| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа
2. Dutiyanayo saṅgahitenaasaṅgahitapadavaṇṇanā
171. ‘‘сан̇г̇ахид̇зна асан̇г̇ахид̇а’’нд̇и зд̇т̇а сан̇г̇ахид̇аасан̇г̇ахид̇асад̣̇д̣̇аа бхиннаад̇хигаран̣аа на г̇ахзд̇аб̣б̣аа висзсанависзсид̇аб̣б̣ад̇ааяа ижчид̇ад̇д̇аа. яо хи д̇хаммо сан̇г̇ахид̇ад̇аависзсависидто асан̇г̇ахид̇о хздтаа уд̣̇д̣̇идто, свзва ид̇ха асан̇г̇ахид̇абхаавзна бужчид̇ваа виссаж̇ж̇ийяад̇ийд̇и д̣̇ассзнд̇о ‘‘яам̣ д̇ам̣…бз… д̇ад̣̇зва д̣̇ассзнд̇о’’д̇и ааха. яз хи д̇хаммаа жагкааяад̇анзна канд̇хасан̇г̇ахзна сан̇г̇ахид̇аа, ааяад̇анад̇хаад̇усан̇г̇ахзна жа асан̇г̇ахид̇аа, д̇зсам̣язва буна канд̇хаад̣̇ийхи асан̇г̇ахо бужчид̇ваа виссаж̇ж̇ид̇о. д̇зна вуд̇д̇ам̣ ‘‘жагкааяад̇анзна…бз… аахаа’’д̇и. саб̣б̣ад̇т̇аад̇и саб̣б̣зсу наязсу ваарзсу жа. канд̇хаад̣̇исан̇г̇ахасааман̃н̃аананд̇и ‘‘канд̇хасан̇г̇ахзнаа’’д̇иаад̣̇инаа ависзсзна вуд̇д̇аанам̣ канд̇хаад̣̇исан̇г̇ахаанам̣. ‘‘сааман̃н̃аж̇од̇анаа висзсз авад̇идтад̇ий’’д̇и ааха ‘‘нижжам̣ висзсаабзгкад̇д̇аа’’д̇и. висзсааваб̣од̇ханад̇т̇аани бан̃хаб̣яаагаран̣аанийд̇и вуд̇д̇ам̣ ‘‘бхзд̣̇аниссид̇ад̇д̇аа жа бужчаависсаж̇ж̇анаана’’нд̇и. сависзсаава канд̇хаад̣̇иг̇ан̣анаад̇и ‘‘канд̇хасан̇г̇ахзнаа’’д̇иаад̣̇инаа ависзсзна вуд̇д̇ааби руубагканд̇хаад̣̇инаа сависзсаава канд̇хаад̣̇иг̇ан̣анаа, канд̇хаад̣̇инаа сан̇г̇аход̇и ад̇т̇о. суд̣̇д̇хаад̇и гзвалаа анавасзсаа, сааман̃н̃абхууд̇аад̇и вуд̇д̇ам̣ ход̇и.
171. ‘‘Saṅgahitena asaṅgahita’’nti ettha saṅgahitāsaṅgahitasaddā bhinnādhikaraṇā na gahetabbā visesanavisesitabbatāya icchitattā. Yo hi dhammo saṅgahitatāvisesavisiṭṭho asaṅgahito heṭṭhā uddiṭṭho, sveva idha asaṅgahitabhāvena pucchitvā vissajjīyatīti dassento ‘‘yaṃ taṃ…pe… tadeva dassento’’ti āha. Ye hi dhammā cakkhāyatanena khandhasaṅgahena saṅgahitā, āyatanadhātusaṅgahena ca asaṅgahitā, tesaṃyeva puna khandhādīhi asaṅgaho pucchitvā vissajjito. Tena vuttaṃ ‘‘cakkhāyatanena…pe… āhā’’ti. Sabbatthāti sabbesu nayesu vāresu ca. Khandhādisaṅgahasāmaññānanti ‘‘khandhasaṅgahenā’’tiādinā avisesena vuttānaṃ khandhādisaṅgahānaṃ. ‘‘Sāmaññajotanā visese avatiṭṭhatī’’ti āha ‘‘niccaṃ visesāpekkhattā’’ti. Visesāvabodhanatthāni pañhabyākaraṇānīti vuttaṃ ‘‘bhedanissitattā ca pucchāvissajjanāna’’nti. Savisesāva khandhādigaṇanāti ‘‘khandhasaṅgahenā’’tiādinā avisesena vuttāpi rūpakkhandhādinā savisesāva khandhādigaṇanā, khandhādinā saṅgahoti attho. Suddhāti kevalā anavasesā, sāmaññabhūtāti vuttaṃ hoti.
д̇ад̇т̇аад̇и яат̇аад̇хигад̇з д̣̇уд̇ияанаяз. сааман̃н̃аж̇од̇анааяа висзсанид̣̇д̣̇идтад̇д̇аа ааха ‘‘сан̇г̇ахи…бз… нид̣̇д̇хаарид̇ад̇д̇аа’’д̇и. д̇ийсу сан̇г̇ахзсууд̇и канд̇хаад̣̇исан̇г̇ахзсу д̇ийсу. ан̃н̃зхийд̇и вуд̇д̇аавасзсзхи д̣̇вийхи згзна ваа. зд̇д̇агзнзва д̣̇ассзд̇аб̣б̣аа сияум̣ д̇аавад̇ааби сан̇г̇ахид̇зна асан̇г̇ахид̇абхаавасса багаасид̇ад̇д̇аа. д̇зсанд̇и сан̇г̇ахид̇знаасан̇г̇ахид̇абхаавзна вуд̇д̇ад̇хаммаанам̣. звам̣вид̇хаананд̇и ‘‘жагкааяад̇анам̣ сод̇ааяад̇ана’’нд̇иаад̣̇инаа анид̣̇д̇хаарид̇ависзсаанам̣. асамбхаваад̇и вуд̇д̇аббагаарзна нид̣̇д̣̇исид̇ум̣ асамбхаваа. сан̇г̇ахаад̣̇инаяад̣̇ассанамад̇д̇ам̣ наяамаад̇игааяа б̣яаабааро, яад̇т̇а бана сан̇г̇ахаад̣̇аяо, д̇з канд̇хаад̣̇аяо гусалаад̣̇аяо жа д̇зсам̣ висаяабхууд̇аад̇и д̇зхи винаа сан̇г̇ахаад̣̇ийнам̣ бавад̇д̇и над̇т̇и. д̇знааха ‘‘наяамаад̇игааяа аб̣бханд̇араб̣аахирамаад̇игаабзгкад̇д̇аа’’д̇и. сан̇г̇аахагам̣ асан̇г̇аахаган̃жаад̇и вад̇д̇аб̣б̣ам̣. яо хи ид̇ха сан̇г̇аахагабхаавзна вуд̇д̇о д̇хаммо асан̇г̇аахагабхаавзнаби вуд̇д̇оязваад̇и.
