| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. д̣̇уд̇ияабаабан̣игасуд̇д̇аван̣н̣анаа
10. Dutiyapāpaṇikasuttavaṇṇanā
20. д̣̇асамз висидтад̇хурод̇и висидтад̇хурасамбаг̇г̇аахо вийрияасамбанно. н̃аан̣авийрияааяад̇д̇аа хи ад̇т̇асид̣̇д̇хияо. д̇знааха ‘‘уд̇д̇амад̇хуро’’д̇иаад̣̇и. виггааяигабхан̣д̣анд̇и виггаязд̇аб̣б̣абхан̣д̣ам̣. нигкид̇д̇ад̇ханзнаад̇и нид̣̇ахид̇ваа табид̇ад̇ханавасзна. вал̣ан̃ж̇анагавасзнаад̇и д̣̇ивасз д̣̇ивасз д̣̇аануубабхог̇авасзна вал̣ан̃ж̇ид̇аб̣б̣ад̇ханавасзна. убабхог̇абарибхог̇абхан̣д̣знаад̇и убабхог̇абарибхог̇уубагаран̣зна. нибад̇анд̇ийд̇и нибаад̇знд̇и, ад̇д̇ано д̇ханаг̇г̇ахзна нибаад̇авуд̇д̇игз гаронд̇и. д̇знааха ‘‘ниманд̇знд̇ий’’д̇и.
20. Dasame visiṭṭhadhuroti visiṭṭhadhurasampaggāho vīriyasampanno. Ñāṇavīriyāyattā hi atthasiddhiyo. Tenāha ‘‘uttamadhuro’’tiādi. Vikkāyikabhaṇḍanti vikkayetabbabhaṇḍaṃ. Nikkhittadhanenāti nidahitvā ṭhapitadhanavasena. Vaḷañjanakavasenāti divase divase dānūpabhogavasena vaḷañjitabbadhanavasena. Upabhogaparibhogabhaṇḍenāti upabhogaparibhogūpakaraṇena. Nipatantīti nipātenti, attano dhanaggahena nipātavuttike karonti. Tenāha ‘‘nimantentī’’ti.
н̃аан̣ат̇аамзнаад̇и н̃аан̣асса т̇ирабхаавзна. н̃аан̣абараггамзнаад̇и н̃аан̣асахид̇зна вийриязна. д̣̇идтад̇хаммигасамбарааяигабарамад̇т̇абхзд̣̇ан̃хи язна суд̇зна иж̇жхад̇и, д̇ам̣ суд̇ам̣ наама. уггадтанид̣̇д̣̇зсзна д̣̇ассзнд̇о ‘‘зганигааяа…бз… б̣ахуссуд̇аа’’д̇и ааха. ааг̇ад̇од̇и суббавад̇д̇ибхаавзна свааг̇ад̇о. д̇знааха ‘‘баг̇ун̣о бавад̇д̇ид̇о’’д̇и. абхид̇хаммз ааг̇ад̇аа гусалаад̣̇игканд̇хаад̣̇ибхзд̣̇абхиннаа д̇хаммаа суд̇д̇анд̇абидагзби од̇аранд̇ийд̇и ‘‘д̇хаммад̇хараад̇и суд̇д̇анд̇абидагад̇хараа’’ижжзва вуд̇д̇ам̣. на хи аабхид̇хаммигабхаавзна винаа ниббарияааяад̇о суд̇д̇анд̇абидаган̃н̃уд̇аа самбхавад̇и. д̣̇взмаад̇игаад̇хараад̇и бхигкубхигкунимаад̇игаавасзна д̣̇взмаад̇игаад̇хараад̇и вад̣̇анд̇и, ‘‘винаяаабхид̇хаммамаад̇игаад̇хараа’’д̇и яуд̇д̇ам̣. барибужчад̇ийд̇и саб̣б̣абхааг̇зна бужчид̇аб̣б̣ам̣ бужчад̇и. д̇знааха ‘‘ад̇т̇аанад̇т̇ам̣ гааран̣аагааран̣ам̣ бужчад̇ий’’д̇и. бариг̇г̇ан̣хаад̇ийд̇и вижаарзд̇и.
