| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. д̣̇уд̇ияабамаад̣̇аад̣̇иваг̇г̇аван̣н̣анаа
10. Dutiyapamādādivaggavaṇṇanā
98. д̣̇асамз аж̇жхад̇д̇иганд̇и нияагаж̇жхад̇д̇авасзна аж̇жхад̇д̇игам̣. ан̇г̇анд̇и гааран̣ам̣. ид̇и гарид̇ваад̇и звам̣ гад̇ваа. ид̣̇ам̣ вуд̇д̇ам̣ ход̇и – бхигкавз, аж̇жхад̇д̇ам̣ бажжад̇д̇ам̣ ад̇д̇ано санд̇аанз самудтид̇ам̣ гааран̣анд̇и гад̇ваа на ан̃н̃ам̣ згам̣ гааран̣амби саманубассаамийд̇и.
98. Dasame ajjhattikanti niyakajjhattavasena ajjhattikaṃ. Aṅganti kāraṇaṃ. Iti karitvāti evaṃ katvā. Idaṃ vuttaṃ hoti – bhikkhave, ajjhattaṃ paccattaṃ attano santāne samuṭṭhitaṃ kāraṇanti katvā na aññaṃ ekaṃ kāraṇampi samanupassāmīti.
110-114. б̣аахиранд̇и аж̇жхад̇д̇асанд̇аанад̇о б̣ахи бхавам̣. сад̣̇д̇хаммассаад̇и суд̣̇д̇хаммасса, саасанассаад̇и ад̇т̇о. саммосааяаад̇и винаасааяа. анд̇арад̇хаанааяаад̇и абан̃н̃аан̣ад̇т̇ааяа.
110-114.Bāhiranti ajjhattasantānato bahi bhavaṃ. Saddhammassāti suddhammassa, sāsanassāti attho. Sammosāyāti vināsāya. Antaradhānāyāti apaññāṇatthāya.
115. тид̇ияаад̇и жирадтид̇ад̇т̇ам̣. асаммосааяа ананд̇арад̇хаанааяаад̇и вуд̇д̇абадибагканаязнзва взд̣̇ид̇аб̣б̣ам̣. сзсамзд̇т̇а жад̇уггодигз вуд̇д̇анаяамзва.
115.Ṭhitiyāti ciraṭṭhitatthaṃ. Asammosāya anantaradhānāyāti vuttapaṭipakkhanayeneva veditabbaṃ. Sesamettha catukkoṭike vuttanayameva.
130. ид̇о барзсу ад̇хаммам̣ д̇хаммод̇и д̣̇ийбзнд̇ийд̇иаад̣̇ийсу суд̇д̇анд̇абарияааязна д̇аава д̣̇аса гусалагаммабат̇аа д̇хаммо, д̣̇аса агусалагаммабат̇аа ад̇хаммо. д̇ат̇аа жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇од̇и сад̇д̇ад̇им̣са б̣од̇хибагкияад̇хаммаа д̇хаммо наама; д̇аяо сад̇ибадтаанаа д̇аяо саммаббад̇хаанаа д̇аяо ид̣̇д̇хибаад̣̇аа ча инд̣̇рияаани ча б̣алаани адта б̣ож̇жхан̇г̇аа наван̇г̇иго маг̇г̇од̇и жа жад̇д̇ааро убаад̣̇аанаа бан̃жа нийваран̣аани сад̇д̇а анусаяаа адта мижчад̇д̇аани жа аяам̣ ад̇хаммо.
130. Ito paresu adhammaṃ dhammoti dīpentītiādīsu suttantapariyāyena tāva dasa kusalakammapathā dhammo, dasa akusalakammapathā adhammo. Tathā cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggoti sattatiṃsa bodhipakkhiyadhammā dhammo nāma; tayo satipaṭṭhānā tayo sammappadhānā tayo iddhipādā cha indriyāni cha balāni aṭṭha bojjhaṅgā navaṅgiko maggoti ca cattāro upādānā pañca nīvaraṇāni satta anusayā aṭṭha micchattāni ca ayaṃ adhammo.
д̇ад̇т̇а яам̣гин̃жи згам̣ ад̇хаммагодтаасам̣ г̇ахзд̇ваа ‘‘имам̣ ад̇хаммам̣ д̇хаммод̇и гариссаама, звам̣ амхаагам̣ аажарияагулам̣ нияяаанигам̣ бхависсад̇и, маяам̣ жа логз баагадаа бхависсаамаа’’д̇и д̇ам̣ ад̇хаммам̣ ‘‘д̇хаммо аяа’’нд̇и гат̇аяанд̇аа ад̇хаммам̣ д̇хаммод̇и д̣̇ийбзнд̇и наама. д̇ат̇зва д̇хаммагодтаасзсу згам̣ г̇ахзд̇ваа ‘‘аяам̣ ад̇хаммо’’д̇и гат̇знд̇аа д̇хаммам̣ ад̇хаммод̇и д̣̇ийбзнд̇и наама. винаяабарияааязна бана бхууд̇зна вад̇т̇унаа жод̣̇зд̇ваа саарзд̇ваа яат̇аабадин̃н̃ааяа гад̇д̇аб̣б̣ам̣ гаммам̣ д̇хаммо наама, абхууд̇зна вад̇т̇унаа ажод̣̇зд̇ваа асаарзд̇ваа абадин̃н̃ааяа гад̇д̇аб̣б̣ам̣ гаммам̣ ад̇хаммо наама.
Tattha yaṃkiñci ekaṃ adhammakoṭṭhāsaṃ gahetvā ‘‘imaṃ adhammaṃ dhammoti karissāma, evaṃ amhākaṃ ācariyakulaṃ niyyānikaṃ bhavissati, mayaṃ ca loke pākaṭā bhavissāmā’’ti taṃ adhammaṃ ‘‘dhammo aya’’nti kathayantā adhammaṃ dhammoti dīpenti nāma. Tatheva dhammakoṭṭhāsesu ekaṃ gahetvā ‘‘ayaṃ adhammo’’ti kathentā dhammaṃ adhammoti dīpenti nāma. Vinayapariyāyena pana bhūtena vatthunā codetvā sāretvā yathāpaṭiññāya kattabbaṃ kammaṃ dhammo nāma, abhūtena vatthunā acodetvā asāretvā apaṭiññāya kattabbaṃ kammaṃ adhammo nāma.
суд̇д̇анд̇абарияааязна рааг̇авинаяо д̣̇осавинаяо мохавинаяо сам̣варо бахаанам̣ бадисан̇каад̇и аяам̣ винаяо наама, рааг̇аад̣̇ийнам̣ авинаяо асам̣варо аббахаанам̣ абадисан̇каад̇и аяам̣ авинаяо наама. винаяабарияааязна вад̇т̇усамбад̇д̇и, н̃ад̇д̇исамбад̇д̇и, ануссааванасамбад̇д̇и, сиймаасамбад̇д̇и, барисасамбад̇д̇ийд̇и аяам̣ винаяо наама. вад̇т̇увибад̇д̇и, н̃ад̇д̇ивибад̇д̇и, ануссааванавибад̇д̇и, сиймаавибад̇д̇и барисавибад̇д̇ийд̇и аяам̣ авинаяо наама.