Tatthāti yathādhikate dutiyanaye. Sāmaññajotanāya visesaniddiṭṭhattā āha ‘‘saṅgahi…pe… niddhāritattā’’ti. Tīsu saṅgahesūti khandhādisaṅgahesu tīsu. Aññehīti vuttāvasesehi dvīhi ekena vā. Ettakeneva dassetabbā siyuṃ tāvatāpi saṅgahitena asaṅgahitabhāvassa pakāsitattā. Tesanti saṅgahitenaasaṅgahitabhāvena vuttadhammānaṃ. Evaṃvidhānanti ‘‘cakkhāyatanaṃ sotāyatana’’ntiādinā aniddhāritavisesānaṃ. Asambhavāti vuttappakārena niddisituṃ asambhavā. Saṅgahādinayadassanamattaṃ nayamātikāya byāpāro, yattha pana saṅgahādayo, te khandhādayo kusalādayo ca tesaṃ visayabhūtāti tehi vinā saṅgahādīnaṃ pavatti natthi. Tenāha ‘‘nayamātikāya abbhantarabāhiramātikāpekkhattā’’ti. Saṅgāhakaṃ asaṅgāhakañcāti vattabbaṃ. Yo hi idha saṅgāhakabhāvena vutto dhammo asaṅgāhakabhāvenapi vuttoyevāti.
‘‘яз д̇хаммаа канд̇хасан̇г̇ахзна сан̇г̇ахид̇аа, ааяад̇анад̇хаад̇усан̇г̇ахзна асан̇г̇ахид̇аа’’д̇и, ‘‘яз д̇хаммаа канд̇хасан̇г̇ахзна асан̇г̇ахид̇аа, ааяад̇анад̇хаад̇усан̇г̇ахзна сан̇г̇ахид̇аа’’д̇и жа яад̇т̇а бужчид̇аб̣б̣ависсаж̇ж̇ид̇аб̣б̣ад̇хаммависзсанид̣̇д̇хааран̣ам̣ над̇т̇и, д̇ад̇т̇а батаманаяз чадтанаяз жа ‘‘руубагканд̇хо гад̇ихи канд̇хзхи сан̇г̇ахид̇о? згзна канд̇хзнаа’’д̇и (д̇хаад̇у. 6), ‘‘руубагканд̇хо гад̇ихи канд̇хзхи самбаяуд̇д̇од̇и? над̇т̇и. жад̇уухи канд̇хзхи виббаяуд̇д̇о’’д̇и (д̇хаад̇у. 228) жа звам̣ бужчид̇аб̣б̣ависсаж̇ж̇ид̇аб̣б̣абхаавзна. ид̇арзсууд̇и д̣̇уд̇ияаад̣̇инаязсу. д̇асса д̇ассаад̇и яам̣ бужчид̇аб̣б̣ам̣ виссаж̇ж̇ид̇аб̣б̣ан̃жа ‘‘яз д̇хаммаа’’д̇и анияамид̇аруубзна нид̣̇д̇хаарид̇ам̣, д̇асса д̇асса ‘‘д̇з д̇хаммаа’’д̇и нияаамагабхаавзна.
‘‘Ye dhammā khandhasaṅgahena saṅgahitā, āyatanadhātusaṅgahena asaṅgahitā’’ti, ‘‘ye dhammā khandhasaṅgahena asaṅgahitā, āyatanadhātusaṅgahena saṅgahitā’’ti ca yattha pucchitabbavissajjitabbadhammavisesaniddhāraṇaṃ natthi, tattha paṭhamanaye chaṭṭhanaye ca ‘‘rūpakkhandho katihi khandhehi saṅgahito? Ekena khandhenā’’ti (dhātu. 6), ‘‘rūpakkhandho katihi khandhehi sampayuttoti? Natthi. Catūhi khandhehi vippayutto’’ti (dhātu. 228) ca evaṃ pucchitabbavissajjitabbabhāvena. Itaresūti dutiyādinayesu. Tassa tassāti yaṃ pucchitabbaṃ vissajjitabbañca ‘‘ye dhammā’’ti aniyamitarūpena niddhāritaṃ, tassa tassa ‘‘te dhammā’’ti niyāmakabhāvena.
зд̇т̇аад̇и зд̇асмим̣ багаран̣з. язна язна жагкааяад̇анаад̣̇инаа сан̇г̇аахагзна. канд̇хаад̣̇исан̇г̇ахзсууд̇и канд̇хааяад̇анад̇хаад̇усан̇г̇ахзсу. д̇зна д̇знаад̇и канд̇хаад̣̇исан̇г̇ахзна. ан̃н̃анд̇и д̇ад̇о д̇ад̇о сан̇г̇аахагад̇о ан̃н̃ам̣. д̇аб̣б̣инимуд̇д̇ам̣ сан̇г̇ахзд̇аб̣б̣аасан̇г̇ахзд̇аб̣б̣ам̣ яам̣ д̇хаммаж̇аад̇ам̣ ад̇т̇и, д̇ам̣ д̇ад̣̇зва ‘‘жагкааяад̇анзна яз д̇хаммаа канд̇хасан̇г̇ахзна сан̇г̇ахид̇аа, ааяад̇анад̇хаад̇усан̇г̇ахзна асан̇г̇ахид̇аа’’д̇и сан̇г̇аахагаасан̇г̇аахагабхаавзна уд̣̇д̇хадам̣. ан̃н̃о д̇хаммо над̇т̇и д̇асса сабхааг̇абхаавзна сан̇г̇аахагассзва абхаавад̇о. сияаа банзд̇ам̣ сабхааг̇зна згад̣̇зсзна сан̇г̇аход̇и, д̇ам̣ бадигкибанд̇о ааха ‘‘на жа со…бз… ход̇ий’’д̇и. яан̃жаад̇иаад̣̇инаа важананд̇арам̣ барихарад̇и.
