| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ • Mahāvibhaṅga |
༢. དུཏིཡཔཱརཱཛིཀཾ
2. Dutiyapārājikaṃ
༨༤. ཏེན སམཡེན བུདྡྷོ བྷགཝཱ རཱཛགཧེ ཝིཧརཏི གིཛ྄ཛྷཀཱུཊེ པབྦཏེ། ཏེན ཁོ པན སམཡེན སམྦཧུལཱ སནྡིཊྛཱ སམྦྷཏྟཱ བྷིཀྑཱུ ཨིསིགིལིཔསྶེ ཏིཎཀུཊིཡོ ཀརིཏྭཱ ཝསྶཾ ཨུཔགཙྪིཾསུ། ཨཱཡསྨཱཔི དྷནིཡོ ཀུམྦྷཀཱརཔུཏྟོ ཏིཎཀུཊིཀཾ ཀརིཏྭཱ ཝསྶཾ ཨུཔགཙྪི། ཨཐ ཁོ ཏེ བྷིཀྑཱུ ཝསྶཾཝུཊྛཱ ཏེམཱསཙྩཡེན ཏིཎཀུཊིཡོ བྷིནྡིཏྭཱ ཏིཎཉྩ ཀཊྛཉྩ པཊིསཱམེཏྭཱ ཛནཔདཙཱརིཀཾ པཀྐམིཾསུ། ཨཱཡསྨཱ པན དྷནིཡོ ཀུམྦྷཀཱརཔུཏྟོ ཏཏྠེཝ ཝསྶཾ ཝསི, ཏཏྠ ཧེམནྟཾ, ཏཏྠ གིམྷཾ། ཨཐ ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ། དུཏིཡམྤི ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏིཎཉྩ ཀཊྛཉྩ སཾཀཌྜྷིཏྭཱ ཏིཎཀུཊིཀཾ ཨཀཱསི། དུཏིཡམྤི ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ། ཏཏིཡམྤི ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏིཎཉྩ ཀཊྛཉྩ སཾཀཌྜྷིཏྭཱ ཏིཎཀུཊིཀཾ ཨཀཱསི། ཏཏིཡམྤི ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ།
84. Tena samayena buddho bhagavā rājagahe viharati gijjhakūṭe pabbate. Tena kho pana samayena sambahulā sandiṭṭhā sambhattā bhikkhū isigilipasse tiṇakuṭiyo karitvā vassaṃ upagacchiṃsu. Āyasmāpi dhaniyo kumbhakāraputto tiṇakuṭikaṃ karitvā vassaṃ upagacchi. Atha kho te bhikkhū vassaṃvuṭṭhā temāsaccayena tiṇakuṭiyo bhinditvā tiṇañca kaṭṭhañca paṭisāmetvā janapadacārikaṃ pakkamiṃsu. Āyasmā pana dhaniyo kumbhakāraputto tattheva vassaṃ vasi, tattha hemantaṃ, tattha gimhaṃ. Atha kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Dutiyampi kho āyasmā dhaniyo kumbhakāraputto tiṇañca kaṭṭhañca saṃkaḍḍhitvā tiṇakuṭikaṃ akāsi. Dutiyampi kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Tatiyampi kho āyasmā dhaniyo kumbhakāraputto tiṇañca kaṭṭhañca saṃkaḍḍhitvā tiṇakuṭikaṃ akāsi. Tatiyampi kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu.
ཨཐ ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ ཨེཏདཧོསི – ‘‘ཡཱཝཏཏིཡཀཾ ཁོ མེ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ། ཨཧཾ ཁོ པན སུསིཀྑིཏོ ཨནཝཡོ སཀེ ཨཱཙརིཡཀེ ཀུམྦྷཀཱརཀམྨེ པརིཡོདཱཏསིཔྤོ ། ཡཾནཱུནཱཧཾ སཱམཾ ཙིཀྑལླཾ མདྡིཏྭཱ སབྦམཏྟིཀཱམཡཾ ཀུཊིཀཾ ཀརེཡྻ’’ནྟི! ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ སཱམཾ ཙིཀྑལླཾ མདྡིཏྭཱ སབྦམཏྟིཀཱམཡཾ ཀུཊིཀཾ ཀརིཏྭཱ ཏིཎཉྩ ཀཊྛཉྩ གོམཡཉྩ སཾཀཌྜྷིཏྭཱ ཏཾ ཀུཊིཀཾ པཙི། སཱ ཨཧོསི ཀུཊིཀཱ ཨབྷིརཱུཔཱ དསྶནཱིཡཱ པཱསཱདིཀཱ ལོཧིཏིཀཱ 1, སེཡྻཐཱཔི ཨིནྡགོཔཀོ། སེཡྻཐཱཔི ནཱམ ཀིངྐཎིཀསདྡོ 2 ཨེཝམེཝཾ ཏསྶཱ ཀུཊིཀཱཡ སདྡོ ཨཧོསི།
Atha kho āyasmato dhaniyassa kumbhakāraputtassa etadahosi – ‘‘yāvatatiyakaṃ kho me gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Ahaṃ kho pana susikkhito anavayo sake ācariyake kumbhakārakamme pariyodātasippo . Yaṃnūnāhaṃ sāmaṃ cikkhallaṃ madditvā sabbamattikāmayaṃ kuṭikaṃ kareyya’’nti! Atha kho āyasmā dhaniyo kumbhakāraputto sāmaṃ cikkhallaṃ madditvā sabbamattikāmayaṃ kuṭikaṃ karitvā tiṇañca kaṭṭhañca gomayañca saṃkaḍḍhitvā taṃ kuṭikaṃ paci. Sā ahosi kuṭikā abhirūpā dassanīyā pāsādikā lohitikā 3, seyyathāpi indagopako. Seyyathāpi nāma kiṅkaṇikasaddo 4 evamevaṃ tassā kuṭikāya saddo ahosi.
༨༥. ཨཐ ཁོ བྷགཝཱ སམྦཧུལེཧི བྷིཀྑཱུཧི སདྡྷིཾ གིཛ྄ཛྷཀཱུཊཱ པབྦཏཱ ཨོརོཧནྟོ ཨདྡས ཏཾ ཀུཊིཀཾ ཨབྷིརཱུཔཾ དསྶནཱིཡཾ པཱསཱདིཀཾ ལོཧིཏིཀཾ། དིསྭཱན བྷིཀྑཱུ ཨཱམནྟེསི – ‘‘ཀིཾ ཨེཏཾ, བྷིཀྑཝེ, ཨབྷིརཱུཔཾ དསྶནཱིཡཾ པཱསཱདིཀཾ ལོཧིཏིཀཾ, སེཡྻཐཱཔི ཨིནྡགོཔཀོ’’ཏི? ཨཐ ཁོ ཏེ བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ། ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, བྷིཀྑཝེ, ཏསྶ མོགྷཔུརིསསྶ ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ། ཀཐཉྷི ནཱམ སོ, བྷིཀྑཝེ, མོགྷཔུརིསོ སབྦམཏྟིཀཱམཡཾ ཀུཊིཀཾ ཀརིསྶཏི! ན ཧི ནཱམ, བྷིཀྑཝེ, ཏསྶ མོགྷཔུརིསསྶ པཱཎེསུ ཨནུདྡཡཱ ཨནུཀམྤཱ ཨཝིཧེསཱ བྷཝིསྶཏི! གཙྪཐེཏཾ, བྷིཀྑཝེ, ཀུཊིཀཾ བྷིནྡཐ། མཱ པཙྪིམཱ ཛནཏཱ པཱཎེསུ པཱཏབྱཏཾ ཨཱཔཛྫི། ན ཙ, བྷིཀྑཝེ, སབྦམཏྟིཀཱམཡཱ ཀུཊིཀཱ ཀཱཏབྦཱ། ཡོ ཀརེཡྻ, ཨཱཔཏྟི དུཀྐཊསྶཱ’’ཏི། ‘‘ཨེཝཾ, བྷནྟེ’’ཏི, ཁོ ཏེ བྷིཀྑཱུ བྷགཝཏོ པཊིསྶུཎིཏྭཱ ཡེན སཱ ཀུཊིཀཱ ཏེནུཔསངྐམིཾསུ; ཨུཔསངྐམིཏྭཱ ཏཾ ཀུཊིཀཾ བྷིནྡིཾསུ། ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏེ བྷིཀྑཱུ ཨེཏདཝོཙ – ‘‘ཀིསྶ མེ ཏུམྷེ, ཨཱཝུསོ, ཀུཊིཀཾ བྷིནྡཐཱ’’ཏི? ‘‘བྷགཝཱ, ཨཱཝུསོ, བྷེདཱཔེཏཱི’’ཏི། ‘‘བྷིནྡཐཱཝུསོ, སཙེ དྷམྨསྶཱམཱི བྷེདཱཔེཏཱི’’ཏི།
85. Atha kho bhagavā sambahulehi bhikkhūhi saddhiṃ gijjhakūṭā pabbatā orohanto addasa taṃ kuṭikaṃ abhirūpaṃ dassanīyaṃ pāsādikaṃ lohitikaṃ. Disvāna bhikkhū āmantesi – ‘‘kiṃ etaṃ, bhikkhave, abhirūpaṃ dassanīyaṃ pāsādikaṃ lohitikaṃ, seyyathāpi indagopako’’ti? Atha kho te bhikkhū bhagavato etamatthaṃ ārocesuṃ. Vigarahi buddho bhagavā – ‘‘ananucchavikaṃ, bhikkhave, tassa moghapurisassa ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma so, bhikkhave, moghapuriso sabbamattikāmayaṃ kuṭikaṃ karissati! Na hi nāma, bhikkhave, tassa moghapurisassa pāṇesu anuddayā anukampā avihesā bhavissati! Gacchathetaṃ, bhikkhave, kuṭikaṃ bhindatha. Mā pacchimā janatā pāṇesu pātabyataṃ āpajji. Na ca, bhikkhave, sabbamattikāmayā kuṭikā kātabbā. Yo kareyya, āpatti dukkaṭassā’’ti. ‘‘Evaṃ, bhante’’ti, kho te bhikkhū bhagavato paṭissuṇitvā yena sā kuṭikā tenupasaṅkamiṃsu; upasaṅkamitvā taṃ kuṭikaṃ bhindiṃsu. Atha kho āyasmā dhaniyo kumbhakāraputto te bhikkhū etadavoca – ‘‘kissa me tumhe, āvuso, kuṭikaṃ bhindathā’’ti? ‘‘Bhagavā, āvuso, bhedāpetī’’ti. ‘‘Bhindathāvuso, sace dhammassāmī bhedāpetī’’ti.
