| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਦੁਤਿਯਪਮਾਦਾਦਿવਗ੍ਗੋ
10. Dutiyapamādādivaggo
੯੮. ‘‘ਅਜ੍ਝਤ੍ਤਿਕਂ , ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਨਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਪਮਾਦੋ। ਪਮਾਦੋ, ਭਿਕ੍ਖવੇ, ਮਹਤੋ ਅਨਤ੍ਥਾਯ ਸਂવਤ੍ਤਤੀ’’ਤਿ। ਪਠਮਂ।
98. ‘‘Ajjhattikaṃ , bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato anatthāya saṃvattati yathayidaṃ, bhikkhave, pamādo. Pamādo, bhikkhave, mahato anatthāya saṃvattatī’’ti. Paṭhamaṃ.
੯੯. ‘‘ਅਜ੍ਝਤ੍ਤਿਕਂ, ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਅਪ੍ਪਮਾਦੋ। ਅਪ੍ਪਮਾਦੋ , ਭਿਕ੍ਖવੇ, ਮਹਤੋ ਅਤ੍ਥਾਯ ਸਂવਤ੍ਤਤੀ’’ਤਿ। ਦੁਤਿਯਂ।
99. ‘‘Ajjhattikaṃ, bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato atthāya saṃvattati yathayidaṃ, bhikkhave, appamādo. Appamādo , bhikkhave, mahato atthāya saṃvattatī’’ti. Dutiyaṃ.
੧੦੦. ‘‘ਅਜ੍ਝਤ੍ਤਿਕਂ, ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਨਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਕੋਸਜ੍ਜਂ। ਕੋਸਜ੍ਜਂ, ਭਿਕ੍ਖવੇ, ਮਹਤੋ ਅਨਤ੍ਥਾਯ ਸਂવਤ੍ਤਤੀ’’ਤਿ। ਤਤਿਯਂ।
100. ‘‘Ajjhattikaṃ, bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato anatthāya saṃvattati yathayidaṃ, bhikkhave, kosajjaṃ. Kosajjaṃ, bhikkhave, mahato anatthāya saṃvattatī’’ti. Tatiyaṃ.
੧੦੧. ‘‘ਅਜ੍ਝਤ੍ਤਿਕਂ, ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, વੀਰਿਯਾਰਮ੍ਭੋ। વੀਰਿਯਾਰਮ੍ਭੋ, ਭਿਕ੍ਖવੇ, ਮਹਤੋ ਅਤ੍ਥਾਯ ਸਂવਤ੍ਤਤੀ’’ਤਿ। ਚਤੁਤ੍ਥਂ।
101. ‘‘Ajjhattikaṃ, bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato atthāya saṃvattati yathayidaṃ, bhikkhave, vīriyārambho. Vīriyārambho, bhikkhave, mahato atthāya saṃvattatī’’ti. Catutthaṃ.
੧੦੨-੧੦੯. ‘‘ਅਜ੍ਝਤ੍ਤਿਕਂ , ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਨਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਮਹਿਚ੍ਛਤਾ…ਪੇ॰… ਅਪ੍ਪਿਚ੍ਛਤਾ… ਅਸਨ੍ਤੁਟ੍ਠਿਤਾ… ਸਨ੍ਤੁਟ੍ਠਿਤਾ… ਅਯੋਨਿਸੋਮਨਸਿਕਾਰੋ… ਯੋਨਿਸੋਮਨਸਿਕਾਰੋ… ਅਸਮ੍ਪਜਞ੍ਞਂ… ਸਮ੍ਪਜਞ੍ਞਂ… ਦ੍વਾਦਸਮਂ।
102-109. ‘‘Ajjhattikaṃ , bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato anatthāya saṃvattati yathayidaṃ, bhikkhave, mahicchatā…pe… appicchatā… asantuṭṭhitā… santuṭṭhitā… ayonisomanasikāro… yonisomanasikāro… asampajaññaṃ… sampajaññaṃ… dvādasamaṃ.
੧੧੦. ‘‘ਬਾਹਿਰਂ , ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਨਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਪਾਪਮਿਤ੍ਤਤਾ। ਪਾਪਮਿਤ੍ਤਤਾ, ਭਿਕ੍ਖવੇ, ਮਹਤੋ ਅਨਤ੍ਥਾਯ ਸਂવਤ੍ਤਤੀ’’ਤਿ। ਤੇਰਸਮਂ।
110. ‘‘Bāhiraṃ , bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato anatthāya saṃvattati yathayidaṃ, bhikkhave, pāpamittatā. Pāpamittatā, bhikkhave, mahato anatthāya saṃvattatī’’ti. Terasamaṃ.