Etthāti etasmiṃ pakaraṇe. Yena yena cakkhāyatanādinā saṅgāhakena. Khandhādisaṅgahesūti khandhāyatanadhātusaṅgahesu. Tena tenāti khandhādisaṅgahena. Aññanti tato tato saṅgāhakato aññaṃ. Tabbinimuttaṃ saṅgahetabbāsaṅgahetabbaṃ yaṃ dhammajātaṃ atthi, taṃ tadeva ‘‘cakkhāyatanena ye dhammā khandhasaṅgahena saṅgahitā, āyatanadhātusaṅgahena asaṅgahitā’’ti saṅgāhakāsaṅgāhakabhāvena uddhaṭaṃ. Añño dhammo natthi tassa sabhāgabhāvena saṅgāhakasseva abhāvato. Siyā panetaṃ sabhāgena ekadesena saṅgahoti, taṃ paṭikkhipanto āha ‘‘na ca so…pe… hotī’’ti. Yañcātiādinā vacanantaraṃ pariharati.
яад̣̇и жаад̇иаад̣̇инааби д̇ассзва д̇зна сан̇г̇ахаабхаавам̣ баатаабхаавад̣̇ассанзна вибхаавзд̇и. д̇ад̇т̇а со зваад̇и яо руубаад̣̇игканд̇хо сан̇г̇аахагабхаавзна вуд̇д̇о, со зва д̇зна руубаад̣̇игканд̇хзна сан̇г̇аяхзяяа сан̇г̇ахзд̇аб̣б̣о бхавзяяа, д̇знзва д̇асса сан̇г̇ахаабхаавз лагкан̣ам̣ д̣̇ассзнд̇о ааха ‘‘на хи со зва д̇асса сабхааг̇о висабхааг̇о жаа’’д̇и. згад̣̇зсаа вияа жагкааяад̇анаад̣̇аяо самуд̣̇ааяасса руубагканд̇хаад̣̇игасса. руубагканд̇хо жагкааяад̇анаад̣̇ийнам̣ на сан̇г̇аахаго асан̇г̇аахаго жа сабхааг̇ависабхааг̇абхааваабхаавад̇о. зса наяо сзсзсуби. самуд̣̇ааяанд̇ог̇ад̇хаананд̇иаад̣̇инаа вуд̇д̇амзвад̇т̇ам̣ баагадад̇арам̣ гарод̇и. д̇ад̇т̇а язнаад̇и вибхааг̇зна. д̇зд̇и згад̣̇зсаа. д̇зсанд̇и згад̣̇зсаанам̣. зд̇т̇а д̇ад̣̇анд̇ог̇ад̇хад̇ааяа вибхааг̇аабхааво, вибхааг̇аабхаавзна сабхааг̇ависабхааг̇ад̇аабхааво, д̇зна сан̇г̇аахагаасан̇г̇аахагад̇аабхааво д̣̇ассид̇од̇и взд̣̇ид̇аб̣б̣о.
Yadicātiādināpi tasseva tena saṅgahābhāvaṃ pāṭhābhāvadassanena vibhāveti. Tattha so evāti yo rūpādikkhandho saṅgāhakabhāvena vutto, so eva tena rūpādikkhandhena saṅgayheyya saṅgahetabbo bhaveyya, teneva tassa saṅgahābhāve lakkhaṇaṃ dassento āha ‘‘na hi so eva tassa sabhāgo visabhāgo cā’’ti. Ekadesā viya cakkhāyatanādayo samudāyassa rūpakkhandhādikassa. Rūpakkhandho cakkhāyatanādīnaṃ na saṅgāhako asaṅgāhako ca sabhāgavisabhāgabhāvābhāvato. Esa nayo sesesupi. Samudāyantogadhānantiādinā vuttamevatthaṃ pākaṭataraṃ karoti. Tattha yenāti vibhāgena. Teti ekadesā. Tesanti ekadesānaṃ. Ettha tadantogadhatāya vibhāgābhāvo, vibhāgābhāvena sabhāgavisabhāgatābhāvo, tena saṅgāhakāsaṅgāhakatābhāvo dassitoti veditabbo.
