| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[230] 10. д̣̇уд̇ияабалааяид̇аж̇аад̇агаван̣н̣анаа
[230] 10. Dutiyapalāyitajātakavaṇṇanā
д̇хаж̇амабаримид̇анд̇и ид̣̇ам̣ сад̇т̇аа ж̇зд̇аванз вихаранд̇о згам̣ балааяид̇абариб̣б̣ааж̇агамзва аараб̣бха гат̇зси. имасмим̣ бана вад̇т̇усмим̣ со бариб̣б̣ааж̇аго ж̇зд̇аванам̣ баависи. д̇асмим̣ кан̣з сад̇т̇аа махааж̇анабаривуд̇о алан̇гад̇ад̇хаммаасанз нисинно маносилаад̇алз сийханаад̣̇ам̣ над̣̇анд̇о сийхабод̇аго вияа д̇хаммам̣ д̣̇зсзд̇и. бариб̣б̣ааж̇аго д̣̇асаб̣аласса б̣рахмасарийрабадибхааг̇ам̣ руубам̣ бун̣н̣ажанд̣̇асассиригам̣ мукам̣ суван̣н̣абаддасад̣̇исам̣ налаадан̃жа д̣̇исваа ‘‘го зваруубам̣ бурисуд̇д̇амам̣ ж̇инид̇ум̣ сагкиссад̇ий’’д̇и нивад̇д̇ид̇ваа барисанд̇арам̣ бависид̇ваа балааяи. махааж̇ано д̇ам̣ ануб̣анд̇хид̇ваа нивад̇д̇ид̇ваа сад̇т̇усса д̇ам̣ бавад̇д̇им̣ аарожзси. сад̇т̇аа ‘‘на со бариб̣б̣ааж̇аго ид̣̇аанзва, буб̣б̣зби мама суван̣н̣аван̣н̣ам̣ мукам̣ д̣̇исваа балаад̇оязваа’’д̇и вад̇ваа ад̇ийд̇ам̣ аахари.
Dhajamaparimitanti idaṃ satthā jetavane viharanto ekaṃ palāyitaparibbājakameva ārabbha kathesi. Imasmiṃ pana vatthusmiṃ so paribbājako jetavanaṃ pāvisi. Tasmiṃ khaṇe satthā mahājanaparivuto alaṅkatadhammāsane nisinno manosilātale sīhanādaṃ nadanto sīhapotako viya dhammaṃ deseti. Paribbājako dasabalassa brahmasarīrapaṭibhāgaṃ rūpaṃ puṇṇacandasassirikaṃ mukhaṃ suvaṇṇapaṭṭasadisaṃ nalāṭañca disvā ‘‘ko evarūpaṃ purisuttamaṃ jinituṃ sakkhissatī’’ti nivattitvā parisantaraṃ pavisitvā palāyi. Mahājano taṃ anubandhitvā nivattitvā satthussa taṃ pavattiṃ ārocesi. Satthā ‘‘na so paribbājako idāneva, pubbepi mama suvaṇṇavaṇṇaṃ mukhaṃ disvā palātoyevā’’ti vatvā atītaṃ āhari.
ад̇ийд̇з б̣од̇хисад̇д̇о б̣аараан̣асияам̣ раж̇ж̇ам̣ гаарзси, д̇аггасилааяам̣ зго г̇анд̇хаарарааж̇аа. со ‘‘б̣аараан̣асим̣ г̇ахзссаамий’’д̇и жад̇уран̇г̇инияаа сзнааяа ааг̇анд̇ваа наг̇арам̣ бариваарзд̇ваа наг̇арад̣̇ваарз тид̇о ад̇д̇ано б̣алавааханам̣ ологзд̇ваа ‘‘го зд̇д̇агам̣ б̣алавааханам̣ ж̇инид̇ум̣ сагкиссад̇ий’’д̇и ад̇д̇ано сзнам̣ сам̣ван̣н̣зд̇ваа батамам̣ г̇аат̇амааха –
Atīte bodhisatto bārāṇasiyaṃ rajjaṃ kāresi, takkasilāyaṃ eko gandhārarājā. So ‘‘bārāṇasiṃ gahessāmī’’ti caturaṅginiyā senāya āgantvā nagaraṃ parivāretvā nagaradvāre ṭhito attano balavāhanaṃ oloketvā ‘‘ko ettakaṃ balavāhanaṃ jinituṃ sakkhissatī’’ti attano senaṃ saṃvaṇṇetvā paṭhamaṃ gāthamāha –
159.
159.
‘‘д̇хаж̇амабаримид̇ам̣ ананд̇абаарам̣, д̣̇уббасахам̣ д̇хан̇гзхи сааг̇арам̣ва;
‘‘Dhajamaparimitaṃ anantapāraṃ, duppasahaṃ dhaṅkehi sāgaraṃva;
г̇иримива анилзна д̣̇уббасаяхо, д̣̇уббасахо ахамаж̇ж̇а д̇аад̣̇исзнаа’’д̇и.