੧੧੧. ‘‘ਬਾਹਿਰਂ, ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਕਲ੍ਯਾਣਮਿਤ੍ਤਤਾ। ਕਲ੍ਯਾਣਮਿਤ੍ਤਤਾ, ਭਿਕ੍ਖવੇ, ਮਹਤੋ ਅਤ੍ਥਾਯ ਸਂવਤ੍ਤਤੀ’’ਤਿ। ਚੁਦ੍ਦਸਮਂ।
111. ‘‘Bāhiraṃ, bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato atthāya saṃvattati yathayidaṃ, bhikkhave, kalyāṇamittatā. Kalyāṇamittatā, bhikkhave, mahato atthāya saṃvattatī’’ti. Cuddasamaṃ.
੧੧੨. ‘‘ਅਜ੍ਝਤ੍ਤਿਕਂ , ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਨਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਅਨੁਯੋਗੋ ਅਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਕੁਸਲਾਨਂ ਧਮ੍ਮਾਨਂ। ਅਨੁਯੋਗੋ, ਭਿਕ੍ਖવੇ, ਅਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਕੁਸਲਾਨਂ ਧਮ੍ਮਾਨਂ ਮਹਤੋ ਅਨਤ੍ਥਾਯ ਸਂવਤ੍ਤਤੀ’’ਤਿ। ਪਨ੍ਨਰਸਮਂ।
112. ‘‘Ajjhattikaṃ , bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato anatthāya saṃvattati yathayidaṃ, bhikkhave, anuyogo akusalānaṃ dhammānaṃ, ananuyogo kusalānaṃ dhammānaṃ. Anuyogo, bhikkhave, akusalānaṃ dhammānaṃ, ananuyogo kusalānaṃ dhammānaṃ mahato anatthāya saṃvattatī’’ti. Pannarasamaṃ.
੧੧੩. ‘‘ਅਜ੍ਝਤ੍ਤਿਕਂ, ਭਿਕ੍ਖવੇ, ਅਙ੍ਗਨ੍ਤਿ ਕਰਿਤ੍વਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ ਯਂ ਏવਂ ਮਹਤੋ ਅਤ੍ਥਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਅਨੁਯੋਗੋ ਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਅਕੁਸਲਾਨਂ ਧਮ੍ਮਾਨਂ। ਅਨੁਯੋਗੋ, ਭਿਕ੍ਖવੇ, ਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਅਕੁਸਲਾਨਂ ਧਮ੍ਮਾਨਂ ਮਹਤੋ ਅਤ੍ਥਾਯ ਸਂવਤ੍ਤਤੀ’’ਤਿ। ਸੋਲ਼ਸਮਂ।
113. ‘‘Ajjhattikaṃ, bhikkhave, aṅganti karitvā nāññaṃ ekaṅgampi samanupassāmi yaṃ evaṃ mahato atthāya saṃvattati yathayidaṃ, bhikkhave, anuyogo kusalānaṃ dhammānaṃ, ananuyogo akusalānaṃ dhammānaṃ. Anuyogo, bhikkhave, kusalānaṃ dhammānaṃ, ananuyogo akusalānaṃ dhammānaṃ mahato atthāya saṃvattatī’’ti. Soḷasamaṃ.
੧੧੪. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੋ ਏવਂ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਪਮਾਦੋ। ਪਮਾਦੋ, ਭਿਕ੍ਖવੇ, ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂવਤ੍ਤਤੀ’’ਤਿ। ਸਤ੍ਤਰਸਮਂ।
114. ‘‘Nāhaṃ, bhikkhave, aññaṃ ekadhammampi samanupassāmi yo evaṃ saddhammassa sammosāya antaradhānāya saṃvattati yathayidaṃ, bhikkhave, pamādo. Pamādo, bhikkhave, saddhammassa sammosāya antaradhānāya saṃvattatī’’ti. Sattarasamaṃ.
੧੧੫. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੋ ਏવਂ ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਅਪ੍ਪਮਾਦੋ। ਅਪ੍ਪਮਾਦੋ , ਭਿਕ੍ਖવੇ, ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂવਤ੍ਤਤੀ’’ਤਿ। ਅਟ੍ਠਾਰਸਮਂ।
115. ‘‘Nāhaṃ, bhikkhave, aññaṃ ekadhammampi samanupassāmi yo evaṃ saddhammassa ṭhitiyā asammosāya anantaradhānāya saṃvattati yathayidaṃ, bhikkhave, appamādo. Appamādo , bhikkhave, saddhammassa ṭhitiyā asammosāya anantaradhānāya saṃvattatī’’ti. Aṭṭhārasamaṃ.
