| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
১০. দুতিযপজ্জুন্নধীতুসুত্তৰণ্ণনা
10. Dutiyapajjunnadhītusuttavaṇṇanā
৪০. দসমে ধম্মঞ্চাতি চ সদ্দেন সঙ্ঘঞ্চ, ইতি তীণি রতনানি নমস্সমানা ইধাগতাতি ৰদতি। অত্থৰতীতি, অত্থৰতিযো। বহুনাপি খো তন্তি যং ধম্মং সা অভাসি, তং ধম্মং বহুনাপি পরিযাযেন অহং ৰিভজেয্যং। তাদিসো ধম্মোতি, তাদিসো হি অযং ভগৰা ধম্মো, তংসণ্ঠিতো তপ্পটিভাগো বহূহি পরিযাযেহি ৰিভজিতব্বযুত্তকোতি দস্সেতি। লপযিস্সামীতি, কথযিস্সামি। যাৰতা মে মনসা পরিযত্তন্তি যত্তকং মযা মনসা পরিযাপুটং, তস্সত্থং দিৰসং অৰত্ৰা মধুপটলং পীল়েন্তী ৰিয মুহুত্তেনেৰ সংখিত্তেন কথেস্সামি। সেসং উত্তানমেৰাতি। দসমং।
40. Dasame dhammañcāti ca saddena saṅghañca, iti tīṇi ratanāni namassamānā idhāgatāti vadati. Atthavatīti, atthavatiyo. Bahunāpi kho tanti yaṃ dhammaṃ sā abhāsi, taṃ dhammaṃ bahunāpi pariyāyena ahaṃ vibhajeyyaṃ. Tādiso dhammoti, tādiso hi ayaṃ bhagavā dhammo, taṃsaṇṭhito tappaṭibhāgo bahūhi pariyāyehi vibhajitabbayuttakoti dasseti. Lapayissāmīti, kathayissāmi. Yāvatā me manasā pariyattanti yattakaṃ mayā manasā pariyāpuṭaṃ, tassatthaṃ divasaṃ avatvā madhupaṭalaṃ pīḷentī viya muhutteneva saṃkhittena kathessāmi. Sesaṃ uttānamevāti. Dasamaṃ.
সতুল্লপকাযিকৰগ্গো চতুত্থো।
Satullapakāyikavaggo catuttho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. দুতিযপজ্জুন্নধীতুসুত্তং • 10. Dutiyapajjunnadhītusuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. দুতিযপজ্জুন্নধীতুসুত্তৰণ্ণনা • 10. Dutiyapajjunnadhītusuttavaṇṇanā
