| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. দুতিযপজ্জুন্নধীতুসুত্তৰণ্ণনা
10. Dutiyapajjunnadhītusuttavaṇṇanā
৪০. বুদ্ধঞ্চ ধম্মঞ্চ নমস্সমানাতি বুদ্ধসুবুদ্ধতং ধম্মসুধম্মতঞ্চ ঞত্ৰা তদুভযং নমস্সমানা। যস্মা বুদ্ধে চ ধম্মে চ পসন্নো সঙ্ঘে চ পসন্নো এৰ হোতি তস্স সুপ্পটিপত্তিযা ৰিজাননতো, তস্মা সো অত্থো গাথায চ-সদ্দসঙ্গহিতোতি দস্সেন্তো ‘‘চ-সদ্দেন সঙ্ঘঞ্চা’’তি আহ অত্থৰতিযোতি লোকিযলোকুত্তরঅত্থসঙ্গহিতা লোকিযকুসললোকুত্তরমগ্গসঙ্গণ্হনতো। যং ধম্মং সা অভাসীতি যং তুম্হাকং ধম্মং পটিৰিজ্ঝিত্ৰা ঠিতা, সা মহাকোকনদা অত্তনো বলানুরূপং অভাসি। বহুনাতি নানপ্পকারেন। পরিযাযেনাতি কারণেন। তাদিসোতি তথারূপো তথাপটিৰিদ্ধসচ্চো অত্থধম্মাদীসু কুসলো একেকং পদম্পি উদাহরণহেতুনিগমনানি নীহরন্তো আচিক্খতি দেসেতি পঞ্ঞপেতি পঠপেতি ৰিৰরতি ৰিভজতি উত্তানীকরোতি। তেনাহ ‘‘অযং ভগৰা’’তিআদি। এতেন অতিৰিয ৰিত্থারক্খমো সুগতধম্মোতি দস্সেতি। পরিযাপুটন্তি পরিৰত্তিতং। এৰং ৰিত্থারক্খমং ধম্মং যস্মা দেৰধীতা ‘‘সংখিত্তমত্থং লপযিস্সামী’’তি অৰোচ, তস্মা ৰুত্তং ‘‘তস্সত্থ’’ন্তিআদি।
40.Buddhañcadhammañca namassamānāti buddhasubuddhataṃ dhammasudhammatañca ñatvā tadubhayaṃ namassamānā. Yasmā buddhe ca dhamme ca pasanno saṅghe ca pasanno eva hoti tassa suppaṭipattiyā vijānanato, tasmā so attho gāthāya ca-saddasaṅgahitoti dassento ‘‘ca-saddena saṅghañcā’’ti āha atthavatiyoti lokiyalokuttaraatthasaṅgahitā lokiyakusalalokuttaramaggasaṅgaṇhanato. Yaṃ dhammaṃ sā abhāsīti yaṃ tumhākaṃ dhammaṃ paṭivijjhitvā ṭhitā, sā mahākokanadā attano balānurūpaṃ abhāsi. Bahunāti nānappakārena. Pariyāyenāti kāraṇena. Tādisoti tathārūpo tathāpaṭividdhasacco atthadhammādīsu kusalo ekekaṃ padampi udāharaṇahetunigamanāni nīharanto ācikkhati deseti paññapeti paṭhapeti vivarati vibhajati uttānīkaroti. Tenāha ‘‘ayaṃ bhagavā’’tiādi. Etena ativiya vitthārakkhamo sugatadhammoti dasseti. Pariyāpuṭanti parivattitaṃ. Evaṃ vitthārakkhamaṃ dhammaṃ yasmā devadhītā ‘‘saṃkhittamatthaṃ lapayissāmī’’ti avoca, tasmā vuttaṃ ‘‘tassattha’’ntiādi.
দুতিযপজ্জুন্নধীতুসুত্তৰণ্ণনা নিট্ঠিতা।
Dutiyapajjunnadhītusuttavaṇṇanā niṭṭhitā.
সতুল্লপকাযিকৰগ্গৰণ্ণনা নিট্ঠিতা।
Satullapakāyikavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. দুতিযপজ্জুন্নধীতুসুত্তং • 10. Dutiyapajjunnadhītusuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. দুতিযপজ্জুন্নধীতুসুত্তৰণ্ণনা • 10. Dutiyapajjunnadhītusuttavaṇṇanā