Ñāṇathāmenāti ñāṇassa thirabhāvena. Ñāṇaparakkamenāti ñāṇasahitena vīriyena. Diṭṭhadhammikasamparāyikaparamatthabhedañhi yena sutena ijjhati, taṃ sutaṃ nāma. Ukkaṭṭhaniddesena dassento ‘‘ekanikāya…pe… bahussutā’’ti āha. Āgatoti suppavattibhāvena svāgato. Tenāha ‘‘paguṇo pavattito’’ti. Abhidhamme āgatā kusalādikkhandhādibhedabhinnā dhammā suttantapiṭakepi otarantīti ‘‘dhammadharāti suttantapiṭakadharā’’icceva vuttaṃ. Na hi ābhidhammikabhāvena vinā nippariyāyato suttantapiṭakaññutā sambhavati. Dvemātikādharāti bhikkhubhikkhunimātikāvasena dvemātikādharāti vadanti, ‘‘vinayābhidhammamātikādharā’’ti yuttaṃ. Paripucchatīti sabbabhāgena pucchitabbaṃ pucchati. Tenāha ‘‘atthānatthaṃ kāraṇākāraṇaṃ pucchatī’’ti. Pariggaṇhātīti vicāreti.
на звам̣ ад̇т̇о д̣̇адтаб̣б̣од̇и звам̣ д̣̇зсанаануггамзна ад̇т̇о на г̇ахзд̇аб̣б̣о. ан̃н̃о хи д̣̇зсанааггамо взнзяяаж̇жхаасаяавасзна бавад̇д̇анад̇о, ан̃н̃о бадибад̇д̇иггамо. хздтимзна ваа барижчзд̣̇од̇и сийласамаад̇хибан̃н̃аасан̇каад̇зсу д̇ийсу бхааг̇зсу гад̇т̇ажи хздтиманаязна д̣̇зсанааяа барижчзд̣̇ам̣ взд̣̇ид̇аб̣б̣ам̣ сийлзна, гад̇т̇ажи убаримзна бхааг̇зна бан̃н̃ааяа, гад̇т̇ажи д̣̇вийхиби бхааг̇зхи сийлабан̃н̃аавасзна. ид̇ха бана суд̇д̇з убаримзна бхааг̇зна барижчзд̣̇о взд̣̇ид̇аб̣б̣од̇и вад̇ваа д̇ам̣ д̣̇ассзнд̇о ‘‘д̇асмаа’’д̇иаад̣̇имааха. яасмаа ваа бхаг̇аваа взнзяяаж̇жхаасаяавасзна батамам̣ галяаан̣амид̇д̇ам̣ д̣̇ассзнд̇о арахад̇д̇ам̣ бавзд̣̇зд̇ваа ‘‘д̇аяид̣̇ам̣ арахад̇д̇ам̣ имааяа аарад̣̇д̇хавийрияад̇ааяа ход̇ий’’д̇и д̣̇ассзнд̇о вийрияаарамбхам̣ бавзд̣̇зд̇ваа ‘‘свааяам̣ вийрияаарамбхо иминаа галяаан̣амид̇д̇асанниссаязна бхавад̇ий’’д̇и д̣̇ассзнд̇о ниссаяасамбад̇д̇им̣ бавзд̣̇зд̇и хздтаа д̣̇ассид̇анид̣̇ассанаануруубанд̇и д̣̇адтаб̣б̣ам̣.
Na evaṃ attho daṭṭhabboti evaṃ desanānukkamena attho na gahetabbo. Añño hi desanākkamo veneyyajjhāsayavasena pavattanato, añño paṭipattikkamo. Heṭṭhimena vā paricchedoti sīlasamādhipaññāsaṅkhātesu tīsu bhāgesu katthaci heṭṭhimanayena desanāya paricchedaṃ veditabbaṃ sīlena, katthaci uparimena bhāgena paññāya, katthaci dvīhipi bhāgehi sīlapaññāvasena. Idha pana sutte uparimena bhāgena paricchedo veditabboti vatvā taṃ dassento ‘‘tasmā’’tiādimāha. Yasmā vā bhagavā veneyyajjhāsayavasena paṭhamaṃ kalyāṇamittaṃ dassento arahattaṃ pavedetvā ‘‘tayidaṃ arahattaṃ imāya āraddhavīriyatāya hotī’’ti dassento vīriyārambhaṃ pavedetvā ‘‘svāyaṃ vīriyārambho iminā kalyāṇamittasannissayena bhavatī’’ti dassento nissayasampattiṃ pavedeti heṭṭhā dassitanidassanānurūpanti daṭṭhabbaṃ.
д̣̇уд̇ияабаабан̣игасуд̇д̇аван̣н̣анаа нидтид̇аа.
Dutiyapāpaṇikasuttavaṇṇanā niṭṭhitā.
рат̇агаараваг̇г̇аван̣н̣анаа нидтид̇аа.
Rathakāravaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияабаабан̣игасуд̇д̇ам̣ • 10. Dutiyapāpaṇikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. д̣̇уд̇ияабаабан̣игасуд̇д̇аван̣н̣анаа • 10. Dutiyapāpaṇikasuttavaṇṇanā
