| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. д̣̇уд̇ияабамаад̣̇аад̣̇иваг̇г̇аван̣н̣анаа
10. Dutiyapamādādivaggavaṇṇanā
98-115. д̣̇асамз ваг̇г̇з аж̇жхад̇д̇асанд̇аанз бхавам̣ аж̇жхад̇д̇игам̣. аж̇жхад̇д̇асанд̇аанад̇о б̣ахид̣̇д̇хаа бхавам̣ б̣аахирам̣. вуд̇д̇абадибагканаязнаад̇и ‘‘авинаасааяаа’’д̇и звамаад̣̇инаа ад̇т̇о г̇ахзд̇аб̣б̣о. жад̇уггодигзд̇и ‘‘ануяог̇о агусалаанам̣ , анануяог̇о гусалаанам̣, ануяог̇о гусалаанам̣, анануяог̇о агусалаана’’нд̇и (а. ни. 1.96) звам̣ барияосаанасуд̇д̇з ааг̇ад̇анаяам̣ г̇ахзд̇ваа ‘‘наахам̣, бхигкавз, ан̃н̃ам̣ згад̇хаммамби саманубассаамий’’д̇иаад̣̇инаа (а. ни. 1.11) ааг̇ад̇асуд̇д̇аанам̣ саман̃н̃аа ж̇аад̇аа.
98-115. Dasame vagge ajjhattasantāne bhavaṃ ajjhattikaṃ. Ajjhattasantānato bahiddhā bhavaṃ bāhiraṃ. Vuttapaṭipakkhanayenāti ‘‘avināsāyā’’ti evamādinā attho gahetabbo. Catukkoṭiketi ‘‘anuyogo akusalānaṃ , ananuyogo kusalānaṃ, anuyogo kusalānaṃ, ananuyogo akusalāna’’nti (a. ni. 1.96) evaṃ pariyosānasutte āgatanayaṃ gahetvā ‘‘nāhaṃ, bhikkhave, aññaṃ ekadhammampi samanupassāmī’’tiādinā (a. ni. 1.11) āgatasuttānaṃ samaññā jātā.
130. суд̇д̇анд̇анаяз яат̇аажод̣̇анаа сам̣гилзсад̇хаммаанам̣ вибариязсанам̣, д̇ам̣д̇ам̣д̇хаммагодтаасаанан̃жа уунад̇о ад̇хигад̇о жа бавзд̣̇анам̣ ад̇хаммам̣ д̇хаммод̇и д̣̇ийбанам̣. д̇зсам̣язва бана авибарийд̇ад̇о ануунаад̇хигад̇о жа бавзд̣̇анам̣ д̇хаммам̣ д̇хаммод̇и д̣̇ийбанам̣. звам̣ винаяаббадибад̇д̇ияаа аяат̇аавид̇хиббавзд̣̇анам̣ ад̇хаммам̣ д̇хаммод̇и д̣̇ийбанам̣. яат̇аавид̇хиббавзд̣̇анам̣ д̇хаммам̣ д̇хаммод̇и д̣̇ийбанам̣. суд̇д̇анд̇анаязна бан̃жавид̇хо сам̣варавинаяо бахаанавинаяо жа винаяо, д̇аббадибагкзна авинаяо. винаяанаязна вад̇т̇усамбад̣̇аад̣̇инаа яат̇аавид̇хиббадибад̇д̇и зва винаяо, д̇аб̣б̣ибарияааязна авинаяо взд̣̇ид̇аб̣б̣о. д̇им̣са ниссаг̇г̇ияаа баажид̇д̇ияаад̇и зд̇т̇а ид̇и-сад̣̇д̣̇о аад̣̇яад̇т̇о. д̇зна д̣̇взнавуд̇и баажид̇д̇ияаа, жад̇д̇ааро баадид̣̇зсанияаа, сад̇д̇а ад̇хигаран̣асамат̇аад̇и имзсам̣ сан̇г̇ахо. згад̇им̣са ниссаг̇г̇ияаад̇и зд̇т̇а ‘‘д̇знавуд̇и баажид̇д̇ияаа’’д̇иаад̣̇инаа вад̇д̇аб̣б̣ам̣. сзсамзд̇т̇а сувин̃н̃зяяамзва.
