| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. து³தியனிதா³னஸுத்தவண்ணனா
10. Dutiyanidānasuttavaṇṇanā
113. த³ஸமே கம்மானந்தி வட்டகா³மிகம்மானமேவ. ச²ந்த³ராக³ட்டா²னியேதி ச²ந்த³ராக³ஸ்ஸ காரணபூ⁴தே. ஆரப்³பா⁴தி ஆக³ம்ம ஸந்தா⁴ய படிச்ச. ச²ந்தோ³தி தண்ஹாச²ந்தோ³. யோ சேதஸோ ஸாராகோ³தி யோ சித்தஸ்ஸ ராகோ³ ரஜ்ஜனா ரஜ்ஜிதத்தங், ஏதமஹங் ஸங்யோஜனங் வதா³மி, ப³ந்த⁴னங் வதா³மீதி அத்தோ². ஸுக்கபக்கே² கம்மானந்தி விவட்டகா³மிகம்மானங். தத³பி⁴னிவத்தேதீதி தங் அபி⁴னிவத்தேதி. யதா³ வா தேன விபாகோ ஞாதோ ஹோதி விதி³தோ, ததா³ தே சேவ த⁴ம்மே தஞ்ச விபாகங் அபி⁴னிவத்தேதி. இமினா ச பதே³ன விபஸ்ஸனா கதி²தா, தத³பி⁴னிவத்தெத்வாதி இமினா மக்³கோ³. சேதஸா அபி⁴னிவிஜ்ஜி²த்வாதி இமினா ச மக்³கோ³வ. பஞ்ஞாய அதிவிஜ்ஜ² பஸ்ஸதீதி ஸஹ விபஸ்ஸனாய மக்³க³பஞ்ஞாய நிப்³பி³ஜ்ஜி²த்வா பஸ்ஸதி. ஏவங் ஸப்³ப³த்த² அத்தோ² வேதி³தப்³போ³. இமஸ்மிங் பன ஸுத்தே வட்டவிவட்டங் கதி²தந்தி.
113. Dasame kammānanti vaṭṭagāmikammānameva. Chandarāgaṭṭhāniyeti chandarāgassa kāraṇabhūte. Ārabbhāti āgamma sandhāya paṭicca. Chandoti taṇhāchando. Yo cetaso sārāgoti yo cittassa rāgo rajjanā rajjitattaṃ, etamahaṃ saṃyojanaṃ vadāmi, bandhanaṃ vadāmīti attho. Sukkapakkhe kammānanti vivaṭṭagāmikammānaṃ. Tadabhinivattetīti taṃ abhinivatteti. Yadā vā tena vipāko ñāto hoti vidito, tadā te ceva dhamme tañca vipākaṃ abhinivatteti. Iminā ca padena vipassanā kathitā, tadabhinivattetvāti iminā maggo. Cetasā abhinivijjhitvāti iminā ca maggova. Paññāya ativijjha passatīti saha vipassanāya maggapaññāya nibbijjhitvā passati. Evaṃ sabbattha attho veditabbo. Imasmiṃ pana sutte vaṭṭavivaṭṭaṃ kathitanti.
ஸம்போ³த⁴வக்³கோ³ பட²மோ.
Sambodhavaggo paṭhamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. து³தியனிதா³னஸுத்தங் • 10. Dutiyanidānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. து³தியனிதா³னஸுத்தவண்ணனா • 10. Dutiyanidānasuttavaṇṇanā