Girimiva anilena duppasayho, duppasaho ahamajja tādisenā’’ti.
д̇ад̇т̇а д̇хаж̇амабаримид̇анд̇и ид̣̇ам̣ д̇аава мз рат̇зсу морачад̣̇з табзд̇ваа уссаабид̇ад̇хаж̇амзва абаримид̇ам̣ б̣ахум̣ анзгасад̇асан̇кяам̣. ананд̇абааранд̇и б̣алавааханамби мз ‘‘зд̇д̇агаа хад̇т̇ий зд̇д̇агаа ассаа зд̇д̇агаа рат̇аа зд̇д̇агаа бад̇д̇ий’’д̇и г̇ан̣анабарижчзд̣̇арахид̇ам̣ ананд̇абаарам̣. д̣̇уббасаханд̇и на саггаа бадисад̇д̇уухи сахид̇ум̣ абхибхавид̇ум̣ . яат̇аа гим̣? д̇хан̇гзхи сааг̇арам̣ва, яат̇аа сааг̇аро б̣ахуухи гаагзхи взг̇авигкамбханавасзна ваа ад̇иггаманавасзна ваа д̣̇уббасахо, звам̣ д̣̇уббасахам̣. г̇иримива анилзна д̣̇уббасаяход̇и абижа мз аяам̣ б̣алагааяо яат̇аа баб̣б̣ад̇о ваад̇зна агамбанийяад̇о д̣̇уббасахо, д̇ат̇аа ан̃н̃зна б̣алагааязна д̣̇уббасахо. д̣̇уббасахо ахамаж̇ж̇а д̇аад̣̇исзнаад̇и сваахам̣ иминаа б̣алзна саманнааг̇ад̇о аж̇ж̇а д̇аад̣̇исзна д̣̇уббасаход̇и аддаалагз тид̇ам̣ б̣од̇хисад̇д̇ам̣ санд̇хааяа вад̣̇ад̇и.
Tattha dhajamaparimitanti idaṃ tāva me rathesu morachade ṭhapetvā ussāpitadhajameva aparimitaṃ bahuṃ anekasatasaṅkhyaṃ. Anantapāranti balavāhanampi me ‘‘ettakā hatthī ettakā assā ettakā rathā ettakā pattī’’ti gaṇanaparicchedarahitaṃ anantapāraṃ. Duppasahanti na sakkā paṭisattūhi sahituṃ abhibhavituṃ . Yathā kiṃ? Dhaṅkehi sāgaraṃva, yathā sāgaro bahūhi kākehi vegavikkhambhanavasena vā atikkamanavasena vā duppasaho, evaṃ duppasahaṃ. Girimiva anilena duppasayhoti apica me ayaṃ balakāyo yathā pabbato vātena akampanīyato duppasaho, tathā aññena balakāyena duppasaho. Duppasaho ahamajja tādisenāti svāhaṃ iminā balena samannāgato ajja tādisena duppasahoti aṭṭālake ṭhitaṃ bodhisattaṃ sandhāya vadati.
ат̇асса со бун̣н̣ажанд̣̇асассиригам̣ ад̇д̇ано мукам̣ д̣̇ассзд̇ваа ‘‘б̣аала, маа виббалабаси, ид̣̇аани д̇з б̣алавааханам̣ мад̇д̇авааран̣о вияа нал̣аванам̣ вид̣̇д̇хам̣сзссаамий’’д̇и санд̇аж̇ж̇зд̇ваа д̣̇уд̇ияам̣ г̇аат̇амааха –
Athassa so puṇṇacandasassirikaṃ attano mukhaṃ dassetvā ‘‘bāla, mā vippalapasi, idāni te balavāhanaṃ mattavāraṇo viya naḷavanaṃ viddhaṃsessāmī’’ti santajjetvā dutiyaṃ gāthamāha –
160.
160.
‘‘маа б̣аалияам̣ вилаби на хисса д̇аад̣̇исам̣, вид̣аяхасз на хи лабхасз нисзд̇хагам̣;
‘‘Mā bāliyaṃ vilapi na hissa tādisaṃ, viḍayhase na hi labhase nisedhakaṃ;
аасаж̇ж̇аси г̇аж̇амива згажааринам̣, яо д̇ам̣ бад̣̇аа нал̣амива бот̇аяиссад̇ий’’д̇и.
Āsajjasi gajamiva ekacārinaṃ, yo taṃ padā naḷamiva pothayissatī’’ti.
