| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. දුතියපජ්‌ජුන්‌නධීතුසුත්‌තවණ්‌ණනා
10. Dutiyapajjunnadhītusuttavaṇṇanā
40. බුද්‌ධඤ්‌ච ධම්‌මඤ්‌ච නමස්‌සමානාති බුද්‌ධසුබුද්‌ධතං ධම්‌මසුධම්‌මතඤ්‌ච ඤත්‌වා තදුභයං නමස්‌සමානා. යස්‌මා බුද්‌ධෙ ච ධම්‌මෙ ච පසන්‌නො සඞ්‌ඝෙ ච පසන්‌නො එව හොති තස්‌ස සුප්‌පටිපත්‌තියා විජානනතො, තස්‌මා සො අත්‌ථො ගාථාය ච-සද්‌දසඞ්‌ගහිතොති දස්‌සෙන්‌තො ‘‘ච-සද්‌දෙන සඞ්‌ඝඤ්‌චා’’ති ආහ අත්‌ථවතියොති ලොකියලොකුත්‌තරඅත්‌ථසඞ්‌ගහිතා ලොකියකුසලලොකුත්‌තරමග්‌ගසඞ්‌ගණ්‌හනතො. යං ධම්‌මං සා අභාසීති යං තුම්‌හාකං ධම්‌මං පටිවිජ්‌ඣිත්‌වා ඨිතා, සා මහාකොකනදා අත්‌තනො බලානුරූපං අභාසි. බහුනාති නානප්‌පකාරෙන. පරියායෙනාති කාරණෙන. තාදිසොති තථාරූපො තථාපටිවිද්‌ධසච්‌චො අත්‌ථධම්‌මාදීසු කුසලො එකෙකං පදම්‌පි උදාහරණහෙතුනිගමනානි නීහරන්‌තො ආචික්‌ඛති දෙසෙති පඤ්‌ඤපෙති පඨපෙති විවරති විභජති උත්‌තානීකරොති. තෙනාහ ‘‘අයං භගවා’’තිආදි. එතෙන අතිවිය විත්‌ථාරක්‌ඛමො සුගතධම්‌මොති දස්‌සෙති. පරියාපුටන්‌ති පරිවත්‌තිතං. එවං විත්‌ථාරක්‌ඛමං ධම්‌මං යස්‌මා දෙවධීතා ‘‘සංඛිත්‌තමත්‌ථං ලපයිස්‌සාමී’’ති අවොච, තස්‌මා වුත්‌තං ‘‘තස්‌සත්‌ථ’’න්‌තිආදි.
40.Buddhañcadhammañca namassamānāti buddhasubuddhataṃ dhammasudhammatañca ñatvā tadubhayaṃ namassamānā. Yasmā buddhe ca dhamme ca pasanno saṅghe ca pasanno eva hoti tassa suppaṭipattiyā vijānanato, tasmā so attho gāthāya ca-saddasaṅgahitoti dassento ‘‘ca-saddena saṅghañcā’’ti āha atthavatiyoti lokiyalokuttaraatthasaṅgahitā lokiyakusalalokuttaramaggasaṅgaṇhanato. Yaṃ dhammaṃ sā abhāsīti yaṃ tumhākaṃ dhammaṃ paṭivijjhitvā ṭhitā, sā mahākokanadā attano balānurūpaṃ abhāsi. Bahunāti nānappakārena. Pariyāyenāti kāraṇena. Tādisoti tathārūpo tathāpaṭividdhasacco atthadhammādīsu kusalo ekekaṃ padampi udāharaṇahetunigamanāni nīharanto ācikkhati deseti paññapeti paṭhapeti vivarati vibhajati uttānīkaroti. Tenāha ‘‘ayaṃ bhagavā’’tiādi. Etena ativiya vitthārakkhamo sugatadhammoti dasseti. Pariyāpuṭanti parivattitaṃ. Evaṃ vitthārakkhamaṃ dhammaṃ yasmā devadhītā ‘‘saṃkhittamatthaṃ lapayissāmī’’ti avoca, tasmā vuttaṃ ‘‘tassattha’’ntiādi.
දුතියපජ්‌ජුන්‌නධීතුසුත්‌තවණ්‌ණනා නිට්‌ඨිතා.
Dutiyapajjunnadhītusuttavaṇṇanā niṭṭhitā.
සතුල්‌ලපකායිකවග්‌ගවණ්‌ණනා නිට්‌ඨිතා.
Satullapakāyikavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. දුතියපජ්‌ජුන්‌නධීතුසුත්‌තං • 10. Dutiyapajjunnadhītusuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. දුතියපජ්‌ජුන්‌නධීතුසුත්‌තවණ්‌ණනා • 10. Dutiyapajjunnadhītusuttavaṇṇanā