130. Suttantanaye yathācodanā saṃkilesadhammānaṃ vipariyesanaṃ, taṃtaṃdhammakoṭṭhāsānañca ūnato adhikato ca pavedanaṃ adhammaṃ dhammoti dīpanaṃ. Tesaṃyeva pana aviparītato anūnādhikato ca pavedanaṃ dhammaṃ dhammoti dīpanaṃ. Evaṃ vinayappaṭipattiyā ayathāvidhippavedanaṃ adhammaṃ dhammoti dīpanaṃ. Yathāvidhippavedanaṃ dhammaṃ dhammoti dīpanaṃ. Suttantanayena pañcavidho saṃvaravinayo pahānavinayo ca vinayo, tappaṭipakkhena avinayo. Vinayanayena vatthusampadādinā yathāvidhippaṭipatti eva vinayo, tabbipariyāyena avinayo veditabbo. Tiṃsa nissaggiyā pācittiyāti ettha iti-saddo ādyattho. Tena dvenavuti pācittiyā, cattāro pāṭidesaniyā, satta adhikaraṇasamathāti imesaṃ saṅgaho. Ekatiṃsa nissaggiyāti ettha ‘‘tenavuti pācittiyā’’tiādinā vattabbaṃ. Sesamettha suviññeyyameva.
ад̇хиг̇анд̇аб̣б̣ад̇о ад̇хиг̇амо, маг̇г̇апалаани. ниб̣б̣аанам̣ бана анд̇арад̇хаанаабхаавад̇о ид̇ха на г̇аяхад̇и. бадибаж̇ж̇анам̣ бадибад̇д̇и, сигкад̇д̇аяасамааяог̇о. бадибаж̇ж̇ид̇аб̣б̣ад̇о ваа бадибад̇д̇и. барияаабун̣ид̇аб̣б̣ад̇о барияад̇д̇и, бидагад̇д̇аяам̣. маг̇г̇аг̇г̇ахан̣зна г̇ахид̇ааби д̇ад̇ияавиж̇ж̇аачадтаабхин̃н̃аа виж̇ж̇аабхин̃н̃аасааман̃н̃ад̇о ‘‘д̇иссо виж̇ж̇аа ча абхин̃н̃аа’’д̇и бунаби г̇ахид̇аа. д̇ад̇о барам̣ ча абхин̃н̃аад̇и вассасахассад̇о барам̣ ча абхин̃н̃аа ниб̣б̣ад̇д̇зд̇ум̣ саггонд̇и, на бадисамбхид̣̇аад̇и ад̇хиббааяо. д̇ад̇од̇и абхин̃н̃аагаалад̇о бажчаа. д̇аад̇и абхин̃н̃ааяо. буб̣б̣абхааг̇з жхаанасинзхаабхаавзна гзвалааяа вибассанааяа тад̇ваа аг̇г̇апалаббад̇д̇аа сугкавибассагаа наама, маг̇г̇агкан̣з бана ‘‘жхаанасинзхо над̇т̇ий’’д̇и на вад̇д̇аб̣б̣о ‘‘самат̇авибассанам̣ яуг̇анад̣̇д̇хам̣ бхаавзд̇ий’’д̇и (а. ни. 4.170) важанад̇о. бажчимагассаад̇и саб̣б̣абажчимасса. гин̃жааби арияо абарихаанад̇хаммо , сод̇аабаннасса бана уд̣̇д̇хам̣ ж̇ийвид̇абарияаад̣̇аанаа ад̇хиг̇ад̇ад̇хаммо уббанно наама над̇т̇и, бажжаяасаамаг̇г̇ияаа асад̇и яаава убаривисзсам̣ ниб̣б̣ад̇д̇зд̇ум̣ на саггонд̇и, д̇аава ад̇хиг̇амасса асамбхаво зваад̇и ааха – ‘‘сод̇аабаннасса…бз… наама ход̇ий’’д̇и. д̇ассид̣̇ам̣ мануссалогавасзна вуд̇д̇анд̇и д̣̇адтаб̣б̣ам̣.
Adhigantabbato adhigamo, maggaphalāni. Nibbānaṃ pana antaradhānābhāvato idha na gayhati. Paṭipajjanaṃ paṭipatti, sikkhattayasamāyogo. Paṭipajjitabbato vā paṭipatti. Pariyāpuṇitabbato pariyatti, piṭakattayaṃ. Maggaggahaṇena gahitāpi tatiyavijjāchaṭṭhābhiññā vijjābhiññāsāmaññato ‘‘tisso vijjā cha abhiññā’’ti punapi gahitā. Tato paraṃ cha abhiññāti vassasahassato paraṃ cha abhiññā nibbattetuṃ sakkonti, na paṭisambhidāti adhippāyo. Tatoti abhiññākālato pacchā. Tāti abhiññāyo. Pubbabhāge jhānasinehābhāvena kevalāya vipassanāya ṭhatvā aggaphalappattā sukkhavipassakā nāma, maggakkhaṇe pana ‘‘jhānasineho natthī’’ti na vattabbo ‘‘samathavipassanaṃ yuganaddhaṃ bhāvetī’’ti (a. ni. 4.170) vacanato. Pacchimakassāti sabbapacchimassa. Kiñcāpi ariyo aparihānadhammo , sotāpannassa pana uddhaṃ jīvitapariyādānā adhigatadhammo uppanno nāma natthi, paccayasāmaggiyā asati yāva uparivisesaṃ nibbattetuṃ na sakkonti, tāva adhigamassa asambhavo evāti āha – ‘‘sotāpannassa…pe… nāma hotī’’ti. Tassidaṃ manussalokavasena vuttanti daṭṭhabbaṃ.
