| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
2. д̣̇уд̇ияабаарааж̇игам̣
2. Dutiyapārājikaṃ
664. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна сунд̣̇арийнанд̣̇аа бхигкуний саал̣хзна миг̇ааранад̇д̇унаа г̇аб̣бхиний ход̇и . яаава г̇аб̣бхо д̇арун̣о ахоси д̇аава чаад̣̇зси. барибаггз г̇аб̣бхз виб̣бхамид̇ваа виж̇ааяи. бхигкунияо т̇уллананд̣̇ам̣ бхигкуним̣ зд̇ад̣̇авожум̣ – ‘‘сунд̣̇арийнанд̣̇аа ко, аяяз, ажиравиб̣бханд̇аа виж̇аад̇аа. гажжи но саа бхигкунийязва самаанаа г̇аб̣бхиний’’д̇и? ‘‘звам̣, аяяз’’д̇и. ‘‘гисса бана д̇вам̣, аяяз, ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зси на г̇ан̣асса аарожзсий’’д̇и? ‘‘яо зд̇иссаа аван̣н̣о маяхзсо аван̣н̣о, яаа зд̇иссаа агид̇д̇и маяхзсаа агид̇д̇и, яо зд̇иссаа аяасо маяхзсо аяасо, яо зд̇иссаа алаабхо маяхзсо алаабхо. гяаахам̣, аяяз, ад̇д̇ано аван̣н̣ам̣ ад̇д̇ано агид̇д̇им̣ ад̇д̇ано аяасам̣ ад̇д̇ано алаабхам̣ барзсам̣ аарожзссаамий’’д̇и? яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зссад̇и на г̇ан̣асса аарожзссад̇ий’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣. бхигкуу 1 бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, т̇уллананд̣̇аа бхигкуний ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зд̇и 2 на г̇ан̣асса аарожзд̇ий’’д̇и 3? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зссад̇и на г̇ан̣асса аарожзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
664. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sundarīnandā bhikkhunī sāḷhena migāranattunā gabbhinī hoti . Yāva gabbho taruṇo ahosi tāva chādesi. Paripakke gabbhe vibbhamitvā vijāyi. Bhikkhuniyo thullanandaṃ bhikkhuniṃ etadavocuṃ – ‘‘sundarīnandā kho, ayye, aciravibbhantā vijātā. Kacci no sā bhikkhunīyeva samānā gabbhinī’’ti? ‘‘Evaṃ, ayye’’ti. ‘‘Kissa pana tvaṃ, ayye, jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodesi na gaṇassa ārocesī’’ti? ‘‘Yo etissā avaṇṇo mayheso avaṇṇo, yā etissā akitti mayhesā akitti, yo etissā ayaso mayheso ayaso, yo etissā alābho mayheso alābho. Kyāhaṃ, ayye, attano avaṇṇaṃ attano akittiṃ attano ayasaṃ attano alābhaṃ paresaṃ ārocessāmī’’ti? Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodessati na gaṇassa ārocessatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Bhikkhū 4 bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, thullanandā bhikkhunī jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodeti 5 na gaṇassa ārocetī’’ti 6? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodessati na gaṇassa ārocessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
665. ‘‘яаа бана бхигкуний ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зяяа на г̇ан̣асса аарожзяяа, яад̣̇аа жа саа тид̇аа ваа асса жуд̇аа ваа наасид̇аа ваа авассадаа ваа, саа бажчаа звам̣ вад̣̇зяяа – ‘буб̣б̣зваахам̣, аяяз, ан̃н̃аасим̣ зд̇ам̣ бхигкуним̣ зваруубаа жа зваруубаа жа саа бхаг̇инийд̇и , но жа ко ад̇д̇анаа бадижод̣̇зссам̣ на г̇ан̣асса аарожзсса’нд̇и, аяамби баарааж̇игаа ход̇и асам̣ваасаа важ̇ж̇аббадижчаад̣̇игаа’’д̇и.
665.‘‘Yā pana bhikkhunī jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodeyya na gaṇassa āroceyya, yadā ca sā ṭhitā vā assa cutā vā nāsitā vā avassaṭā vā, sā pacchā evaṃ vadeyya – ‘pubbevāhaṃ, ayye, aññāsiṃ etaṃ bhikkhuniṃ evarūpā ca evarūpā ca sā bhaginīti, no ca kho attanā paṭicodessaṃ na gaṇassa ārocessa’nti, ayampi pārājikā hoti asaṃvāsā vajjappaṭicchādikā’’ti.
666. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
666.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ж̇аанаад̇и наама саамам̣ ваа ж̇аанаад̇и, ан̃н̃з ваа д̇ассаа аарожзнд̇и, саа ваа аарожзд̇и.
Jānāti nāma sāmaṃ vā jānāti, aññe vā tassā ārocenti, sā vā āroceti.
баарааж̇игам̣ д̇хаммам̣ аж̇жхаабаннанд̇и адтаннам̣ баарааж̇игаанам̣ ан̃н̃ад̇арам̣ баарааж̇игам̣ аж̇жхаабаннам̣.
Pārājikaṃ dhammaṃ ajjhāpannanti aṭṭhannaṃ pārājikānaṃ aññataraṃ pārājikaṃ ajjhāpannaṃ.
нзвад̇д̇анаа бадижод̣̇зяяаад̇и на саяам̣ жод̣̇зяяа.
Nevattanāpaṭicodeyyāti na sayaṃ codeyya.
на г̇ан̣асса аарожзяяаад̇и на ан̃н̃аасам̣ бхигкунийнам̣ аарожзяяа.
Na gaṇassa āroceyyāti na aññāsaṃ bhikkhunīnaṃ āroceyya.
