhakattāsaṅgāhakattābhāvato. Evaṃ saṅgāhakattābhāvato asaṅgāhakattābhāvato ubhayābhāvato ca yathāvuttasadisāni anuddharitvā saṅgāhakattāsaṅgāhakattabhāvato cakkhāyatanādīneva uddhaṭānīti veditabbāni. Tattha ‘‘cakkhāyatanena ye dhammā khandhasaṅgahena saṅgahitā’’ti cakkhāyatanavajjā rūpadhammā khandhasaṅgahena saṅgahitāti veditabbā, na rūpakkhandhoti. Na hi ekadeso samudāyasaṅgāhakoti dassitametanti.
адтагат̇ааяам̣ бана канд̇хабад̣̇знаад̇и канд̇хабад̣̇асан̇г̇ахзнаад̇и ад̇т̇о, на сан̇г̇аахагзнаад̇и. ‘‘гзнажи сан̇г̇аахагзнаа’’д̇и ид̣̇ам̣ бана аанзд̇ваа вад̇д̇аб̣б̣ам̣. д̇ам̣ бана руубагканд̇хаад̣̇ийсу на яуж̇ж̇ад̇ийд̇и д̇ам̣ виссаж̇ж̇анам̣ руубагканд̇хаад̣̇ийсу сан̇г̇аахагзсу на яуж̇ж̇ад̇ийд̇и ад̇т̇о. руубагканд̇хзна хи…бз… сан̇г̇ахид̇од̇и зд̇зна наязна жагкааяад̇анзна руубагканд̇хова сан̇г̇ахид̇о, со жа ад̣дхзгаад̣̇асахи ааяад̇анад̇хаад̇уухи асан̇г̇ахид̇о наама над̇т̇ийд̇и звам̣ жагкааяад̇анаад̣̇ийниби на г̇ахзд̇аб̣б̣аанийд̇и аабаж̇ж̇ад̇ийд̇и жз? наабаж̇ж̇ад̇и. на хи ан̃н̃амад̇д̇анивааран̣ам̣ звасад̣̇д̣̇асса ад̇т̇о, ат̇а ко сан̇г̇аахагад̇о ан̃н̃анивааран̣ам̣. со жаад̇иаад̣̇и жа на нирабзгкаважанам̣, ат̇а ко сан̇г̇аахагаабзгканд̇и. гат̇ам̣? руубагканд̇хзна хи руубагканд̇хова сан̇г̇ахид̇од̇и яат̇аа жагкааяад̇анзна жагкааяад̇анад̇о ан̃н̃амби канд̇хасан̇г̇ахзна сан̇г̇ахид̇ам̣ ад̇т̇и, яам̣ ааяад̇анад̇хаад̇усан̇г̇ахзхи асан̇г̇ахид̇ам̣ ход̇и, на звам̣ руубагканд̇хзна руубагканд̇хад̇о ан̃н̃ам̣ канд̇хасан̇г̇ахзна сан̇г̇ахид̇ам̣ ад̇т̇и, яам̣ ааяад̇анад̇хаад̇усан̇г̇ахзхи асан̇г̇ахид̇ам̣ сияаа, руубагканд̇хзна бана руубагканд̇хова канд̇хасан̇г̇ахзна сан̇г̇ахид̇од̇и аяан̃хзд̇т̇а ад̇хиббааяо яуд̇д̇о. сияаа банзд̇ам̣ ‘‘со зва руубагканд̇хо руубагканд̇хзна ааяад̇анад̇хаад̇усан̇г̇ахзхи асан̇г̇ахид̇о ход̇уу’’д̇и, д̇ам̣ ниваарзнд̇о ааха ‘‘со жа ад̣дхзгаад̣̇асахи ааяад̇анад̇хаад̇уухи асан̇г̇ахид̇о наама над̇т̇ий’’д̇и . зд̇т̇а жа ‘‘руубагканд̇хзнаа’’д̇и аанзд̇ваа вад̇д̇аб̣б̣ам̣. д̇ад̇т̇а руубагканд̇хо руубагканд̇хасса ваа д̇ад̣̇згад̣̇зсаанам̣ ваа жагкаад̣̇ийнам̣ ааяад̇анад̇хаад̇усан̇г̇ахзхи сан̇г̇аахаго асан̇г̇аахаго жа на ход̇ийд̇и иминаа барияааязна асан̇г̇ахид̇ад̇ааяа абхааво вуд̇д̇од̇и яуж̇ж̇ад̇и, на руубагканд̇хзна руубагканд̇хасса д̇ад̣̇згад̣̇зсаанам̣ ваа ад̣дхзгаад̣̇асахи ааяад̇анад̇хаад̇усан̇г̇ахзхи сан̇г̇ахид̇ад̇ааяа. на хи саа сан̇г̇ахид̇ад̇аа ад̇т̇и. яад̣̇и сияаа, сан̇г̇ахид̇знасамбаяуд̇д̇авиббаяуд̇д̇абад̣̇анид̣̇д̣̇зсз руубагканд̇хоби уд̣̇д̇харид̇аб̣б̣о сияаа. д̇зна хи д̇ийхиби сан̇г̇ахзхи руубагканд̇хо д̇ад̣̇згад̣̇зсо ваа сан̇г̇ахид̇аа сияум̣, ад̇т̇и жа д̇зсам̣ виббаяуд̇д̇ад̇аад̇и.