༨༦. ཨཐ ཁོ ཨཱཡསྨཏོ དྷནིཡསྶ ཀུམྦྷཀཱརཔུཏྟསྶ ཨེཏདཧོསི – ‘‘ཡཱཝཏཏིཡཀཾ ཁོ མེ གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ། ཡཱཔི མཡཱ སབྦམཏྟིཀཱམཡཱ ཀུཊིཀཱ ཀཏཱ སཱཔི བྷགཝཏཱ བྷེདཱཔིཏཱ། ཨཏྠི ཙ མེ དཱརུགཧེ གཎཀོ སནྡིཊྛོ། ཡཾནཱུནཱཧཾ དཱརུགཧེ གཎཀཾ དཱརཱུནི ཡཱཙིཏྭཱ དཱརུཀུཊིཀཾ ཀརེཡྻ’’ནྟི། ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཡེན དཱརུགཧེ གཎཀོ ཏེནུཔསངྐམི; ཨུཔསངྐམིཏྭཱ དཱརུགཧེ གཎཀཾ ཨེཏདཝོཙ – ‘‘ཡཱཝཏཏིཡཀཾ ཁོ མེ, ཨཱཝུསོ, གཱམཾ པིཎྜཱཡ པཝིཊྛསྶ ཏིཎཧཱརིཡོ ཀཊྛཧཱརིཡོ ཏིཎཀུཊིཀཾ བྷིནྡིཏྭཱ ཏིཎཉྩ ཀཊྛཉྩ ཨཱདཱཡ ཨགམཾསུ། ཡཱཔི མཡཱ སབྦམཏྟིཀཱམཡཱ ཀུཊིཀཱ ཀཏཱ སཱཔི བྷགཝཏཱ བྷེདཱཔིཏཱ ། དེཧི མེ, ཨཱཝུསོ, དཱརཱུནི། ཨིཙྪཱམི དཱརུཀུཊིཀཾ 5 ཀཱཏུ’’ནྟི། ‘‘ནཏྠི, བྷནྟེ, ཏཱདིསཱནི དཱརཱུནི ཡཱནཱཧཾ ཨཡྻསྶ དདེཡྻཾ། ཨཏྠི , བྷནྟེ, དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི། སཙེ ཏཱནི དཱརཱུནི རཱཛཱ དཱཔེཏི ཧརཱཔེཐ, བྷནྟེ’’ཏི། ‘‘དིནྣཱནི, ཨཱཝུསོ, རཉྙཱ’’ཏི། ཨཐ ཁོ དཱརུགཧེ གཎཀསྶ ཨེཏདཧོསི – ‘‘ཨིམེ ཁོ སམཎཱ སཀྱཔུཏྟིཡཱ དྷམྨཙཱརིནོ སམཙཱརིནོ 6 བྲཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ། རཱཛཱཔིམེསཾ ཨབྷིཔྤསནྣོ། ནཱརཧཏི ཨདིནྣཾ དིནྣནྟི ཝཏྟུ’’ནྟི། ཨཐ ཁོ དཱརུགཧེ གཎཀོ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨེཏདཝོཙ – ‘‘ཧརཱཔེཐ, བྷནྟེ’’ཏི། ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཏཱནི དཱརཱུནི ཁཎྜཱཁཎྜིཀཾ ཚེདཱཔེཏྭཱ སཀཊེཧི ནིབྦཱཧཱཔེཏྭཱ དཱརུཀུཊིཀཾ ཨཀཱསི།
86. Atha kho āyasmato dhaniyassa kumbhakāraputtassa etadahosi – ‘‘yāvatatiyakaṃ kho me gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Yāpi mayā sabbamattikāmayā kuṭikā katā sāpi bhagavatā bhedāpitā. Atthi ca me dārugahe gaṇako sandiṭṭho. Yaṃnūnāhaṃ dārugahe gaṇakaṃ dārūni yācitvā dārukuṭikaṃ kareyya’’nti. Atha kho āyasmā dhaniyo kumbhakāraputto yena dārugahe gaṇako tenupasaṅkami; upasaṅkamitvā dārugahe gaṇakaṃ etadavoca – ‘‘yāvatatiyakaṃ kho me, āvuso, gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Yāpi mayā sabbamattikāmayā kuṭikā katā sāpi bhagavatā bhedāpitā . Dehi me, āvuso, dārūni. Icchāmi dārukuṭikaṃ 7 kātu’’nti. ‘‘Natthi, bhante, tādisāni dārūni yānāhaṃ ayyassa dadeyyaṃ. Atthi , bhante, devagahadārūni nagarapaṭisaṅkhārikāni āpadatthāya nikkhittāni. Sace tāni dārūni rājā dāpeti harāpetha, bhante’’ti. ‘‘Dinnāni, āvuso, raññā’’ti. Atha kho dārugahe gaṇakassa etadahosi – ‘‘ime kho samaṇā sakyaputtiyā dhammacārino samacārino 8 brahmacārino saccavādino sīlavanto kalyāṇadhammā. Rājāpimesaṃ abhippasanno. Nārahati adinnaṃ dinnanti vattu’’nti. Atha kho dārugahe gaṇako āyasmantaṃ dhaniyaṃ kumbhakāraputtaṃ etadavoca – ‘‘harāpetha, bhante’’ti. Atha kho āyasmā dhaniyo kumbhakāraputto tāni dārūni khaṇḍākhaṇḍikaṃ chedāpetvā sakaṭehi nibbāhāpetvā dārukuṭikaṃ akāsi.
༨༧. ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ རཱཛགཧེ ཀམྨནྟེ ཨནུསཉྙཱཡམཱནོ ཡེན དཱརུགཧེ གཎཀོ ཏེནུཔསངྐམི; ཨུཔསངྐམིཏྭཱ དཱརུགཧེ གཎཀཾ ཨེཏདཝོཙ – ‘‘ཡཱནི ཏཱནི, བྷཎེ, དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི ཀཧཾ ཏཱནི དཱརཱུནཱི’’ཏི? ‘‘ཏཱནི, སཱམི, དཱརཱུནི དེཝེན ཨཡྻསྶ དྷནིཡསྶ ཀུམྦྷཀཱརཔུཏྟསྶ དིནྣཱནཱི’’ཏི། ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ ཨནཏྟམནོ ཨཧོསི – ‘‘ཀཐཉྷི ནཱམ དེཝོ དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི དྷནིཡསྶ ཀུམྦྷཀཱརཔུཏྟསྶ དསྶཏཱི’’ཏི! ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ ཡེན རཱཛཱ མཱགདྷོ སེནིཡོ བིམྦིསཱརོ ཏེནུཔསངྐམི; ཨུཔསངྐམིཏྭཱ རཱཛཱནཾ མཱགདྷཾ སེནིཡཾ བིམྦིསཱརཾ ཨེཏདཝོཙ – ‘‘སཙྩཾ ཀིར, དེཝེན 9 དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི དྷནིཡསྶ ཀུམྦྷཀཱརཔུཏྟསྶ དིནྣཱནཱི’’ཏི? ‘‘ཀོ ཨེཝམཱཧཱ’’ཏི? ‘‘དཱརུགཧེ གཎཀོ, དེཝཱ’’ཏི། ‘‘ཏེན ཧི, བྲཱཧྨཎ, དཱརུགཧེ གཎཀཾ ཨཱཎཱཔེཧཱི’’ཏི། ཨཐ ཁོ ཝསྶཀཱརོ བྲཱཧྨཎོ མགདྷམཧཱམཏྟོ དཱརུགཧེ གཎཀཾ བནྡྷཾ 10 ཨཱཎཱཔེསི། ཨདྡས ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ དཱརུགཧེ གཎཀཾ བནྡྷཾ ནིཡྻམཱནཾ། དིསྭཱན དཱརུགཧེ གཎཀཾ ཨེཏདཝོཙ – ‘‘ཀིསྶ ཏྭཾ, ཨཱཝུསོ, བནྡྷོ ནིཡྻཱསཱི’’ཏི? ‘‘ཏེསཾ, བྷནྟེ, དཱརཱུནཾ ཀིཙྩཱ’’ཏི། ‘‘གཙྪཱཝུསོ, ཨཧམྤི ཨཱགཙྪཱམཱི’’ཏི། ‘‘ཨེཡྻཱསི, བྷནྟེ, པུརཱཧཾ ཧཉྙཱམཱི’’ཏི།
87. Atha kho vassakāro brāhmaṇo magadhamahāmatto rājagahe kammante anusaññāyamāno yena dārugahe gaṇako tenupasaṅkami; upasaṅkamitvā dārugahe gaṇakaṃ etadavoca – ‘‘yāni tāni, bhaṇe, devagahadārūni nagarapaṭisaṅkhārikāni āpadatthāya nikkhittāni kahaṃ tāni dārūnī’’ti? ‘‘Tāni, sāmi, dārūni devena ayyassa dhaniyassa kumbhakāraputtassa dinnānī’’ti. Atha kho vassakāro brāhmaṇo magadhamahāmatto anattamano ahosi – ‘‘kathañhi nāma devo devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dassatī’’ti! Atha kho vassakāro brāhmaṇo magadhamahāmatto yena rājā māgadho seniyo bimbisāro tenupasaṅkami; upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘saccaṃ kira, devena 11 devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dinnānī’’ti? ‘‘Ko evamāhā’’ti? ‘‘Dārugahe gaṇako, devā’’ti. ‘‘Tena hi, brāhmaṇa, dārugahe gaṇakaṃ āṇāpehī’’ti. Atha kho vassakāro brāhmaṇo magadhamahāmatto dārugahe gaṇakaṃ bandhaṃ 12 āṇāpesi. Addasa kho āyasmā dhaniyo kumbhakāraputto dārugahe gaṇakaṃ bandhaṃ niyyamānaṃ. Disvāna dārugahe gaṇakaṃ etadavoca – ‘‘kissa tvaṃ, āvuso, bandho niyyāsī’’ti? ‘‘Tesaṃ, bhante, dārūnaṃ kiccā’’ti. ‘‘Gacchāvuso, ahampi āgacchāmī’’ti. ‘‘Eyyāsi, bhante, purāhaṃ haññāmī’’ti.