яат̇аа саб̣б̣зна саб̣б̣ам̣ сабхааг̇ависабхааг̇аабхаавзна згад̣̇зсаанам̣ самуд̣̇ааяо сан̇г̇аахаго асан̇г̇аахаго жа на ход̇и, звам̣ згад̣̇зсасабхааг̇ависабхааг̇аананд̇и д̣̇ассзнд̇о ‘‘д̇ат̇аа’’д̇иаад̣̇имааха. д̇ад̇т̇а яат̇аад̇иаад̣̇и уд̣̇аахаран̣ад̣̇ассанзна яат̇аавуд̇д̇асса ад̇т̇асса баагадагаран̣ам̣. канд̇хасан̇г̇ахзна сан̇г̇аахагам̣ асан̇г̇аахаган̃жаад̇и яож̇анаа. д̇ат̇аа сзсзсуби. на хи згад̣̇зса…бз… висабхааг̇ам̣ язна самуд̣̇ааяо сан̇г̇аахаго асан̇г̇аахаго жа сияаад̇и ад̇хиббааяо. зд̇т̇а жа сан̇г̇аахагад̇д̇ам̣ д̇аава маа ход̇у, асан̇г̇аахагад̇д̇ам̣ бана гасмаа бадигкибийяад̇ийд̇и жод̣̇анам̣ манаси гад̇ваа ааха ‘‘д̇асмаа’’д̇иаад̣̇и. д̇ад̇т̇а д̇асмаад̇и вуд̇д̇амзвад̇т̇ам̣ хзд̇убхаавзна бараамасад̇и. ад̇д̇ад̇о ан̃н̃асса, ад̇д̇ани анд̇ог̇ад̇хад̇о ан̃н̃асса, ад̇д̇згад̣̇зсасабхааг̇ад̇о ан̃н̃асса сад̇иби асан̇г̇аахагад̇д̇зд̇и яож̇анаа. д̇ам̣ банзд̇ам̣ ‘‘руубагканд̇хо руубагканд̇хзна сан̇г̇ахид̇о асан̇г̇ахид̇о жа на ход̇ий’’д̇иаад̣̇инаа вуд̇д̇з д̇аяо багаарз санд̇хааяа вуд̇д̇ам̣. сан̇г̇аахагад̇д̇амзва зд̇зсам̣ над̇т̇ийд̇и зд̇зсам̣ ад̇д̇аа, ад̇д̇ани анд̇ог̇ад̇хо, ад̇д̇згад̣̇зсасабхааг̇о жаад̇и вуд̇д̇аанам̣ сан̇г̇аахагабхааво зва над̇т̇и сабхааг̇аабхаавад̇о. д̇зна вуд̇д̇ам̣ ‘‘на хи со зва д̇асса сабхааг̇о’’д̇иаад̣̇и. язнаад̇и сан̇г̇аахагад̇д̇зна. зваруубаананд̇и яат̇аавуд̇д̇аанам̣ д̇иббагаараанам̣ аг̇г̇ахан̣ам̣ взд̣̇ид̇аб̣б̣ам̣ сад̇иби висабхааг̇абхаавзд̇и ад̇хиббааяо.
Yathā sabbena sabbaṃ sabhāgavisabhāgābhāvena ekadesānaṃ samudāyo saṅgāhako asaṅgāhako ca na hoti, evaṃ ekadesasabhāgavisabhāgānanti dassento ‘‘tathā’’tiādimāha. Tattha yathātiādi udāharaṇadassanena yathāvuttassa atthassa pākaṭakaraṇaṃ. Khandhasaṅgahena saṅgāhakaṃ asaṅgāhakañcāti yojanā. Tathā sesesupi. Na hi ekadesa…pe… visabhāgaṃ yena samudāyo saṅgāhako asaṅgāhako ca siyāti adhippāyo. Ettha ca saṅgāhakattaṃ tāva mā hotu, asaṅgāhakattaṃ pana kasmā paṭikkhipīyatīti codanaṃ manasi katvā āha ‘‘tasmā’’tiādi. Tattha tasmāti vuttamevatthaṃ hetubhāvena parāmasati. Attato aññassa, attani antogadhato aññassa, attekadesasabhāgato aññassa satipi asaṅgāhakatteti yojanā. Taṃ panetaṃ ‘‘rūpakkhandho rūpakkhandhena saṅgahito asaṅgahito ca na hotī’’tiādinā vutte tayo pakāre sandhāya vuttaṃ. Saṅgāhakattameva etesaṃ natthīti etesaṃ attā, attani antogadho, attekadesasabhāgo cāti vuttānaṃ saṅgāhakabhāvo eva natthi sabhāgābhāvato. Tena vuttaṃ ‘‘na hi so eva tassa sabhāgo’’tiādi. Yenāti saṅgāhakattena. Evarūpānanti yathāvuttānaṃ tippakārānaṃ aggahaṇaṃ veditabbaṃ satipi visabhāgabhāveti adhippāyo.
д̇знаад̇и ‘‘д̇хаммааяад̇ана’’нд̇иаад̣̇инаа важанзна. згад̣̇зсасса взд̣̇анаагканд̇хаад̣̇игасса самуд̣̇ааяасса д̇хаммааяад̇анасса сан̇г̇аахагад̇д̇ам̣ згад̣̇зсзна самуд̣̇ааяасса сан̇г̇ахид̇абхааванд̇и ад̇т̇о, самуд̣̇ааяасса руубагканд̇хасса згад̣̇зсасса жагкааяад̇анасса сод̇ааяад̇анасса жа сан̇г̇аахагад̇д̇ам̣ самуд̣̇ааязна згад̣̇зсасса сан̇г̇ахид̇абхааванд̇и вуд̇д̇ам̣ ход̇и. яад̣̇и звам̣ на д̣̇ассзд̇и, ат̇а гим̣ д̣̇ассзд̇ийд̇и ааха ‘‘жад̇угканд̇хаг̇ан̣анабхзд̣̇зхий’’д̇иаад̣̇и. д̇ад̇т̇а жад̇угканд̇хаг̇ан̣анабхзд̣̇зхийд̇и руубаад̣̇ижад̇угканд̇хаг̇ан̣анавибхааг̇зхи . бан̃жад̇хаад̇и руубаад̣̇ижад̇угканд̇хасан̇г̇ахо вин̃н̃аан̣агканд̇хасан̇г̇аход̇и звам̣ бан̃жаббагаарзна бхиннад̇ам̣. д̇знааха ‘‘г̇ан̣зд̇аб̣б̣ааг̇ан̣зд̇аб̣б̣абхаавзнаа’’д̇и. ‘‘згзна канд̇хзнаа’’д̇иаад̣̇ийсу гаран̣ад̇т̇з гаран̣аважанам̣, на гад̇д̇уад̇т̇зд̇и гад̇ваа ааха ‘‘сан̇г̇аахагаасан̇г̇аахаганирабзгкаана’’нд̇и. д̇знзвааха ‘‘гаммагаран̣амад̇д̇асаб̣бхааваа’’д̇и. д̣̇уд̇ияаад̣̇аяо бана наяаа. аг̇ан̣анаад̣̇ид̣̇ассанаанийд̇и аг̇ан̣анаг̇ан̣анад̣̇ассанаани. нану жа д̣̇уд̇ияаад̣̇ийсу г̇ан̣анаад̣̇ийниби виж̇ж̇анд̇ийд̇и? сажжам̣ виж̇ж̇анд̇и, д̇аани бана висзсанабхууд̇аани аббад̇хаанаанийд̇и висзсид̇аб̣б̣абхууд̇аанам̣ бад̇хаанаанам̣ васзнзвам̣ вуд̇д̇ам̣. ‘‘жагкааяад̇анзна яз д̇хаммаа канд̇хасан̇г̇ахзна сан̇г̇ахид̇аа’’д̇иаад̣̇инаа гад̇д̇уаад̣̇аяо нид̣̇д̣̇идтаад̇и ааха ‘‘гад̇д̇угаран̣агаммад̇д̇аяасаб̣бхааваа’’д̇и.
