| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
១០. ទុតិយបជ្ជុន្នធីតុសុត្តវណ្ណនា
10. Dutiyapajjunnadhītusuttavaṇṇanā
៤០. ទសមេ ធម្មញ្ចាតិ ច សទ្ទេន សង្ឃញ្ច, ឥតិ តីណិ រតនានិ នមស្សមានា ឥធាគតាតិ វទតិ។ អត្ថវតីតិ, អត្ថវតិយោ។ ពហុនាបិ ខោ តន្តិ យំ ធម្មំ សា អភាសិ, តំ ធម្មំ ពហុនាបិ បរិយាយេន អហំ វិភជេយ្យំ។ តាទិសោ ធម្មោតិ, តាទិសោ ហិ អយំ ភគវា ធម្មោ, តំសណ្ឋិតោ តប្បដិភាគោ ពហូហិ បរិយាយេហិ វិភជិតព្ពយុត្តកោតិ ទស្សេតិ។ លបយិស្សាមីតិ, កថយិស្សាមិ។ យាវតា មេ មនសា បរិយត្តន្តិ យត្តកំ មយា មនសា បរិយាបុដំ, តស្សត្ថំ ទិវសំ អវត្វា មធុបដលំ បីឡេន្តី វិយ មុហុត្តេនេវ សំខិត្តេន កថេស្សាមិ។ សេសំ ឧត្តានមេវាតិ។ ទសមំ។
40. Dasame dhammañcāti ca saddena saṅghañca, iti tīṇi ratanāni namassamānā idhāgatāti vadati. Atthavatīti, atthavatiyo. Bahunāpi kho tanti yaṃ dhammaṃ sā abhāsi, taṃ dhammaṃ bahunāpi pariyāyena ahaṃ vibhajeyyaṃ. Tādiso dhammoti, tādiso hi ayaṃ bhagavā dhammo, taṃsaṇṭhito tappaṭibhāgo bahūhi pariyāyehi vibhajitabbayuttakoti dasseti. Lapayissāmīti, kathayissāmi. Yāvatā me manasā pariyattanti yattakaṃ mayā manasā pariyāpuṭaṃ, tassatthaṃ divasaṃ avatvā madhupaṭalaṃ pīḷentī viya muhutteneva saṃkhittena kathessāmi. Sesaṃ uttānamevāti. Dasamaṃ.
សតុល្លបកាយិកវគ្គោ ចតុត្ថោ។
Satullapakāyikavaggo catuttho.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១០. ទុតិយបជ្ជុន្នធីតុសុត្តំ • 10. Dutiyapajjunnadhītusuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១០. ទុតិយបជ្ជុន្នធីតុសុត្តវណ្ណនា • 10. Dutiyapajjunnadhītusuttavaṇṇanā