༨༨. ཨཐ ཁོ ཨཱཡསྨཱ དྷནིཡོ ཀུམྦྷཀཱརཔུཏྟོ ཡེན རཉྙོ མཱགདྷསྶ སེནིཡསྶ བིམྦིསཱརསྶ ནིཝེསནཾ ཏེནུཔསངྐམི; ཨུཔསངྐམིཏྭཱ པཉྙཏྟེ ཨཱསནེ ནིསཱིདི། ཨཐ ཁོ རཱཛཱ མཱགདྷོ སེནིཡོ བིམྦིསཱརོ ཡེནཱཡསྨཱ དྷནིཡོ ཀུམྦྷཀཱརཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨབྷིཝཱདེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ རཱཛཱ མཱགདྷོ སེནིཡོ བིམྦིསཱརོ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨེཏདཝོཙ – ‘‘སཙྩཾ ཀིར མཡཱ, བྷནྟེ, དེཝགཧདཱརཱུནི ནགརཔཊིསངྑཱརིཀཱནི ཨཱཔདཏྠཱཡ ནིཀྑིཏྟཱནི ཨཡྻསྶ དིནྣཱནཱི’’ཏི? ‘‘ཨེཝཾ, མཧཱརཱཛཱ’’ཏི། ‘‘མཡཾ ཁོ, བྷནྟེ, རཱཛཱནོ ནཱམ བཧུཀིཙྩཱ བཧུཀརཎཱིཡཱ, དཏྭཱཔི ན སརེཡྻཱམ; ཨིངྒྷ, བྷནྟེ, སརཱཔེཧཱི’’ཏི། ‘‘སརསི ཏྭཾ, མཧཱརཱཛ, པཋམཱབྷིསིཏྟོ ཨེཝརཱུཔིཾ ཝཱཙཾ བྷཱསིཏཱ – ‘‘དིནྣཉྙེཝ སམཎབྲཱཧྨཎཱནཾ ཏིཎཀཊྛོདཀཾ པརིབྷུཉྫནྟཱུ’’ཏི། ‘‘སརཱམཧཾ, བྷནྟེ། སནྟི, བྷནྟེ, སམཎབྲཱཧྨཎཱ ལཛྫིནོ ཀུཀྐུཙྩཀཱ སིཀྑཱཀཱམཱ། ཏེསཾ ཨཔྤམཏྟཀེཔི ཀུཀྐུཙྩཾ ཨུཔྤཛྫཏི། ཏེསཾ མཡཱ སནྡྷཱཡ བྷཱསིཏཾ, ཏཉྩ ཁོ ཨརཉྙེ ཨཔརིགྒཧིཏཾ། སོ ཏྭཾ, བྷནྟེ, ཏེན ལེསེན དཱརཱུནི ཨདིནྣཾ ཧརིཏུཾ མཉྙསི! ཀཐཉྷི ནཱམ མཱདིསོ སམཎཾ ཝཱ བྲཱཧྨཎཾ ཝཱ ཝིཛིཏེ ཝསནྟཾ ཧནེཡྻ ཝཱ བནྡྷེཡྻ ཝཱ པབྦཱཛེཡྻ ཝཱ! གཙྪ, བྷནྟེ, ལོམེན ཏྭཾ མུཏྟོསི། མཱསྶུ པུནཔི ཨེཝརཱུཔཾ ཨཀཱསཱི’’ཏི། མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨལཛྫིནོ ཨིམེ སམཎཱ སཀྱཔུཏྟིཡཱ དུསྶཱིལཱ མུསཱཝཱདིནོ། ཨིམེ ཧི ནཱམ དྷམྨཙཱརིནོ སམཙཱརིནོ བྲཱཧྨཙཱརིནོ སཙྩཝཱདིནོ སཱིལཝནྟོ ཀལྱཱཎདྷམྨཱ པཊིཛཱནིསྶནྟི! ནཏྠི ཨིམེསཾ སཱམཉྙཾ, ནཏྠི ཨིམེསཾ བྲཧྨཉྙཾ། ནཊྛཾ ཨིམེསཾ སཱམཉྙཾ, ནཊྛཾ ཨིམེསཾ བྲཧྨཉྙཾ། ཀུཏོ ཨིམེསཾ སཱམཉྙཾ, ཀུཏོ ཨིམེསཾ བྲཧྨཉྙཾ! ཨཔགཏཱ ཨིམེ སཱམཉྙཱ, ཨཔགཏཱ ཨིམེ བྲཧྨཉྙཱ། རཱཛཱནམྤི ཨིམེ ཝཉྩེནྟི, ཀིཾ པནཉྙེ མནུསྶེ’’ཏི! ཨསྶོསུཾ ཁོ བྷིཀྑཱུ ཏེསཾ མནུསྶཱནཾ ཨུཛ྄ཛྷཱཡནྟཱནཾ ཁིཡྻནྟཱནཾ ཝིཔཱཙེནྟཱནཾ། ཡེ ཏེ བྷིཀྑཱུ ཨཔྤིཙྪཱ སནྟུཊྛཱ ལཛྫིནོ ཀུཀྐུཙྩཀཱ སིཀྑཱཀཱམཱ ཏེ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ དྷནིཡོ ཀུམྦྷཀཱརཔུཏྟོ རཉྙོ དཱརཱུནི ཨདིནྣཾ ཨཱདིཡིསྶཏཱི’’ཏི! ཨཐ ཁོ ཏེ བྷིཀྑཱུ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ། ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ པཊིཔུཙྪི – ‘‘སཙྩཾ ཀིར ཏྭཾ, དྷནིཡ, རཉྙོ དཱརཱུནི ཨདིནྣཾ ཨཱདིཡཱི’’ཏི? ‘‘སཙྩཾ, བྷགཝཱ’’ཏི། ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིས, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ། ཀཐཉྷི ནཱམ ཏྭཾ, མོགྷཔུརིས , རཉྙོ དཱརཱུནི ཨདིནྣཾ ཨཱདིཡིསྶསི! ནེཏཾ, མོགྷཔུརིས, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ; ཨཐཁྭེཏཾ, མོགྷཔུརིས, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི།
88. Atha kho āyasmā dhaniyo kumbhakāraputto yena rañño māgadhassa seniyassa bimbisārassa nivesanaṃ tenupasaṅkami; upasaṅkamitvā paññatte āsane nisīdi. Atha kho rājā māgadho seniyo bimbisāro yenāyasmā dhaniyo kumbhakāraputto tenupasaṅkami; upasaṅkamitvā āyasmantaṃ dhaniyaṃ kumbhakāraputtaṃ abhivādetvā ekamantaṃ nisīdi. Ekamantaṃ nisinno kho rājā māgadho seniyo bimbisāro āyasmantaṃ dhaniyaṃ kumbhakāraputtaṃ etadavoca – ‘‘saccaṃ kira mayā, bhante, devagahadārūni nagarapaṭisaṅkhārikāni āpadatthāya nikkhittāni ayyassa dinnānī’’ti? ‘‘Evaṃ, mahārājā’’ti. ‘‘Mayaṃ kho, bhante, rājāno nāma bahukiccā bahukaraṇīyā, datvāpi na sareyyāma; iṅgha, bhante, sarāpehī’’ti. ‘‘Sarasi tvaṃ, mahārāja, paṭhamābhisitto evarūpiṃ vācaṃ bhāsitā – ‘‘dinnaññeva samaṇabrāhmaṇānaṃ tiṇakaṭṭhodakaṃ paribhuñjantū’’ti. ‘‘Sarāmahaṃ, bhante. Santi, bhante, samaṇabrāhmaṇā lajjino kukkuccakā sikkhākāmā. Tesaṃ appamattakepi kukkuccaṃ uppajjati. Tesaṃ mayā sandhāya bhāsitaṃ, tañca kho araññe apariggahitaṃ. So tvaṃ, bhante, tena lesena dārūni adinnaṃ harituṃ maññasi! Kathañhi nāma mādiso samaṇaṃ vā brāhmaṇaṃ vā vijite vasantaṃ haneyya vā bandheyya vā pabbājeyya vā! Gaccha, bhante, lomena tvaṃ muttosi. Māssu punapi evarūpaṃ akāsī’’ti. Manussā ujjhāyanti khiyyanti vipācenti – ‘‘alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brāhmacārino saccavādino sīlavanto kalyāṇadhammā paṭijānissanti! Natthi imesaṃ sāmaññaṃ, natthi imesaṃ brahmaññaṃ. Naṭṭhaṃ imesaṃ sāmaññaṃ, naṭṭhaṃ imesaṃ brahmaññaṃ. Kuto imesaṃ sāmaññaṃ, kuto imesaṃ brahmaññaṃ! Apagatā ime sāmaññā, apagatā ime brahmaññā. Rājānampi ime vañcenti, kiṃ panaññe manusse’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā santuṭṭhā lajjino kukkuccakā sikkhākāmā te ujjhāyanti khiyyanti vipācenti – ‘‘kathañhi nāma āyasmā dhaniyo kumbhakāraputto rañño dārūni adinnaṃ ādiyissatī’’ti! Atha kho te bhikkhū āyasmantaṃ dhaniyaṃ kumbhakāraputtaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ dhaniyaṃ kumbhakāraputtaṃ paṭipucchi – ‘‘saccaṃ kira tvaṃ, dhaniya, rañño dārūni adinnaṃ ādiyī’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa , rañño dārūni adinnaṃ ādiyissasi! Netaṃ, moghapurisa, appasannānaṃ vā pasādāya pasannānaṃ vā bhiyyobhāvāya; athakhvetaṃ, moghapurisa, appasannānañceva appasādāya pasannānañca ekaccānaṃ aññathattāyā’’ti.