Suttantapariyāyena rāgavinayo dosavinayo mohavinayo saṃvaro pahānaṃ paṭisaṅkhāti ayaṃ vinayo nāma, rāgādīnaṃ avinayo asaṃvaro appahānaṃ apaṭisaṅkhāti ayaṃ avinayo nāma. Vinayapariyāyena vatthusampatti, ñattisampatti, anussāvanasampatti, sīmāsampatti, parisasampattīti ayaṃ vinayo nāma. Vatthuvipatti, ñattivipatti, anussāvanavipatti, sīmāvipatti parisavipattīti ayaṃ avinayo nāma.
суд̇д̇анд̇абарияааязна жад̇д̇ааро сад̇ибадтаанаа жад̇д̇ааро саммаббад̇хаанаа…бз… арияо адтан̇г̇иго маг̇г̇од̇и ид̣̇ам̣ бхаасид̇ам̣ лабид̇ам̣ д̇ат̇ааг̇ад̇зна; д̇аяо сад̇ибадтаанаа д̇аяо саммаббад̇хаанаа д̇аяо ид̣̇д̇хибаад̣̇аа ча инд̣̇рияаани ча б̣алаани адта б̣ож̇жхан̇г̇аа наван̇г̇иго маг̇г̇од̇и ид̣̇ам̣ абхаасид̇ам̣ алабид̇ам̣ д̇ат̇ааг̇ад̇зна. винаяабарияааязна жад̇д̇ааро баарааж̇игаа д̇зраса сан̇гхаад̣̇исзсаа д̣̇вз анияад̇аа д̇им̣са ниссаг̇г̇ияаа баажид̇д̇ияаад̇и ид̣̇ам̣ бхаасид̇ам̣ лабид̇ам̣ д̇ат̇ааг̇ад̇зна; д̇аяо баарааж̇игаа жуд̣̇д̣̇аса сан̇гхаад̣̇исзсаа д̇аяо анияад̇аа згад̇им̣са ниссаг̇г̇ияаа баажид̇д̇ияаад̇и ид̣̇ам̣ абхаасид̇ам̣ алабид̇ам̣ д̇ат̇ааг̇ад̇зна.
Suttantapariyāyena cattāro satipaṭṭhānā cattāro sammappadhānā…pe… ariyo aṭṭhaṅgiko maggoti idaṃ bhāsitaṃ lapitaṃ tathāgatena; tayo satipaṭṭhānā tayo sammappadhānā tayo iddhipādā cha indriyāni cha balāni aṭṭha bojjhaṅgā navaṅgiko maggoti idaṃ abhāsitaṃ alapitaṃ tathāgatena. Vinayapariyāyena cattāro pārājikā terasa saṅghādisesā dve aniyatā tiṃsa nissaggiyā pācittiyāti idaṃ bhāsitaṃ lapitaṃ tathāgatena; tayo pārājikā cuddasa saṅghādisesā tayo aniyatā ekatiṃsa nissaggiyā pācittiyāti idaṃ abhāsitaṃ alapitaṃ tathāgatena.
суд̇д̇анд̇абарияааязна д̣̇звасигам̣ паласамаабад̇д̇исамаабаж̇ж̇анам̣ махаагарун̣аасамаабад̇д̇исамаабаж̇ж̇анам̣ б̣уд̣̇д̇хажагкунаа логавологанам̣ адтуббад̇д̇ивасзна суд̇д̇анд̇ад̣̇зсанаа ж̇аад̇агагат̇аад̇и ид̣̇ам̣ аажин̣н̣ам̣, на д̣̇звасигам̣ паласамаабад̇д̇исамаабаж̇ж̇анам̣…бз… на ж̇аад̇агагат̇аад̇и ид̣̇ам̣ анаажин̣н̣ам̣. винаяабарияааязна ниманд̇ид̇асса вассааваасам̣ васид̇ваа абалогзд̇ваа жааригаабаггаманам̣ баваарзд̇ваа жааригаабаггаманам̣, ааг̇анд̇угзхи сад̣̇д̇хим̣ батамам̣ бадисант̇аарагаран̣анд̇и ид̣̇ам̣ аажин̣н̣ам̣, д̇ассзва аажин̣н̣асса агаран̣ам̣ анаажин̣н̣ам̣ наама.
Suttantapariyāyena devasikaṃ phalasamāpattisamāpajjanaṃ mahākaruṇāsamāpattisamāpajjanaṃ buddhacakkhunā lokavolokanaṃ aṭṭhuppattivasena suttantadesanā jātakakathāti idaṃ āciṇṇaṃ, na devasikaṃ phalasamāpattisamāpajjanaṃ…pe… na jātakakathāti idaṃ anāciṇṇaṃ. Vinayapariyāyena nimantitassa vassāvāsaṃ vasitvā apaloketvā cārikāpakkamanaṃ pavāretvā cārikāpakkamanaṃ, āgantukehi saddhiṃ paṭhamaṃ paṭisanthārakaraṇanti idaṃ āciṇṇaṃ, tasseva āciṇṇassa akaraṇaṃ anāciṇṇaṃ nāma.
суд̇д̇анд̇абарияааязна жад̇д̇ааро сад̇ибадтаанаа…бз… адтан̇г̇иго маг̇г̇од̇и ид̣̇ам̣ бан̃н̃ад̇д̇ам̣ наама; д̇аяо сад̇ибадтаанаа…бз… наван̇г̇иго маг̇г̇од̇и ид̣̇ам̣ абан̃н̃ад̇д̇ам̣ наама. винаяабарияааязна жад̇д̇ааро баарааж̇игаа…бз… д̇им̣саниссаг̇г̇ияаа баажид̇д̇ияаад̇и ид̣̇ам̣ бан̃н̃ад̇д̇ам̣ наама; д̇аяо баарааж̇игаа…бз… згад̇им̣са ниссаг̇г̇ияаа баажид̇д̇ияаад̇и ид̣̇ам̣ абан̃н̃ад̇д̇ам̣ наама.
Suttantapariyāyena cattāro satipaṭṭhānā…pe… aṭṭhaṅgiko maggoti idaṃ paññattaṃ nāma; tayo satipaṭṭhānā…pe… navaṅgiko maggoti idaṃ apaññattaṃ nāma. Vinayapariyāyena cattāro pārājikā…pe… tiṃsanissaggiyā pācittiyāti idaṃ paññattaṃ nāma; tayo pārājikā…pe… ekatiṃsa nissaggiyā pācittiyāti idaṃ apaññattaṃ nāma.
