| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๐. ทุติยปชฺชุนฺนธีตุสุตฺตวณฺณนา
10. Dutiyapajjunnadhītusuttavaṇṇanā
๔๐. ทสเม ธมฺมญฺจาติ จ สเทฺทน สงฺฆญฺจ, อิติ ตีณิ รตนานิ นมสฺสมานา อิธาคตาติ วทติฯ อตฺถวตีติ, อตฺถวติโยฯ พหุนาปิ โข ตนฺติ ยํ ธมฺมํ สา อภาสิ, ตํ ธมฺมํ พหุนาปิ ปริยาเยน อหํ วิภเชยฺยํฯ ตาทิโส ธโมฺมติ, ตาทิโส หิ อยํ ภควา ธโมฺม, ตํสณฺฐิโต ตปฺปฎิภาโค พหูหิ ปริยาเยหิ วิภชิตพฺพยุตฺตโกติ ทเสฺสติฯ ลปยิสฺสามีติ, กถยิสฺสามิฯ ยาวตา เม มนสา ปริยตฺตนฺติ ยตฺตกํ มยา มนสา ปริยาปุฎํ, ตสฺสตฺถํ ทิวสํ อวตฺวา มธุปฎลํ ปีเฬนฺตี วิย มุหุเตฺตเนว สํขิเตฺตน กเถสฺสามิฯ เสสํ อุตฺตานเมวาติฯ ทสมํฯ
40. Dasame dhammañcāti ca saddena saṅghañca, iti tīṇi ratanāni namassamānā idhāgatāti vadati. Atthavatīti, atthavatiyo. Bahunāpi kho tanti yaṃ dhammaṃ sā abhāsi, taṃ dhammaṃ bahunāpi pariyāyena ahaṃ vibhajeyyaṃ. Tādiso dhammoti, tādiso hi ayaṃ bhagavā dhammo, taṃsaṇṭhito tappaṭibhāgo bahūhi pariyāyehi vibhajitabbayuttakoti dasseti. Lapayissāmīti, kathayissāmi. Yāvatā me manasā pariyattanti yattakaṃ mayā manasā pariyāpuṭaṃ, tassatthaṃ divasaṃ avatvā madhupaṭalaṃ pīḷentī viya muhutteneva saṃkhittena kathessāmi. Sesaṃ uttānamevāti. Dasamaṃ.
สตุลฺลปกายิกวโคฺค จตุโตฺถฯ
Satullapakāyikavaggo catuttho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. ทุติยปชฺชุนฺนธีตุสุตฺตํ • 10. Dutiyapajjunnadhītusuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. ทุติยปชฺชุนฺนธีตุสุตฺตวณฺณนา • 10. Dutiyapajjunnadhītusuttavaṇṇanā