ཏེན ཁོ པན སམཡེན ཨཉྙཏརོ པུརཱཎཝོཧཱརིཀོ མཧཱམཏྟོ བྷིཀྑཱུསུ པབྦཛིཏོ བྷགཝཏོ ཨཝིདཱུརེ ནིསིནྣོ ཧོཏི། ཨཐ ཁོ བྷགཝཱ ཏཾ བྷིཀྑུཾ ཨེཏདཝོཙ – ‘‘ཀིཏྟཀེན ཁོ བྷིཀྑུ རཱཛཱ མཱགདྷོ སེནིཡོ བིམྦིསཱརོ ཙོརཾ གཧེཏྭཱ ཧནཏི ཝཱ བནྡྷཏི ཝཱ པབྦཱཛེཏི ཝཱ’’ཏི? ‘‘པཱདེན ཝཱ, བྷགཝཱ, པཱདཱརཧེན ཝཱ’’ཏི 13། ཏེན ཁོ པན སམཡེན རཱཛགཧེ པཉྩམཱསཀོ པཱདོ ཧོཏི། ཨཐ ཁོ བྷགཝཱ ཨཱཡསྨནྟཾ དྷནིཡཾ ཀུམྦྷཀཱརཔུཏྟཾ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ॰… ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –
Tena kho pana samayena aññataro purāṇavohāriko mahāmatto bhikkhūsu pabbajito bhagavato avidūre nisinno hoti. Atha kho bhagavā taṃ bhikkhuṃ etadavoca – ‘‘kittakena kho bhikkhu rājā māgadho seniyo bimbisāro coraṃ gahetvā hanati vā bandhati vā pabbājeti vā’’ti? ‘‘Pādena vā, bhagavā, pādārahena vā’’ti 14. Tena kho pana samayena rājagahe pañcamāsako pādo hoti. Atha kho bhagavā āyasmantaṃ dhaniyaṃ kumbhakāraputtaṃ anekapariyāyena vigarahitvā dubbharatāya…pe… evañca pana, bhikkhave, imaṃ sikkhāpadaṃ uddiseyyātha –
༨༩. ‘‘ཡོ པན བྷིཀྑུ ཨདིནྣཾ ཐེཡྻསངྑཱཏཾ ཨཱདིཡེཡྻ, ཡཐཱརཱུཔེ ཨདིནྣཱདཱནེ རཱཛཱནོ ཙོརཾ གཧེཏྭཱ ཧནེཡྻུཾ ཝཱ བནྡྷེཡྻུཾ ཝཱ པབྦཱཛེཡྻུཾ ཝཱ – ‘ཙོརོསི བཱལོསི མཱུལ༹ྷོསི ཐེནོསཱི’ཏི, ཏཐཱརཱུཔཾ བྷིཀྑུ ཨདིནྣཾ ཨཱདིཡམཱནོ ཨཡམྤི པཱརཱཛིཀོ ཧོཏི ཨསཾཝཱསོ’’ཏི།
89.‘‘Yo pana bhikkhu adinnaṃ theyyasaṅkhātaṃ ādiyeyya, yathārūpe adinnādāne rājāno coraṃ gahetvā haneyyuṃ vā bandheyyuṃ vā pabbājeyyuṃ vā – ‘corosi bālosi mūḷhosi thenosī’ti, tathārūpaṃ bhikkhu adinnaṃ ādiyamāno ayampi pārājiko hoti asaṃvāso’’ti.
ཨེཝཉྩིདཾ བྷགཝཏཱ བྷིཀྑཱུནཾ སིཀྑཱཔདཾ པཉྙཏྟཾ ཧོཏི།
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
༩༠. ཏེན ཁོ པན སམཡེན ཚབྦགྒིཡཱ བྷིཀྑཱུ རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིཏྭཱ ཨཱརཱམཾ ཧརིཏྭཱ བྷཱཛེསུཾ། བྷིཀྑཱུ ཨེཝམཱཧཾསུ – ‘‘མཧཱཔུཉྙཏྠ ཏུམྷེ, ཨཱཝུསོ། བཧུཾ ཏུམྷཱཀཾ ཙཱིཝརཾ ཨུཔྤནྣ’’ནྟི། ‘‘ཀུཏོ ཨཱཝུསོ, ཨམྷཱཀཾ པུཉྙཾ, ཨིདཱནི མཡཾ རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིམྷཱ’’ཏི། ‘‘ནནུ, ཨཱཝུསོ, བྷགཝཏཱ སིཀྑཱཔདཾ པཉྙཏྟཾ། ཀིསྶ ཏུམྷེ, ཨཱཝུསོ, རཛཀབྷཎྜིཀཾ ཨཝཧརིཏྠཱ’’ཏི ? ‘‘སཙྩཾ, ཨཱཝུསོ, བྷགཝཏཱ སིཀྑཱཔདཾ པཉྙཏྟཾ། ཏཉྩ ཁོ གཱམེ, ནོ ཨརཉྙེ’’ཏི། ‘‘ནནུ, ཨཱཝུསོ, ཏཐེཝེཏཾ ཧོཏི། ཨནནུཙྪཝིཀཾ, ཨཱཝུསོ, ཨནནུལོམིཀཾ ཨཔྤཏིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ། ཀཐཉྷི ནཱམ ཏུམྷེ, ཨཱཝུསོ, རཛཀབྷཎྜིཀཾ ཨཝཧརིསྶཐ! ནེཏཾ, ཨཱཝུསོ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ; ཨཐཁྭེཏཾ, ཨཱཝུསོ, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི། ཨཐ ཁོ ཏེ བྷིཀྑཱུ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ བྷགཝཏོ ཨེཏམཏྠཾ ཨཱརོཙེསུཾ། ཨཐ ཁོ བྷགཝཱ ཨེཏསྨིཾ ནིདཱནེ ཨེཏསྨིཾ པཀརཎེ བྷིཀྑུསངྒྷཾ སནྣིཔཱཏཱཔེཏྭཱ ཚབྦགྒིཡེ བྷིཀྑཱུ པཊིཔུཙྪི – ‘‘སཙྩཾ ཀིར ཏུམྷེ, བྷིཀྑཝེ, རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིཏྠཱ’’ཏི? ‘‘སཙྩཾ, བྷགཝཱ’’ཏི། ཝིགརཧི བུདྡྷོ བྷགཝཱ – ‘‘ཨནནུཙྪཝིཀཾ, མོགྷཔུརིསཱ, ཨནནུལོམིཀཾ ཨཔྤཊིརཱུཔཾ ཨསྶཱམཎཀཾ ཨཀཔྤིཡཾ ཨཀརཎཱིཡཾ། ཀཐཉྷི ནཱམ ཏུམྷེ, མོགྷཔུརིསཱ, རཛཀབྷཎྜིཀཾ ཨཝཧརིསྶཐ! ནེཏཾ, མོགྷཔུརིསཱ, ཨཔྤསནྣཱནཾ ཝཱ པསཱདཱཡ པསནྣཱནཾ ཝཱ བྷིཡྻོབྷཱཝཱཡ; ཨཐ ཁྭེཏཾ, མོགྷཔུརིསཱ, ཨཔྤསནྣཱནཉྩེཝ ཨཔྤསཱདཱཡ པསནྣཱནཉྩ ཨེཀཙྩཱནཾ ཨཉྙཐཏྟཱཡཱ’’ཏི། ཨཐ ཁོ བྷགཝཱ ཚབྦགྒིཡེ བྷིཀྑཱུ ཨནེཀཔརིཡཱཡེན ཝིགརཧིཏྭཱ དུབྦྷརཏཱཡ…པེ॰… ཝཱིརིཡཱརམྦྷསྶ ཝཎྞཾ བྷཱསིཏྭཱ བྷིཀྑཱུནཾ ཏདནུཙྪཝིཀཾ ཏདནུལོམིཀཾ དྷམྨིཾ ཀཐཾ ཀཏྭཱ བྷིཀྑཱུ ཨཱམནྟེསི…པེ॰… ‘‘ཨེཝཉྩ པན, བྷིཀྑཝེ, ཨིམཾ སིཀྑཱཔདཾ ཨུདྡིསེཡྻཱཐ –
90. Tena kho pana samayena chabbaggiyā bhikkhū rajakattharaṇaṃ gantvā rajakabhaṇḍikaṃ avaharitvā ārāmaṃ haritvā bhājesuṃ. Bhikkhū evamāhaṃsu – ‘‘mahāpuññattha tumhe, āvuso. Bahuṃ tumhākaṃ cīvaraṃ uppanna’’nti. ‘‘Kuto āvuso, amhākaṃ puññaṃ, idāni mayaṃ rajakattharaṇaṃ gantvā rajakabhaṇḍikaṃ avaharimhā’’ti. ‘‘Nanu, āvuso, bhagavatā sikkhāpadaṃ paññattaṃ. Kissa tumhe, āvuso, rajakabhaṇḍikaṃ avaharitthā’’ti ? ‘‘Saccaṃ, āvuso, bhagavatā sikkhāpadaṃ paññattaṃ. Tañca kho gāme, no araññe’’ti. ‘‘Nanu, āvuso, tathevetaṃ hoti. Ananucchavikaṃ, āvuso, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, āvuso, rajakabhaṇḍikaṃ avaharissatha! Netaṃ, āvuso, appasannānaṃ vā pasādāya pasannānaṃ vā bhiyyobhāvāya; athakhvetaṃ, āvuso, appasannānañceva appasādāya pasannānañca ekaccānaṃ aññathattāyā’’ti. Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā chabbaggiye bhikkhū paṭipucchi – ‘‘saccaṃ kira tumhe, bhikkhave, rajakattharaṇaṃ gantvā rajakabhaṇḍikaṃ avaharitthā’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisā, ananulomikaṃ appaṭirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, moghapurisā, rajakabhaṇḍikaṃ avaharissatha! Netaṃ, moghapurisā, appasannānaṃ vā pasādāya pasannānaṃ vā bhiyyobhāvāya; atha khvetaṃ, moghapurisā, appasannānañceva appasādāya pasannānañca ekaccānaṃ aññathattāyā’’ti. Atha kho bhagavā chabbaggiye bhikkhū anekapariyāyena vigarahitvā dubbharatāya…pe… vīriyārambhassa vaṇṇaṃ bhāsitvā bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi…pe… ‘‘evañca pana, bhikkhave, imaṃ sikkhāpadaṃ uddiseyyātha –
༩༡. ‘‘ཡོ པན བྷིཀྑུ གཱམཱ ཝཱ ཨརཉྙཱ ཝཱ ཨདིནྣཾ ཐེཡྻསངྑཱཏཾ ཨཱདིཡེཡྻ, ཡཐཱརཱུཔེ ཨདིནྣཱདཱནེ རཱཛཱནོ ཙོརཾ གཧེཏྭཱ ཧནེཡྻུཾ ཝཱ བནྡྷེཡྻུཾ ཝཱ པབྦཱཛེཡྻུཾ ཝཱ – ‘ཙོརོསི བཱལོསི མཱུལ༹ྷོསི ཐེནོསཱི’ཏི, ཏཐཱརཱུཔཾ བྷིཀྑུ ཨདིནྣཾ ཨཱདིཡམཱནོ ཨཡམྤི པཱརཱཛིཀོ ཧོཏི ཨསཾཝཱསོ’’ཏི།
91.‘‘Yo pana bhikkhu gāmā vā araññā vā adinnaṃ theyyasaṅkhātaṃ ādiyeyya, yathārūpe adinnādāne rājāno coraṃ gahetvā haneyyuṃ vā bandheyyuṃ vā pabbājeyyuṃ vā – ‘corosi bālosi mūḷhosi thenosī’ti, tathārūpaṃ bhikkhu adinnaṃ ādiyamāno ayampi pārājiko hoti asaṃvāso’’ti.