੧੧੬. ‘‘ਨਾਹਂ , ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੋ ਏવਂ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਕੋਸਜ੍ਜਂ। ਕੋਸਜ੍ਜਂ, ਭਿਕ੍ਖવੇ, ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂવਤ੍ਤਤੀ’’ਤਿ। ਏਕੂਨવੀਸਤਿਮਂ।
116. ‘‘Nāhaṃ , bhikkhave, aññaṃ ekadhammampi samanupassāmi yo evaṃ saddhammassa sammosāya antaradhānāya saṃvattati yathayidaṃ, bhikkhave, kosajjaṃ. Kosajjaṃ, bhikkhave, saddhammassa sammosāya antaradhānāya saṃvattatī’’ti. Ekūnavīsatimaṃ.
੧੧੭. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੋ ਏવਂ ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, વੀਰਿਯਾਰਮ੍ਭੋ। વੀਰਿਯਾਰਮ੍ਭੋ, ਭਿਕ੍ਖવੇ, ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂવਤ੍ਤਤੀ’’ਤਿ। વੀਸਤਿਮਂ।
117. ‘‘Nāhaṃ, bhikkhave, aññaṃ ekadhammampi samanupassāmi yo evaṃ saddhammassa ṭhitiyā asammosāya anantaradhānāya saṃvattati yathayidaṃ, bhikkhave, vīriyārambho. Vīriyārambho, bhikkhave, saddhammassa ṭhitiyā asammosāya anantaradhānāya saṃvattatī’’ti. Vīsatimaṃ.
੧੧੮-੧੨੮. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੋ ਏવਂ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਮਹਿਚ੍ਛਤਾ…ਪੇ॰… ਅਪ੍ਪਿਚ੍ਛਤਾ… ਅਸਨ੍ਤੁਟ੍ਠਿਤਾ… ਸਨ੍ਤੁਟ੍ਠਿਤਾ… ਅਯੋਨਿਸੋਮਨਸਿਕਾਰੋ… ਯੋਨਿਸੋਮਨਸਿਕਾਰੋ… ਅਸਮ੍ਪਜਞ੍ਞਂ… ਸਮ੍ਪਜਞ੍ਞਂ … ਪਾਪਮਿਤ੍ਤਤਾ… ਕਲ੍ਯਾਣਮਿਤ੍ਤਤਾ… ਅਨੁਯੋਗੋ ਅਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਕੁਸਲਾਨਂ ਧਮ੍ਮਾਨਂ। ਅਨੁਯੋਗੋ, ਭਿਕ੍ਖવੇ, ਅਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਕੁਸਲਾਨਂ ਧਮ੍ਮਾਨਂ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂવਤ੍ਤਤੀ’’ਤਿ। ਏਕਤ੍ਤਿਂਸਤਿਮਂ।
118-128. ‘‘Nāhaṃ, bhikkhave, aññaṃ ekadhammampi samanupassāmi yo evaṃ saddhammassa sammosāya antaradhānāya saṃvattati yathayidaṃ, bhikkhave, mahicchatā…pe… appicchatā… asantuṭṭhitā… santuṭṭhitā… ayonisomanasikāro… yonisomanasikāro… asampajaññaṃ… sampajaññaṃ … pāpamittatā… kalyāṇamittatā… anuyogo akusalānaṃ dhammānaṃ, ananuyogo kusalānaṃ dhammānaṃ. Anuyogo, bhikkhave, akusalānaṃ dhammānaṃ, ananuyogo kusalānaṃ dhammānaṃ saddhammassa sammosāya antaradhānāya saṃvattatī’’ti. Ekattiṃsatimaṃ.
੧੨੯. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੋ ਏવਂ ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂવਤ੍ਤਤਿ ਯਥਯਿਦਂ, ਭਿਕ੍ਖવੇ, ਅਨੁਯੋਗੋ ਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਅਕੁਸਲਾਨਂ ਧਮ੍ਮਾਨਂ। ਅਨੁਯੋਗੋ, ਭਿਕ੍ਖવੇ, ਕੁਸਲਾਨਂ ਧਮ੍ਮਾਨਂ, ਅਨਨੁਯੋਗੋ ਅਕੁਸਲਾਨਂ ਧਮ੍ਮਾਨਂ ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂવਤ੍ਤਤੀ’’ਤਿ। ਚਤੁਕ੍ਕੋਟਿਕਂ ਨਿਟ੍ਠਿਤਂ। ਬਾਤ੍ਤਿਂਸਤਿਮਂ।
129. ‘‘Nāhaṃ, bhikkhave, aññaṃ ekadhammampi samanupassāmi yo evaṃ saddhammassa ṭhitiyā asammosāya anantaradhānāya saṃvattati yathayidaṃ, bhikkhave, anuyogo kusalānaṃ dhammānaṃ, ananuyogo akusalānaṃ dhammānaṃ. Anuyogo, bhikkhave, kusalānaṃ dhammānaṃ, ananuyogo akusalānaṃ dhammānaṃ saddhammassa ṭhitiyā asammosāya anantaradhānāya saṃvattatī’’ti. Catukkoṭikaṃ niṭṭhitaṃ. Bāttiṃsatimaṃ.
