| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
2. д̣̇уд̇ияаниб̣б̣аанабадисам̣яуд̇д̇асуд̇д̇аван̣н̣анаа
2. Dutiyanibbānapaṭisaṃyuttasuttavaṇṇanā
72. д̣̇уд̇ияз имам̣ уд̣̇аананд̇и имам̣ ниб̣б̣аанасса багад̇ияаа г̇амбхийрабхаавад̇о д̣̇уд̣̇д̣̇асабхаавад̣̇ийбанам̣ уд̣̇аанам̣ уд̣̇аанзси. д̇ад̇т̇а д̣̇уд̣̇д̣̇асанд̇и сабхааваг̇амбхийрад̇д̇аа ад̇исукумасан̣хасабхаавад̇д̇аа жа анубажид̇ан̃аан̣асамбхаарзхи бассид̇ум̣ на саггаад̇и д̣̇уд̣̇д̣̇асам̣. вуд̇д̇ан̃хзд̇ам̣ – ‘‘д̇ан̃хи д̇з, мааг̇ан̣д̣ияа, арияам̣ бан̃н̃аажагку над̇т̇и, язна д̇вам̣ аарог̇яам̣ ж̇аанзяяааси, ниб̣б̣аанамби бассзяяаасий’’д̇и (ма. ни. 2.218). абарамби вуд̇д̇ам̣ – ‘‘ид̣̇амби ко таанам̣ д̣̇уд̣̇д̣̇асам̣, яад̣̇ид̣̇ам̣ саб̣б̣асан̇каарасамат̇о’’д̇иаад̣̇и (махаава. 8; ма. ни. 1.281; 2.337). анад̇анд̇и руубаад̣̇иаарамман̣зсу, гаамаад̣̇ийсу жа бхавзсу наманад̇о д̇анниннабхаавзна бавад̇д̇ид̇о сад̇д̇аанан̃жа д̇ад̇т̇а наманад̇о д̇ан̣хаа над̇аа наама, над̇т̇и зд̇т̇а над̇аад̇и анад̇ам̣, ниб̣б̣аананд̇и ад̇т̇о. ‘‘ананд̇а’’нд̇иби батанд̇и, нижжасабхаавад̇д̇аа анд̇авирахид̇ам̣, ажаванад̇хаммам̣ нирод̇хам̣ амад̇анд̇и ад̇т̇о. гзжи бана ‘‘ананд̇а’’нд̇и бад̣̇асса ‘‘аббамаан̣а’’нд̇и ад̇т̇ам̣ вад̣̇анд̇и. зд̇т̇а жа ‘‘д̣̇уд̣̇д̣̇аса’’нд̇и иминаа бан̃н̃ааяа д̣̇уб̣б̣алийгаран̣зхи рааг̇аад̣̇игилзсзхи жирагаалабхаавид̇ад̇д̇аа сад̇д̇аанам̣ абажжаяабхааванаа на сугараад̇и ниб̣б̣аанасса гижчзна ад̇хиг̇аманийяад̇ам̣ д̣̇ассзд̇и. на хи сажжам̣ суд̣̇ассананд̇и иминааби д̇амзвад̇т̇ам̣ баагадам̣ гарод̇и. д̇ад̇т̇а сажжанд̇и ниб̣б̣аанам̣. д̇ан̃хи гзнажи барияааязна асанд̇асабхааваабхаавад̇о зганд̇знзва санд̇ад̇д̇аа авибарийд̇адтзна сажжам̣. на хи д̇ам̣ суд̣̇ассанам̣ на сукзна бассид̇аб̣б̣ам̣, сужирамби гаалам̣ бун̃н̃ан̃аан̣асамбхаарз самаанзнд̇зхиби гасирзнзва самад̇хиг̇анд̇аб̣б̣ад̇о. д̇ат̇аа хи вуд̇д̇ам̣ бхаг̇авад̇аа – ‘‘гижчзна мз ад̇хиг̇ад̇а’’нд̇и (махаава. 8; ма. ни. 1.281; 2.337).