яам̣ банзд̇ам̣ саб̣б̣асуд̇д̇аанам̣ барияосаанз д̇зжимам̣ сад̣̇д̇хаммам̣ анд̇арад̇хаабзнд̇ийд̇и вуд̇д̇ам̣, д̇ад̇т̇а бан̃жа анд̇арад̇хаанаани наама ад̇хиг̇амаанд̇арад̇хаанам̣, бадибад̇д̇ианд̇арад̇хаанам̣, барияад̇д̇ианд̇арад̇хаанам̣, лин̇г̇аанд̇арад̇хаанам̣, д̇хаад̇уанд̇арад̇хаананд̇и . д̇ад̇т̇а ад̇хиг̇амод̇и жад̇д̇ааро маг̇г̇аа, жад̇д̇аари палаани, жад̇ассо бадисамбхид̣̇аа, д̇иссо виж̇ж̇аа, ча абхин̃н̃аад̇и. со барихааяамаано бадисамбхид̣̇аад̇о бадтааяа барихааяад̇и. б̣уд̣̇д̇хаанам̣ хи бариниб̣б̣аанад̇о вассасахассамзва бадисамбхид̣̇аа ниб̣б̣ад̇д̇зд̇ум̣ саггонд̇и, д̇ад̇о барам̣ ча абхин̃н̃аа, д̇ад̇о д̇ааби ниб̣б̣ад̇д̇зд̇ум̣ асаггонд̇аа д̇иссо виж̇ж̇аа ниб̣б̣ад̇д̇знд̇и. г̇ажчанд̇з г̇ажчанд̇з гаалз д̇ааби ниб̣б̣ад̇д̇зд̇ум̣ асаггонд̇аа сугкавибассагаа хонд̇и. зд̇знзва убааязна анааг̇аамино сагад̣̇ааг̇аамино сод̇аабаннаад̇и. д̇зсу д̇харанд̇зсу ад̇хиг̇амо ананд̇арахид̇о наама на ход̇и. бажчимагасса бана сод̇аабаннасса ж̇ийвид̇агкаязна ад̇хиг̇амо анд̇арахид̇о наама ход̇и. ид̣̇ам̣ ад̇хиг̇амаанд̇арад̇хаанам̣ наама.
Yaṃ panetaṃ sabbasuttānaṃ pariyosāne tecimaṃ saddhammaṃ antaradhāpentīti vuttaṃ, tattha pañca antaradhānāni nāma adhigamaantaradhānaṃ, paṭipattiantaradhānaṃ, pariyattiantaradhānaṃ, liṅgaantaradhānaṃ, dhātuantaradhānanti . Tattha adhigamoti cattāro maggā, cattāri phalāni, catasso paṭisambhidā, tisso vijjā, cha abhiññāti. So parihāyamāno paṭisambhidāto paṭṭhāya parihāyati. Buddhānaṃ hi parinibbānato vassasahassameva paṭisambhidā nibbattetuṃ sakkonti, tato paraṃ cha abhiññā, tato tāpi nibbattetuṃ asakkontā tisso vijjā nibbattenti. Gacchante gacchante kāle tāpi nibbattetuṃ asakkontā sukkhavipassakā honti. Eteneva upāyena anāgāmino sakadāgāmino sotāpannāti. Tesu dharantesu adhigamo anantarahito nāma na hoti. Pacchimakassa pana sotāpannassa jīvitakkhayena adhigamo antarahito nāma hoti. Idaṃ adhigamaantaradhānaṃ nāma.
бадибад̇д̇ианд̇арад̇хаанам̣ наама жхаанавибассанаамаг̇г̇апалаани ниб̣б̣ад̇д̇зд̇ум̣ асаггонд̇аа жад̇убаарисуд̣̇д̇хисийламад̇д̇ам̣ рагканд̇и. г̇ажчанд̇з г̇ажчанд̇з гаалз ‘‘сийлам̣ барибун̣н̣ам̣ гад̇ваа рагкаама, бад̇хаанан̃жа ануяун̃ж̇аама, на жа маг̇г̇ам̣ ваа палам̣ ваа сажчигаад̇ум̣ саггома, над̇т̇и ид̣̇аани арияад̇хаммабадивзд̇хо’’д̇и восаанам̣ аабаж̇ж̇ид̇ваа госаж̇ж̇аб̣ахулаа ан̃н̃аман̃н̃ам̣ на жод̣̇знд̇и на саарзнд̇и агуггужжагаа хонд̇и, д̇ад̇о бадтааяа куд̣̇д̣̇аанукуд̣̇д̣̇агаани мад̣̇д̣̇анд̇и. г̇ажчанд̇з г̇ажчанд̇з гаалз баажид̇д̇ияат̇уллажжаяаани аабаж̇ж̇анд̇и, д̇ад̇о г̇аругаабад̇д̇им̣. баарааж̇игамад̇д̇амзва д̇идтад̇и. жад̇д̇аари баарааж̇игаани рагканд̇аанам̣ бхигкуунам̣ сад̇зби сахассзби д̇харамаанз бадибад̇д̇и ананд̇арахид̇аа наама на ход̇и. бажчимагасса бана бхигкуно сийлабхзд̣̇зна ваа ж̇ийвид̇агкаязна ваа анд̇арахид̇аа ход̇ийд̇и ид̣̇ам̣ бадибад̇д̇ианд̇арад̇хаанам̣ наама.
Paṭipattiantaradhānaṃ nāma jhānavipassanāmaggaphalāni nibbattetuṃ asakkontā catupārisuddhisīlamattaṃ rakkhanti. Gacchante gacchante kāle ‘‘sīlaṃ paripuṇṇaṃ katvā rakkhāma, padhānañca anuyuñjāma, na ca maggaṃ vā phalaṃ vā sacchikātuṃ sakkoma, natthi idāni ariyadhammapaṭivedho’’ti vosānaṃ āpajjitvā kosajjabahulā aññamaññaṃ na codenti na sārenti akukkuccakā honti, tato paṭṭhāya khuddānukhuddakāni maddanti. Gacchante gacchante kāle pācittiyathullaccayāni āpajjanti, tato garukāpattiṃ. Pārājikamattameva tiṭṭhati. Cattāri pārājikāni rakkhantānaṃ bhikkhūnaṃ satepi sahassepi dharamāne paṭipatti anantarahitā nāma na hoti. Pacchimakassa pana bhikkhuno sīlabhedena vā jīvitakkhayena vā antarahitā hotīti idaṃ paṭipattiantaradhānaṃ nāma.
барияад̇д̇ийд̇и д̇збидагам̣ б̣уд̣̇д̇хаважанам̣ саадтагат̇аа баал̣и. яаава саа д̇идтад̇и, д̇аава барияад̇д̇и барибун̣н̣аа наама ход̇и. г̇ажчанд̇з г̇ажчанд̇з гаалз рааж̇аяуварааж̇аано ад̇хаммигаа хонд̇и, д̇зсу ад̇хаммигзсу рааж̇аамажжаад̣̇аяо ад̇хаммигаа хонд̇и, д̇ад̇о радтаж̇анабад̣̇аваасинод̇и. зд̇зсам̣ ад̇хаммигад̇ааяа д̣̇зво на саммаа вассад̇и, д̇ад̇о сассаани на самбаж̇ж̇анд̇и. д̇зсу асамбаж̇ж̇анд̇зсу бажжаяад̣̇ааяагаа бхигкусан̇гхасса бажжаяз д̣̇аад̇ум̣ на саггонд̇и, бхигкуу бажжаязхи гиламанд̇аа анд̇зваасигз сан̇г̇ахзд̇ум̣ на саггонд̇и. г̇ажчанд̇з г̇ажчанд̇з гаалз барияад̇д̇и барихааяад̇и, ад̇т̇авасзна д̇хаарзд̇ум̣ на саггонд̇и, баал̣ивасзнзва д̇хаарзнд̇и. д̇ад̇о г̇ажчанд̇з г̇ажчанд̇з гаалз баал̣имби сагалам̣ д̇хаарзд̇ум̣ на саггонд̇и, батамам̣ абхид̇хаммабидагам̣ барихааяад̇и. барихааяамаанам̣ мад̇т̇агад̇о бадтааяа барихааяад̇и . батамамзва хи бадтаанамахаабагаран̣ам̣ барихааяад̇и, д̇асмим̣ барихийнз яамагам̣, гат̇аавад̇т̇у, буг̇г̇алабан̃н̃ад̇д̇и, д̇хаад̇угат̇аа, вибхан̇г̇о, д̇хаммасан̇г̇аход̇и.