༩༢. ཡོ པནཱཏི ཡོ ཡཱདིསོ…པེ॰… བྷིཀྑཱུཏི…པེ॰… ཨཡཾ ཨིམསྨིཾ ཨཏྠེ ཨདྷིཔྤེཏོ བྷིཀྑཱུཏི།
92.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
གཱམོ ནཱམ ཨེཀཀུཊིཀོཔི གཱམོ, དྭིཀུཊིཀོཔི གཱམོ, ཏིཀུཊིཀོཔི གཱམོ, ཙཏུཀུཊིཀོཔི གཱམོ, སམནུསྶོཔི གཱམོ, ཨམནུསྶོཔི གཱམོ, པརིཀྑིཏྟོཔི གཱམོ, ཨཔརིཀྑིཏྟོཔི གཱམོ, གོནིསཱདིནིཝིཊྛོཔི གཱམོ, ཡོཔི སཏྠོ ཨཏིརེཀཙཏུམཱསནིཝིཊྛོ སོཔི ཝུཙྩཏི གཱམོ།
Gāmo nāma ekakuṭikopi gāmo, dvikuṭikopi gāmo, tikuṭikopi gāmo, catukuṭikopi gāmo, samanussopi gāmo, amanussopi gāmo, parikkhittopi gāmo, aparikkhittopi gāmo, gonisādiniviṭṭhopi gāmo, yopi sattho atirekacatumāsaniviṭṭho sopi vuccati gāmo.
གཱམཱུཔཙཱརོ ནཱམ པརིཀྑིཏྟསྶ གཱམསྶ ཨིནྡཁཱིལེ 15 ཋིཏསྶ མཛ྄ཛྷིམསྶ པུརིསསྶ ལེཌྜུཔཱཏོ, ཨཔརིཀྑིཏྟསྶ གཱམསྶ གྷརཱུཔཙཱརེ ཋིཏསྶ མཛ྄ཛྷིམསྶ པུརིསསྶ ལེཌྜུཔཱཏོ།
Gāmūpacāro nāma parikkhittassa gāmassa indakhīle 16 ṭhitassa majjhimassa purisassa leḍḍupāto, aparikkhittassa gāmassa gharūpacāre ṭhitassa majjhimassa purisassa leḍḍupāto.
ཨརཉྙཾ ནཱམ ཋཔེཏྭཱ གཱམཉྩ གཱམཱུཔཙཱརཉྩ ཨཝསེསཾ ཨརཉྙཾ ནཱམ།
Araññaṃ nāma ṭhapetvā gāmañca gāmūpacārañca avasesaṃ araññaṃ nāma.
ཨདིནྣཾ ནཱམཾ ཡཾ ཨདིནྣཾ ཨནིསྶཊྛཾ ཨཔརིཙྩཏྟཾ རཀྑིཏཾ གོཔིཏཾ མམཱཡིཏཾ པརཔརིགྒཧིཏཾ། ཨེཏཾ ཨདིནྣཾ ནཱམ།
Adinnaṃ nāmaṃ yaṃ adinnaṃ anissaṭṭhaṃ apariccattaṃ rakkhitaṃ gopitaṃ mamāyitaṃ parapariggahitaṃ. Etaṃ adinnaṃ nāma.
ཐེཡྻསངྑཱཏནྟི ཐེཡྻཙིཏྟོ ཨཝཧརཎཙིཏྟོ།
Theyyasaṅkhātanti theyyacitto avaharaṇacitto.
ཨཱདིཡེཡྻཱཏི ཨཱདིཡེཡྻ ཧརེཡྻ ཨཝཧརེཡྻ ཨིརིཡཱཔཐཾ ཝིཀོཔེཡྻ ཋཱནཱ ཙཱཝེཡྻ སངྐེཏཾ ཝཱིཏིནཱམེཡྻ།
Ādiyeyyāti ādiyeyya hareyya avahareyya iriyāpathaṃ vikopeyya ṭhānā cāveyya saṅketaṃ vītināmeyya.
ཡཐཱརཱུཔཾ ནཱམ པཱདཾ ཝཱ པཱདཱརཧཾ ཝཱ ཨཏིརེཀཔཱདཾ ཝཱ།
Yathārūpaṃ nāma pādaṃ vā pādārahaṃ vā atirekapādaṃ vā.
རཱཛཱནོ ནཱམ པཐབྱཱརཱཛཱ པདེསརཱཛཱ མཎྜལིཀཱ ཨནྟརབྷོགིཀཱ ཨཀྑདསྶཱ མཧཱམཏྟཱ, ཡེ ཝཱ པན ཚེཛྫབྷེཛྫཾ ཀརོནྟཱ ཨནུསཱསནྟི། ཨེཏེ རཱཛཱནོ ནཱམ།
Rājāno nāma pathabyārājā padesarājā maṇḍalikā antarabhogikā akkhadassā mahāmattā, ye vā pana chejjabhejjaṃ karontā anusāsanti. Ete rājāno nāma.
ཙོརོ ནཱམ ཡོ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨདིནྣཾ ཐེཡྻསངྑཱཏཾ ཨཱདིཡཏི། ཨེསོ ཙོརོ ནཱམ།
Coro nāma yo pañcamāsakaṃ vā atirekapañcamāsakaṃ vā agghanakaṃ adinnaṃ theyyasaṅkhātaṃ ādiyati. Eso coro nāma.
ཧནེཡྻུཾ ཝཱཏི ཧཏྠེན ཝཱ པཱདེན ཝཱ ཀསཱཡ ཝཱ ཝེཏྟེན ཝཱ ཨཌྜྷདཎྜཀེན ཝཱ ཚེཛྫཱཡ ཝཱ ཧནེཡྻུཾ།
Haneyyuṃ vāti hatthena vā pādena vā kasāya vā vettena vā aḍḍhadaṇḍakena vā chejjāya vā haneyyuṃ.
བནྡྷེཡྻུཾ ཝཱཏི རཛྫུབནྡྷནེན ཝཱ ཨནྡུབནྡྷནེན ཝཱ སངྑལིཀབནྡྷནེན ཝཱ གྷརབནྡྷནེན ཝཱ ནགརབནྡྷནེན ཝཱ གཱམབནྡྷནེན ཝཱ ནིགམབནྡྷནེན ཝཱ བནྡྷེཡྻུཾ, པུརིསགུཏྟིཾ ཝཱ ཀརེཡྻུཾ།
Bandheyyuṃ vāti rajjubandhanena vā andubandhanena vā saṅkhalikabandhanena vā gharabandhanena vā nagarabandhanena vā gāmabandhanena vā nigamabandhanena vā bandheyyuṃ, purisaguttiṃ vā kareyyuṃ.
པབྦཱཛེཡྻུཾ ཝཱཏི གཱམཱ ཝཱ ནིགམཱ ཝཱ ནགརཱ ཝཱ ཛནཔདཱ ཝཱ ཛནཔདཔདེསཱ ཝཱ པབྦཱཛེཡྻུཾ།
Pabbājeyyuṃ vāti gāmā vā nigamā vā nagarā vā janapadā vā janapadapadesā vā pabbājeyyuṃ.
ཙོརོསི བཱལོསི མཱུལ༹ྷོསི ཐེནོསཱིཏི པརིབྷཱསོ ཨེསོ།
Corosi bālosi mūḷhosi thenosīti paribhāso eso.
ཏཐཱརཱུཔཾ ནཱམ པཱདཾ ཝཱ པཱདཱརཧཾ ཝཱ ཨཏིརེཀཔཱདཾ ཝཱ།
Tathārūpaṃ nāma pādaṃ vā pādārahaṃ vā atirekapādaṃ vā.
ཨཱདིཡམཱནོཏི ཨཱདིཡམཱནོ ཧརམཱནོ ཨཝཧརམཱནོ ཨིརིཡཱཔཐཾ ཝིཀོཔཡམཱནོ ཋཱནཱ ཙཱཝཡམཱནོ སངྐེཏཾ ཝཱིཏིནཱམཡམཱནོ།
Ādiyamānoti ādiyamāno haramāno avaharamāno iriyāpathaṃ vikopayamāno ṭhānā cāvayamāno saṅketaṃ vītināmayamāno.
ཨཡམྤཱིཏི པུརིམཾ ཨུཔཱདཱཡ ཝུཙྩཏི།
Ayampīti purimaṃ upādāya vuccati.
ཨསཾཝཱསོཏི སཾཝཱསོ ནཱམ ཨེཀཀམྨཾ ཨེཀུདྡེསོ སམསིཀྑཏཱ། ཨེསོ སཾཝཱསོ ནཱམ། སོ ཏེན སདྡྷིཾ ནཏྠི། ཏེན ཝུཙྩཏི – ‘ཨསཾཝཱསོ’ཏི།
Asaṃvāsoti saṃvāso nāma ekakammaṃ ekuddeso samasikkhatā. Eso saṃvāso nāma. So tena saddhiṃ natthi. Tena vuccati – ‘asaṃvāso’ti.
༩༣. བྷཱུམཊྛཾ ཐལཊྛཾ ཨཱཀཱསཊྛཾ ཝེཧཱསཊྛཾ ཨུདཀཊྛཾ ནཱཝཊྛཾ ཡཱནཊྛཾ བྷཱརཊྛཾ ཨཱརཱམཊྛཾ ཝིཧཱརཊྛཾ ཁེཏྟཊྛཾ ཝཏྠུཊྛཾ གཱམཊྛཾ ཨརཉྙཊྛཾ ཨུདཀཾ དནྟཔོཎཾ 21 ཝནཔྤཏི ཧརཎཀཾ ཨུཔནིདྷི སུངྐགྷཱཏཾ པཱཎོ ཨཔདཾ དྭིཔདཾ ཙཏུཔྤདཾ བཧུཔྤདཾ ཨོཙརཀོ ཨོཎིརཀྑོ སཾཝིདཱཝཧཱརོ སངྐེཏཀམྨཾ ནིམིཏྟཀམྨནྟི།
93. Bhūmaṭṭhaṃ thalaṭṭhaṃ ākāsaṭṭhaṃ vehāsaṭṭhaṃ udakaṭṭhaṃ nāvaṭṭhaṃ yānaṭṭhaṃ bhāraṭṭhaṃ ārāmaṭṭhaṃ vihāraṭṭhaṃ khettaṭṭhaṃ vatthuṭṭhaṃ gāmaṭṭhaṃ araññaṭṭhaṃ udakaṃ dantapoṇaṃ 22 vanappati haraṇakaṃ upanidhi suṅkaghātaṃ pāṇo apadaṃ dvipadaṃ catuppadaṃ bahuppadaṃ ocarako oṇirakkho saṃvidāvahāro saṅketakammaṃ nimittakammanti.
