| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. д̣̇уд̇ияабаабан̣игасуд̇д̇аван̣н̣анаа
10. Dutiyapāpaṇikasuttavaṇṇanā
20. д̣̇асамз жагкумаад̇и бан̃н̃аажагкунаа жагкумаа ход̇и. вид̇хурод̇и висидтад̇хуро уд̇д̇амад̇хуро н̃аан̣асамбаяуд̇д̇зна вийриязна саманнааг̇ад̇о. ниссаяасамбаннод̇и авассаяасамбанно бад̇идтаанасамбанно. бан̣ияанд̇и виггааяигабхан̣д̣ам̣. зд̇д̇агам̣ муулам̣ бхависсад̇и зд̇д̇аго уд̣̇аяод̇и д̇асмим̣ ‘‘звам̣ гийд̇ам̣ звам̣ виггааяамаана’’нд̇и вуд̇д̇абан̣ияз язна гаязна д̇ам̣ гийд̇ам̣, д̇ам̣ гаяасан̇каад̇ам̣ муулам̣ зд̇д̇агам̣ бхависсад̇и. яо жа д̇асмим̣ виггаяамаанз виггаяо, д̇асмим̣ виггаяз зд̇д̇аго уд̣̇аяо бхависсад̇и, зд̇д̇игаа вад̣дхийд̇и ад̇т̇о.
20. Dasame cakkhumāti paññācakkhunā cakkhumā hoti. Vidhuroti visiṭṭhadhuro uttamadhuro ñāṇasampayuttena vīriyena samannāgato. Nissayasampannoti avassayasampanno patiṭṭhānasampanno. Paṇiyanti vikkāyikabhaṇḍaṃ. Ettakaṃ mūlaṃ bhavissati ettako udayoti tasmiṃ ‘‘evaṃ kītaṃ evaṃ vikkāyamāna’’nti vuttapaṇiye yena kayena taṃ kītaṃ, taṃ kayasaṅkhātaṃ mūlaṃ ettakaṃ bhavissati. Yo ca tasmiṃ vikkayamāne vikkayo, tasmiṃ vikkaye ettako udayo bhavissati, ettikā vaḍḍhīti attho.
гусало ход̇и бан̣ияам̣ гзд̇ун̃жа виггзд̇ун̃жаад̇и сулабхадтаанам̣ г̇анд̇ваа гин̣анд̇о д̣̇уллабхадтаанам̣ г̇анд̇ваа виггин̣анд̇о жа зд̇т̇а гусало наама ход̇и, д̣̇асаг̇ун̣амби вийсад̇иг̇ун̣амби лаабхам̣ лабхад̇и.
Kusalo hoti paṇiyaṃ ketuñca vikketuñcāti sulabhaṭṭhānaṃ gantvā kiṇanto dullabhaṭṭhānaṃ gantvā vikkiṇanto ca ettha kusalo nāma hoti, dasaguṇampi vīsatiguṇampi lābhaṃ labhati.
ад̣дхаад̇и иссараа б̣ахунаа нигкид̇д̇ад̇ханзна саманнааг̇ад̇аа. махад̣̇д̇ханаад̇и вал̣ан̃ж̇анагавасзна махад̣̇д̇ханаа . махаабхог̇аад̇и убабхог̇абарибхог̇абхан̣д̣зна махаабхог̇аа. бадиб̣алод̇и гааяаб̣алзна жзва н̃аан̣аб̣алзна жа саманнааг̇ад̇ад̇д̇аа самад̇т̇о. амхааган̃жа гаалзна гаалам̣ ануббад̣̇аад̇унд̇и амхааган̃жа г̇ахид̇ад̇ханамуулигам̣ вад̣дхим̣ гаалзна гаалам̣ ануббад̣̇аад̇ум̣. нибад̇анд̇ийд̇и ниманд̇знд̇и. нибаад̇знд̇ийд̇иби баато, аяамзва ад̇т̇о.
Aḍḍhāti issarā bahunā nikkhittadhanena samannāgatā. Mahaddhanāti vaḷañjanakavasena mahaddhanā . Mahābhogāti upabhogaparibhogabhaṇḍena mahābhogā. Paṭibaloti kāyabalena ceva ñāṇabalena ca samannāgatattā samattho. Amhākañca kālena kālaṃ anuppadātunti amhākañca gahitadhanamūlikaṃ vaḍḍhiṃ kālena kālaṃ anuppadātuṃ. Nipatantīti nimantenti. Nipātentītipi pāṭho, ayameva attho.
гусалаанам̣ д̇хаммаанам̣ убасамбад̣̇ааяаад̇и гусалад̇хаммаанам̣ самбаад̣̇анад̇т̇ааяа бадилаабхад̇т̇ааяа. т̇аамаваад̇и н̃аан̣ат̇аамзна саманнааг̇ад̇о. д̣̇ал̣хабараггамод̇и т̇ирзна н̃аан̣абараггамзна саманнааг̇ад̇о. анигкид̇д̇ад̇хурод̇и ‘‘аг̇г̇амаг̇г̇ам̣ абаабун̣ид̇ваа имам̣ вийрияад̇хурам̣ на табзссаамий’’д̇и звам̣ адтабид̇ад̇хуро.