Pariyattīti tepiṭakaṃ buddhavacanaṃ sāṭṭhakathā pāḷi. Yāva sā tiṭṭhati, tāva pariyatti paripuṇṇā nāma hoti. Gacchante gacchante kāle rājayuvarājāno adhammikā honti, tesu adhammikesu rājāmaccādayo adhammikā honti, tato raṭṭhajanapadavāsinoti. Etesaṃ adhammikatāya devo na sammā vassati, tato sassāni na sampajjanti. Tesu asampajjantesu paccayadāyakā bhikkhusaṅghassa paccaye dātuṃ na sakkonti, bhikkhū paccayehi kilamantā antevāsike saṅgahetuṃ na sakkonti. Gacchante gacchante kāle pariyatti parihāyati, atthavasena dhāretuṃ na sakkonti, pāḷivaseneva dhārenti. Tato gacchante gacchante kāle pāḷimpi sakalaṃ dhāretuṃ na sakkonti, paṭhamaṃ abhidhammapiṭakaṃ parihāyati. Parihāyamānaṃ matthakato paṭṭhāya parihāyati . Paṭhamameva hi paṭṭhānamahāpakaraṇaṃ parihāyati, tasmiṃ parihīne yamakaṃ, kathāvatthu, puggalapaññatti, dhātukathā, vibhaṅgo, dhammasaṅgahoti.
звам̣ абхид̇хаммабидагз барихийнз мад̇т̇агад̇о бадтааяа суд̇д̇анд̇абидагам̣ барихааяад̇и. батаман̃хи ан̇г̇уд̇д̇аранигааяо барихааяад̇и, д̇асмимби батамам̣ згаад̣̇асаганибаад̇о, д̇ад̇о д̣̇асаганибаад̇о…бз… д̇ад̇о згаганибаад̇од̇и. звам̣ ан̇г̇уд̇д̇арз барихийнз мад̇т̇агад̇о бадтааяа сам̣яуд̇д̇анигааяо барихааяад̇и. батамам̣ хи махааваг̇г̇о барихааяад̇и, д̇ад̇о сал̣ааяад̇анаваг̇г̇о, канд̇хаваг̇г̇о, нид̣̇аанаваг̇г̇о, саг̇аат̇ааваг̇г̇од̇и. звам̣ сам̣яуд̇д̇анигааяз барихийнз мад̇т̇агад̇о бадтааяа маж̇жхиманигааяо барихааяад̇и. батамам̣ хи убарибан̣н̣аасаго барихааяад̇и, д̇ад̇о маж̇жхимабан̣н̣аасаго, д̇ад̇о муулабан̣н̣аасагод̇и. звам̣ маж̇жхиманигааяз барихийнз мад̇т̇агад̇о бадтааяа д̣̇ийгханигааяо барихааяад̇и. батаман̃хи баат̇игаваг̇г̇о барихааяад̇и, д̇ад̇о махааваг̇г̇о, д̇ад̇о сийлагканд̇хаваг̇г̇од̇и. звам̣ д̣̇ийгханигааяз барихийнз суд̇д̇анд̇абидагам̣ барихийнам̣ наама ход̇и. винаяабидагзна сад̣̇д̇хим̣ ж̇аад̇агамзва д̇хаарзнд̇и. винаяабидагам̣ лаж̇ж̇инова д̇хаарзнд̇и, лаабхагаамаа бана ‘‘суд̇д̇анд̇з гат̇ид̇зби саллагкзнд̇аа над̇т̇ий’’д̇и ж̇аад̇агамзва д̇хаарзнд̇и. г̇ажчанд̇з г̇ажчанд̇з гаалз ж̇аад̇агамби д̇хаарзд̇ум̣ на саггонд̇и. ат̇а д̇зсам̣ батамам̣ взссанд̇араж̇аад̇агам̣ барихааяад̇и, д̇ад̇о бадиломаггамзна бун̣н̣агаж̇аад̇агам̣, махаанаарад̣̇аж̇аад̇аганд̇и барияосаанз абан̣н̣агаж̇аад̇агам̣ барихааяад̇и. звам̣ ж̇аад̇агз барихийнз винаяабидагамзва д̇хаарзнд̇и.
Evaṃ abhidhammapiṭake parihīne matthakato paṭṭhāya suttantapiṭakaṃ parihāyati. Paṭhamañhi aṅguttaranikāyo parihāyati, tasmimpi paṭhamaṃ ekādasakanipāto, tato dasakanipāto…pe… tato ekakanipātoti. Evaṃ aṅguttare parihīne matthakato paṭṭhāya saṃyuttanikāyo parihāyati. Paṭhamaṃ hi mahāvaggo parihāyati, tato saḷāyatanavaggo, khandhavaggo, nidānavaggo, sagāthāvaggoti. Evaṃ saṃyuttanikāye parihīne matthakato paṭṭhāya majjhimanikāyo parihāyati. Paṭhamaṃ hi uparipaṇṇāsako parihāyati, tato majjhimapaṇṇāsako, tato mūlapaṇṇāsakoti. Evaṃ majjhimanikāye parihīne matthakato paṭṭhāya dīghanikāyo parihāyati. Paṭhamañhi pāthikavaggo parihāyati, tato mahāvaggo, tato sīlakkhandhavaggoti. Evaṃ dīghanikāye parihīne suttantapiṭakaṃ parihīnaṃ nāma hoti. Vinayapiṭakena saddhiṃ jātakameva dhārenti. Vinayapiṭakaṃ lajjinova dhārenti, lābhakāmā pana ‘‘suttante kathitepi sallakkhentā natthī’’ti jātakameva dhārenti. Gacchante gacchante kāle jātakampi dhāretuṃ na sakkonti. Atha tesaṃ paṭhamaṃ vessantarajātakaṃ parihāyati, tato paṭilomakkamena puṇṇakajātakaṃ, mahānāradajātakanti pariyosāne apaṇṇakajātakaṃ parihāyati. Evaṃ jātake parihīne vinayapiṭakameva dhārenti.
