| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၂. ဒုတိယနိသ္သဂ္ဂိယပာစိတ္တိယသိက္ခာပဒဝဏ္ဏနာ
2. Dutiyanissaggiyapācittiyasikkhāpadavaṇṇanā
၇၄၀. ဝတ္ထုသမ္ပတ္တတ္တာ ဝာ န တသ္သာ အနာပန္နကာမတာယ ဝာ အနာဏတ္တိကတာယ ဝာ အကာလစီဝရမဒံသု။ ယထာဒာနေ ဧဝ ဥပနေတဗ္ဗံ, န ဘာဇေတဗ္ဗံ ပုဂ္ဂလိကတ္တာတိ အဓိပ္ပာယော။ အတ္ထတော ဟိ ဣတရမ္ပိ ယထာဒာနေ ဧဝ ဥပနေတဗ္ဗမေဝ။ ဂဏ္ဌိပဒေ ပန ‘‘အယ္ယာယ ဒမ္မီတိ ဧဝံ ပဋိလဒ္ဓန္တိ နိသ္သဋ္ဌပဋိလဒ္ဓံ။ ယထာဒာနေတိ ဒာယကေဟိ ပရိစ္စတ္တဝိဓာနေန။ ဥပနေတဗ္ဗန္တိ အကာလစီဝရဘာဝေန ဘာဇေတဗ္ဗန္တိ အဓိပ္ပာယော။ ဣဓ ဘာဇာပိတာယ လဒ္ဓစီဝရမေဝ နိသ္သဂ္ဂိယံ ဟောတိ, တံ ဝိနယကမ္မံ ကတ္ဝာပိ အတ္တနာ န လဘတီ’’တိ လိခိတံ။ ယဒိ နိသ္သဋ္ဌပဋိလဒ္ဓံ သန္ဓာယ ဣဒံ ဝုတ္တံ သိယာ, ‘‘နိသ္သဇ္ဇိတဗ္ဗံ သင္ဃသ္သ ဝာ ဂဏသ္သ ဝာ ပုဂ္ဂလသ္သ ဝာ ဒဒေယ္ယ, ဒဒေယ္ယုံ, အယ္ယာယ ဒမ္မီ’’တိ ဝုတ္တတ္တာ တီဏိပေတာနိ ပဒာနိ ဝတ္တဗ္ဗာနိ သိယုံ, တသ္မာ န ကေဝလံ နိသ္သဋ္ဌပဋိလဒ္ဓမေဝ ယထာဒာနေ ဥပနေတဗ္ဗံ, အညာဟိ ဘိက္ခုနီဟိ လဒ္ဓကောဋ္ဌာသမ္ပိ ယထာဒာနေယေဝ ဥပနေတဗ္ဗံ။
740. Vatthusampattattā vā na tassā anāpannakāmatāya vā anāṇattikatāya vā akālacīvaramadaṃsu. Yathādāne eva upanetabbaṃ, na bhājetabbaṃ puggalikattāti adhippāyo. Atthato hi itarampi yathādāne eva upanetabbameva. Gaṇṭhipade pana ‘‘ayyāya dammīti evaṃ paṭiladdhanti nissaṭṭhapaṭiladdhaṃ. Yathādāneti dāyakehi pariccattavidhānena. Upanetabbanti akālacīvarabhāvena bhājetabbanti adhippāyo. Idha bhājāpitāya laddhacīvarameva nissaggiyaṃ hoti, taṃ vinayakammaṃ katvāpi attanā na labhatī’’ti likhitaṃ. Yadi nissaṭṭhapaṭiladdhaṃ sandhāya idaṃ vuttaṃ siyā, ‘‘nissajjitabbaṃ saṅghassa vā gaṇassa vā puggalassa vā dadeyya, dadeyyuṃ, ayyāya dammī’’ti vuttattā tīṇipetāni padāni vattabbāni siyuṃ, tasmā na kevalaṃ nissaṭṭhapaṭiladdhameva yathādāne upanetabbaṃ, aññāhi bhikkhunīhi laddhakoṭṭhāsampi yathādāneyeva upanetabbaṃ.
၇၄၁. ‘‘အကာလစီဝရေ ကာလစီဝရသညာယ အနာပတ္တီ’’တိ ပန ဘာဇနပစ္စယာ အာပဇ္ဇိတဗ္ဗာပတ္တိံ နာပဇ္ဇတီတိ ဧတ္တကမေဝ ဒီပေတိ, န ပဋိလဒ္ဓံ, န ယထာဒာနေ ဒာတဗ္ဗန္တိ ဣမမတ္ထံ ဒီပေတိ။ လေသေန ပန ဂဏ္ဟာတိ စေ, ဘဏ္ဍဂ္ဃေန ကာရေတဗ္ဗာ။
741. ‘‘Akālacīvare kālacīvarasaññāya anāpattī’’ti pana bhājanapaccayā āpajjitabbāpattiṃ nāpajjatīti ettakameva dīpeti, na paṭiladdhaṃ, na yathādāne dātabbanti imamatthaṃ dīpeti. Lesena pana gaṇhāti ce, bhaṇḍagghena kāretabbā.
ဒုတိယနိသ္သဂ္ဂိယပာစိတ္တိယသိက္ခာပဒဝဏ္ဏနာ နိဋ္ဌိတာ။
Dutiyanissaggiyapācittiyasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၂. ဒုတိယသိက္ခာပဒံ • 2. Dutiyasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ဒုတိယနိသ္သဂ္ဂိယပာစိတ္တိယသိက္ခာပဒဝဏ္ဏနာ • Dutiyanissaggiyapācittiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၃. နိသ္သဂ္ဂိယကဏ္ဍံ (ဘိက္ခုနီဝိဘင္ဂဝဏ္ဏနာ) • 3. Nissaggiyakaṇḍaṃ (bhikkhunīvibhaṅgavaṇṇanā)
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၂. ဒုတိယနိသ္သဂ္ဂိယာဒိပာစိတ္တိယသိက္ခာပဒဝဏ္ဏနာ • 2. Dutiyanissaggiyādipācittiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. ဒုတိယနိသ္သဂ္ဂိယပာစိတ္တိယသိက္ခာပဒံ • 2. Dutiyanissaggiyapācittiyasikkhāpadaṃ