Aṭṭhakathāyaṃ pana khandhapadenāti khandhapadasaṅgahenāti attho, na saṅgāhakenāti. ‘‘Kenaci saṅgāhakenā’’ti idaṃ pana ānetvā vattabbaṃ. Taṃ pana rūpakkhandhādīsu na yujjatīti taṃ vissajjanaṃ rūpakkhandhādīsu saṅgāhakesu na yujjatīti attho. Rūpakkhandhena hi…pe… saṅgahitoti etena nayena cakkhāyatanena rūpakkhandhova saṅgahito, so ca aḍḍhekādasahi āyatanadhātūhi asaṅgahito nāma natthīti evaṃ cakkhāyatanādīnipi na gahetabbānīti āpajjatīti ce? Nāpajjati. Na hi aññamattanivāraṇaṃ evasaddassa attho, atha kho saṅgāhakato aññanivāraṇaṃ. So cātiādi ca na nirapekkhavacanaṃ, atha kho saṅgāhakāpekkhanti. Kathaṃ? Rūpakkhandhena hi rūpakkhandhova saṅgahitoti yathā cakkhāyatanena cakkhāyatanato aññampi khandhasaṅgahena saṅgahitaṃ atthi, yaṃ āyatanadhātusaṅgahehi asaṅgahitaṃ hoti, na evaṃ rūpakkhandhena rūpakkhandhato aññaṃ khandhasaṅgahena saṅgahitaṃ atthi, yaṃ āyatanadhātusaṅgahehi asaṅgahitaṃ siyā, rūpakkhandhena pana rūpakkhandhova khandhasaṅgahena saṅgahitoti ayañhettha adhippāyo yutto. Siyā panetaṃ ‘‘so eva rūpakkhandho rūpakkhandhena āyatanadhātusaṅgahehi asaṅgahito hotū’’ti, taṃ nivārento āha ‘‘so ca aḍḍhekādasahi āyatanadhātūhi asaṅgahito nāma natthī’’ti . Ettha ca ‘‘rūpakkhandhenā’’ti ānetvā vattabbaṃ. Tattha rūpakkhandho rūpakkhandhassa vā tadekadesānaṃ vā cakkhādīnaṃ āyatanadhātusaṅgahehi saṅgāhako asaṅgāhako ca na hotīti iminā pariyāyena asaṅgahitatāya abhāvo vuttoti yujjati, na rūpakkhandhena rūpakkhandhassa tadekadesānaṃ vā aḍḍhekādasahi āyatanadhātusaṅgahehi saṅgahitatāya. Na hi sā saṅgahitatā atthi. Yadi siyā, saṅgahitenasampayuttavippayuttapadaniddese rūpakkhandhopi uddharitabbo siyā. Tena hi tīhipi saṅgahehi rūpakkhandho tadekadeso vā saṅgahitā siyuṃ, atthi ca tesaṃ vippayuttatāti.
звам̣ асан̇г̇ахид̇ад̇ааяа абхаавад̇о зд̇аани, ан̃н̃аани жаад̇и зд̇т̇ааби жагкааяад̇анаад̣̇ийхи вияа зд̇зхи ан̃н̃зхи жа сан̇г̇ахид̇аанам̣ асан̇г̇ахид̇ад̇ааяа абхаавад̇о зд̇аани ан̃н̃аани жа яат̇аа ваа д̇ат̇аа ваа зд̇аани вияа аяуж̇ж̇амаанависсаж̇ж̇анад̇д̇аа зваруубаани бад̣̇аани сан̇г̇аахагабхаавзна на г̇ахид̇аанийд̇и ад̇хиббааяо.