г̇ажчанд̇з г̇ажчанд̇з гаалз винаяабидагамби мад̇т̇агад̇о бадтааяа барихааяад̇и. батаман̃хи баривааро барихааяад̇и, д̇ад̇о канд̇хаго, бхигкунийвибхан̇г̇о, махаавибхан̇г̇од̇и ануггамзна убосат̇агканд̇хагамад̇д̇амзва д̇хаарзнд̇и. д̇ад̣̇ааби барияад̇д̇и анд̇арахид̇аа на ход̇и. яаава бана мануссзсу жаад̇уббад̣̇игаг̇аат̇ааби бавад̇д̇ад̇и, д̇аава барияад̇д̇и ананд̇арахид̇аава ход̇и. яад̣̇аа сад̣̇д̇хо басанно рааж̇аа хад̇т̇игканд̇хз суван̣н̣ажан̇годагамхи сахассад̇т̇авигам̣ табаабзд̇ваа ‘‘б̣уд̣̇д̇хзхи гат̇ид̇ам̣ жаад̇уббад̣̇игаг̇аат̇ам̣ ж̇аананд̇о имам̣ сахассам̣ г̇ан̣хад̇уу’’д̇и наг̇арз бхзрим̣ жараабзд̇ваа г̇ан̣ханагам̣ алабхид̇ваа ‘‘згаваарам̣ жараабид̇з наама сун̣анд̇ааби хонд̇и ассун̣анд̇аабий’’д̇и яаавад̇ад̇ияам̣ жараабзд̇ваа г̇ан̣ханагам̣ алабхид̇ваа рааж̇абурисаа д̇ам̣ сахассад̇т̇авигам̣ буна рааж̇агулам̣ бавзсзнд̇и, д̇ад̣̇аа барияад̇д̇и анд̇арахид̇аа наама ход̇и. ид̣̇ам̣ барияад̇д̇ианд̇арад̇хаанам̣ наама.
Gacchante gacchante kāle vinayapiṭakampi matthakato paṭṭhāya parihāyati. Paṭhamañhi parivāro parihāyati, tato khandhako, bhikkhunīvibhaṅgo, mahāvibhaṅgoti anukkamena uposathakkhandhakamattameva dhārenti. Tadāpi pariyatti antarahitā na hoti. Yāva pana manussesu cātuppadikagāthāpi pavattati, tāva pariyatti anantarahitāva hoti. Yadā saddho pasanno rājā hatthikkhandhe suvaṇṇacaṅkoṭakamhi sahassatthavikaṃ ṭhapāpetvā ‘‘buddhehi kathitaṃ cātuppadikagāthaṃ jānanto imaṃ sahassaṃ gaṇhatū’’ti nagare bheriṃ carāpetvā gaṇhanakaṃ alabhitvā ‘‘ekavāraṃ carāpite nāma suṇantāpi honti assuṇantāpī’’ti yāvatatiyaṃ carāpetvā gaṇhanakaṃ alabhitvā rājapurisā taṃ sahassatthavikaṃ puna rājakulaṃ pavesenti, tadā pariyatti antarahitā nāma hoti. Idaṃ pariyattiantaradhānaṃ nāma.
г̇ажчанд̇з г̇ажчанд̇з гаалз жийвараг̇г̇ахан̣ам̣ бад̇д̇аг̇г̇ахан̣ам̣ саммин̃ж̇анабасааран̣ам̣ аалогид̇авилогид̇ам̣ на баасаад̣̇игам̣ ход̇и. ниг̇ан̣тасаман̣аа вияа алааб̣убад̇д̇ам̣ бхигкуу бад̇д̇ам̣ аг̇г̇аб̣аахааяа багкибид̇ваа аад̣̇ааяа вижаранд̇и, зд̇д̇аавад̇ааби лин̇г̇ам̣ ананд̇арахид̇амзва ход̇и. г̇ажчанд̇з г̇ажчанд̇з бана гаалз аг̇г̇аб̣аахад̇о од̇аарзд̇ваа хад̇т̇зна ваа сиггааяа ваа оламб̣ид̇ваа вижаранд̇и, жийварамби раж̇анасааруббам̣ агад̇ваа одтадтиван̣н̣ам̣ гад̇ваа вижаранд̇и. г̇ажчанд̇з г̇ажчанд̇з гаалз раж̇анамби на ход̇и д̣̇асажчинд̣̇анамби оваддигавиж̇жханамби, габбамад̇д̇ам̣ гад̇ваа вал̣ан̃ж̇знд̇и. буна оваддигам̣ виж̇жхид̇ваа габбам̣ на гаронд̇и. д̇ад̇о убхаяамби агад̇ваа д̣̇асаа чзд̇ваа бариб̣б̣ааж̇агаа вияа жаранд̇и. г̇ажчанд̇з г̇ажчанд̇з гаалз ‘‘го иминаа амхаагам̣ ад̇т̇о’’д̇и куд̣̇д̣̇агам̣ гаасаавакан̣д̣ам̣ хад̇т̇з ваа г̇ийвааяа ваа б̣анд̇ханд̇и, гзсзсу ваа аллийяаабзнд̇и, д̣̇аарабхаран̣ам̣ ваа гаронд̇аа гасид̇ваа вабид̇ваа ж̇ийвигам̣ габбзд̇ваа вижаранд̇и. д̇ад̣̇аа д̣̇агкин̣ам̣ д̣̇знд̇аа сан̇гхам̣ уд̣̇д̣̇исса зд̇зсам̣ д̣̇знд̇и. ид̣̇ам̣ санд̇хааяа бхаг̇авад̇аа вуд̇д̇ам̣ – ‘‘бхависсанд̇и ко, банаананд̣̇а, анааг̇ад̇амад̣̇д̇хаанам̣ г̇од̇рабхуно гаасааваган̣таа д̣̇уссийлаа баабад̇хаммаа, д̇зсу д̣̇уссийлзсу сан̇гхам̣ уд̣̇д̣̇исса д̣̇аанам̣ д̣̇ассанд̇и, д̇ад̣̇аабаахам̣, аананд̣̇а, сан̇гхаг̇ад̇ам̣ д̣̇агкин̣ам̣ асан̇кзяяам̣ аббамзяяам̣ вад̣̇аамий’’д̇и (ма. ни. 3.380). д̇ад̇о г̇ажчанд̇з гаалз наанаавид̇хаани гаммаани гаронд̇аа ‘‘бабан̃жо зса, гим̣ иминаа амхаага’’нд̇и гаасаавакан̣д̣ам̣ чинд̣̇ид̇ваа аран̃н̃з кибанд̇и. зд̇асмим̣ гаалз лин̇г̇ам̣ анд̇арахид̇ам̣ наама ход̇и. гассабад̣̇асаб̣аласса гира гаалад̇о бадтааяа яонагаанам̣ сзд̇авад̇т̇ам̣ баарубид̇ваа жаран̣ам̣ жаарид̇д̇ам̣ ж̇аад̇анд̇и. ид̣̇ам̣ лин̇г̇аанд̇арад̇хаанам̣ наама.