੧੩੦. ‘‘ਯੇ ਤੇ, ਭਿਕ੍ਖવੇ, ਭਿਕ੍ਖੂ ਅਧਮ੍ਮਂ ਧਮ੍ਮੋਤਿ ਦੀਪੇਨ੍ਤਿ ਤੇ, ਭਿਕ੍ਖવੇ, ਭਿਕ੍ਖੂ ਬਹੁਜਨਅਹਿਤਾਯ ਪਟਿਪਨ੍ਨਾ ਬਹੁਜਨਅਸੁਖਾਯ, ਬਹੁਨੋ ਜਨਸ੍ਸ ਅਨਤ੍ਥਾਯ ਅਹਿਤਾਯ ਦੁਕ੍ਖਾਯ ਦੇવਮਨੁਸ੍ਸਾਨਂ । ਬਹੁਞ੍ਚ ਤੇ, ਭਿਕ੍ਖવੇ, ਭਿਕ੍ਖੂ ਅਪੁਞ੍ਞਂ ਪਸવਨ੍ਤਿ, ਤੇ ਚਿਮਂ 1 ਸਦ੍ਧਮ੍ਮਂ ਅਨ੍ਤਰਧਾਪੇਨ੍ਤੀ’’ਤਿ। ਤੇਤ੍ਤਿਂਸਤਿਮਂ।
130. ‘‘Ye te, bhikkhave, bhikkhū adhammaṃ dhammoti dīpenti te, bhikkhave, bhikkhū bahujanaahitāya paṭipannā bahujanaasukhāya, bahuno janassa anatthāya ahitāya dukkhāya devamanussānaṃ . Bahuñca te, bhikkhave, bhikkhū apuññaṃ pasavanti, te cimaṃ 2 saddhammaṃ antaradhāpentī’’ti. Tettiṃsatimaṃ.
੧੩੧. ‘‘ਯੇ ਤੇ, ਭਿਕ੍ਖવੇ, ਭਿਕ੍ਖੂ ਧਮ੍ਮਂ ਅਧਮ੍ਮੋਤਿ ਦੀਪੇਨ੍ਤਿ ਤੇ, ਭਿਕ੍ਖવੇ, ਭਿਕ੍ਖੂ ਬਹੁਜਨਅਹਿਤਾਯ ਪਟਿਪਨ੍ਨਾ ਬਹੁਜਨਅਸੁਖਾਯ, ਬਹੁਨੋ ਜਨਸ੍ਸ ਅਨਤ੍ਥਾਯ ਅਹਿਤਾਯ ਦੁਕ੍ਖਾਯ ਦੇવਮਨੁਸ੍ਸਾਨਂ। ਬਹੁਞ੍ਚ ਤੇ, ਭਿਕ੍ਖવੇ, ਭਿਕ੍ਖੂ ਅਪੁਞ੍ਞਂ ਪਸવਨ੍ਤਿ, ਤੇ ਚਿਮਂ ਸਦ੍ਧਮ੍ਮਂ ਅਨ੍ਤਰਧਾਪੇਨ੍ਤੀ’’ਤਿ। ਚਤੁਤ੍ਤਿਂਸਤਿਮਂ।
131. ‘‘Ye te, bhikkhave, bhikkhū dhammaṃ adhammoti dīpenti te, bhikkhave, bhikkhū bahujanaahitāya paṭipannā bahujanaasukhāya, bahuno janassa anatthāya ahitāya dukkhāya devamanussānaṃ. Bahuñca te, bhikkhave, bhikkhū apuññaṃ pasavanti, te cimaṃ saddhammaṃ antaradhāpentī’’ti. Catuttiṃsatimaṃ.
