| Library / Tipiṭaka / तिपिटक • Tipiṭaka / वजिरबुद्धि-टीका • Vajirabuddhi-ṭīkā |
२. दुतियनिस्सग्गियपाचित्तियसिक्खापदवण्णना
2. Dutiyanissaggiyapācittiyasikkhāpadavaṇṇanā
७४०. वत्थुसम्पत्तत्ता वा न तस्सा अनापन्नकामताय वा अनाणत्तिकताय वा अकालचीवरमदंसु। यथादाने एव उपनेतब्बं, न भाजेतब्बं पुग्गलिकत्ताति अधिप्पायो। अत्थतो हि इतरम्पि यथादाने एव उपनेतब्बमेव। गण्ठिपदे पन ‘‘अय्याय दम्मीति एवं पटिलद्धन्ति निस्सट्ठपटिलद्धं। यथादानेति दायकेहि परिच्चत्तविधानेन। उपनेतब्बन्ति अकालचीवरभावेन भाजेतब्बन्ति अधिप्पायो। इध भाजापिताय लद्धचीवरमेव निस्सग्गियं होति, तं विनयकम्मं कत्वापि अत्तना न लभती’’ति लिखितं। यदि निस्सट्ठपटिलद्धं सन्धाय इदं वुत्तं सिया, ‘‘निस्सज्जितब्बं सङ्घस्स वा गणस्स वा पुग्गलस्स वा ददेय्य, ददेय्युं, अय्याय दम्मी’’ति वुत्तत्ता तीणिपेतानि पदानि वत्तब्बानि सियुं, तस्मा न केवलं निस्सट्ठपटिलद्धमेव यथादाने उपनेतब्बं, अञ्ञाहि भिक्खुनीहि लद्धकोट्ठासम्पि यथादानेयेव उपनेतब्बं।
740. Vatthusampattattā vā na tassā anāpannakāmatāya vā anāṇattikatāya vā akālacīvaramadaṃsu. Yathādāne eva upanetabbaṃ, na bhājetabbaṃ puggalikattāti adhippāyo. Atthato hi itarampi yathādāne eva upanetabbameva. Gaṇṭhipade pana ‘‘ayyāya dammīti evaṃ paṭiladdhanti nissaṭṭhapaṭiladdhaṃ. Yathādāneti dāyakehi pariccattavidhānena. Upanetabbanti akālacīvarabhāvena bhājetabbanti adhippāyo. Idha bhājāpitāya laddhacīvarameva nissaggiyaṃ hoti, taṃ vinayakammaṃ katvāpi attanā na labhatī’’ti likhitaṃ. Yadi nissaṭṭhapaṭiladdhaṃ sandhāya idaṃ vuttaṃ siyā, ‘‘nissajjitabbaṃ saṅghassa vā gaṇassa vā puggalassa vā dadeyya, dadeyyuṃ, ayyāya dammī’’ti vuttattā tīṇipetāni padāni vattabbāni siyuṃ, tasmā na kevalaṃ nissaṭṭhapaṭiladdhameva yathādāne upanetabbaṃ, aññāhi bhikkhunīhi laddhakoṭṭhāsampi yathādāneyeva upanetabbaṃ.
७४१. ‘‘अकालचीवरे कालचीवरसञ्ञाय अनापत्ती’’ति पन भाजनपच्चया आपज्जितब्बापत्तिं नापज्जतीति एत्तकमेव दीपेति, न पटिलद्धं, न यथादाने दातब्बन्ति इममत्थं दीपेति। लेसेन पन गण्हाति चे, भण्डग्घेन कारेतब्बा।
741. ‘‘Akālacīvare kālacīvarasaññāya anāpattī’’ti pana bhājanapaccayā āpajjitabbāpattiṃ nāpajjatīti ettakameva dīpeti, na paṭiladdhaṃ, na yathādāne dātabbanti imamatthaṃ dīpeti. Lesena pana gaṇhāti ce, bhaṇḍagghena kāretabbā.
दुतियनिस्सग्गियपाचित्तियसिक्खापदवण्णना निट्ठिता।
Dutiyanissaggiyapācittiyasikkhāpadavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / २. दुतियसिक्खापदं • 2. Dutiyasikkhāpadaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā / दुतियनिस्सग्गियपाचित्तियसिक्खापदवण्णना • Dutiyanissaggiyapācittiyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ३. निस्सग्गियकण्डं (भिक्खुनीविभङ्गवण्णना) • 3. Nissaggiyakaṇḍaṃ (bhikkhunīvibhaṅgavaṇṇanā)
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / २. दुतियनिस्सग्गियादिपाचित्तियसिक्खापदवण्णना • 2. Dutiyanissaggiyādipācittiyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / २. दुतियनिस्सग्गियपाचित्तियसिक्खापदं • 2. Dutiyanissaggiyapācittiyasikkhāpadaṃ