Gacchante gacchante kāle cīvaraggahaṇaṃ pattaggahaṇaṃ sammiñjanapasāraṇaṃ ālokitavilokitaṃ na pāsādikaṃ hoti. Nigaṇṭhasamaṇā viya alābupattaṃ bhikkhū pattaṃ aggabāhāya pakkhipitvā ādāya vicaranti, ettāvatāpi liṅgaṃ anantarahitameva hoti. Gacchante gacchante pana kāle aggabāhato otāretvā hatthena vā sikkāya vā olambitvā vicaranti, cīvarampi rajanasāruppaṃ akatvā oṭṭhaṭṭhivaṇṇaṃ katvā vicaranti. Gacchante gacchante kāle rajanampi na hoti dasacchindanampi ovaṭṭikavijjhanampi, kappamattaṃ katvā vaḷañjenti. Puna ovaṭṭikaṃ vijjhitvā kappaṃ na karonti. Tato ubhayampi akatvā dasā chetvā paribbājakā viya caranti. Gacchante gacchante kāle ‘‘ko iminā amhākaṃ attho’’ti khuddakaṃ kāsāvakhaṇḍaṃ hatthe vā gīvāya vā bandhanti, kesesu vā allīyāpenti, dārabharaṇaṃ vā karontā kasitvā vapitvā jīvikaṃ kappetvā vicaranti. Tadā dakkhiṇaṃ dentā saṅghaṃ uddissa etesaṃ denti. Idaṃ sandhāya bhagavatā vuttaṃ – ‘‘bhavissanti kho, panānanda, anāgatamaddhānaṃ gotrabhuno kāsāvakaṇṭhā dussīlā pāpadhammā, tesu dussīlesu saṅghaṃ uddissa dānaṃ dassanti, tadāpāhaṃ, ānanda, saṅghagataṃ dakkhiṇaṃ asaṅkheyyaṃ appameyyaṃ vadāmī’’ti (ma. ni. 3.380). Tato gacchante kāle nānāvidhāni kammāni karontā ‘‘papañco esa, kiṃ iminā amhāka’’nti kāsāvakhaṇḍaṃ chinditvā araññe khipanti. Etasmiṃ kāle liṅgaṃ antarahitaṃ nāma hoti. Kassapadasabalassa kira kālato paṭṭhāya yonakānaṃ setavatthaṃ pārupitvā caraṇaṃ cārittaṃ jātanti. Idaṃ liṅgaantaradhānaṃ nāma.
д̇хаад̇уанд̇арад̇хаанам̣ бана звам̣ взд̣̇ид̇аб̣б̣ам̣ – д̇ийн̣и бариниб̣б̣аанаани, гилзсабариниб̣б̣аанам̣ – канд̇хабариниб̣б̣аанам̣, д̇хаад̇убариниб̣б̣аананд̇и. д̇ад̇т̇а гилзсабариниб̣б̣аанам̣ б̣од̇хибаллан̇гз ахоси, канд̇хабариниб̣б̣аанам̣ гусинаарааяам̣, д̇хаад̇убариниб̣б̣аанам̣ анааг̇ад̇з бхависсад̇и. гат̇ам̣? д̇ад̇о д̇ад̇т̇а д̇ад̇т̇а саггаарасаммаанам̣ алабхамаанаа д̇хаад̇уяо б̣уд̣̇д̇хаанам̣ ад̇хидтаанаб̣алзна саггаарасаммааналабханагадтаанам̣ г̇ажчанд̇и. г̇ажчанд̇з г̇ажчанд̇з гаалз саб̣б̣адтаанзсу саггаарасаммаано на ход̇и. саасанасса хи осагганагаалз имасмим̣ д̇амб̣абан̣н̣ид̣̇ийбз саб̣б̣аа д̇хаад̇уяо саннибад̇ид̇ваа махаажзд̇ияам̣, д̇ад̇о нааг̇ад̣̇ийбз рааж̇ааяад̇анажзд̇ияам̣, д̇ад̇о б̣од̇хибаллан̇гам̣ г̇амиссанд̇и. нааг̇абхаванад̇оби д̣̇звалогад̇оби б̣рахмалогад̇оби д̇хаад̇уяо махааб̣од̇хибаллан̇гамзва г̇амиссанд̇и. саасабамад̇д̇ааби д̇хаад̇у анд̇араа на нассиссад̇и. саб̣б̣аа д̇хаад̇уяо махааб̣од̇химан̣д̣з саннибад̇ид̇ваа б̣уд̣̇д̇харуубам̣ г̇ахзд̇ваа б̣од̇химан̣д̣з баллан̇гзна нисиннаб̣уд̣̇д̇хасарийрасирим̣ д̣̇ассзнд̇и. д̣̇вад̇д̇им̣са махаабурисалагкан̣аани асийд̇и ануб̣яан̃ж̇анаани б̣яаамаббабхаад̇и саб̣б̣ам̣ барибун̣н̣амзва ход̇и. д̇ад̇о яамагабаадихаарияад̣̇ивасз вияа баадихаарияам̣ гад̇ваа д̣̇ассзнд̇и. д̇ад̣̇аа мануссабхууд̇асад̇д̇о наама д̇ад̇т̇а г̇ад̇о над̇т̇и, д̣̇асасахассажаггаваал̣з бана д̣̇звад̇аа саб̣б̣аава саннибад̇ид̇ваа ‘‘аж̇ж̇а д̣̇асаб̣ало бариниб̣б̣ааяад̇и, ид̇од̣̇аани бадтааяа анд̇хагаарам̣ бхависсад̇ий’’д̇и барид̣̇званд̇и. ат̇а д̇хаад̇усарийрад̇о д̇зж̇о самудтааяа д̇ам̣ сарийрам̣ абан̣н̣ад̇д̇игабхаавам̣ г̇амзд̇и. д̇хаад̇усарийрад̇о самудтид̇аа ж̇аалаа яаава б̣рахмалогаа уг̇г̇ажчиссад̇и, саасабамад̇д̇ааяа сзсааяаби д̇хаад̇уяаа сад̇и згаж̇аалаава бхависсад̇и. д̇хаад̇уусу барияаад̣̇аанам̣ г̇ад̇аасу бажчиж̇ж̇иссад̇и. звам̣ маханд̇ам̣ аанубхаавам̣ д̣̇ассзд̇ваа д̇хаад̇уяо анд̇арад̇хааяанд̇и. д̇ад̣̇аа саннибад̇ид̇аа д̣̇звасан̇гхаа б̣уд̣̇д̇хаанам̣ бариниб̣б̣уд̇ад̣̇ивасз вияа д̣̇иб̣б̣аг̇анд̇хамаалаад̇уурияаад̣̇ийхи саггаарам̣ гад̇ваа д̇игкад̇д̇ум̣ бад̣̇агкин̣ам̣ гад̇ваа ванд̣̇ид̇ваа ‘‘анааг̇ад̇з уббаж̇ж̇анагам̣ б̣уд̣̇д̇хам̣ бассид̇ум̣ лабхиссаама бхаг̇аваа’’д̇и вад̇ваа сагасагадтаанамзва г̇ажчанд̇и. ид̣̇ам̣ д̇хаад̇уанд̇арад̇хаанам̣ наама.