яад̣̇аа жа саа тид̇аа ваа асса жуд̇аа ваад̇и тид̇аа наама салин̇г̇з тид̇аа вужжад̇и. жуд̇аа наама гаалан̇гад̇аа вужжад̇и. наасид̇аа наама саяам̣ ваа виб̣бханд̇аа ход̇и ан̃н̃зхи ваа наасид̇аа. авассадаа наама д̇ид̇т̇ааяад̇анам̣ сан̇ганд̇аа вужжад̇и. саа бажчаа звам̣ вад̣̇зяяа – ‘‘буб̣б̣зваахам̣, аяяз, ан̃н̃аасим̣ зд̇ам̣ бхигкуним̣ зваруубаа жа зваруубаа жа саа бхаг̇иний’’д̇и.
Yadāca sā ṭhitā vā assa cutā vāti ṭhitā nāma saliṅge ṭhitā vuccati. Cutā nāma kālaṅkatā vuccati. Nāsitā nāma sayaṃ vā vibbhantā hoti aññehi vā nāsitā. Avassaṭā nāma titthāyatanaṃ saṅkantā vuccati. Sā pacchā evaṃ vadeyya – ‘‘pubbevāhaṃ, ayye, aññāsiṃ etaṃ bhikkhuniṃ evarūpā ca evarūpā ca sā bhaginī’’ti.
но жа ко ад̇д̇анаа бадижод̣̇зссанд̇и саяам̣ ваа на жод̣̇зссам̣.
No ca kho attanā paṭicodessanti sayaṃ vā na codessaṃ.
на г̇ан̣асса аарожзссанд̇и на ан̃н̃аасам̣ бхигкунийнам̣ аарожзссам̣.
Na gaṇassa ārocessanti na aññāsaṃ bhikkhunīnaṃ ārocessaṃ.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
баарааж̇игаа ход̇ийд̇и сзяяат̇ааби наама бан̣д̣убалаасо б̣анд̇ханаа бамуд̇д̇о абхаб̣б̣о харид̇ад̇т̇ааяа, звамзва бхигкуний ж̇аанам̣ баарааж̇игам̣ д̇хаммам̣ аж̇жхаабаннам̣ бхигкуним̣ нзвад̇д̇анаа бадижод̣̇зссаами на г̇ан̣асса аарожзссаамийд̇и д̇хурам̣ нигкид̇д̇амад̇д̇з ассаман̣ий ход̇и асагяад̇хийд̇аа. д̇зна вужжад̇и баарааж̇игаа ход̇ийд̇и.
Pārājikā hotīti seyyathāpi nāma paṇḍupalāso bandhanā pamutto abhabbo haritatthāya, evameva bhikkhunī jānaṃ pārājikaṃ dhammaṃ ajjhāpannaṃ bhikkhuniṃ nevattanā paṭicodessāmi na gaṇassa ārocessāmīti dhuraṃ nikkhittamatte assamaṇī hoti asakyadhītā. Tena vuccati pārājikā hotīti.
асам̣ваасаад̇и сам̣ваасо наама згагаммам̣ згуд̣̇д̣̇зсо самасигкад̇аа. зсо сам̣ваасо наама. со д̇ааяа сад̣̇д̇хим̣ над̇т̇и. д̇зна вужжад̇и асам̣ваасаад̇и.
Asaṃvāsāti saṃvāso nāma ekakammaṃ ekuddeso samasikkhatā. Eso saṃvāso nāma. So tāya saddhiṃ natthi. Tena vuccati asaṃvāsāti.
667. анаабад̇д̇и ‘‘сан̇гхасса бхан̣д̣анам̣ ваа галахо ваа виг̇г̇ахо ваа виваад̣̇о ваа бхависсад̇ий’’д̇и наарожзд̇и, ‘‘сан̇гхабхзд̣̇о ваа сан̇гхарааж̇и ваа бхависсад̇ий’’д̇и наарожзд̇и, ‘‘аяам̣ гагкал̣аа парусаа ж̇ийвид̇анд̇арааяам̣ ваа б̣рахмажарияанд̇арааяам̣ ваа гариссад̇ий’’д̇и наарожзд̇и, ан̃н̃аа бад̇ируубаа бхигкунияо абассанд̇ий наарожзд̇и, нажчаад̣̇зд̇угаамаа наарожзд̇и, бан̃н̃ааяиссад̇и сагзна гаммзнаад̇и наарожзд̇и, уммад̇д̇игааяа…бз… аад̣̇игаммигааяаад̇и.
667. Anāpatti ‘‘saṅghassa bhaṇḍanaṃ vā kalaho vā viggaho vā vivādo vā bhavissatī’’ti nāroceti, ‘‘saṅghabhedo vā saṅgharāji vā bhavissatī’’ti nāroceti, ‘‘ayaṃ kakkhaḷā pharusā jīvitantarāyaṃ vā brahmacariyantarāyaṃ vā karissatī’’ti nāroceti, aññā patirūpā bhikkhuniyo apassantī nāroceti, nacchādetukāmā nāroceti, paññāyissati sakena kammenāti nāroceti, ummattikāya…pe… ādikammikāyāti.
д̣̇уд̇ияабаарааж̇игам̣ самад̇д̇ам̣.
Dutiyapārājikaṃ samattaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияабаарааж̇игасигкаабад̣̇аван̣н̣анаа • 2. Dutiyapārājikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. важ̇ж̇абадижчаад̣̇игасигкаабад̣̇аван̣н̣анаа • 2. Vajjapaṭicchādikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. д̣̇уд̇ияабаарааж̇игасигкаабад̣̇ам̣ • 2. Dutiyapārājikasikkhāpadaṃ