Kusalānaṃ dhammānaṃ upasampadāyāti kusaladhammānaṃ sampādanatthāya paṭilābhatthāya. Thāmavāti ñāṇathāmena samannāgato. Daḷhaparakkamoti thirena ñāṇaparakkamena samannāgato. Anikkhittadhuroti ‘‘aggamaggaṃ apāpuṇitvā imaṃ vīriyadhuraṃ na ṭhapessāmī’’ti evaṃ aṭṭhapitadhuro.
б̣ахуссуд̇аад̇и зганигааяаад̣̇ивасзна б̣аху б̣уд̣̇д̇хаважанам̣ суд̇ам̣ зд̇зсанд̇и б̣ахуссуд̇аа. ааг̇ад̇ааг̇амаад̇и зго нигааяо зго ааг̇амо наама, д̣̇вз нигааяаа д̣̇вз ааг̇амаа наама, бан̃жа нигааяаа бан̃жа ааг̇амаа наама, зд̇зсу ааг̇амзсу язсам̣ згоби ааг̇амо ааг̇ад̇о баг̇ун̣о бавад̇д̇ид̇о, д̇з ааг̇ад̇ааг̇амаа наама. д̇хаммад̇хараад̇и суд̇д̇анд̇абидагад̇хараа. винаяад̇хараад̇и винаяабидагад̇хараа. маад̇игаад̇хараад̇и д̣̇взмаад̇игаад̇хараа. барибужчад̇ийд̇и ад̇т̇аанад̇т̇ам̣ гааран̣аагааран̣ам̣ бужчад̇и. барибан̃хад̇ийд̇и ‘‘имам̣ наама бужчиссаамий’’д̇и ан̃н̃аад̇и д̇улзд̇и бариг̇г̇ан̣хаад̇и. сзсамзд̇т̇а уд̇д̇аанад̇т̇амзва.
Bahussutāti ekanikāyādivasena bahu buddhavacanaṃ sutaṃ etesanti bahussutā. Āgatāgamāti eko nikāyo eko āgamo nāma, dve nikāyā dve āgamā nāma, pañca nikāyā pañca āgamā nāma, etesu āgamesu yesaṃ ekopi āgamo āgato paguṇo pavattito, te āgatāgamā nāma. Dhammadharāti suttantapiṭakadharā. Vinayadharāti vinayapiṭakadharā. Mātikādharāti dvemātikādharā. Paripucchatīti atthānatthaṃ kāraṇākāraṇaṃ pucchati. Paripañhatīti ‘‘imaṃ nāma pucchissāmī’’ti aññāti tuleti pariggaṇhāti. Sesamettha uttānatthameva.
имасмим̣ бана суд̇д̇з батамам̣ бан̃н̃аа ааг̇ад̇аа, бажчаа вийрияан̃жа галяаан̣амид̇д̇асзванаа жа. д̇ад̇т̇а батамам̣ арахад̇д̇ам̣ бад̇ваа бажчаа вийрияам̣ гад̇ваа галяаан̣амид̇д̇аа сзвид̇аб̣б̣аад̇и на звам̣ ад̇т̇о д̣̇адтаб̣б̣о, д̣̇зсанааяа наама хздтимзна ваа барижчзд̣̇о ход̇и убаримзна ваа д̣̇вийхиби ваа годийхи. ид̇ха бана убаримзна барижчзд̣̇о взд̣̇ид̇аб̣б̣о. д̇асмаа гат̇знд̇зна батамам̣ галяаан̣амид̇д̇аубаниссаяам̣ д̣̇ассзд̇ваа маж̇жхз вийрияам̣ д̣̇ассзд̇ваа бажчаа арахад̇д̇ам̣ гат̇зд̇аб̣б̣анд̇и.
Imasmiṃ pana sutte paṭhamaṃ paññā āgatā, pacchā vīriyañca kalyāṇamittasevanā ca. Tattha paṭhamaṃ arahattaṃ patvā pacchā vīriyaṃ katvā kalyāṇamittā sevitabbāti na evaṃ attho daṭṭhabbo, desanāya nāma heṭṭhimena vā paricchedo hoti uparimena vā dvīhipi vā koṭīhi. Idha pana uparimena paricchedo veditabbo. Tasmā kathentena paṭhamaṃ kalyāṇamittaupanissayaṃ dassetvā majjhe vīriyaṃ dassetvā pacchā arahattaṃ kathetabbanti.
рат̇агаараваг̇г̇о д̣̇уд̇ияо.
Rathakāravaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияабаабан̣игасуд̇д̇ам̣ • 10. Dutiyapāpaṇikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. д̣̇уд̇ияабаабан̣игасуд̇д̇аван̣н̣анаа • 10. Dutiyapāpaṇikasuttavaṇṇanā