на жод̣̇знд̇ийд̇и ан̃н̃аман̃н̃асмим̣ виж̇ж̇амаанам̣ д̣̇осам̣ ж̇аананд̇ааби на жод̣̇знд̇и на саарзнд̇и. агуггужжагаа хонд̇ийд̇и гуггужжам̣ на уббаад̣̇знд̇и. ‘‘асаггажжагаарино хонд̇ий’’д̇и жа батанд̇и, саат̇алигад̇ааяа сигкаасу асаггажжагаарино хонд̇ийд̇и ад̇т̇о. бхигкуунам̣ сад̇зби сахассзби д̇харамаанзд̇и ид̣̇ам̣ б̣аахуллавасзна вуд̇д̇ам̣. анд̇имавад̇т̇уанаж̇жхаабаннзсу гад̇ибаяамад̇д̇зсуби бхигкуусу д̇харанд̇зсу, згасмим̣ ваа д̇харанд̇з бадибад̇д̇и ананд̇арахид̇аа зва наама ход̇и. д̇знзвааха – ‘‘бажчимагасса…бз… анд̇арахид̇аа ход̇ий’’д̇и.
Na codentīti aññamaññasmiṃ vijjamānaṃ dosaṃ jānantāpi na codenti na sārenti. Akukkuccakā hontīti kukkuccaṃ na uppādenti. ‘‘Asakkaccakārino hontī’’ti ca paṭhanti, sāthalikatāya sikkhāsu asakkaccakārino hontīti attho. Bhikkhūnaṃ satepi sahassepi dharamāneti idaṃ bāhullavasena vuttaṃ. Antimavatthuanajjhāpannesu katipayamattesupi bhikkhūsu dharantesu, ekasmiṃ vā dharante paṭipatti anantarahitā eva nāma hoti. Tenevāha – ‘‘pacchimakassa…pe… antarahitā hotī’’ti.
анд̇зваасигз г̇ахзд̇унд̇и анд̇зваасигз сан̇г̇ахзд̇ум̣. ад̇т̇авасзнаад̇и адтагат̇аавасзна. мад̇т̇агад̇о бадтааяаад̇и убарид̇о бадтааяа. убосат̇агканд̇хагамад̇д̇анд̇и винаяамаад̇игаабаал̣имааха. аал̣авагабан̃хаад̣̇ийнам̣ вияа д̣̇звзсу барияад̇д̇ияаа бавад̇д̇и аббамаан̣анд̇и ааха – ‘‘мануссзсуу’’д̇и.
Antevāsike gahetunti antevāsike saṅgahetuṃ. Atthavasenāti aṭṭhakathāvasena. Matthakato paṭṭhāyāti uparito paṭṭhāya. Uposathakkhandhakamattanti vinayamātikāpāḷimāha. Āḷavakapañhādīnaṃ viya devesu pariyattiyā pavatti appamāṇanti āha – ‘‘manussesū’’ti.
одтадтиван̣н̣анд̇и одтаанам̣ адтиван̣н̣ам̣, д̣̇анд̇агасаавам̣ згам̣ ваа д̣̇вз ваа ваарз раж̇ид̇ваа д̣̇анд̇аван̣н̣ам̣ гад̇ваа д̇хаарзнд̇ийд̇и вуд̇д̇ам̣ ход̇и. гзсзсу ваа аллийяаабзнд̇ийд̇и д̇зна гаасаавакан̣д̣зна гзсз б̣анд̇ханд̇аа аллийяаабзнд̇и. бхигкуг̇од̇д̇асса абхибхаванад̇о винаасанад̇о г̇од̇рабхуно. ат̇а ваа г̇од̇д̇ам̣ вужжад̇и саад̇хааран̣ам̣ наамам̣, мад̇д̇асад̣̇д̣̇о луд̇д̇анид̣̇д̣̇идто, д̇асмаа ‘‘саман̣аа’’д̇и г̇од̇д̇амад̇д̇ам̣ анубхаванд̇и д̇хаарзнд̇ийд̇и г̇од̇рабхуно, наамамад̇д̇асаман̣аад̇и ад̇т̇о. гаасааваг̇ад̇аган̣тад̇ааяа, гаасааваг̇г̇ахан̣ахзд̇ууббаж̇ж̇анагасогад̇ааяа ваа гаасааваган̣таа. сан̇гхаг̇ад̇анд̇и сан̇гхам̣ уд̣̇д̣̇исса д̣̇иннад̇д̇аа сан̇гхаг̇ад̇ам̣. д̇ам̣ сарийранд̇и д̇ам̣ д̇хаад̇усарийрам̣.
