| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਦੁਤਿਯਪਬ੍ਬਤਸੁਤ੍ਤਂ
10. Dutiyapabbatasuttaṃ
੮੩. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਸੇਯ੍ਯਥਾਪਿ, ਭਿਕ੍ਖવੇ, ਹਿਮવਾ ਪਬ੍ਬਤਰਾਜਾ ਪਰਿਕ੍ਖਯਂ ਪਰਿਯਾਦਾਨਂ ਗਚ੍ਛੇਯ੍ਯ, ਠਪੇਤ੍વਾ ਸਤ੍ਤ ਸਾਸਪਮਤ੍ਤਿਯੋ ਪਾਸਾਣਸਕ੍ਖਰਾ। ਤਂ ਕਿਂ ਮਞ੍ਞਥ, ਭਿਕ੍ਖવੇ, ਕਤਮਂ ਨੁ ਖੋ ਬਹੁਤਰਂ, ਯਂ વਾ ਹਿਮવਤੋ ਪਬ੍ਬਤਰਾਜਸ੍ਸ ਪਰਿਕ੍ਖੀਣਂ ਪਰਿਯਾਦਿਣ੍ਣਂ ਯਾ વਾ ਸਤ੍ਤ ਸਾਸਪਮਤ੍ਤਿਯੋ ਪਾਸਾਣਸਕ੍ਖਰਾ ਅવਸਿਟ੍ਠਾ’’ਤਿ?
83. Sāvatthiyaṃ viharati…pe… ‘‘seyyathāpi, bhikkhave, himavā pabbatarājā parikkhayaṃ pariyādānaṃ gaccheyya, ṭhapetvā satta sāsapamattiyo pāsāṇasakkharā. Taṃ kiṃ maññatha, bhikkhave, katamaṃ nu kho bahutaraṃ, yaṃ vā himavato pabbatarājassa parikkhīṇaṃ pariyādiṇṇaṃ yā vā satta sāsapamattiyo pāsāṇasakkharā avasiṭṭhā’’ti?
‘‘ਏਤਦੇવ, ਭਨ੍ਤੇ, ਬਹੁਤਰਂ ਹਿਮવਤੋ ਪਬ੍ਬਤਰਾਜਸ੍ਸ ਯਦਿਦਂ ਪਰਿਕ੍ਖੀਣਂ ਪਰਿਯਾਦਿਣ੍ਣਂ; ਅਪ੍ਪਮਤ੍ਤਿਕਾ ਸਤ੍ਤ ਸਾਸਪਮਤ੍ਤਿਯੋ ਪਾਸਾਣਸਕ੍ਖਰਾ ਅવਸਿਟ੍ਠਾ। ਨੇવ ਸਤਿਮਂ ਕਲਂ ਉਪੇਨ੍ਤਿ ਨ ਸਹਸ੍ਸਿਮਂ ਕਲਂ ਉਪੇਨ੍ਤਿ ਨ ਸਤਸਹਸ੍ਸਿਮਂ ਕਲਂ ਉਪੇਨ੍ਤਿ ਹਿਮવਤੋ ਪਬ੍ਬਤਰਾਜਸ੍ਸ ਪਰਿਕ੍ਖੀਣਂ ਪਰਿਯਾਦਿਣ੍ਣਂ ਉਪਨਿਧਾਯ ਸਤ੍ਤ ਸਾਸਪਮਤ੍ਤਿਯੋ ਪਾਸਾਣਸਕ੍ਖਰਾ ਅવਸਿਟ੍ਠਾ’’ਤਿ।
‘‘Etadeva, bhante, bahutaraṃ himavato pabbatarājassa yadidaṃ parikkhīṇaṃ pariyādiṇṇaṃ; appamattikā satta sāsapamattiyo pāsāṇasakkharā avasiṭṭhā. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti himavato pabbatarājassa parikkhīṇaṃ pariyādiṇṇaṃ upanidhāya satta sāsapamattiyo pāsāṇasakkharā avasiṭṭhā’’ti.
‘‘ਏવਮੇવ ਖੋ, ਭਿਕ੍ਖવੇ, ਅਰਿਯਸਾવਕਸ੍ਸ ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਅਭਿਸਮੇਤਾવਿਨੋ ਏਤਦੇવ ਬਹੁਤਰਂ ਦੁਕ੍ਖਂ ਯਦਿਦਂ ਪਰਿਕ੍ਖੀਣਂ ਪਰਿਯਾਦਿਣ੍ਣਂ; ਅਪ੍ਪਮਤ੍ਤਕਂ ਅવਸਿਟ੍ਠਂ। ਨੇવ ਸਤਿਮਂ ਕਲਂ ਉਪੇਤਿ ਨ ਸਹਸ੍ਸਿਮਂ ਕਲਂ ਉਪੇਤਿ ਨ ਸਤਸਹਸ੍ਸਿਮਂ ਕਲਂ ਉਪੇਤਿ ਪੁਰਿਮਂ ਦੁਕ੍ਖਕ੍ਖਨ੍ਧਂ ਪਰਿਕ੍ਖੀਣਂ ਪਰਿਯਾਦਿਣ੍ਣਂ ਉਪਨਿਧਾਯ ਯਦਿਦਂ ਸਤ੍ਤਕ੍ਖਤ੍ਤੁਂਪਰਮਤਾ। ਏવਂ ਮਹਤ੍ਥਿਯੋ ਖੋ, ਭਿਕ੍ਖવੇ, ਧਮ੍ਮਾਭਿਸਮਯੋ, ਏવਂ ਮਹਤ੍ਥਿਯੋ ਧਮ੍ਮਚਕ੍ਖੁਪਟਿਲਾਭੋ’’ਤਿ। ਦਸਮਂ।
‘‘Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṃ dukkhaṃ yadidaṃ parikkhīṇaṃ pariyādiṇṇaṃ; appamattakaṃ avasiṭṭhaṃ. Neva satimaṃ kalaṃ upeti na sahassimaṃ kalaṃ upeti na satasahassimaṃ kalaṃ upeti purimaṃ dukkhakkhandhaṃ parikkhīṇaṃ pariyādiṇṇaṃ upanidhāya yadidaṃ sattakkhattuṃparamatā. Evaṃ mahatthiyo kho, bhikkhave, dhammābhisamayo, evaṃ mahatthiyo dhammacakkhupaṭilābho’’ti. Dasamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਪਥવੀਸੁਤ੍ਤਾਦਿવਣ੍ਣਨਾ • 5. Pathavīsuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਪਥવੀਸੁਤ੍ਤਾਦਿવਣ੍ਣਨਾ • 4. Pathavīsuttādivaṇṇanā