༩༤. བྷཱུམཊྛཾ ནཱམ བྷཎྜཾ བྷཱུམིཡཾ ནིཀྑིཏྟཾ ཧོཏི ནིཁཱཏཾ པཊིཙྪནྣཾ། བྷཱུམཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི ཀུདཱལཾ ཝཱ པིཊཀཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཏཏྠ ཛཱཏཀཾ ཀཊྛཾ ཝཱ ལཏཾ ཝཱ ཚིནྡཏི, ཨཱཔཏྟི དུཀྐཊསྶ། ཏཏྠ པཾསུཾ ཁཎཏི ཝཱ བྱཱུཧཏི 23 ཝཱ ཨུདྡྷརཏི ཝཱ, ཨཱཔཏྟི དུཀྐཊསྶ། ཀུམྦྷིཾ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཨཏྟནོ བྷཱཛནཾ པཝེསེཏྭཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཨཏྟནོ བྷཱཛནགཏཾ ཝཱ ཀརོཏི མུཊྛིཾ ཝཱ ཚིནྡཏི, ཨཱཔཏྟི པཱརཱཛིཀསྶ། སུཏྟཱརུལ༹ྷཾ བྷཎྜཾ པཱམངྒཾ ཝཱ ཀཎྛསུཏྟཀཾ ཝཱ ཀཊིསུཏྟཀཾ ཝཱ སཱཊཀཾ ཝཱ ཝེཋནཾ ཝཱ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཀོཊིཡཾ གཧེཏྭཱ ཨུཙྩཱརེཏི, ཨཱཔཏྟི ཐུལླཙྩཡསྶ། གྷཾསནྟོ ནཱིཧརཏི, ཨཱཔཏྟི ཐུལླཙྩཡསྶ། ཨནྟམསོ ཀེསགྒམཏྟམྤི ཀུམྦྷིམུཁཱ མོཙེཏི, ཨཱཔཏྟི པཱརཱཛིཀསྶ། སཔྤིཾ ཝཱ ཏེལཾ ཝཱ མདྷུཾ ཝཱ ཕཱཎིཏཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨེཀེན པཡོགེན པིཝཏི, ཨཱཔཏྟི པཱརཱཛིཀསྶ། ཏཏྠེཝ བྷིནྡཏི ཝཱ ཚཌྜེཏི ཝཱ ཛྷཱཔེཏི ཝཱ ཨཔརིབྷོགཾ ཝཱ ཀརོཏི, ཨཱཔཏྟི དུཀྐཊསྶ།
94.Bhūmaṭṭhaṃ nāma bhaṇḍaṃ bhūmiyaṃ nikkhittaṃ hoti nikhātaṃ paṭicchannaṃ. Bhūmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati kudālaṃ vā piṭakaṃ vā pariyesati gacchati vā, āpatti dukkaṭassa. Tattha jātakaṃ kaṭṭhaṃ vā lataṃ vā chindati, āpatti dukkaṭassa. Tattha paṃsuṃ khaṇati vā byūhati 24 vā uddharati vā, āpatti dukkaṭassa. Kumbhiṃ āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Attano bhājanaṃ pavesetvā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṃ vā karoti muṭṭhiṃ vā chindati, āpatti pārājikassa. Suttāruḷhaṃ bhaṇḍaṃ pāmaṅgaṃ vā kaṇṭhasuttakaṃ vā kaṭisuttakaṃ vā sāṭakaṃ vā veṭhanaṃ vā theyyacitto āmasati, āpatti dukkaṭassa. Phandāpeti, āpatti thullaccayassa. Koṭiyaṃ gahetvā uccāreti, āpatti thullaccayassa. Ghaṃsanto nīharati, āpatti thullaccayassa. Antamaso kesaggamattampi kumbhimukhā moceti, āpatti pārājikassa. Sappiṃ vā telaṃ vā madhuṃ vā phāṇitaṃ vā pañcamāsakaṃ vā atirekapañcamāsakaṃ vā agghanakaṃ theyyacitto ekena payogena pivati, āpatti pārājikassa. Tattheva bhindati vā chaḍḍeti vā jhāpeti vā aparibhogaṃ vā karoti, āpatti dukkaṭassa.
༩༥. ཐལཊྛཾ ནཱམ བྷཎྜཾ ཐལེ ནིཀྑིཏྟཾ ཧོཏི། ཐལཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
95.Thalaṭṭhaṃ nāma bhaṇḍaṃ thale nikkhittaṃ hoti. Thalaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༩༦. ཨཱཀཱསཊྛཾ ནཱམ བྷཎྜཾ ཨཱཀཱསགཏཾ ཧོཏི། མོརོ ཝཱ ཀཔིཉྫརོ ཝཱ ཏིཏྟིརོ ཝཱ ཝཊྚཀོ ཝཱ, སཱཊཀཾ ཝཱ ཝེཋནཾ ཝཱ ཧིརཉྙཾ ཝཱ སུཝཎྞཾ ཝཱ ཚིཛྫམཱནཾ པཏཏི། ཨཱཀཱསཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ ། གམནཾ ཨུཔཙྪིནྡཏི, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
96.Ākāsaṭṭhaṃ nāma bhaṇḍaṃ ākāsagataṃ hoti. Moro vā kapiñjaro vā tittiro vā vaṭṭako vā, sāṭakaṃ vā veṭhanaṃ vā hiraññaṃ vā suvaṇṇaṃ vā chijjamānaṃ patati. Ākāsaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa . Gamanaṃ upacchindati, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༩༧. ཝེཧཱསཊྛཾ ནཱམ བྷཎྜཾ ཝེཧཱསགཏཾ ཧོཏི། མཉྩེ ཝཱ པཱིཋེ ཝཱ ཙཱིཝརཝཾསེ ཝཱ ཙཱིཝརརཛྫུཡཱ ཝཱ བྷིཏྟིཁིལེ ཝཱ ནཱགདནྟེ ཝཱ རུཀྑེ ཝཱ ལགྒིཏཾ ཧོཏི, ཨནྟམསོ པཏྟཱདྷཱརཀེཔི། ཝེཧཱསཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
97.Vehāsaṭṭhaṃ nāma bhaṇḍaṃ vehāsagataṃ hoti. Mañce vā pīṭhe vā cīvaravaṃse vā cīvararajjuyā vā bhittikhile vā nāgadante vā rukkhe vā laggitaṃ hoti, antamaso pattādhārakepi. Vehāsaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༩༨. ཨུདཀཊྛཾ ནཱམ བྷཎྜཾ ཨུདཀེ ནིཀྑིཏྟཾ ཧོཏི། ཨུདཀཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ནིམུཛྫཏི ཝཱ ཨུམྨུཛྫཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཏཏྠ ཛཱཏཀཾ ཨུཔྤལཾ ཝཱ པདུམཾ ཝཱ པུཎྜརཱིཀཾ ཝཱ བྷིསཾ ཝཱ མཙྪཾ ཝཱ ཀཙྪཔཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
98.Udakaṭṭhaṃ nāma bhaṇḍaṃ udake nikkhittaṃ hoti. Udakaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Nimujjati vā ummujjati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ uppalaṃ vā padumaṃ vā puṇḍarīkaṃ vā bhisaṃ vā macchaṃ vā kacchapaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༩༩. ནཱཝཱ ནཱམ ཡཱཡ ཏརཏི། ནཱཝཊྛཾ ནཱམ བྷཎྜཾ ནཱཝཱཡ ནིཀྑིཏྟཾ ཧོཏི། ‘‘ནཱཝཊྛཾ བྷཎྜཾ ཨཝཧརིསྶཱམཱི’’ཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ནཱཝཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། བནྡྷནཾ མོཙེཏི, ཨཱཔཏྟི དུཀྐཊསྶ། བནྡྷནཾ མོཙེཏྭཱ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཨུདྡྷཾ ཝཱ ཨདྷོ ཝཱ ཏིརིཡཾ ཝཱ ཨནྟམསོ ཀེསགྒམཏྟམྤི སངྐཱམེཏི, ཨཱཔཏྟི པཱརཱཛིཀསྶ།
99.Nāvā nāma yāya tarati. Nāvaṭṭhaṃ nāma bhaṇḍaṃ nāvāya nikkhittaṃ hoti. ‘‘Nāvaṭṭhaṃ bhaṇḍaṃ avaharissāmī’’ti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Nāvaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Bandhanaṃ moceti, āpatti dukkaṭassa. Bandhanaṃ mocetvā āmasati, āpatti dukkaṭassa. Phandāpeti, āpatti thullaccayassa. Uddhaṃ vā adho vā tiriyaṃ vā antamaso kesaggamattampi saṅkāmeti, āpatti pārājikassa.
