| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠. དུཏིཡནིདཱནསུཏྟཝཎྞནཱ
10. Dutiyanidānasuttavaṇṇanā
༡༡༣. དསམེ ཀམྨཱནནྟི ཝཊྚགཱམིཀམྨཱནམེཝ། ཚནྡརཱགཊྛཱནིཡེཏི ཚནྡརཱགསྶ ཀཱརཎབྷཱུཏེ། ཨཱརབྦྷཱཏི ཨཱགམྨ སནྡྷཱཡ པཊིཙྩ། ཚནྡོཏི ཏཎྷཱཚནྡོ། ཡོ ཙེཏསོ སཱརཱགོཏི ཡོ ཙིཏྟསྶ རཱགོ རཛྫནཱ རཛྫིཏཏྟཾ, ཨེཏམཧཾ སཾཡོཛནཾ ཝདཱམི, བནྡྷནཾ ཝདཱམཱིཏི ཨཏྠོ། སུཀྐཔཀྑེ ཀམྨཱནནྟི ཝིཝཊྚགཱམིཀམྨཱནཾ། ཏདབྷིནིཝཏྟེཏཱིཏི ཏཾ ཨབྷིནིཝཏྟེཏི། ཡདཱ ཝཱ ཏེན ཝིཔཱཀོ ཉཱཏོ ཧོཏི ཝིདིཏོ, ཏདཱ ཏེ ཙེཝ དྷམྨེ ཏཉྩ ཝིཔཱཀཾ ཨབྷིནིཝཏྟེཏི། ཨིམིནཱ ཙ པདེན ཝིཔསྶནཱ ཀཐིཏཱ, ཏདབྷིནིཝཏྟེཏྭཱཏི ཨིམིནཱ མགྒོ། ཙེཏསཱ ཨབྷིནིཝིཛ྄ཛྷིཏྭཱཏི ཨིམིནཱ ཙ མགྒོཝ། པཉྙཱཡ ཨཏིཝིཛ྄ཛྷ པསྶཏཱིཏི སཧ ཝིཔསྶནཱཡ མགྒཔཉྙཱཡ ནིབྦིཛ྄ཛྷིཏྭཱ པསྶཏི། ཨེཝཾ སབྦཏྠ ཨཏྠོ ཝེདིཏབྦོ། ཨིམསྨིཾ པན སུཏྟེ ཝཊྚཝིཝཊྚཾ ཀཐིཏནྟི།
113. Dasame kammānanti vaṭṭagāmikammānameva. Chandarāgaṭṭhāniyeti chandarāgassa kāraṇabhūte. Ārabbhāti āgamma sandhāya paṭicca. Chandoti taṇhāchando. Yo cetaso sārāgoti yo cittassa rāgo rajjanā rajjitattaṃ, etamahaṃ saṃyojanaṃ vadāmi, bandhanaṃ vadāmīti attho. Sukkapakkhe kammānanti vivaṭṭagāmikammānaṃ. Tadabhinivattetīti taṃ abhinivatteti. Yadā vā tena vipāko ñāto hoti vidito, tadā te ceva dhamme tañca vipākaṃ abhinivatteti. Iminā ca padena vipassanā kathitā, tadabhinivattetvāti iminā maggo. Cetasā abhinivijjhitvāti iminā ca maggova. Paññāya ativijjha passatīti saha vipassanāya maggapaññāya nibbijjhitvā passati. Evaṃ sabbattha attho veditabbo. Imasmiṃ pana sutte vaṭṭavivaṭṭaṃ kathitanti.
སམྦོདྷཝགྒོ པཋམོ།
Sambodhavaggo paṭhamo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. དུཏིཡནིདཱནསུཏྟཾ • 10. Dutiyanidānasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༠. དུཏིཡནིདཱནསུཏྟཝཎྞནཱ • 10. Dutiyanidānasuttavaṇṇanā