Dhātuantaradhānaṃ pana evaṃ veditabbaṃ – tīṇi parinibbānāni, kilesaparinibbānaṃ – khandhaparinibbānaṃ, dhātuparinibbānanti. Tattha kilesaparinibbānaṃ bodhipallaṅke ahosi, khandhaparinibbānaṃ kusinārāyaṃ, dhātuparinibbānaṃ anāgate bhavissati. Kathaṃ? Tato tattha tattha sakkārasammānaṃ alabhamānā dhātuyo buddhānaṃ adhiṭṭhānabalena sakkārasammānalabhanakaṭṭhānaṃ gacchanti. Gacchante gacchante kāle sabbaṭṭhānesu sakkārasammāno na hoti. Sāsanassa hi osakkanakāle imasmiṃ tambapaṇṇidīpe sabbā dhātuyo sannipatitvā mahācetiyaṃ, tato nāgadīpe rājāyatanacetiyaṃ, tato bodhipallaṅkaṃ gamissanti. Nāgabhavanatopi devalokatopi brahmalokatopi dhātuyo mahābodhipallaṅkameva gamissanti. Sāsapamattāpi dhātu antarā na nassissati. Sabbā dhātuyo mahābodhimaṇḍe sannipatitvā buddharūpaṃ gahetvā bodhimaṇḍe pallaṅkena nisinnabuddhasarīrasiriṃ dassenti. Dvattiṃsa mahāpurisalakkhaṇāni asīti anubyañjanāni byāmappabhāti sabbaṃ paripuṇṇameva hoti. Tato yamakapāṭihāriyadivase viya pāṭihāriyaṃ katvā dassenti. Tadā manussabhūtasatto nāma tattha gato natthi, dasasahassacakkavāḷe pana devatā sabbāva sannipatitvā ‘‘ajja dasabalo parinibbāyati, itodāni paṭṭhāya andhakāraṃ bhavissatī’’ti paridevanti. Atha dhātusarīrato tejo samuṭṭhāya taṃ sarīraṃ apaṇṇattikabhāvaṃ gameti. Dhātusarīrato samuṭṭhitā jālā yāva brahmalokā uggacchissati, sāsapamattāya sesāyapi dhātuyā sati ekajālāva bhavissati. Dhātūsu pariyādānaṃ gatāsu pacchijjissati. Evaṃ mahantaṃ ānubhāvaṃ dassetvā dhātuyo antaradhāyanti. Tadā sannipatitā devasaṅghā buddhānaṃ parinibbutadivase viya dibbagandhamālātūriyādīhi sakkāraṃ katvā tikkhattuṃ padakkhiṇaṃ katvā vanditvā ‘‘anāgate uppajjanakaṃ buddhaṃ passituṃ labhissāma bhagavā’’ti vatvā sakasakaṭṭhānameva gacchanti. Idaṃ dhātuantaradhānaṃ nāma.
имасса бан̃жавид̇хасса анд̇арад̇хаанасса барияад̇д̇ианд̇арад̇хаанамзва муулам̣. барияад̇д̇ияаа хи анд̇арахид̇ааяа бадибад̇д̇и анд̇арад̇хааяад̇и, барияад̇д̇ияаа тид̇ааяа бадибад̇д̇и бад̇идтаад̇и. д̇знзва имасмим̣ д̣̇ийбз жан̣д̣аалад̇иссамахаабхаяз сагго д̣̇зварааж̇аа махааул̣умбам̣ маабзд̇ваа бхигкуунам̣ аарожаабзси ‘‘маханд̇ам̣ бхаяам̣ бхависсад̇и, на саммаа д̣̇зво вассиссад̇и, бхигкуу бажжаязхи гиламанд̇аа барияад̇д̇им̣ санд̇хаарзд̇ум̣ на сагкиссанд̇и, барад̇ийрам̣ г̇анд̇ваа аяязхи ж̇ийвид̇ам̣ рагкид̇ум̣ ваддад̇и. имам̣ махааул̣умбам̣ ааруяха г̇ажчат̇а, бханд̇з. язсам̣ зд̇т̇а нисаж̇ж̇адтаанам̣ наббаход̇и, д̇з гадтакан̣д̣зби урам̣ табзд̇ваа г̇ажчанд̇у, саб̣б̣зсамби бхаяам̣ на бхависсад̇ий’’д̇и. д̇ад̣̇аа самуд̣̇д̣̇ад̇ийрам̣ бад̇ваа садти бхигкуу гад̇игам̣ гад̇ваа ‘‘амхаагам̣ зд̇т̇а г̇аманагижжам̣ над̇т̇и, маяам̣ ид̇хзва худ̇ваа д̇збидагам̣ рагкиссаамаа’’д̇и д̇ад̇о нивад̇д̇ид̇ваа д̣̇агкин̣амалаяаж̇анабад̣̇ам̣ г̇анд̇ваа ганд̣̇амуулабан̣н̣зхи ж̇ийвигам̣ габбзнд̇аа васим̣су. гааяз ваханд̇з нисийд̣̇ид̇ваа саж̇жхааяам̣ гаронд̇и, аваханд̇з ваалигам̣ уссаарзд̇ваа бариваарзд̇ваа сийсаани згадтаанз гад̇ваа барияад̇д̇им̣ саммасанд̇и. иминаа нияаамзна д̣̇ваад̣̇аса сам̣важчараани саадтагат̇ам̣ д̇збидагам̣ барибун̣н̣ам̣ гад̇ваа д̇хаараяим̣су.
Imassa pañcavidhassa antaradhānassa pariyattiantaradhānameva mūlaṃ. Pariyattiyā hi antarahitāya paṭipatti antaradhāyati, pariyattiyā ṭhitāya paṭipatti patiṭṭhāti. Teneva imasmiṃ dīpe caṇḍālatissamahābhaye sakko devarājā mahāuḷumpaṃ māpetvā bhikkhūnaṃ ārocāpesi ‘‘mahantaṃ bhayaṃ bhavissati, na sammā devo vassissati, bhikkhū paccayehi kilamantā pariyattiṃ sandhāretuṃ na sakkhissanti, paratīraṃ gantvā ayyehi jīvitaṃ rakkhituṃ vaṭṭati. Imaṃ mahāuḷumpaṃ āruyha gacchatha, bhante. Yesaṃ ettha nisajjaṭṭhānaṃ nappahoti, te kaṭṭhakhaṇḍepi uraṃ ṭhapetvā gacchantu, sabbesampi bhayaṃ na bhavissatī’’ti. Tadā samuddatīraṃ patvā saṭṭhi bhikkhū katikaṃ katvā ‘‘amhākaṃ ettha gamanakiccaṃ natthi, mayaṃ idheva hutvā tepiṭakaṃ rakkhissāmā’’ti tato nivattitvā dakkhiṇamalayajanapadaṃ gantvā kandamūlapaṇṇehi jīvikaṃ kappentā vasiṃsu. Kāye vahante nisīditvā sajjhāyaṃ karonti, avahante vālikaṃ ussāretvā parivāretvā sīsāni ekaṭṭhāne katvā pariyattiṃ sammasanti. Iminā niyāmena dvādasa saṃvaccharāni sāṭṭhakathaṃ tepiṭakaṃ paripuṇṇaṃ katvā dhārayiṃsu.