Tenāti ‘‘dhammāyatana’’ntiādinā vacanena. Ekadesassa vedanākkhandhādikassa samudāyassa dhammāyatanassa saṅgāhakattaṃ ekadesena samudāyassa saṅgahitabhāvanti attho, samudāyassa rūpakkhandhassa ekadesassa cakkhāyatanassa sotāyatanassa ca saṅgāhakattaṃ samudāyena ekadesassa saṅgahitabhāvanti vuttaṃ hoti. Yadi evaṃ na dasseti, atha kiṃ dassetīti āha ‘‘catukkhandhagaṇanabhedehī’’tiādi. Tattha catukkhandhagaṇanabhedehīti rūpādicatukkhandhagaṇanavibhāgehi . Pañcadhāti rūpādicatukkhandhasaṅgaho viññāṇakkhandhasaṅgahoti evaṃ pañcappakārena bhinnataṃ. Tenāha ‘‘gaṇetabbāgaṇetabbabhāvenā’’ti. ‘‘Ekena khandhenā’’tiādīsu karaṇatthe karaṇavacanaṃ, na kattuattheti katvā āha ‘‘saṅgāhakāsaṅgāhakanirapekkhāna’’nti. Tenevāha ‘‘kammakaraṇamattasabbhāvā’’ti. Dutiyādayo pana nayā. Agaṇanādidassanānīti agaṇanagaṇanadassanāni. Nanu ca dutiyādīsu gaṇanādīnipi vijjantīti? Saccaṃ vijjanti, tāni pana visesanabhūtāni appadhānānīti visesitabbabhūtānaṃ padhānānaṃ vasenevaṃ vuttaṃ. ‘‘Cakkhāyatanena ye dhammā khandhasaṅgahena saṅgahitā’’tiādinā kattuādayo niddiṭṭhāti āha ‘‘kattukaraṇakammattayasabbhāvā’’ti.
д̇ат̇аа д̇ат̇аад̇и д̇зна д̇зна руубагканд̇хаад̣̇иббагаарзна. д̇ам̣д̇ам̣канд̇хаад̣̇ибхааваабхааво сабхааг̇ависабхааг̇ад̇аад̇и руубад̇хаммаад̣̇ийнам̣ руубагканд̇хаад̣̇ибхааво сабхааг̇ад̇аа, взд̣̇анаагканд̇хаад̣̇иабхааво висабхааг̇ад̇аад̇и ад̇т̇о. яат̇аанид̣̇д̇хаарид̇ад̇хаммад̣̇ассанзд̇и ‘‘яз д̇хаммаа, д̇з д̇хаммаа’’д̇и нид̣̇д̇хаарид̇аббагаарад̇хамманируубанз. сан̇г̇аахагасан̇г̇ахзд̇аб̣б̣аананд̇и жагкааяад̇анаад̣̇игасса сан̇г̇аахагасса сод̇ааяад̇анаад̣̇игасса жа сан̇г̇ахзд̇аб̣б̣асса. самаанагканд̇хаад̣̇ибхаавод̇и згагканд̇хаад̣̇ибхааво, руубагканд̇хаад̣̇ибхаавод̇и ад̇т̇о. д̇ад̣̇абхаавод̇и д̇асса самаанагканд̇хаад̣̇ибхаавасса абхааво ан̃н̃агканд̇хаад̣̇ибхааво. аяанд̇и явааяам̣ батаманаяз д̇ат̇аа д̇ат̇аа г̇ан̣зд̇аб̣б̣ааг̇ан̣зд̇аб̣б̣ад̇аасан̇каад̇о д̣̇уд̇ияаад̣̇инаязсу яат̇аавуд̇д̇аанам̣ самаанагканд̇хаад̣̇ибхааваабхаавасан̇каад̇о д̇ам̣д̇ам̣канд̇хаад̣̇ибхааваабхааво вуд̇д̇о, аяамзд̇зсам̣ д̣̇виббагаараанам̣ наяаанам̣ сабхааг̇ависабхааг̇ад̇аасу висзсо.
Tathā tathāti tena tena rūpakkhandhādippakārena. Taṃtaṃkhandhādibhāvābhāvo sabhāgavisabhāgatāti rūpadhammādīnaṃ rūpakkhandhādibhāvo sabhāgatā, vedanākkhandhādiabhāvo visabhāgatāti attho. Yathāniddhāritadhammadassaneti ‘‘ye dhammā, te dhammā’’ti niddhāritappakāradhammanirūpane. Saṅgāhakasaṅgahetabbānanti cakkhāyatanādikassa saṅgāhakassa sotāyatanādikassa ca saṅgahetabbassa. Samānakkhandhādibhāvoti ekakkhandhādibhāvo, rūpakkhandhādibhāvoti attho. Tadabhāvoti tassa samānakkhandhādibhāvassa abhāvo aññakkhandhādibhāvo. Ayanti yvāyaṃ paṭhamanaye tathā tathā gaṇetabbāgaṇetabbatāsaṅkhāto dutiyādinayesu yathāvuttānaṃ samānakkhandhādibhāvābhāvasaṅkhāto taṃtaṃkhandhādibhāvābhāvo vutto, ayametesaṃ dvippakārānaṃ nayānaṃ sabhāgavisabhāgatāsu viseso.
