| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
2. து³தியனிஸ்ஸக்³கி³யபாசித்தியஸிக்கா²பத³வண்ணனா
2. Dutiyanissaggiyapācittiyasikkhāpadavaṇṇanā
740. வத்து²ஸம்பத்தத்தா வா ந தஸ்ஸா அனாபன்னகாமதாய வா அனாணத்திகதாய வா அகாலசீவரமத³ங்ஸு. யதா²தா³னே ஏவ உபனேதப்³ப³ங், ந பா⁴ஜேதப்³ப³ங் புக்³க³லிகத்தாதி அதி⁴ப்பாயோ. அத்த²தோ ஹி இதரம்பி யதா²தா³னே ஏவ உபனேதப்³ப³மேவ. க³ண்டி²பதே³ பன ‘‘அய்யாய த³ம்மீதி ஏவங் படிலத்³த⁴ந்தி நிஸ்ஸட்ட²படிலத்³த⁴ங். யதா²தா³னேதி தா³யகேஹி பரிச்சத்தவிதா⁴னேன. உபனேதப்³ப³ந்தி அகாலசீவரபா⁴வேன பா⁴ஜேதப்³ப³ந்தி அதி⁴ப்பாயோ. இத⁴ பா⁴ஜாபிதாய லத்³த⁴சீவரமேவ நிஸ்ஸக்³கி³யங் ஹோதி, தங் வினயகம்மங் கத்வாபி அத்தனா ந லப⁴தீ’’தி லிகி²தங். யதி³ நிஸ்ஸட்ட²படிலத்³த⁴ங் ஸந்தா⁴ய இத³ங் வுத்தங் ஸியா, ‘‘நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா புக்³க³லஸ்ஸ வா த³தெ³ய்ய, த³தெ³ய்யுங், அய்யாய த³ம்மீ’’தி வுத்தத்தா தீணிபேதானி பதா³னி வத்தப்³பா³னி ஸியுங், தஸ்மா ந கேவலங் நிஸ்ஸட்ட²படிலத்³த⁴மேவ யதா²தா³னே உபனேதப்³ப³ங், அஞ்ஞாஹி பி⁴க்கு²னீஹி லத்³த⁴கொட்டா²ஸம்பி யதா²தா³னேயேவ உபனேதப்³ப³ங்.
740. Vatthusampattattā vā na tassā anāpannakāmatāya vā anāṇattikatāya vā akālacīvaramadaṃsu. Yathādāne eva upanetabbaṃ, na bhājetabbaṃ puggalikattāti adhippāyo. Atthato hi itarampi yathādāne eva upanetabbameva. Gaṇṭhipade pana ‘‘ayyāya dammīti evaṃ paṭiladdhanti nissaṭṭhapaṭiladdhaṃ. Yathādāneti dāyakehi pariccattavidhānena. Upanetabbanti akālacīvarabhāvena bhājetabbanti adhippāyo. Idha bhājāpitāya laddhacīvarameva nissaggiyaṃ hoti, taṃ vinayakammaṃ katvāpi attanā na labhatī’’ti likhitaṃ. Yadi nissaṭṭhapaṭiladdhaṃ sandhāya idaṃ vuttaṃ siyā, ‘‘nissajjitabbaṃ saṅghassa vā gaṇassa vā puggalassa vā dadeyya, dadeyyuṃ, ayyāya dammī’’ti vuttattā tīṇipetāni padāni vattabbāni siyuṃ, tasmā na kevalaṃ nissaṭṭhapaṭiladdhameva yathādāne upanetabbaṃ, aññāhi bhikkhunīhi laddhakoṭṭhāsampi yathādāneyeva upanetabbaṃ.
741. ‘‘அகாலசீவரே காலசீவரஸஞ்ஞாய அனாபத்தீ’’தி பன பா⁴ஜனபச்சயா ஆபஜ்ஜிதப்³பா³பத்திங் நாபஜ்ஜதீதி எத்தகமேவ தீ³பேதி, ந படிலத்³த⁴ங், ந யதா²தா³னே தா³தப்³ப³ந்தி இமமத்த²ங் தீ³பேதி. லேஸேன பன க³ண்ஹாதி சே, ப⁴ண்ட³க்³கே⁴ன காரேதப்³பா³.
741. ‘‘Akālacīvare kālacīvarasaññāya anāpattī’’ti pana bhājanapaccayā āpajjitabbāpattiṃ nāpajjatīti ettakameva dīpeti, na paṭiladdhaṃ, na yathādāne dātabbanti imamatthaṃ dīpeti. Lesena pana gaṇhāti ce, bhaṇḍagghena kāretabbā.
து³தியனிஸ்ஸக்³கி³யபாசித்தியஸிக்கா²பத³வண்ணனா நிட்டி²தா.
Dutiyanissaggiyapācittiyasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 2. து³தியஸிக்கா²பத³ங் • 2. Dutiyasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / து³தியனிஸ்ஸக்³கி³யபாசித்தியஸிக்கா²பத³வண்ணனா • Dutiyanissaggiyapācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. நிஸ்ஸக்³கி³யகண்ட³ங் (பி⁴க்கு²னீவிப⁴ங்க³வண்ணனா) • 3. Nissaggiyakaṇḍaṃ (bhikkhunīvibhaṅgavaṇṇanā)
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. து³தியனிஸ்ஸக்³கி³யாதி³பாசித்தியஸிக்கா²பத³வண்ணனா • 2. Dutiyanissaggiyādipācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. து³தியனிஸ்ஸக்³கி³யபாசித்தியஸிக்கா²பத³ங் • 2. Dutiyanissaggiyapācittiyasikkhāpadaṃ