бхаяз вуубасанд̇з сад̇д̇асад̇аа бхигкуу ад̇д̇ано г̇ад̇адтаанз саадтагат̇з д̇збидагз згагкарамби згаб̣яан̃ж̇анамби анаасзд̇ваа имамзва д̣̇ийбамааг̇амма галлаг̇аамаж̇анабад̣̇з ман̣д̣алаараамавихаарам̣ бависим̣су. т̇зраанам̣ ааг̇аманаббавад̇д̇им̣ суд̇ваа имасмим̣ д̣̇ийбз охийнаа садти бхигкуу ‘‘т̇зрз бассиссаамаа’’д̇и г̇анд̇ваа т̇зрзхи сад̣̇д̇хим̣ д̇збидагам̣ сод̇хзнд̇аа згагкарамби згаб̣яан̃ж̇анамби асамзнд̇ам̣ наама на бассим̣су. д̇асмим̣ таанз т̇зраанам̣ аяам̣ гат̇аа уд̣̇абаад̣̇и ‘‘барияад̇д̇и ну ко саасанасса муулам̣ , уд̣̇ааху бадибад̇д̇ий’’д̇и. бам̣сугуулигад̇т̇зраа ‘‘бадибад̇д̇имуула’’нд̇и аахам̣су, д̇хаммагат̇игаа ‘‘барияад̇д̇ий’’д̇и . ат̇а нз т̇зраа ‘‘д̇умхаагам̣ д̣̇виннамби ж̇анаанам̣ важанамад̇д̇знзва на гарома, ж̇инабхаасид̇ам̣ суд̇д̇ам̣ аахарат̇аа’’д̇и аахам̣су. суд̇д̇ам̣ аахарид̇ум̣ на бхаарод̇и ‘‘имз жа, субхад̣̇д̣̇а , бхигкуу саммаа вихарзяяум̣, асун̃н̃о лого араханд̇зхи ассаад̇и (д̣̇ий. ни. 2.214). бадибад̇д̇имуулагам̣, махаарааж̇а, сад̇т̇усаасанам̣ бадибад̇д̇исаарагам̣. бадибад̇д̇ияаа д̇харанд̇ааяа д̇идтад̇ий’’д̇и (ми. ба. 4.1.7) суд̇д̇ам̣ аахарим̣су. имам̣ суд̇д̇ам̣ суд̇ваа д̇хаммагат̇игаа ад̇д̇ано ваад̣̇атабанад̇т̇ааяа имам̣ суд̇д̇ам̣ аахарим̣су –
Bhaye vūpasante sattasatā bhikkhū attano gataṭṭhāne sāṭṭhakathe tepiṭake ekakkharampi ekabyañjanampi anāsetvā imameva dīpamāgamma kallagāmajanapade maṇḍalārāmavihāraṃ pavisiṃsu. Therānaṃ āgamanappavattiṃ sutvā imasmiṃ dīpe ohīnā saṭṭhi bhikkhū ‘‘there passissāmā’’ti gantvā therehi saddhiṃ tepiṭakaṃ sodhentā ekakkharampi ekabyañjanampi asamentaṃ nāma na passiṃsu. Tasmiṃ ṭhāne therānaṃ ayaṃ kathā udapādi ‘‘pariyatti nu kho sāsanassa mūlaṃ , udāhu paṭipattī’’ti. Paṃsukūlikattherā ‘‘paṭipattimūla’’nti āhaṃsu, dhammakathikā ‘‘pariyattī’’ti . Atha ne therā ‘‘tumhākaṃ dvinnampi janānaṃ vacanamatteneva na karoma, jinabhāsitaṃ suttaṃ āharathā’’ti āhaṃsu. Suttaṃ āharituṃ na bhāroti ‘‘ime ca, subhadda , bhikkhū sammā vihareyyuṃ, asuñño loko arahantehi assāti (dī. ni. 2.214). Paṭipattimūlakaṃ, mahārāja, satthusāsanaṃ paṭipattisārakaṃ. Paṭipattiyā dharantāya tiṭṭhatī’’ti (mi. pa. 4.1.7) suttaṃ āhariṃsu. Imaṃ suttaṃ sutvā dhammakathikā attano vādaṭhapanatthāya imaṃ suttaṃ āhariṃsu –
‘‘яаава д̇идтанд̇и суд̇д̇анд̇аа, винаяо яаава д̣̇иббад̇и;
‘‘Yāva tiṭṭhanti suttantā, vinayo yāva dippati;
д̇аава д̣̇агканд̇и аалогам̣, суурияз аб̣бхудтид̇з яат̇аа.
Tāva dakkhanti ālokaṃ, sūriye abbhuṭṭhite yathā.
‘‘суд̇д̇анд̇зсу асанд̇зсу, бамудтз винаяамхи жа;
‘‘Suttantesu asantesu, pamuṭṭhe vinayamhi ca;
д̇амо бхависсад̇и логз, суурияз ад̇т̇ан̇г̇ад̇з яат̇аа.
Tamo bhavissati loke, sūriye atthaṅgate yathā.
‘‘суд̇д̇анд̇з рагкид̇з санд̇з, бадибад̇д̇и ход̇и рагкид̇аа;
‘‘Suttante rakkhite sante, paṭipatti hoti rakkhitā;
бадибад̇д̇ияам̣ тид̇о д̇хийро, яог̇агкзмаа на д̇хам̣сад̇ий’’д̇и.
Paṭipattiyaṃ ṭhito dhīro, yogakkhemā na dhaṃsatī’’ti.
имасмим̣ суд̇д̇з аахадз бам̣сугуулигад̇т̇зраа д̇ун̣хий ахзсум̣, д̇хаммагат̇игад̇т̇зраанам̣язва важанам̣ бурад̇о ахоси. яат̇аа хи г̇авасад̇асса ваа г̇авасахассасса ваа анд̇арз бавзн̣ибаалигааяа д̇хзнуяаа асад̇и со вам̣со саа бавзн̣и на гхадийяад̇и, звамзвам̣ аарад̣̇д̇хавибассагаанам̣ бхигкуунам̣ сад̇зби сахассзби сам̣виж̇ж̇амаанз барияад̇д̇ияаа асад̇и арияамаг̇г̇абадивзд̇хо наама на ход̇и. яат̇аа жа нид̇хигумбхияаа ж̇аананад̇т̇ааяа баасаан̣абидтз агкарзсу табид̇зсу яаава агкараани д̇харанд̇и, д̇аава нид̇хигумбхи надтаа наама на ход̇и. звамзвам̣ барияад̇д̇ияаа д̇харамаанааяа саасанам̣ анд̇арахид̇ам̣ наама на ход̇ийд̇и.
Imasmiṃ sutte āhaṭe paṃsukūlikattherā tuṇhī ahesuṃ, dhammakathikattherānaṃyeva vacanaṃ purato ahosi. Yathā hi gavasatassa vā gavasahassassa vā antare paveṇipālikāya dhenuyā asati so vaṃso sā paveṇi na ghaṭīyati, evamevaṃ āraddhavipassakānaṃ bhikkhūnaṃ satepi sahassepi saṃvijjamāne pariyattiyā asati ariyamaggapaṭivedho nāma na hoti. Yathā ca nidhikumbhiyā jānanatthāya pāsāṇapiṭṭhe akkharesu ṭhapitesu yāva akkharāni dharanti, tāva nidhikumbhi naṭṭhā nāma na hoti. Evamevaṃ pariyattiyā dharamānāya sāsanaṃ antarahitaṃ nāma na hotīti.
д̣̇уд̇ияабамаад̣̇аад̣̇иваг̇г̇аван̣н̣анаа.
Dutiyapamādādivaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияабамаад̣̇аад̣̇иваг̇г̇о • 10. Dutiyapamādādivaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. д̣̇уд̇ияабамаад̣̇аад̣̇иваг̇г̇аван̣н̣анаа • 10. Dutiyapamādādivaggavaṇṇanā
