| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༢. དུཏིཡནིསྶགྒིཡཔཱཙིཏྟིཡསིཀྑཱཔདཝཎྞནཱ
2. Dutiyanissaggiyapācittiyasikkhāpadavaṇṇanā
༧༤༠. ཝཏྠུསམྤཏྟཏྟཱ ཝཱ ན ཏསྶཱ ཨནཱཔནྣཀཱམཏཱཡ ཝཱ ཨནཱཎཏྟིཀཏཱཡ ཝཱ ཨཀཱལཙཱིཝརམདཾསུ། ཡཐཱདཱནེ ཨེཝ ཨུཔནེཏབྦཾ, ན བྷཱཛེཏབྦཾ པུགྒལིཀཏྟཱཏི ཨདྷིཔྤཱཡོ། ཨཏྠཏོ ཧི ཨིཏརམྤི ཡཐཱདཱནེ ཨེཝ ཨུཔནེཏབྦམེཝ། གཎྛིཔདེ པན ‘‘ཨཡྻཱཡ དམྨཱིཏི ཨེཝཾ པཊིལདྡྷནྟི ནིསྶཊྛཔཊིལདྡྷཾ། ཡཐཱདཱནེཏི དཱཡཀེཧི པརིཙྩཏྟཝིདྷཱནེན། ཨུཔནེཏབྦནྟི ཨཀཱལཙཱིཝརབྷཱཝེན བྷཱཛེཏབྦནྟི ཨདྷིཔྤཱཡོ། ཨིདྷ བྷཱཛཱཔིཏཱཡ ལདྡྷཙཱིཝརམེཝ ནིསྶགྒིཡཾ ཧོཏི, ཏཾ ཝིནཡཀམྨཾ ཀཏྭཱཔི ཨཏྟནཱ ན ལབྷཏཱི’’ཏི ལིཁིཏཾ། ཡདི ནིསྶཊྛཔཊིལདྡྷཾ སནྡྷཱཡ ཨིདཾ ཝུཏྟཾ སིཡཱ, ‘‘ནིསྶཛྫིཏབྦཾ སངྒྷསྶ ཝཱ གཎསྶ ཝཱ པུགྒལསྶ ཝཱ དདེཡྻ, དདེཡྻུཾ, ཨཡྻཱཡ དམྨཱི’’ཏི ཝུཏྟཏྟཱ ཏཱིཎིཔེཏཱནི པདཱནི ཝཏྟབྦཱནི སིཡུཾ, ཏསྨཱ ན ཀེཝལཾ ནིསྶཊྛཔཊིལདྡྷམེཝ ཡཐཱདཱནེ ཨུཔནེཏབྦཾ, ཨཉྙཱཧི བྷིཀྑུནཱིཧི ལདྡྷཀོཊྛཱསམྤི ཡཐཱདཱནེཡེཝ ཨུཔནེཏབྦཾ།
740. Vatthusampattattā vā na tassā anāpannakāmatāya vā anāṇattikatāya vā akālacīvaramadaṃsu. Yathādāne eva upanetabbaṃ, na bhājetabbaṃ puggalikattāti adhippāyo. Atthato hi itarampi yathādāne eva upanetabbameva. Gaṇṭhipade pana ‘‘ayyāya dammīti evaṃ paṭiladdhanti nissaṭṭhapaṭiladdhaṃ. Yathādāneti dāyakehi pariccattavidhānena. Upanetabbanti akālacīvarabhāvena bhājetabbanti adhippāyo. Idha bhājāpitāya laddhacīvarameva nissaggiyaṃ hoti, taṃ vinayakammaṃ katvāpi attanā na labhatī’’ti likhitaṃ. Yadi nissaṭṭhapaṭiladdhaṃ sandhāya idaṃ vuttaṃ siyā, ‘‘nissajjitabbaṃ saṅghassa vā gaṇassa vā puggalassa vā dadeyya, dadeyyuṃ, ayyāya dammī’’ti vuttattā tīṇipetāni padāni vattabbāni siyuṃ, tasmā na kevalaṃ nissaṭṭhapaṭiladdhameva yathādāne upanetabbaṃ, aññāhi bhikkhunīhi laddhakoṭṭhāsampi yathādāneyeva upanetabbaṃ.
༧༤༡. ‘‘ཨཀཱལཙཱིཝརེ ཀཱལཙཱིཝརསཉྙཱཡ ཨནཱཔཏྟཱི’’ཏི པན བྷཱཛནཔཙྩཡཱ ཨཱཔཛྫིཏབྦཱཔཏྟིཾ ནཱཔཛྫཏཱིཏི ཨེཏྟཀམེཝ དཱིཔེཏི, ན པཊིལདྡྷཾ, ན ཡཐཱདཱནེ དཱཏབྦནྟི ཨིམམཏྠཾ དཱིཔེཏི། ལེསེན པན གཎྷཱཏི ཙེ, བྷཎྜགྒྷེན ཀཱརེཏབྦཱ།
741. ‘‘Akālacīvare kālacīvarasaññāya anāpattī’’ti pana bhājanapaccayā āpajjitabbāpattiṃ nāpajjatīti ettakameva dīpeti, na paṭiladdhaṃ, na yathādāne dātabbanti imamatthaṃ dīpeti. Lesena pana gaṇhāti ce, bhaṇḍagghena kāretabbā.
དུཏིཡནིསྶགྒིཡཔཱཙིཏྟིཡསིཀྑཱཔདཝཎྞནཱ ནིཊྛིཏཱ།
Dutiyanissaggiyapācittiyasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༢. དུཏིཡསིཀྑཱཔདཾ • 2. Dutiyasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / དུཏིཡནིསྶགྒིཡཔཱཙིཏྟིཡསིཀྑཱཔདཝཎྞནཱ • Dutiyanissaggiyapācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ནིསྶགྒིཡཀཎྜཾ (བྷིཀྑུནཱིཝིབྷངྒཝཎྞནཱ) • 3. Nissaggiyakaṇḍaṃ (bhikkhunīvibhaṅgavaṇṇanā)
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༢. དུཏིཡནིསྶགྒིཡཱདིཔཱཙིཏྟིཡསིཀྑཱཔདཝཎྞནཱ • 2. Dutiyanissaggiyādipācittiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༢. དུཏིཡནིསྶགྒིཡཔཱཙིཏྟིཡསིཀྑཱཔདཾ • 2. Dutiyanissaggiyapācittiyasikkhāpadaṃ
