| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਦੁਤਿਯਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ
10. Dutiyapajjunnadhītusuttavaṇṇanā
੪੦. ਬੁਦ੍ਧਞ੍ਚ ਧਮ੍ਮਞ੍ਚ ਨਮਸ੍ਸਮਾਨਾਤਿ ਬੁਦ੍ਧਸੁਬੁਦ੍ਧਤਂ ਧਮ੍ਮਸੁਧਮ੍ਮਤਞ੍ਚ ਞਤ੍વਾ ਤਦੁਭਯਂ ਨਮਸ੍ਸਮਾਨਾ। ਯਸ੍ਮਾ ਬੁਦ੍ਧੇ ਚ ਧਮ੍ਮੇ ਚ ਪਸਨ੍ਨੋ ਸਙ੍ਘੇ ਚ ਪਸਨ੍ਨੋ ਏવ ਹੋਤਿ ਤਸ੍ਸ ਸੁਪ੍ਪਟਿਪਤ੍ਤਿਯਾ વਿਜਾਨਨਤੋ, ਤਸ੍ਮਾ ਸੋ ਅਤ੍ਥੋ ਗਾਥਾਯ ਚ-ਸਦ੍ਦਸਙ੍ਗਹਿਤੋਤਿ ਦਸ੍ਸੇਨ੍ਤੋ ‘‘ਚ-ਸਦ੍ਦੇਨ ਸਙ੍ਘਞ੍ਚਾ’’ਤਿ ਆਹ ਅਤ੍ਥવਤਿਯੋਤਿ ਲੋਕਿਯਲੋਕੁਤ੍ਤਰਅਤ੍ਥਸਙ੍ਗਹਿਤਾ ਲੋਕਿਯਕੁਸਲਲੋਕੁਤ੍ਤਰਮਗ੍ਗਸਙ੍ਗਣ੍ਹਨਤੋ। ਯਂ ਧਮ੍ਮਂ ਸਾ ਅਭਾਸੀਤਿ ਯਂ ਤੁਮ੍ਹਾਕਂ ਧਮ੍ਮਂ ਪਟਿવਿਜ੍ਝਿਤ੍વਾ ਠਿਤਾ, ਸਾ ਮਹਾਕੋਕਨਦਾ ਅਤ੍ਤਨੋ ਬਲਾਨੁਰੂਪਂ ਅਭਾਸਿ। ਬਹੁਨਾਤਿ ਨਾਨਪ੍ਪਕਾਰੇਨ। ਪਰਿਯਾਯੇਨਾਤਿ ਕਾਰਣੇਨ। ਤਾਦਿਸੋਤਿ ਤਥਾਰੂਪੋ ਤਥਾਪਟਿવਿਦ੍ਧਸਚ੍ਚੋ ਅਤ੍ਥਧਮ੍ਮਾਦੀਸੁ ਕੁਸਲੋ ਏਕੇਕਂ ਪਦਮ੍ਪਿ ਉਦਾਹਰਣਹੇਤੁਨਿਗਮਨਾਨਿ ਨੀਹਰਨ੍ਤੋ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ। ਤੇਨਾਹ ‘‘ਅਯਂ ਭਗવਾ’’ਤਿਆਦਿ। ਏਤੇਨ ਅਤਿવਿਯ વਿਤ੍ਥਾਰਕ੍ਖਮੋ ਸੁਗਤਧਮ੍ਮੋਤਿ ਦਸ੍ਸੇਤਿ। ਪਰਿਯਾਪੁਟਨ੍ਤਿ ਪਰਿવਤ੍ਤਿਤਂ। ਏવਂ વਿਤ੍ਥਾਰਕ੍ਖਮਂ ਧਮ੍ਮਂ ਯਸ੍ਮਾ ਦੇવਧੀਤਾ ‘‘ਸਂਖਿਤ੍ਤਮਤ੍ਥਂ ਲਪਯਿਸ੍ਸਾਮੀ’’ਤਿ ਅવੋਚ, ਤਸ੍ਮਾ વੁਤ੍ਤਂ ‘‘ਤਸ੍ਸਤ੍ਥ’’ਨ੍ਤਿਆਦਿ।
40.Buddhañcadhammañca namassamānāti buddhasubuddhataṃ dhammasudhammatañca ñatvā tadubhayaṃ namassamānā. Yasmā buddhe ca dhamme ca pasanno saṅghe ca pasanno eva hoti tassa suppaṭipattiyā vijānanato, tasmā so attho gāthāya ca-saddasaṅgahitoti dassento ‘‘ca-saddena saṅghañcā’’ti āha atthavatiyoti lokiyalokuttaraatthasaṅgahitā lokiyakusalalokuttaramaggasaṅgaṇhanato. Yaṃ dhammaṃ sā abhāsīti yaṃ tumhākaṃ dhammaṃ paṭivijjhitvā ṭhitā, sā mahākokanadā attano balānurūpaṃ abhāsi. Bahunāti nānappakārena. Pariyāyenāti kāraṇena. Tādisoti tathārūpo tathāpaṭividdhasacco atthadhammādīsu kusalo ekekaṃ padampi udāharaṇahetunigamanāni nīharanto ācikkhati deseti paññapeti paṭhapeti vivarati vibhajati uttānīkaroti. Tenāha ‘‘ayaṃ bhagavā’’tiādi. Etena ativiya vitthārakkhamo sugatadhammoti dasseti. Pariyāpuṭanti parivattitaṃ. Evaṃ vitthārakkhamaṃ dhammaṃ yasmā devadhītā ‘‘saṃkhittamatthaṃ lapayissāmī’’ti avoca, tasmā vuttaṃ ‘‘tassattha’’ntiādi.
ਦੁਤਿਯਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dutiyapajjunnadhītusuttavaṇṇanā niṭṭhitā.
ਸਤੁਲ੍ਲਪਕਾਯਿਕવਗ੍ਗવਣ੍ਣਨਾ ਨਿਟ੍ਠਿਤਾ।
Satullapakāyikavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਦੁਤਿਯਪਜ੍ਜੁਨ੍ਨਧੀਤੁਸੁਤ੍ਤਂ • 10. Dutiyapajjunnadhītusuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਦੁਤਿਯਪਜ੍ਜੁਨ੍ਨਧੀਤੁਸੁਤ੍ਤવਣ੍ਣਨਾ • 10. Dutiyapajjunnadhītusuttavaṇṇanā