੧੩੨-੧੩੯. ‘‘ਯੇ ਤੇ, ਭਿਕ੍ਖવੇ, ਭਿਕ੍ਖੂ ਅવਿਨਯਂ વਿਨਯੋਤਿ ਦੀਪੇਨ੍ਤਿ…ਪੇ॰… વਿਨਯਂ ਅવਿਨਯੋਤਿ ਦੀਪੇਨ੍ਤਿ…ਪੇ॰… ਅਭਾਸਿਤਂ ਅਲਪਿਤਂ ਤਥਾਗਤੇਨ ਭਾਸਿਤਂ ਲਪਿਤਂ ਤਥਾਗਤੇਨਾਤਿ ਦੀਪੇਨ੍ਤਿ…ਪੇ॰… ਭਾਸਿਤਂ ਲਪਿਤਂ ਤਥਾਗਤੇਨ ਅਭਾਸਿਤਂ ਅਲਪਿਤਂ ਤਥਾਗਤੇਨਾਤਿ ਦੀਪੇਨ੍ਤਿ…ਪੇ॰… ਅਨਾਚਿਣ੍ਣਂ ਤਥਾਗਤੇਨ ਆਚਿਣ੍ਣਂ ਤਥਾਗਤੇਨਾਤਿ ਦੀਪੇਨ੍ਤਿ…ਪੇ॰… ਆਚਿਣ੍ਣਂ ਤਥਾਗਤੇਨ ਅਨਾਚਿਣ੍ਣਂ ਤਥਾਗਤੇਨਾਤਿ ਦੀਪੇਨ੍ਤਿ…ਪੇ॰… ਅਪਞ੍ਞਤ੍ਤਂ ਤਥਾਗਤੇਨ ਪਞ੍ਞਤ੍ਤਂ ਤਥਾਗਤੇਨਾਤਿ ਦੀਪੇਨ੍ਤਿ…ਪੇ॰… ਪਞ੍ਞਤ੍ਤਂ ਤਥਾਗਤੇਨ ਅਪਞ੍ਞਤ੍ਤਂ ਤਥਾਗਤੇਨਾਤਿ ਦੀਪੇਨ੍ਤਿ ਤੇ, ਭਿਕ੍ਖવੇ, ਭਿਕ੍ਖੂ ਬਹੁਜਨਅਹਿਤਾਯ ਪਟਿਪਨ੍ਨਾ ਬਹੁਜਨਅਸੁਖਾਯ, ਬਹੁਨੋ ਜਨਸ੍ਸ ਅਨਤ੍ਥਾਯ ਅਹਿਤਾਯ ਦੁਕ੍ਖਾਯ ਦੇવਮਨੁਸ੍ਸਾਨਂ। ਬਹੁਞ੍ਚ ਤੇ, ਭਿਕ੍ਖવੇ, ਭਿਕ੍ਖੂ ਅਪੁਞ੍ਞਂ ਪਸવਨ੍ਤਿ, ਤੇ ਚਿਮਂ ਸਦ੍ਧਮ੍ਮਂ ਅਨ੍ਤਰਧਾਪੇਨ੍ਤੀ’’ਤਿ। ਦ੍વਾਚਤ੍ਤਾਲੀਸਤਿਮਂ।
132-139. ‘‘Ye te, bhikkhave, bhikkhū avinayaṃ vinayoti dīpenti…pe… vinayaṃ avinayoti dīpenti…pe… abhāsitaṃ alapitaṃ tathāgatena bhāsitaṃ lapitaṃ tathāgatenāti dīpenti…pe… bhāsitaṃ lapitaṃ tathāgatena abhāsitaṃ alapitaṃ tathāgatenāti dīpenti…pe… anāciṇṇaṃ tathāgatena āciṇṇaṃ tathāgatenāti dīpenti…pe… āciṇṇaṃ tathāgatena anāciṇṇaṃ tathāgatenāti dīpenti…pe… apaññattaṃ tathāgatena paññattaṃ tathāgatenāti dīpenti…pe… paññattaṃ tathāgatena apaññattaṃ tathāgatenāti dīpenti te, bhikkhave, bhikkhū bahujanaahitāya paṭipannā bahujanaasukhāya, bahuno janassa anatthāya ahitāya dukkhāya devamanussānaṃ. Bahuñca te, bhikkhave, bhikkhū apuññaṃ pasavanti, te cimaṃ saddhammaṃ antaradhāpentī’’ti. Dvācattālīsatimaṃ.
ਦੁਤਿਯਪਮਾਦਾਦਿવਗ੍ਗੋ ਦਸਮੋ।
Dutiyapamādādivaggo dasamo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਦੁਤਿਯਪਮਾਦਾਦਿવਗ੍ਗવਣ੍ਣਨਾ • 10. Dutiyapamādādivaggavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਦੁਤਿਯਪਮਾਦਾਦਿવਗ੍ਗવਣ੍ਣਨਾ • 10. Dutiyapamādādivaggavaṇṇanā
