| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. དུཏིཡཔཱཔདྷམྨསུཏྟཾ
8. Dutiyapāpadhammasuttaṃ
༢༠༨. ‘‘པཱཔཉྩ ཝོ, བྷིཀྑཝེ, དེསེསྶཱམི, པཱཔེན པཱཔཏརཉྩ; ཀལྱཱཎཉྩ, ཀལྱཱཎེན ཀལྱཱཎཏརཉྩ། ཏཾ སུཎཱཐ, སཱདྷུཀཾ མནསིཀརོཐ; བྷཱསིསྶཱམཱི’’ཏི། ཨེཝཾ…པེ॰… ཨེཏདཝོཙ –
208. ‘‘Pāpañca vo, bhikkhave, desessāmi, pāpena pāpatarañca; kalyāṇañca, kalyāṇena kalyāṇatarañca. Taṃ suṇātha, sādhukaṃ manasikarotha; bhāsissāmī’’ti. Evaṃ…pe… etadavoca –
‘‘ཀཏམོ ཙ, བྷིཀྑཝེ, པཱཔོ? ཨིདྷ, བྷིཀྑཝེ, ཨེཀཙྩོ མིཙྪཱདིཊྛིཀོ ཧོཏི…པེ॰… མིཙྪཱཉཱཎཱི ཧོཏི, མིཙྪཱཝིམུཏྟི ཧོཏི། ཨཡཾ ཝུཙྩཏི, བྷིཀྑཝེ, པཱཔོ།
‘‘Katamo ca, bhikkhave, pāpo? Idha, bhikkhave, ekacco micchādiṭṭhiko hoti…pe… micchāñāṇī hoti, micchāvimutti hoti. Ayaṃ vuccati, bhikkhave, pāpo.
‘‘ཀཏམོ ཙ, བྷིཀྑཝེ, པཱཔེན པཱཔཏརོ? ཨིདྷ, བྷིཀྑཝེ, ཨེཀཙྩོ ཨཏྟནཱ ཙ མིཙྪཱདིཊྛིཀོ ཧོཏི, པརཉྩ མིཙྪཱདིཊྛིཡཱ སམཱདཔེཏི…པེ॰… ཨཏྟནཱ ཙ མིཙྪཱཉཱཎཱི ཧོཏི, པརཉྩ མིཙྪཱཉཱཎེ སམཱདཔེཏི; ཨཏྟནཱ ཙ མིཙྪཱཝིམུཏྟི ཧོཏི, པརཉྩ མིཙྪཱཝིམུཏྟིཡཱ སམཱདཔེཏི། ཨཡཾ ཝུཙྩཏི, བྷིཀྑཝེ, པཱཔེན པཱཔཏརོ།
‘‘Katamo ca, bhikkhave, pāpena pāpataro? Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti…pe… attanā ca micchāñāṇī hoti, parañca micchāñāṇe samādapeti; attanā ca micchāvimutti hoti, parañca micchāvimuttiyā samādapeti. Ayaṃ vuccati, bhikkhave, pāpena pāpataro.
‘‘ཀཏམོ ཙ, བྷིཀྑཝེ, ཀལྱཱཎོ? ཨིདྷ, བྷིཀྑཝེ, ཨེཀཙྩོ སམྨཱདིཊྛིཀོ ཧོཏི …པེ॰… སམྨཱཉཱཎཱི ཧོཏི, སམྨཱཝིམུཏྟི ཧོཏི། ཨཡཾ ཝུཙྩཏི, བྷིཀྑཝེ, ཀལྱཱཎོ།
‘‘Katamo ca, bhikkhave, kalyāṇo? Idha, bhikkhave, ekacco sammādiṭṭhiko hoti …pe… sammāñāṇī hoti, sammāvimutti hoti. Ayaṃ vuccati, bhikkhave, kalyāṇo.
‘‘ཀཏམོ ཙ, བྷིཀྑཝེ, ཀལྱཱཎེན ཀལྱཱཎཏརོ? ཨིདྷ, བྷིཀྑཝེ, ཨེཀཙྩོ ཨཏྟནཱ ཙ སམྨཱདིཊྛིཀོ ཧོཏི, པརཉྩ སམྨཱདིཊྛིཡཱ སམཱདཔེཏི…པེ॰… ཨཏྟནཱ ཙ སམྨཱཉཱཎཱི ཧོཏི , པརཉྩ སམྨཱཉཱཎེ སམཱདཔེཏི; ཨཏྟནཱ ཙ སམྨཱཝིམུཏྟི ཧོཏི, པརཉྩ སམྨཱཝིམུཏྟིཡཱ སམཱདཔེཏི། ཨཡཾ ཝུཙྩཏི, བྷིཀྑཝེ, ཀལྱཱཎེན ཀལྱཱཎཏརོ’’ཏི། ཨཊྛམཾ།
‘‘Katamo ca, bhikkhave, kalyāṇena kalyāṇataro? Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti…pe… attanā ca sammāñāṇī hoti , parañca sammāñāṇe samādapeti; attanā ca sammāvimutti hoti, parañca sammāvimuttiyā samādapeti. Ayaṃ vuccati, bhikkhave, kalyāṇena kalyāṇataro’’ti. Aṭṭhamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧-༡༠. པཱཔདྷམྨསུཏྟཙཏུཀྐཝཎྞནཱ • 7-10. Pāpadhammasuttacatukkavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སིཀྑཱཔདསུཏྟཱདིཝཎྞནཱ • 1-10. Sikkhāpadasuttādivaṇṇanā