самуд̣̇аяасажжасукинд̣̇рияаад̣̇ийд̇и аад̣̇и-сад̣̇д̣̇зна маг̇г̇асажжад̣̇угкинд̣̇рияаад̣̇и сан̇г̇аяхад̇и. асан̇г̇аахагад̇д̇аабхаавад̇од̇и сан̇г̇ахид̇ад̇аависидтасса асан̇г̇аахагад̇д̇асса абхаавад̇о . на хи саггаа ‘‘самуд̣̇аяасажжзна яз д̇хаммаа канд̇хасан̇г̇ахзна сан̇г̇ахид̇аа, ааяад̇анад̇хаад̇усан̇г̇ахзна асан̇г̇ахид̇аа’’д̇иаад̣̇и вад̇д̇ум̣. д̣̇угкасажжасад̣̇исаани аб̣яаагад̇абад̣̇аад̣̇ийни. ид̇арзхийд̇и ааяад̇анад̇хаад̇усан̇г̇ахзхи сан̇г̇аахагад̇д̇аасан̇г̇аахагад̇д̇аабхаавад̇о на уд̣̇д̇хадаанийд̇и яож̇анаа. званд̇иаад̣̇и яат̇аавуд̇д̇асса ад̇т̇асса ниг̇аманавасзна вуд̇д̇ам̣. на руубагканд̇ход̇и на саб̣б̣о руубагканд̇хад̇хаммод̇и ад̇т̇о.
Samudayasaccasukhindriyādīti ādi-saddena maggasaccadukkhindriyādi saṅgayhati. Asaṅgāhakattābhāvatoti saṅgahitatāvisiṭṭhassa asaṅgāhakattassa abhāvato . Na hi sakkā ‘‘samudayasaccena ye dhammā khandhasaṅgahena saṅgahitā, āyatanadhātusaṅgahena asaṅgahitā’’tiādi vattuṃ. Dukkhasaccasadisāni abyākatapadādīni. Itarehīti āyatanadhātusaṅgahehi saṅgāhakattāsaṅgāhakattābhāvato na uddhaṭānīti yojanā. Evantiādi yathāvuttassa atthassa nigamanavasena vuttaṃ. Na rūpakkhandhoti na sabbo rūpakkhandhadhammoti attho.
‘‘канд̇хабад̣̇знаа’’д̇и ид̣̇ам̣ гаран̣ад̇т̇з гаран̣аважанам̣, на гад̇д̇уад̇т̇зд̇и ааха ‘‘канд̇хабад̣̇асан̇г̇ахзнаад̇и ад̇т̇о’’д̇и. д̇знзвасса гад̇д̇уад̇т̇ад̇ам̣ бадисзд̇хзд̇ум̣ ‘‘на сан̇г̇аахагзнаа’’д̇и вуд̇д̇ам̣. гаран̣ам̣ бана гад̇д̇урахид̇ам̣ над̇т̇ийд̇и ааха ‘‘гзнажи сан̇г̇аахагзнаад̇и ид̣̇ам̣ бана аанзд̇ваа вад̇д̇аб̣б̣а’’нд̇и. сан̇г̇аахагзсу на яуж̇ж̇ад̇и на сан̇г̇ахзд̇аб̣б̣зсууд̇и ад̇хиббааяо. руубагканд̇хад̇хаммаа хи ‘‘яз д̇хаммаа канд̇хасан̇г̇ахзна сан̇г̇ахид̇аа’’д̇и вуд̇д̇аад̇и. самуд̣̇ааяз вуд̇д̇авид̇хи д̇ад̣̇аваяавзби самбхавад̇ийд̇и жод̣̇анам̣ самудтаабзнд̇о ‘‘зд̇зна наязнаа’’д̇иаад̣̇имааха. бадияог̇ийнивад̇д̇анам̣ зва-сад̣̇д̣̇зна гарийяад̇ийд̇и ааха ‘‘на хи ан̃н̃амад̇д̇анивааран̣ам̣ зва-сад̣̇д̣̇асса ад̇т̇о’’д̇и. д̇знааха ‘‘сан̇г̇аахагад̇о ан̃н̃анивааран̣ам̣ зва-сад̣̇д̣̇асса ад̇т̇о’’д̇и. со жа…бз… бзгканд̇и иминаа д̇амзвад̇т̇ам̣ баагадад̇арам̣ гарод̇и. сан̇г̇аахагаабзгкад̇д̇з хи ‘‘со жаа’’д̇иаад̣̇иважанасса ‘‘жагкааяад̇анзна руубагканд̇хова сан̇г̇ахид̇о’’д̇и зд̇т̇а жагкааяад̇анам̣ сан̇г̇аахаганд̇и яат̇аад̇хиббзд̇асса ад̇т̇асса асамбхаво зваад̇и ид̣̇аани д̇ам̣ асамбхавам̣ вибхаавзнд̇о ‘‘гат̇а’’нд̇иаад̣̇имааха, д̇ам̣ сувин̃н̃зяяамзва.
‘‘Khandhapadenā’’ti idaṃ karaṇatthe karaṇavacanaṃ, na kattuattheti āha ‘‘khandhapadasaṅgahenāti attho’’ti. Tenevassa kattuatthataṃ paṭisedhetuṃ ‘‘na saṅgāhakenā’’ti vuttaṃ. Karaṇaṃ pana katturahitaṃ natthīti āha ‘‘kenaci saṅgāhakenāti idaṃ pana ānetvā vattabba’’nti. Saṅgāhakesu na yujjati na saṅgahetabbesūti adhippāyo. Rūpakkhandhadhammā hi ‘‘ye dhammā khandhasaṅgahena saṅgahitā’’ti vuttāti. Samudāye vuttavidhi tadavayavepi sambhavatīti codanaṃ samuṭṭhāpento ‘‘etena nayenā’’tiādimāha. Paṭiyogīnivattanaṃ eva-saddena karīyatīti āha ‘‘na hi aññamattanivāraṇaṃ eva-saddassa attho’’ti. Tenāha ‘‘saṅgāhakato aññanivāraṇaṃ eva-saddassa attho’’ti. So ca…pe… pekkhanti iminā tamevatthaṃ pākaṭataraṃ karoti. Saṅgāhakāpekkhatte hi ‘‘so cā’’tiādivacanassa ‘‘cakkhāyatanena rūpakkhandhova saṅgahito’’ti ettha cakkhāyatanaṃ saṅgāhakanti yathādhippetassa atthassa asambhavo evāti idāni taṃ asambhavaṃ vibhāvento ‘‘katha’’ntiādimāha, taṃ suviññeyyameva.