༡༠༠. ཡཱནཾ ནཱམ ཝཡ྄ཧཾ རཐོ སཀཊཾ སནྡམཱནིཀཱ། ཡཱནཊྛཾ ནཱམ བྷཎྜཾ ཡཱནེ ནིཀྑིཏྟཾ ཧོཏི། ཡཱནཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཡཱནཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
100.Yānaṃ nāma vayhaṃ ratho sakaṭaṃ sandamānikā. Yānaṭṭhaṃ nāma bhaṇḍaṃ yāne nikkhittaṃ hoti. Yānaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Yānaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༡༠༡. བྷཱརོ ནཱམ སཱིསབྷཱརོ ཁནྡྷབྷཱརོ ཀཊིབྷཱརོ ཨོལམྦཀོ། སཱིསེ བྷཱརཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཁནྡྷཾ ཨོརོཔེཏི, ཨཱཔཏྟི པཱརཱཛིཀསྶ། ཁནྡྷེ བྷཱརཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཀཊིཾ ཨོརོཔེཏི, ཨཱཔཏྟི པཱརཱཛིཀསྶ། ཀཊིཡཱ བྷཱརཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཧཏྠེན གཎྷཱཏི, ཨཱཔཏྟི པཱརཱཛིཀསྶ། ཧཏྠེ བྷཱརཾ ཐེཡྻཙིཏྟོ བྷཱུམིཡཾ ནིཀྑིཔཏི, ཨཱཔཏྟི པཱརཱཛིཀསྶ། ཐེཡྻཙིཏྟོ བྷཱུམིཏོ གཎྷཱཏི, ཨཱཔཏྟི པཱརཱཛིཀསྶ།
101.Bhāro nāma sīsabhāro khandhabhāro kaṭibhāro olambako. Sīse bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Khandhaṃ oropeti, āpatti pārājikassa. Khandhe bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Kaṭiṃ oropeti, āpatti pārājikassa. Kaṭiyā bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Hatthena gaṇhāti, āpatti pārājikassa. Hatthe bhāraṃ theyyacitto bhūmiyaṃ nikkhipati, āpatti pārājikassa. Theyyacitto bhūmito gaṇhāti, āpatti pārājikassa.
༡༠༢. ཨཱརཱམོ ནཱམ པུཔྥཱརཱམོ ཕལཱརཱམོ། ཨཱརཱམཊྛཾ ནཱམ བྷཎྜཾ ཨཱརཱམེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ ཐལཊྛཾ, ཨཱཀཱསཊྛཾ, ཝེཧཱསཊྛཾ། ཨཱརཱམཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཏཏྠ ཛཱཏཀཾ མཱུལཾ ཝཱ ཏཙཾ ཝཱ པཏྟཾ ཝཱ པུཔྥཾ ཝཱ ཕལཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཨཱརཱམཾ ཨབྷིཡུཉྫཏི, ཨཱཔཏྟི དུཀྐཊསྶ། སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ། སཱམིཀོ ན མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ།
102.Ārāmo nāma pupphārāmo phalārāmo. Ārāmaṭṭhaṃ nāma bhaṇḍaṃ ārāme catūhi ṭhānehi nikkhittaṃ hoti – bhūmaṭṭhaṃ thalaṭṭhaṃ, ākāsaṭṭhaṃ, vehāsaṭṭhaṃ. Ārāmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ mūlaṃ vā tacaṃ vā pattaṃ vā pupphaṃ vā phalaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Ārāmaṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
༡༠༣. ཝིཧཱརཊྛཾ ནཱམ བྷཎྜཾ ཝིཧཱརེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ། ཝིཧཱརཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཝིཧཱརཾ ཨབྷིཡུཉྫཏི, ཨཱཔཏྟི དུཀྐཊསྶ། སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ། སཱམིཀོ ན མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ།
103.Vihāraṭṭhaṃ nāma bhaṇḍaṃ vihāre catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Vihāraṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vihāraṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
༡༠༤. ཁེཏྟཾ ནཱམ ཡཏྠ པུབྦཎྞཾ ཝཱ ཨཔརཎྞཾ ཝཱ ཛཱཡཏི། ཁེཏྟཊྛཾ ནཱམ བྷཎྜཾ ཁེཏྟེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ། ཁེཏྟཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི, དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཏཏྠ ཛཱཏཀཾ པུབྦཎྞཾ ཝཱ ཨཔརཎྞཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཁེཏྟཾ ཨབྷིཡུཉྫཏི, ཨཱཔཏྟི དུཀྐཊསྶ། སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ། སཱམིཀོ ན མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ། ཁིལཾ ཝཱ རཛྫུཾ ཝཱ ཝཏིཾ ཝཱ མརིཡཱདཾ ཝཱ སངྐཱམེཏི, ཨཱཔཏྟི དུཀྐཊསྶ། ཨེཀཾ པཡོགཾ ཨནཱགཏེ, ཨཱཔཏྟི ཐུལླཙྩཡསྶ། ཏསྨིཾ པཡོགེ ཨཱགཏེ, ཨཱཔཏྟི པཱརཱཛིཀསྶ།
104.Khettaṃ nāma yattha pubbaṇṇaṃ vā aparaṇṇaṃ vā jāyati. Khettaṭṭhaṃ nāma bhaṇḍaṃ khette catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Khettaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti, dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ pubbaṇṇaṃ vā aparaṇṇaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Khettaṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa. Khilaṃ vā rajjuṃ vā vatiṃ vā mariyādaṃ vā saṅkāmeti, āpatti dukkaṭassa. Ekaṃ payogaṃ anāgate, āpatti thullaccayassa. Tasmiṃ payoge āgate, āpatti pārājikassa.
༡༠༥. ཝཏྠུ ནཱམ ཨཱརཱམཝཏྠུ ཝིཧཱརཝཏྠུ། ཝཏྠུཊྛཾ ནཱམ བྷཎྜཾ ཝཏྠུསྨིཾ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ། ཝཏྠུཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཝཏྠུཾ ཨབྷིཡུཉྫཏི, ཨཱཔཏྟི དུཀྐཊསྶ། སཱམིཀསྶ ཝིམཏིཾ ཨུཔྤཱདེཏི, ཨཱཔཏྟི ཐུལླཙྩཡསྶ། སཱམིཀོ ན མཡ྄ཧཾ བྷཝིསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ། ཁཱིལཾ ཝཱ རཛྫུཾ ཝཱ ཝཏིཾ ཝཱ པཱཀཱརཾ ཝཱ སངྐཱམེཏི, ཨཱཔཏྟི དུཀྐཊསྶ། ཨེཀཾ པཡོགཾ ཨནཱགཏེ ཨཱཔཏྟི ཐུལླཙྩཡསྶ། ཏསྨིཾ པཡོགེ ཨཱགཏེ ཨཱཔཏྟི པཱརཱཛིཀསྶ།
105.Vatthu nāma ārāmavatthu vihāravatthu. Vatthuṭṭhaṃ nāma bhaṇḍaṃ vatthusmiṃ catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Vatthuṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vatthuṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa. Khīlaṃ vā rajjuṃ vā vatiṃ vā pākāraṃ vā saṅkāmeti, āpatti dukkaṭassa. Ekaṃ payogaṃ anāgate āpatti thullaccayassa. Tasmiṃ payoge āgate āpatti pārājikassa.
༡༠༦. གཱམཊྛཾ ནཱམ བྷཎྜཾ གཱམེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ། གཱམཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
106.Gāmaṭṭhaṃ nāma bhaṇḍaṃ gāme catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Gāmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༡༠༧. ཨརཉྙཾ ནཱམ ཡཾ མནུསྶཱནཾ པརིགྒཧིཏཾ ཧོཏི, ཏཾ ཨརཉྙཾ། ཨརཉྙཊྛཾ ནཱམ བྷཎྜཾ ཨརཉྙེ ཙཏཱུཧི ཋཱནེཧི ནིཀྑིཏྟཾ ཧོཏི – བྷཱུམཊྛཾ, ཐལཊྛཾ, ཨཱཀཱསཊྛཾ, ཝེཧཱསཊྛཾ། ཨརཉྙཊྛཾ བྷཎྜཾ ཨཝཧརིསྶཱམཱིཏི ཐེཡྻཙིཏྟོ དུཏིཡཾ ཝཱ པརིཡེསཏི གཙྪཏི ཝཱ, ཨཱཔཏྟི དུཀྐཊསྶ། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། ཏཏྠ ཛཱཏཀཾ ཀཊྛཾ ཝཱ ལཏཾ ཝཱ ཏིཎཾ ཝཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
107.Araññaṃ nāma yaṃ manussānaṃ pariggahitaṃ hoti, taṃ araññaṃ. Araññaṭṭhaṃ nāma bhaṇḍaṃ araññe catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Araññaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ kaṭṭhaṃ vā lataṃ vā tiṇaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༡༠༨. ཨུདཀཾ ནཱམ བྷཱཛནགཏཾ ཝཱ ཧོཏི པོཀྑརཎིཡཱ ཝཱ ཏལཱ༹ཀེ ཝཱ། ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ ། ཨཏྟནོ བྷཱཛནཾ པཝེསེཏྭཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨུདཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཨཏྟནོ བྷཱཛནགཏཾ ཀརོཏི, ཨཱཔཏྟི པཱརཱཛིཀསྶ། མརིཡཱདཾ བྷིནྡཏི, ཨཱཔཏྟི དུཀྐཊསྶ། མརིཡཱདཾ བྷིནྡིཏྭཱ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཨུདཀཾ ནིཀྑཱམེཏི, ཨཱཔཏྟི པཱརཱཛིཀསྶ། ཨཏིརེཀམཱསཀཾ ཝཱ ཨཱུནཔཉྩམཱསཀཾ ཝཱ ཨགྒྷནཀཾ ཨུདཀཾ ནིཀྑཱམེཏི, ཨཱཔཏྟི ཐུལླཙྩཡསྶ། མཱསཀཾ ཝཱ ཨཱུནམཱསཀཾ ཝཱ ཨགྒྷནཀཾ ཨུདཀཾ ནིཀྑཱམེཏི, ཨཱཔཏྟི དུཀྐཊསྶ།
108.Udakaṃ nāma bhājanagataṃ vā hoti pokkharaṇiyā vā taḷāke vā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa . Attano bhājanaṃ pavesetvā pañcamāsakaṃ vā atirekapañcamāsakaṃ vā agghanakaṃ udakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṃ karoti, āpatti pārājikassa. Mariyādaṃ bhindati, āpatti dukkaṭassa. Mariyādaṃ bhinditvā pañcamāsakaṃ vā atirekapañcamāsakaṃ vā agghanakaṃ udakaṃ nikkhāmeti, āpatti pārājikassa. Atirekamāsakaṃ vā ūnapañcamāsakaṃ vā agghanakaṃ udakaṃ nikkhāmeti, āpatti thullaccayassa. Māsakaṃ vā ūnamāsakaṃ vā agghanakaṃ udakaṃ nikkhāmeti, āpatti dukkaṭassa.
