| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. д̣̇уд̇ияаниссаг̇г̇ияабаажид̇д̇ияасигкаабад̣̇аван̣н̣анаа
2. Dutiyanissaggiyapācittiyasikkhāpadavaṇṇanā
740. вад̇т̇усамбад̇д̇ад̇д̇аа ваа на д̇ассаа анаабаннагаамад̇ааяа ваа анаан̣ад̇д̇игад̇ааяа ваа агаалажийварамад̣̇ам̣су. яат̇аад̣̇аанз зва убанзд̇аб̣б̣ам̣, на бхааж̇зд̇аб̣б̣ам̣ буг̇г̇алигад̇д̇аад̇и ад̇хиббааяо. ад̇т̇ад̇о хи ид̇арамби яат̇аад̣̇аанз зва убанзд̇аб̣б̣амзва. г̇ан̣тибад̣̇з бана ‘‘аяяааяа д̣̇аммийд̇и звам̣ бадилад̣̇д̇ханд̇и ниссадтабадилад̣̇д̇хам̣. яат̇аад̣̇аанзд̇и д̣̇ааяагзхи барижжад̇д̇авид̇хаанзна. убанзд̇аб̣б̣анд̇и агаалажийварабхаавзна бхааж̇зд̇аб̣б̣анд̇и ад̇хиббааяо. ид̇ха бхааж̇аабид̇ааяа лад̣̇д̇хажийварамзва ниссаг̇г̇ияам̣ ход̇и, д̇ам̣ винаяагаммам̣ гад̇вааби ад̇д̇анаа на лабхад̇ий’’д̇и ликид̇ам̣. яад̣̇и ниссадтабадилад̣̇д̇хам̣ санд̇хааяа ид̣̇ам̣ вуд̇д̇ам̣ сияаа, ‘‘ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа д̣̇ад̣̇зяяа, д̣̇ад̣̇зяяум̣, аяяааяа д̣̇аммий’’д̇и вуд̇д̇ад̇д̇аа д̇ийн̣ибзд̇аани бад̣̇аани вад̇д̇аб̣б̣аани сияум̣, д̇асмаа на гзвалам̣ ниссадтабадилад̣̇д̇хамзва яат̇аад̣̇аанз убанзд̇аб̣б̣ам̣, ан̃н̃аахи бхигкунийхи лад̣̇д̇хагодтаасамби яат̇аад̣̇аанзязва убанзд̇аб̣б̣ам̣.
740. Vatthusampattattā vā na tassā anāpannakāmatāya vā anāṇattikatāya vā akālacīvaramadaṃsu. Yathādāne eva upanetabbaṃ, na bhājetabbaṃ puggalikattāti adhippāyo. Atthato hi itarampi yathādāne eva upanetabbameva. Gaṇṭhipade pana ‘‘ayyāya dammīti evaṃ paṭiladdhanti nissaṭṭhapaṭiladdhaṃ. Yathādāneti dāyakehi pariccattavidhānena. Upanetabbanti akālacīvarabhāvena bhājetabbanti adhippāyo. Idha bhājāpitāya laddhacīvarameva nissaggiyaṃ hoti, taṃ vinayakammaṃ katvāpi attanā na labhatī’’ti likhitaṃ. Yadi nissaṭṭhapaṭiladdhaṃ sandhāya idaṃ vuttaṃ siyā, ‘‘nissajjitabbaṃ saṅghassa vā gaṇassa vā puggalassa vā dadeyya, dadeyyuṃ, ayyāya dammī’’ti vuttattā tīṇipetāni padāni vattabbāni siyuṃ, tasmā na kevalaṃ nissaṭṭhapaṭiladdhameva yathādāne upanetabbaṃ, aññāhi bhikkhunīhi laddhakoṭṭhāsampi yathādāneyeva upanetabbaṃ.
741. ‘‘агаалажийварз гаалажийварасан̃н̃ааяа анаабад̇д̇ий’’д̇и бана бхааж̇анабажжаяаа аабаж̇ж̇ид̇аб̣б̣аабад̇д̇им̣ наабаж̇ж̇ад̇ийд̇и зд̇д̇агамзва д̣̇ийбзд̇и, на бадилад̣̇д̇хам̣, на яат̇аад̣̇аанз д̣̇аад̇аб̣б̣анд̇и имамад̇т̇ам̣ д̣̇ийбзд̇и. лзсзна бана г̇ан̣хаад̇и жз, бхан̣д̣аг̇гхзна гаарзд̇аб̣б̣аа.
741. ‘‘Akālacīvare kālacīvarasaññāya anāpattī’’ti pana bhājanapaccayā āpajjitabbāpattiṃ nāpajjatīti ettakameva dīpeti, na paṭiladdhaṃ, na yathādāne dātabbanti imamatthaṃ dīpeti. Lesena pana gaṇhāti ce, bhaṇḍagghena kāretabbā.
д̣̇уд̇ияаниссаг̇г̇ияабаажид̇д̇ияасигкаабад̣̇аван̣н̣анаа нидтид̇аа.
Dutiyanissaggiyapācittiyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 2. д̣̇уд̇ияасигкаабад̣̇ам̣ • 2. Dutiyasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / д̣̇уд̇ияаниссаг̇г̇ияабаажид̇д̇ияасигкаабад̣̇аван̣н̣анаа • Dutiyanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. д̣̇уд̇ияаниссаг̇г̇ияабаажид̇д̇ияасигкаабад̣̇ам̣ • 2. Dutiyanissaggiyapācittiyasikkhāpadaṃ