д̇ад̇т̇а маа б̣аалияам̣ вилабийд̇и маа ад̇д̇ано б̣аалабхаавам̣ виббалабаси. на хисса д̇аад̣̇исанд̇и на хи асса д̇аад̣̇исо, аяамзва ваа баато. д̇аад̣̇исо ‘‘ананд̇абаарам̣ мз б̣алаваахана’’нд̇и зваруубам̣ д̇аггзнд̇о раж̇ж̇ан̃жа г̇ахзд̇ум̣ самад̇т̇о наама на хи асса, на ход̇ийд̇и ад̇т̇о. вид̣аяхасзд̇и д̇вам̣ б̣аала, гзвалам̣ рааг̇ад̣̇осамохамаанабарил̣аахзна вид̣аяхасиязва. на хи лабхасз нисзд̇хаганд̇и маад̣̇исам̣ бана басаяха абхибхавид̇ваа нисзд̇хагам̣ на д̇аава лабхаси, аж̇ж̇а д̇ам̣ ааг̇ад̇амаг̇г̇знзва балаабзссаами. аасаж̇ж̇асийд̇и убаг̇ажчаси. г̇аж̇амива згажааринанд̇и згажааринам̣ мад̇д̇аваравааран̣ам̣ вияа. яо д̇ам̣ бад̣̇аа нал̣амива бот̇аяиссад̇ийд̇и яо д̇ам̣ яат̇аа наама мад̇д̇аваравааран̣о баад̣̇аа нал̣ам̣ бот̇зд̇и сам̣жун̣н̣зд̇и, звам̣ бот̇аяиссад̇и, д̇ам̣ д̇вам̣ аасаж̇ж̇асийд̇и ад̇д̇аанам̣ санд̇хааяааха.
Tattha mā bāliyaṃ vilapīti mā attano bālabhāvaṃ vippalapasi. Na hissa tādisanti na hi assa tādiso, ayameva vā pāṭho. Tādiso ‘‘anantapāraṃ me balavāhana’’nti evarūpaṃ takkento rajjañca gahetuṃ samattho nāma na hi assa, na hotīti attho. Viḍayhaseti tvaṃ bāla, kevalaṃ rāgadosamohamānapariḷāhena viḍayhasiyeva. Na hi labhase nisedhakanti mādisaṃ pana pasayha abhibhavitvā nisedhakaṃ na tāva labhasi, ajja taṃ āgatamaggeneva palāpessāmi. Āsajjasīti upagacchasi. Gajamiva ekacārinanti ekacārinaṃ mattavaravāraṇaṃ viya. Yo taṃ padā naḷamiva pothayissatīti yo taṃ yathā nāma mattavaravāraṇo pādā naḷaṃ potheti saṃcuṇṇeti, evaṃ pothayissati, taṃ tvaṃ āsajjasīti attānaṃ sandhāyāha.
звам̣ д̇аж̇ж̇знд̇асса банасса гат̇ам̣ суд̇ваа г̇анд̇хаарарааж̇аа уллогзнд̇о ган̃жанабаддасад̣̇исам̣ махааналаадам̣ д̣̇исваа ад̇д̇ано г̇ахан̣абхийд̇о нивад̇д̇ид̇ваа балааяанд̇о саганаг̇арамзва аг̇амааси.
Evaṃ tajjentassa panassa kathaṃ sutvā gandhārarājā ullokento kañcanapaṭṭasadisaṃ mahānalāṭaṃ disvā attano gahaṇabhīto nivattitvā palāyanto sakanagarameva agamāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа г̇анд̇хаарарааж̇аа балааяид̇абариб̣б̣ааж̇аго ахоси, б̣аараан̣асирааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā gandhārarājā palāyitaparibbājako ahosi, bārāṇasirājā pana ahameva ahosi’’nti.
д̣̇уд̇ияабалааяид̇аж̇аад̇агаван̣н̣анаа д̣̇асамаа.
Dutiyapalāyitajātakavaṇṇanā dasamā.
гаасаававаг̇г̇о адтамо.
Kāsāvavaggo aṭṭhamo.
д̇ассуд̣̇д̣̇аанам̣ –
Tassuddānaṃ –
гаасаавам̣ жуул̣ананд̣̇ияам̣, будабхад̇д̇ан̃жа гумбхилам̣;
Kāsāvaṃ cūḷanandiyaṃ, puṭabhattañca kumbhilaṃ;
канд̇иван̣н̣ам̣ госияан̃жа, г̇уут̇абаан̣ам̣ гааманийд̇ам̣;
Khantivaṇṇaṃ kosiyañca, gūthapāṇaṃ kāmanītaṃ;
балааяид̇ад̣̇ваяамби жа.
Palāyitadvayampi ca.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 230. д̣̇уд̇ияабалааяид̇аж̇аад̇агам̣ • 230. Dutiyapalāyitajātakaṃ