Evaṃ asaṅgahitatāya abhāvato etāni, aññāni cāti etthāpi cakkhāyatanādīhi viya etehi aññehi ca saṅgahitānaṃ asaṅgahitatāya abhāvato etāni aññāni ca yathā vā tathā vā etāni viya ayujjamānavissajjanattā evarūpāni padāni saṅgāhakabhāvena na gahitānīti adhippāyo.
д̇ад̇т̇а яам̣ вуд̇д̇ам̣ ‘‘руубагканд̇хзна хи руубагканд̇хова сан̇г̇ахид̇о’’д̇и, д̇ам̣ д̇знзва д̇асса сан̇г̇ахид̇ад̇д̇аасан̇г̇ахид̇ад̇д̇аабхаавад̣̇ассанзна ниваарид̇ам̣. яан̃хзд̇т̇а аг̇г̇ахан̣з гааран̣ам̣ вуд̇д̇ам̣, д̇ан̃жа сад̇иби сан̇г̇ахид̇ад̇д̇з асан̇г̇ахид̇ад̇ааяа абхаавад̇од̇и вин̃н̃ааяамаанам̣ самуд̣̇аяасажжаад̣̇ийсу яуж̇ж̇зяяа сад̇и д̇зхи сан̇г̇ахид̇з д̇ад̣̇асан̇г̇ахид̇ад̇д̇аабхаавад̇о. руубагканд̇хаад̣̇ийхи бана сан̇г̇ахид̇амзва над̇т̇и, гуд̇о д̇асса асан̇г̇ахид̇ад̇аа бхависсад̇и, д̇асмаа сан̇г̇аахагад̇д̇аабхааво звзд̇т̇а аг̇г̇ахан̣з гааран̣анд̇и яуд̇д̇ам̣. сан̇г̇ахид̇ад̇д̇аабхаавзна асан̇г̇ахид̇ад̇д̇ам̣ яад̣̇иби руубагканд̇хаад̣̇инаа ад̇д̇ано ад̇д̇ани анд̇ог̇ад̇хасса ад̇д̇згад̣̇зсасабхааг̇асса жа над̇т̇и, ан̃н̃асса бана ад̇т̇ийд̇и на д̣̇угкасажжаад̣̇ийсу вияа убхаяаабхааво жзд̇т̇а аг̇г̇ахан̣з гааран̣ам̣ бхавид̇ум̣ яуд̇д̇од̇и. д̇хаммааяад̇анаж̇ийвид̇инд̣̇рияаад̣̇ийнан̃жа канд̇хажад̇уггад̣̇угаад̣̇исан̇г̇аахагад̇д̇з сад̇и на д̇зсам̣ сан̇г̇ахид̇аанам̣ д̇зхи д̇хаммааяад̇анаж̇ийвид̇инд̣̇рияаад̣̇ийхи ааяад̇анад̇хаад̇усан̇г̇ахзхи асан̇г̇ахид̇ад̇аа над̇т̇ийд̇и асан̇г̇ахид̇ад̇ааяа абхааво анзганд̇иго, д̇асмаа буб̣б̣з вуд̇д̇анаязнзва аг̇г̇ахид̇аанам̣ аг̇г̇ахан̣з, г̇ахид̇аанан̃жа г̇ахан̣з гааран̣ам̣ взд̣̇ид̇аб̣б̣анд̇и.
Tattha yaṃ vuttaṃ ‘‘rūpakkhandhena hi rūpakkhandhova saṅgahito’’ti, taṃ teneva tassa saṅgahitattāsaṅgahitattābhāvadassanena nivāritaṃ. Yañhettha aggahaṇe kāraṇaṃ vuttaṃ, tañca satipi saṅgahitatte asaṅgahitatāya abhāvatoti viññāyamānaṃ samudayasaccādīsu yujjeyya sati tehi saṅgahite tadasaṅgahitattābhāvato. Rūpakkhandhādīhi pana saṅgahitameva natthi, kuto tassa asaṅgahitatā bhavissati, tasmā saṅgāhakattābhāvo evettha aggahaṇe kāraṇanti yuttaṃ. Saṅgahitattābhāvena asaṅgahitattaṃ yadipi rūpakkhandhādinā attano attani antogadhassa attekadesasabhāgassa ca natthi, aññassa pana atthīti na dukkhasaccādīsu viya ubhayābhāvo cettha aggahaṇe kāraṇaṃ bhavituṃ yuttoti. Dhammāyatanajīvitindriyādīnañca khandhacatukkadukādisaṅgāhakatte sati na tesaṃ saṅgahitānaṃ tehi dhammāyatanajīvitindriyādīhi āyatanadhātusaṅgahehi asaṅgahitatā natthīti asaṅgahitatāya abhāvo anekantiko, tasmā pubbe vuttanayeneva aggahitānaṃ aggahaṇe, gahitānañca gahaṇe kāraṇaṃ veditabbanti.
