| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. ทุติยนิทานสุตฺตวณฺณนา
10. Dutiyanidānasuttavaṇṇanā
๑๑๓. ทสเม กมฺมานนฺติ วฎฺฎคามิกมฺมานเมวฯ ฉนฺทราคฎฺฐานิเยติ ฉนฺทราคสฺส การณภูเตฯ อารพฺภาติ อาคมฺม สนฺธาย ปฎิจฺจฯ ฉโนฺทติ ตณฺหาฉโนฺทฯ โย เจตโส สาราโคติ โย จิตฺตสฺส ราโค รชฺชนา รชฺชิตตฺตํ, เอตมหํ สํโยชนํ วทามิ, พนฺธนํ วทามีติ อโตฺถฯ สุกฺกปเกฺข กมฺมานนฺติ วิวฎฺฎคามิกมฺมานํฯ ตทภินิวเตฺตตีติ ตํ อภินิวเตฺตติฯ ยทา วา เตน วิปาโก ญาโต โหติ วิทิโต, ตทา เต เจว ธเมฺม ตญฺจ วิปากํ อภินิวเตฺตติฯ อิมินา จ ปเทน วิปสฺสนา กถิตา, ตทภินิวเตฺตตฺวาติ อิมินา มโคฺคฯ เจตสา อภินิวิชฺฌิตฺวาติ อิมินา จ มโคฺควฯ ปญฺญาย อติวิชฺฌ ปสฺสตีติ สห วิปสฺสนาย มคฺคปญฺญาย นิพฺพิชฺฌิตฺวา ปสฺสติฯ เอวํ สพฺพตฺถ อโตฺถ เวทิตโพฺพฯ อิมสฺมิํ ปน สุเตฺต วฎฺฎวิวฎฺฎํ กถิตนฺติฯ
113. Dasame kammānanti vaṭṭagāmikammānameva. Chandarāgaṭṭhāniyeti chandarāgassa kāraṇabhūte. Ārabbhāti āgamma sandhāya paṭicca. Chandoti taṇhāchando. Yo cetaso sārāgoti yo cittassa rāgo rajjanā rajjitattaṃ, etamahaṃ saṃyojanaṃ vadāmi, bandhanaṃ vadāmīti attho. Sukkapakkhe kammānanti vivaṭṭagāmikammānaṃ. Tadabhinivattetīti taṃ abhinivatteti. Yadā vā tena vipāko ñāto hoti vidito, tadā te ceva dhamme tañca vipākaṃ abhinivatteti. Iminā ca padena vipassanā kathitā, tadabhinivattetvāti iminā maggo. Cetasā abhinivijjhitvāti iminā ca maggova. Paññāya ativijjha passatīti saha vipassanāya maggapaññāya nibbijjhitvā passati. Evaṃ sabbattha attho veditabbo. Imasmiṃ pana sutte vaṭṭavivaṭṭaṃ kathitanti.
สโมฺพธวโคฺค ปฐโมฯ
Sambodhavaggo paṭhamo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. ทุติยนิทานสุตฺตํ • 10. Dutiyanidānasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. ทุติยนิทานสุตฺตวณฺณนา • 10. Dutiyanidānasuttavaṇṇanā
