| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. དུཏིཡཔཙྩོརོཧཎཱིསུཏྟཾ
8. Dutiyapaccorohaṇīsuttaṃ
༡༢༠. ‘‘ཨརིཡཾ ཝོ, བྷིཀྑཝེ, པཙྩོརོཧཎིཾ དེསེསྶཱམི། ཏཾ སུཎཱཐ… ཀཏམཱ ཙ, བྷིཀྑཝེ, ཨརིཡཱ པཙྩོརོཧཎཱི? ཨིདྷ, བྷིཀྑཝེ, ཨརིཡསཱཝཀོ ཨིཏི པཊིསཉྩིཀྑཏི – ‘མིཙྪཱདིཊྛིཡཱ ཁོ པཱཔཀོ ཝིཔཱཀོ – དིཊྛེ ཙེཝ དྷམྨེ ཨབྷིསམྤརཱཡཉྩཱ’ཏི། སོ ཨིཏི པཊིསངྑཱཡ མིཙྪཱདིཊྛིཾ པཛཧཏི; མིཙྪཱདིཊྛིཡཱ པཙྩོརོཧཏི། མིཙྪཱསངྐཔྤསྶ ཁོ པཱཔཀོ ཝིཔཱཀོ… མིཙྪཱཝཱཙཱཡ ཁོ… མིཙྪཱཀམྨནྟསྶ ཁོ… མིཙྪཱཨཱཛཱིཝསྶ ཁོ… མིཙྪཱཝཱཡཱམསྶ ཁོ… མིཙྪཱསཏིཡཱ ཁོ… མིཙྪཱསམཱདྷིསྶ ཁོ… མིཙྪཱཉཱཎསྶ ཁོ… མིཙྪཱཝིམུཏྟིཡཱ ཁོ པཱཔཀོ ཝིཔཱཀོ – དིཊྛེ ཙེཝ དྷམྨེ ཨབྷིསམྤརཱཡཉྩཱཏི། སོ ཨིཏི པཊིསངྑཱཡ མིཙྪཱཝིམུཏྟིཾ པཛཧཏི; མིཙྪཱཝིམུཏྟིཡཱ པཙྩོརོཧཏི། ཨཡཾ ཝུཙྩཏི, བྷིཀྑཝེ, ཨརིཡཱ པཙྩོརོཧཎཱི’’ཏི། ཨཊྛམཾ།
120. ‘‘Ariyaṃ vo, bhikkhave, paccorohaṇiṃ desessāmi. Taṃ suṇātha… katamā ca, bhikkhave, ariyā paccorohaṇī? Idha, bhikkhave, ariyasāvako iti paṭisañcikkhati – ‘micchādiṭṭhiyā kho pāpako vipāko – diṭṭhe ceva dhamme abhisamparāyañcā’ti. So iti paṭisaṅkhāya micchādiṭṭhiṃ pajahati; micchādiṭṭhiyā paccorohati. Micchāsaṅkappassa kho pāpako vipāko… micchāvācāya kho… micchākammantassa kho… micchāājīvassa kho… micchāvāyāmassa kho… micchāsatiyā kho… micchāsamādhissa kho… micchāñāṇassa kho… micchāvimuttiyā kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāvimuttiṃ pajahati; micchāvimuttiyā paccorohati. Ayaṃ vuccati, bhikkhave, ariyā paccorohaṇī’’ti. Aṭṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧-༨. པཙྩོརོཧཎཱིསུཏྟདྭཡཝཎྞནཱ • 7-8. Paccorohaṇīsuttadvayavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༤༢. སངྒཱརཝསུཏྟཱདིཝཎྞནཱ • 5-42. Saṅgāravasuttādivaṇṇanā