анид̣̇ассанам̣ бунад̣̇зва саббадигханд̇и зд̇т̇а анид̣̇ассананд̇и зд̇зна ‘‘санид̣̇ассанасаббадигха’’нд̇и зд̇т̇а вуд̇д̇зна саббадигхасад̣̇д̣̇зна сад̣̇д̇хим̣ яож̇зд̇ваа анид̣̇ассанасаббадигхаа д̣̇ассид̇аа. бунад̣̇зваад̇и зд̇зна д̇ад̇т̇зва ависидтам̣ санид̣̇ассанабад̣̇ам̣ нивад̇д̇зд̇ваа г̇ан̣ханд̇о санид̣̇ассанад̣̇угабад̣̇ам̣ д̣̇ассзд̇и. ‘‘жагкааяад̇анзна жагкааяад̇анамзвзгам̣ сан̇г̇ахид̇а’’нд̇и ид̣̇ам̣ на саггаа вад̇д̇ум̣. на хи ‘‘жагкааяад̇анзна жагкааяад̇анам̣ ааяад̇анасан̇г̇ахзна сан̇г̇ахид̇а’’нд̇и жа ‘‘асан̇г̇ахид̇а’’нд̇и жа вад̇д̇аб̣б̣анд̇и д̣̇ассид̇ояам̣ наяод̇и. звам̣ саб̣б̣ад̇т̇а д̇ассзва самуд̣̇ааязгад̣̇зсаанан̃жа сан̇г̇аахагасан̇г̇ахид̇анд̇и важанзсу асан̇г̇аахагаасан̇г̇ахид̇анд̇и важанзсу жа д̇ад̣̇авад̇д̇аб̣б̣ад̇аа яож̇зд̇аб̣б̣аа. асан̇г̇аахагад̇д̇аабхаавад̇о зва хи жагкааяад̇анаад̣̇ийни жагкааяад̇анаад̣̇ийхи асан̇г̇ахид̇аанийд̇и на вужжанд̇и, на сан̇г̇аахагад̇д̇аабхаавад̇од̇и.
Anidassanaṃ punadeva sappaṭighanti ettha anidassananti etena ‘‘sanidassanasappaṭigha’’nti ettha vuttena sappaṭighasaddena saddhiṃ yojetvā anidassanasappaṭighā dassitā. Punadevāti etena tattheva avisiṭṭhaṃ sanidassanapadaṃ nivattetvā gaṇhanto sanidassanadukapadaṃ dasseti. ‘‘Cakkhāyatanena cakkhāyatanamevekaṃ saṅgahita’’nti idaṃ na sakkā vattuṃ. Na hi ‘‘cakkhāyatanena cakkhāyatanaṃ āyatanasaṅgahena saṅgahita’’nti ca ‘‘asaṅgahita’’nti ca vattabbanti dassitoyaṃ nayoti. Evaṃ sabbattha tasseva samudāyekadesānañca saṅgāhakasaṅgahitanti vacanesu asaṅgāhakaasaṅgahitanti vacanesu ca tadavattabbatā yojetabbā. Asaṅgāhakattābhāvato eva hi cakkhāyatanādīni cakkhāyatanādīhi asaṅgahitānīti na vuccanti, na saṅgāhakattābhāvatoti.
д̣̇уд̇ияанаяасан̇г̇ахид̇знаасан̇г̇ахид̇абад̣̇аван̣н̣анаа нидтид̇аа.
Dutiyanayasaṅgahitenaasaṅgahitapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 2. сан̇г̇ахид̇знаасан̇г̇ахид̇абад̣̇анид̣̇д̣̇зсо • 2. Saṅgahitenaasaṅgahitapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа • 2. Dutiyanayo saṅgahitenaasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа • 2. Dutiyanayo saṅgahitenaasaṅgahitapadavaṇṇanā