Oṭṭhaṭṭhivaṇṇanti oṭṭhānaṃ aṭṭhivaṇṇaṃ, dantakasāvaṃ ekaṃ vā dve vā vāre rajitvā dantavaṇṇaṃ katvā dhārentīti vuttaṃ hoti. Kesesu vā allīyāpentīti tena kāsāvakhaṇḍena kese bandhantā allīyāpenti. Bhikkhugottassa abhibhavanato vināsanato gotrabhuno. Atha vā gottaṃ vuccati sādhāraṇaṃ nāmaṃ, mattasaddo luttaniddiṭṭho, tasmā ‘‘samaṇā’’ti gottamattaṃ anubhavanti dhārentīti gotrabhuno, nāmamattasamaṇāti attho. Kāsāvagatakaṇṭhatāya, kāsāvaggahaṇahetuuppajjanakasokatāya vā kāsāvakaṇṭhā. Saṅghagatanti saṅghaṃ uddissa dinnattā saṅghagataṃ. Taṃ sarīranti taṃ dhātusarīraṃ.
д̇знзваад̇и барияад̇д̇ианд̇арад̇хаанамуулагад̇д̇аа зва ид̇араанд̇арад̇хаанасса. сагго д̣̇зварааж̇аа чаад̇агабхаяз барад̇ийраг̇аманааяа бхигкуу уссуггамагаасийд̇и ад̇хиббааяо. нзд̇и убхаязби бам̣сугуулигад̇т̇зрз д̇хаммагат̇игад̇т̇зрз жа. т̇зраад̇и д̇ад̇т̇а тид̇аа сагкибхууд̇аа т̇зраа. д̇хаммагат̇игад̇т̇зраа ‘‘яаава д̇идтанд̇и суд̇д̇анд̇аа…бз… яог̇агкзмаа на д̇хам̣сад̇ий’’д̇и ид̣̇ам̣ суд̇д̇ам̣ аахарид̇ваа ‘‘суд̇д̇анд̇з рагкид̇з санд̇з, бадибад̇д̇и ход̇и рагкид̇аа’’д̇и иминаа важанзна бам̣сугуулигад̇т̇зрз аббадибхаанз агам̣су . ид̣̇аани барияад̇д̇ияаа ананд̇арад̇хаанамзва ид̇арзсам̣ ананд̇арад̇хаанахзд̇ууд̇и имамад̇т̇ам̣ б̣яад̇ирзгад̇о анваяад̇о жа убамаахи вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. д̇ам̣ сувин̃н̃зяяамзва.
Tenevāti pariyattiantaradhānamūlakattā eva itaraantaradhānassa. Sakko devarājā chātakabhaye paratīragamanāya bhikkhū ussukkamakāsīti adhippāyo. Neti ubhayepi paṃsukūlikatthere dhammakathikatthere ca. Therāti tattha ṭhitā sakkhibhūtā therā. Dhammakathikattherā ‘‘yāva tiṭṭhantisuttantā…pe… yogakkhemā na dhaṃsatī’’ti idaṃ suttaṃ āharitvā ‘‘suttante rakkhite sante, paṭipatti hoti rakkhitā’’ti iminā vacanena paṃsukūlikatthere appaṭibhāne akaṃsu . Idāni pariyattiyā anantaradhānameva itaresaṃ anantaradhānahetūti imamatthaṃ byatirekato anvayato ca upamāhi vibhāvetuṃ ‘‘yathā hī’’tiādi vuttaṃ. Taṃ suviññeyyameva.
д̣̇уд̇ияабамаад̣̇аад̣̇иваг̇г̇аван̣н̣анаа нидтид̇аа.
Dutiyapamādādivaggavaṇṇanā niṭṭhitā.
140-150. згаад̣̇асамад̣̇ваад̣̇асамаваг̇г̇аа сувин̃н̃зяяаа зва.
140-150. Ekādasamadvādasamavaggā suviññeyyā eva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
10. д̣̇уд̇ияабамаад̣̇аад̣̇иваг̇г̇о • 10. Dutiyapamādādivaggo
11. ад̇хаммаваг̇г̇о • 11. Adhammavaggo
12. анаабад̇д̇иваг̇г̇о • 12. Anāpattivaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
10. д̣̇уд̇ияабамаад̣̇аад̣̇иваг̇г̇аван̣н̣анаа • 10. Dutiyapamādādivaggavaṇṇanā
11. ад̇хаммаваг̇г̇аван̣н̣анаа • 11. Adhammavaggavaṇṇanā
12. анаабад̇д̇иваг̇г̇аван̣н̣анаа • 12. Anāpattivaggavaṇṇanā