зд̇т̇аад̇и ‘‘ад̣дхзгаад̣̇асахи ааяад̇анад̇хаад̇уухий’’д̇и зд̇т̇а. ‘‘руубагканд̇хзнаа’’д̇и аанзд̇ваа вад̇д̇аб̣б̣ам̣ ааяад̇анад̇хаад̇увисзсанад̇т̇ам̣. на со зва д̇асса, самуд̣̇ааяо ваа д̇ад̣̇згад̣̇зсаанам̣ сан̇г̇аахаго асан̇г̇аахаго жа ход̇ийд̇и вуд̇д̇овааяамад̇т̇од̇и ааха ‘‘руубагканд̇хо…бз… на ход̇ий’’д̇и. иминаа барияааязнаад̇и яасмаа вуд̇д̇аббагаарам̣ сан̇г̇аахагад̇д̇ам̣ над̇т̇и ‘‘язна сан̇г̇ахид̇асса асан̇г̇аахагам̣ сияаа’’д̇и иминаа барияааязна. асан̇г̇ахид̇ад̇ааяа абхааво вуд̇д̇о адтагат̇ааяам̣ (д̇хаад̇у. адта. 171) ‘‘со жа…бз… над̇т̇ий’’д̇и. сан̇г̇ахид̇ад̇ааяаад̇и ниббарияааязна сан̇г̇ахид̇абхаавзна асан̇г̇ахид̇ад̇ааяа абхааво вуд̇д̇од̇и на яуж̇ж̇ад̇ийд̇и яож̇анаа. саа сан̇г̇ахид̇ад̇аад̇и ад̇д̇анаа ад̇д̇ано, ад̇д̇згад̣̇зсаанам̣ ваа сан̇г̇ахид̇ад̇аа. д̇знаад̇и руубагканд̇хзна. д̇зсанд̇и руубагканд̇хад̇ад̣̇згад̣̇зсаанам̣. ад̇т̇и жа виббаяуд̇д̇ад̇аа взд̣̇анаагканд̇хаад̣̇ийхи. жагкааяад̇анаад̣̇ийхи вияаад̇и висад̣̇исуд̣̇аахаран̣ам̣. зд̇зхи руубавзд̣̇анаагканд̇хаад̣̇ийхи ан̃н̃зхи жа зваруубзхи. зд̇аани ан̃н̃аани жаад̇и зд̇т̇ааби зсзва наяо.
Etthāti ‘‘aḍḍhekādasahi āyatanadhātūhī’’ti ettha. ‘‘Rūpakkhandhenā’’ti ānetvā vattabbaṃ āyatanadhātuvisesanatthaṃ. Na so eva tassa, samudāyo vā tadekadesānaṃ saṅgāhako asaṅgāhako ca hotīti vuttovāyamatthoti āha ‘‘rūpakkhandho…pe… na hotī’’ti. Iminā pariyāyenāti yasmā vuttappakāraṃ saṅgāhakattaṃ natthi ‘‘yena saṅgahitassa asaṅgāhakaṃ siyā’’ti iminā pariyāyena. Asaṅgahitatāya abhāvo vutto aṭṭhakathāyaṃ (dhātu. aṭṭha. 171) ‘‘so ca…pe… natthī’’ti. Saṅgahitatāyāti nippariyāyena saṅgahitabhāvena asaṅgahitatāya abhāvo vuttoti na yujjatīti yojanā. Sā saṅgahitatāti attanā attano, attekadesānaṃ vā saṅgahitatā. Tenāti rūpakkhandhena. Tesanti rūpakkhandhatadekadesānaṃ. Atthi ca vippayuttatā vedanākkhandhādīhi. Cakkhāyatanādīhi viyāti visadisudāharaṇaṃ. Etehi rūpavedanākkhandhādīhi aññehi ca evarūpehi. Etāni aññāni cāti etthāpi eseva nayo.
д̇знзва д̇асса сан̇г̇ахид̇ад̇д̇аабхаавад̣̇ассанзна хздтаа д̣̇ассид̇зна. зд̇т̇аад̇и зд̇асмим̣ ваарз. аг̇г̇ахан̣зд̇и агат̇анз, ад̣̇зсанааяанд̇и ад̇т̇о. самуд̣̇аяасажжаад̣̇ийсууд̇и самуд̣̇аяасажжасукинд̣̇рияаад̣̇ийсу яуж̇ж̇зяяа д̇ам̣ гааран̣ам̣. гасмаа? д̇зхи самуд̣̇аяасажжаад̣̇ийхи канд̇хаад̣̇исан̇г̇ахзна сан̇г̇ахид̇з д̇хаммаж̇аад̇з сад̇и д̇асса ааяад̇анасан̇г̇ахаад̣̇ийхи асан̇г̇ахид̇ад̇д̇асса абхаавад̇о. руубагканд̇хаад̣̇ийхийд̇и руубагканд̇хавзд̣̇анаагканд̇хаад̣̇ийхи. сан̇г̇ахид̇амзва над̇т̇и, гасмаа? ‘‘со зва д̇асса сан̇г̇аахаго на ход̇ий’’д̇и вуд̇д̇овааяамад̇т̇о. яад̣̇иби руубагканд̇хаад̣̇инаа руубагканд̇хаад̣̇игасса ад̇д̇ано…бз… над̇т̇ийд̇и самб̣анд̇хо. ан̃н̃асса бана взд̣̇анаагканд̇хаад̣̇игасса руубагканд̇хаад̣̇инаа сан̇г̇ахид̇ад̇д̇аабхаавзна асан̇г̇ахид̇ад̇д̇ам̣ ад̇т̇ийд̇и яож̇анаа. убхаяаабхаавод̇и сан̇г̇ахид̇ад̇д̇аасан̇г̇ахид̇ад̇д̇аабхааво. зд̇т̇а зд̇асмим̣ ваарз. д̇хаммааяад̇анаж̇ийвид̇инд̣̇рияаад̣̇ийнанд̇и д̇хаммааяад̇анаад̣̇ийнам̣ канд̇хажад̇уггасан̇г̇аахагад̇д̇з, ж̇ийвид̇инд̣̇рияаад̣̇ийнам̣ канд̇хад̣̇угасан̇г̇аахагад̇д̇зд̇и яож̇анаа. баал̣ияам̣ анааг̇ад̇ад̇д̇аа ‘‘сад̇ий’’д̇и саасан̇гам̣ вад̣̇ад̇и. аад̣̇и-сад̣̇д̣̇зна батамзна д̇хаммад̇хаад̇усал̣ааяад̇анаад̣̇ийнам̣ сукинд̣̇рияаад̣̇ийнан̃жа, д̣̇уд̇иязна згагканд̇хасса сан̇г̇ахо д̣̇адтаб̣б̣о. сукинд̣̇рияан̃хи взд̣̇анаагканд̇хассзва сан̇г̇аахагам̣. д̇зсанд̇и канд̇хажад̇уггаканд̇хад̣̇угаад̣̇ийнам̣ асан̇г̇ахид̇ад̇аа на над̇т̇и ад̇т̇зваад̇и д̇ассаа абхааво анзганд̇иго. буб̣б̣з вуд̇д̇анаязнаад̇и ‘‘руубагканд̇хаад̣̇ийхи банаа’’д̇иаад̣̇инаа вуд̇д̇анаязна.
