| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൧൦. ദുതിയപജ്ജുന്നധീതുസുത്തവണ്ണനാ
10. Dutiyapajjunnadhītusuttavaṇṇanā
൪൦. ദസമേ ധമ്മഞ്ചാതി ച സദ്ദേന സങ്ഘഞ്ച, ഇതി തീണി രതനാനി നമസ്സമാനാ ഇധാഗതാതി വദതി. അത്ഥവതീതി, അത്ഥവതിയോ. ബഹുനാപി ഖോ തന്തി യം ധമ്മം സാ അഭാസി, തം ധമ്മം ബഹുനാപി പരിയായേന അഹം വിഭജേയ്യം. താദിസോ ധമ്മോതി, താദിസോ ഹി അയം ഭഗവാ ധമ്മോ, തംസണ്ഠിതോ തപ്പടിഭാഗോ ബഹൂഹി പരിയായേഹി വിഭജിതബ്ബയുത്തകോതി ദസ്സേതി. ലപയിസ്സാമീതി, കഥയിസ്സാമി. യാവതാ മേ മനസാ പരിയത്തന്തി യത്തകം മയാ മനസാ പരിയാപുടം, തസ്സത്ഥം ദിവസം അവത്വാ മധുപടലം പീളേന്തീ വിയ മുഹുത്തേനേവ സംഖിത്തേന കഥേസ്സാമി. സേസം ഉത്താനമേവാതി. ദസമം.
40. Dasame dhammañcāti ca saddena saṅghañca, iti tīṇi ratanāni namassamānā idhāgatāti vadati. Atthavatīti, atthavatiyo. Bahunāpi kho tanti yaṃ dhammaṃ sā abhāsi, taṃ dhammaṃ bahunāpi pariyāyena ahaṃ vibhajeyyaṃ. Tādiso dhammoti, tādiso hi ayaṃ bhagavā dhammo, taṃsaṇṭhito tappaṭibhāgo bahūhi pariyāyehi vibhajitabbayuttakoti dasseti. Lapayissāmīti, kathayissāmi. Yāvatā me manasā pariyattanti yattakaṃ mayā manasā pariyāpuṭaṃ, tassatthaṃ divasaṃ avatvā madhupaṭalaṃ pīḷentī viya muhutteneva saṃkhittena kathessāmi. Sesaṃ uttānamevāti. Dasamaṃ.
സതുല്ലപകായികവഗ്ഗോ ചതുത്ഥോ.
Satullapakāyikavaggo catuttho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. ദുതിയപജ്ജുന്നധീതുസുത്തം • 10. Dutiyapajjunnadhītusuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. ദുതിയപജ്ജുന്നധീതുസുത്തവണ്ണനാ • 10. Dutiyapajjunnadhītusuttavaṇṇanā
