| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
2. දුතියානියතසික්‌ඛාපදවණ්‌ණනා
2. Dutiyāniyatasikkhāpadavaṇṇanā
සඞ්‌ඝාදිසෙසෙන වාති කායසංසග්‌ගදුට්‌ඨුල්‌ලොභාසනෙන. තස්‌මා එවං කායසංසග්‌ගවාරො පාළියම්‌පි වුත්‌තො. අනන්‌ධො අබධිරොති අනන්‌ධො කායසංසග්‌ගං පස්‌සති, අබධිරො දුට්‌ඨුල්‌ලං සුණාති, තස්‌මා එව අදින්‌නාදානසදිසානෙවාති වුත්‌ත’’න්‌ති ලිඛිතං. එත්‌ථ ච කායවාචාචිත්‌තතො සමුට්‌ඨානං කථන්‌ති චෙ? කායසංසග්‌ගඤ්‌හි සමාපජ්‌ජන්‌තො දුට්‌ඨුල්‌ලම්‌පි භණති, දුට්‌ඨුල්‌ලං භණන්‌තො නිසීදති චාති සම්‌භවති, දුට්‌ඨුල්‌ලමෙව වා සන්‌ධාය වුත්‌තං. තඤ්‌හි අදින්‌නාදානසමුට්‌ඨානන්‌ති.
Saṅghādisesenavāti kāyasaṃsaggaduṭṭhullobhāsanena. Tasmā evaṃ kāyasaṃsaggavāro pāḷiyampi vutto. Anandho abadhiroti anandho kāyasaṃsaggaṃ passati, abadhiro duṭṭhullaṃ suṇāti, tasmā eva adinnādānasadisānevāti vutta’’nti likhitaṃ. Ettha ca kāyavācācittato samuṭṭhānaṃ kathanti ce? Kāyasaṃsaggañhi samāpajjanto duṭṭhullampi bhaṇati, duṭṭhullaṃ bhaṇanto nisīdati cāti sambhavati, duṭṭhullameva vā sandhāya vuttaṃ. Tañhi adinnādānasamuṭṭhānanti.
යො දෙසනං සබ්‌බවිදූපමොව;
Yo desanaṃ sabbavidūpamova;
නානානයාකාරවිචිත්‌තභෙදං;
Nānānayākāravicittabhedaṃ;
ඤාතුං උපායාන මනො සතිමා;
Ñātuṃ upāyāna mano satimā;
තං ලාභහෙතුං න කරොති පුඤ්‌ඤන්‌ති.
Taṃ lābhahetuṃ na karoti puññanti.
දුතියානියතසික්‌ඛාපදවණ්‌ණනා නිට්‌ඨිතා.
Dutiyāniyatasikkhāpadavaṇṇanā niṭṭhitā.
අනියතවණ්‌ණනා නිට්‌ඨිතා.
Aniyatavaṇṇanā niṭṭhitā.