Teneva tassa saṅgahitattābhāvadassanena heṭṭhā dassitena. Etthāti etasmiṃ vāre. Aggahaṇeti akathane, adesanāyanti attho. Samudayasaccādīsūti samudayasaccasukhindriyādīsu yujjeyya taṃ kāraṇaṃ. Kasmā? Tehi samudayasaccādīhi khandhādisaṅgahena saṅgahite dhammajāte sati tassa āyatanasaṅgahādīhi asaṅgahitattassa abhāvato. Rūpakkhandhādīhīti rūpakkhandhavedanākkhandhādīhi. Saṅgahitameva natthi, kasmā? ‘‘So eva tassa saṅgāhako na hotī’’ti vuttovāyamattho. Yadipi rūpakkhandhādinā rūpakkhandhādikassa attano…pe… natthīti sambandho. Aññassa pana vedanākkhandhādikassa rūpakkhandhādinā saṅgahitattābhāvena asaṅgahitattaṃ atthīti yojanā. Ubhayābhāvoti saṅgahitattāsaṅgahitattābhāvo. Ettha etasmiṃ vāre. Dhammāyatanajīvitindriyādīnanti dhammāyatanādīnaṃ khandhacatukkasaṅgāhakatte, jīvitindriyādīnaṃ khandhadukasaṅgāhakatteti yojanā. Pāḷiyaṃ anāgatattā ‘‘satī’’ti sāsaṅkaṃ vadati. Ādi-saddena paṭhamena dhammadhātusaḷāyatanādīnaṃ sukhindriyādīnañca, dutiyena ekakkhandhassa saṅgaho daṭṭhabbo. Sukhindriyañhi vedanākkhandhasseva saṅgāhakaṃ. Tesanti khandhacatukkakhandhadukādīnaṃ asaṅgahitatā na natthi atthevāti tassā abhāvo anekantiko. Pubbe vuttanayenāti ‘‘rūpakkhandhādīhi panā’’tiādinā vuttanayena.
д̇ад̇т̇зваад̇и д̇асмим̣язва буб̣б̣з вуд̇д̇з санид̣̇ассанасаббадигхабад̣̇з. нивад̇д̇зд̇ваа г̇ан̣ханд̇од̇и буб̣б̣з вуд̇д̇ам̣ бадинивад̇д̇зд̇ваа г̇ан̣ханд̇о бажжаамасанд̇о. д̇ад̣̇авад̇д̇аб̣б̣ад̇аад̇и д̇зсам̣ сан̇г̇аахагаасан̇г̇аахагасан̇г̇ахид̇ад̇д̇аасан̇г̇ахид̇ад̇д̇аанам̣ авад̇д̇аб̣б̣ад̇аа. асан̇г̇аахагад̇д̇аабхаавад̇о зва…бз… на сан̇г̇аахагад̇д̇аабхаавад̇од̇и яасмаа нзсам̣ асан̇г̇аахагад̇д̇ам̣ вияа сан̇г̇аахагад̇д̇амби над̇т̇и, д̇ад̇о зва сан̇г̇ахид̇ад̇д̇аасан̇г̇ахид̇ад̇д̇амбийд̇и д̣̇ассзд̇и.
Tatthevāti tasmiṃyeva pubbe vutte sanidassanasappaṭighapade. Nivattetvā gaṇhantoti pubbe vuttaṃ paṭinivattetvā gaṇhanto paccāmasanto. Tadavattabbatāti tesaṃ saṅgāhakāsaṅgāhakasaṅgahitattāsaṅgahitattānaṃ avattabbatā. Asaṅgāhakattābhāvato eva…pe… na saṅgāhakattābhāvatoti yasmā nesaṃ asaṅgāhakattaṃ viya saṅgāhakattampi natthi, tato eva saṅgahitattāsaṅgahitattampīti dasseti.
д̣̇уд̇ияанаяасан̇г̇ахид̇знаасан̇г̇ахид̇абад̣̇аван̣н̣анаа нидтид̇аа.
Dutiyanayasaṅgahitenaasaṅgahitapadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 2. сан̇г̇ахид̇знаасан̇г̇ахид̇абад̣̇анид̣̇д̣̇зсо • 2. Saṅgahitenaasaṅgahitapadaniddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа • 2. Dutiyanayo saṅgahitenaasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа • 2. Dutiyanayo saṅgahitenaasaṅgahitapadavaṇṇanā