72. Dutiye imaṃ udānanti imaṃ nibbānassa pakatiyā gambhīrabhāvato duddasabhāvadīpanaṃ udānaṃ udānesi. Tattha duddasanti sabhāvagambhīrattā atisukhumasaṇhasabhāvattā ca anupacitañāṇasambhārehi passituṃ na sakkāti duddasaṃ. Vuttañhetaṃ – ‘‘tañhi te, māgaṇḍiya, ariyaṃ paññācakkhu natthi, yena tvaṃ ārogyaṃ jāneyyāsi, nibbānampi passeyyāsī’’ti (ma. ni. 2.218). Aparampi vuttaṃ – ‘‘idampi kho ṭhānaṃ duddasaṃ, yadidaṃ sabbasaṅkhārasamatho’’tiādi (mahāva. 8; ma. ni. 1.281; 2.337). Anatanti rūpādiārammaṇesu, kāmādīsu ca bhavesu namanato tanninnabhāvena pavattito sattānañca tattha namanato taṇhā natā nāma, natthi ettha natāti anataṃ, nibbānanti attho. ‘‘Ananta’’ntipi paṭhanti, niccasabhāvattā antavirahitaṃ, acavanadhammaṃ nirodhaṃ amatanti attho. Keci pana ‘‘ananta’’nti padassa ‘‘appamāṇa’’nti atthaṃ vadanti. Ettha ca ‘‘duddasa’’nti iminā paññāya dubbalīkaraṇehi rāgādikilesehi cirakālabhāvitattā sattānaṃ apaccayabhāvanā na sukarāti nibbānassa kicchena adhigamanīyataṃ dasseti. Na hi saccaṃ sudassananti imināpi tamevatthaṃ pākaṭaṃ karoti. Tattha saccanti nibbānaṃ. Tañhi kenaci pariyāyena asantasabhāvābhāvato ekanteneva santattā aviparītaṭṭhena saccaṃ. Na hi taṃ sudassanaṃ na sukhena passitabbaṃ, sucirampi kālaṃ puññañāṇasambhāre samānentehipi kasireneva samadhigantabbato. Tathā hi vuttaṃ bhagavatā – ‘‘kicchena me adhigata’’nti (mahāva. 8; ma. ni. 1.281; 2.337).
бадивид̣̇д̇хаа д̇ан̣хаа ж̇аанад̇о бассад̇о над̇т̇и гин̃жананд̇и д̇ан̃жа нирод̇хасажжам̣ сажчигирияаабхисамаяавасзна абхисамзнд̇зна висаяад̇о гижжад̇о жа аарамман̣ад̇о жа аарамман̣аббадивзд̇хзна асаммохаббадивзд̇хзна жа бадивид̣̇д̇хам̣, яат̇аабарин̃н̃аабхисамаяавасзна д̣̇угкасажжам̣, бхааванаабхисамаяавасзна маг̇г̇асажжан̃жа асаммохад̇о бадивид̣̇д̇хам̣ ход̇и, звам̣ бахаанаабхисамаяавасзна асаммохад̇о жа бадивид̣̇д̇хаа д̇ан̣хаа ход̇и. зван̃жа жад̇д̇аари сажжаани яат̇аабхууд̇ам̣ арияамаг̇г̇абан̃н̃ааяа ж̇аанад̇о бассад̇о бхаваад̣̇ийсу над̇абхууд̇аа д̇ан̣хаа над̇т̇и, д̇ад̣̇абхаавз саб̣б̣ассаби гилзсаваддасса абхааво, д̇ад̇ова гаммавибаагаваддаанам̣ асамбхавоязваад̇и звам̣ бхаг̇аваа д̇зсам̣ бхигкуунам̣ анавасзсаваддад̣̇угкавуубасамахзд̇убхууд̇ам̣ амад̇амахааниб̣б̣аанасса аанубхаавам̣ багаасзси. сзсам̣ вуд̇д̇анаяамзва.
Paṭividdhā taṇhā jānato passato natthi kiñcananti tañca nirodhasaccaṃ sacchikiriyābhisamayavasena abhisamentena visayato kiccato ca ārammaṇato ca ārammaṇappaṭivedhena asammohappaṭivedhena ca paṭividdhaṃ, yathāpariññābhisamayavasena dukkhasaccaṃ, bhāvanābhisamayavasena maggasaccañca asammohato paṭividdhaṃ hoti, evaṃ pahānābhisamayavasena asammohato ca paṭividdhā taṇhā hoti. Evañca cattāri saccāni yathābhūtaṃ ariyamaggapaññāya jānato passato bhavādīsu natabhūtā taṇhā natthi, tadabhāve sabbassapi kilesavaṭṭassa abhāvo, tatova kammavipākavaṭṭānaṃ asambhavoyevāti evaṃ bhagavā tesaṃ bhikkhūnaṃ anavasesavaṭṭadukkhavūpasamahetubhūtaṃ amatamahānibbānassa ānubhāvaṃ pakāsesi. Sesaṃ vuttanayameva.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 2. д̣̇уд̇ияаниб̣б̣аанабадисам̣яуд̇д̇асуд̇д̇ам̣ • 2. Dutiyanibbānapaṭisaṃyuttasuttaṃ