༡༠༩. དནྟཔོཎཾ ནཱམ ཚིནྣཾ ཝཱ ཨཙྪིནྣཾ ཝཱ། པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
109.Dantapoṇaṃ nāma chinnaṃ vā acchinnaṃ vā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༡༡༠. ཝནཔྤཏི ནཱམ ཡོ མནུསྶཱནཾ པརིགྒཧིཏོ ཧོཏི རུཀྑོ པརིབྷོགོ། ཐེཡྻཙིཏྟོ ཚིནྡཏི, པཧཱརེ པཧཱརེ ཨཱཔཏྟི དུཀྐཊསྶ། ཨེཀཾ པཧཱརཾ ཨནཱགཏེ, ཨཱཔཏྟི ཐུལླཙྩཡསྶ། ཏསྨིཾ པཧཱརེ ཨཱགཏེ, ཨཱཔཏྟི པཱརཱཛིཀསྶ།
110.Vanappati nāma yo manussānaṃ pariggahito hoti rukkho paribhogo. Theyyacitto chindati, pahāre pahāre āpatti dukkaṭassa. Ekaṃ pahāraṃ anāgate, āpatti thullaccayassa. Tasmiṃ pahāre āgate, āpatti pārājikassa.
༡༡༡. ཧརཎཀཾ ནཱམ ཨཉྙསྶ ཧརཎཀཾ བྷཎྜཾ། ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། སཧབྷཎྜཧཱརཀཾ པདསཱ ནེསྶཱམཱིཏི པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ། དུཏིཡཾ པཱདཾ སངྐཱམེཏི, ཨཱཔཏྟི པཱརཱཛིཀསྶ། པཏིཏཾ བྷཎྜཾ གཧེསྶཱམཱིཏི པཱཏཱཔེཏི, ཨཱཔཏྟི དུཀྐཊསྶ། པཏིཏཾ བྷཎྜཾ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
111.Haraṇakaṃ nāma aññassa haraṇakaṃ bhaṇḍaṃ. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Sahabhaṇḍahārakaṃ padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa. Patitaṃ bhaṇḍaṃ gahessāmīti pātāpeti, āpatti dukkaṭassa. Patitaṃ bhaṇḍaṃ pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༡༡༢. ཨུཔནིདྷི ནཱམ ཨུཔནིཀྑིཏྟཾ བྷཎྜཾ། དེཧི མེ བྷཎྜནྟི ཝུཙྩམཱནོ ནཱཧཾ གཎྷཱམཱིཏི བྷཎཏི, ཨཱཔཏྟི དུཀྐཊསྶ། སཱམིཀསྶ ཝིམཏིཾ ཨུཔྤཱདེཏི , ཨཱཔཏྟི ཐུལླཙྩཡསྶ ། སཱམིཀོ ན མཡ྄ཧཾ དསྶཏཱིཏི དྷུརཾ ནིཀྑིཔཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ སཱམིཀཾ པརཱཛེཏི, ཨཱཔཏྟི པཱརཱཛིཀསྶ། དྷམྨཾ ཙརནྟོ པརཛྫཏི, ཨཱཔཏྟི ཐུལླཙྩཡསྶ།
112.Upanidhi nāma upanikkhittaṃ bhaṇḍaṃ. Dehi me bhaṇḍanti vuccamāno nāhaṃ gaṇhāmīti bhaṇati, āpatti dukkaṭassa. Sāmikassa vimatiṃ uppādeti , āpatti thullaccayassa . Sāmiko na mayhaṃ dassatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
༡༡༣. སུངྐགྷཱཏཾ ནཱམ རཉྙཱ ཋཔིཏཾ ཧོཏི པབྦཏཁཎྜེ ཝཱ ནདཱིཏིཏྠེ ཝཱ གཱམདྭཱརེ ཝཱ – ‘ཨཏྲ པཝིཊྛསྶ སུངྐཾ གཎྷནྟཱུ’ཏི། ཏཏྲ པཝིསིཏྭཱ རཱཛགྒཾ 25 བྷཎྜཾ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། པཋམཾ པཱདཾ སུངྐགྷཱཏཾ ཨཏིཀྐཱམེཏི, ཨཱཔཏྟི ཐུལླཙྩཡསྶ། དུཏིཡཾ པཱདཾ ཨཏིཀྐཱམེཏི, ཨཱཔཏྟི པཱརཱཛིཀསྶ། ཨནྟོསུངྐགྷཱཏེ ཋིཏོ བཧིསུངྐགྷཱཏཾ པཱཏེཏི, ཨཱཔཏྟི པཱརཱཛིཀསྶ། སུངྐཾ པརིཧརཏི, ཨཱཔཏྟི དུཀྐཊསྶ།
113.Suṅkaghātaṃ nāma raññā ṭhapitaṃ hoti pabbatakhaṇḍe vā nadītitthe vā gāmadvāre vā – ‘atra paviṭṭhassa suṅkaṃ gaṇhantū’ti. Tatra pavisitvā rājaggaṃ 26 bhaṇḍaṃ pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Paṭhamaṃ pādaṃ suṅkaghātaṃ atikkāmeti, āpatti thullaccayassa. Dutiyaṃ pādaṃ atikkāmeti, āpatti pārājikassa. Antosuṅkaghāte ṭhito bahisuṅkaghātaṃ pāteti, āpatti pārājikassa. Suṅkaṃ pariharati, āpatti dukkaṭassa.
༡༡༤. པཱཎོ ནཱམ མནུསྶཔཱཎོ ཝུཙྩཏི། ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། པདསཱ ནེསྶཱམཱིཏི པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ། དུཏིཡཾ པཱདཾ སངྐཱམེཏི, ཨཱཔཏྟི པཱརཱཛིཀསྶ།
114.Pāṇo nāma manussapāṇo vuccati. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa.
ཨཔདཾ ནཱམ ཨཧི མཙྪཱ། པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
Apadaṃ nāma ahi macchā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༡༡༥. དྭིཔདཾ ནཱམ མནུསྶཱ, པཀྑཛཱཏཱ། ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། པདསཱ ནེསྶཱམཱིཏི པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ། དུཏིཡཾ པཱདཾ སངྐཱམེཏི, ཨཱཔཏྟི པཱརཱཛིཀསྶ།
115.Dvipadaṃ nāma manussā, pakkhajātā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa.
༡༡༦. ཙཏུཔྤདཾ ནཱམ – ཧཏྠཱི ཨསྶཱ ཨོཊྛཱ གོཎཱ གདྲབྷཱ པསུཀཱ། ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། པདསཱ ནེསྶཱམཱིཏི པཋམཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ། དུཏིཡཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ། ཏཏིཡཾ པཱདཾ སངྐཱམེཏི, ཨཱཔཏྟི ཐུལླཙྩཡསྶ། ཙཏུཏྠཾ པཱདཾ སངྐཱམེཏི, ཨཱཔཏྟི པཱརཱཛིཀསྶ།
116.Catuppadaṃ nāma – hatthī assā oṭṭhā goṇā gadrabhā pasukā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti thullaccayassa. Tatiyaṃ pādaṃ saṅkāmeti, āpatti thullaccayassa. Catutthaṃ pādaṃ saṅkāmeti, āpatti pārājikassa.
༡༡༧. བཧུཔྤདཾ ནཱམ – ཝིཙྪིཀཱ སཏཔདཱི ཨུཙྩཱལིངྒཔཱཎཀཱ། པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ། པདསཱ ནེསྶཱམཱིཏི སངྐཱམེཏི, པདེ པདེ ཨཱཔཏྟི ཐུལླཙྩཡསྶ། པཙྪིམཾ པཱདཾ སངྐཱམེཏི, ཨཱཔཏྟི པཱརཱཛིཀསྶ།
117.Bahuppadaṃ nāma – vicchikā satapadī uccāliṅgapāṇakā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti saṅkāmeti, pade pade āpatti thullaccayassa. Pacchimaṃ pādaṃ saṅkāmeti, āpatti pārājikassa.
༡༡༨. ཨོཙརཀོ ནཱམ བྷཎྜཾ ཨོཙརིཏྭཱ ཨཱཙིཀྑཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ།
118.Ocarako nāma bhaṇḍaṃ ocaritvā ācikkhati – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ bhaṇḍaṃ avaharati, āpatti ubhinnaṃ pārājikassa.
ཨོཎིརཀྑོ ནཱམ ཨཱཧཊཾ བྷཎྜཾ གོཔེནྟོ པཉྩམཱསཀཾ ཝཱ ཨཏིརེཀཔཉྩམཱསཀཾ ཝཱ ཨགྒྷནཀཾ ཐེཡྻཙིཏྟོ ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
Oṇirakkho nāma āhaṭaṃ bhaṇḍaṃ gopento pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
སཾཝིདཱཝཧཱརོ ནཱམ སམྦཧུལཱ སཾཝིདཧིཏྭཱ ཨེཀོ བྷཎྜཾ ཨཝཧརཏི, ཨཱཔཏྟི སབྦེསཾ པཱརཱཛིཀསྶ།
Saṃvidāvahāro nāma sambahulā saṃvidahitvā eko bhaṇḍaṃ avaharati, āpatti sabbesaṃ pārājikassa.
༡༡༩. སངྐེཏཀམྨཾ ནཱམ སངྐེཏཾ ཀརོཏི – ‘‘པུརེབྷཏྟཾ ཝཱ པཙྪཱབྷཏྟཾ ཝཱ རཏྟིཾ ཝཱ དིཝཱ ཝཱ ཏེན སངྐེཏེན ཏཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། ཏེན སངྐེཏེན ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ། ཏཾ སངྐེཏཾ པུརེ ཝཱ པཙྪཱ ཝཱ ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི། ཨཝཧཱརཀསྶ ཨཱཔཏྟི པཱརཱཛིཀསྶ།
119.Saṅketakammaṃ nāma saṅketaṃ karoti – ‘‘purebhattaṃ vā pacchābhattaṃ vā rattiṃ vā divā vā tena saṅketena taṃ bhaṇḍaṃ avaharā’’ti, āpatti dukkaṭassa. Tena saṅketena taṃ bhaṇḍaṃ avaharati, āpatti ubhinnaṃ pārājikassa. Taṃ saṅketaṃ pure vā pacchā vā taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
༡༢༠. ནིམིཏྟཀམྨཾ ནཱམ ནིམིཏྟཾ ཀརོཏི། ཨཀྑིཾ ཝཱ ནིཁཎིསྶཱམི བྷམུཀཾ ཝཱ ཨུཀྑིཔིསྶཱམི སཱིསཾ ཝཱ ཨུཀྑིཔིསྶཱམི, ཏེན ནིམིཏྟེན ཏཾ བྷཎྜཾ ཨཝཧརཱཏི, ཨཱཔཏྟི དུཀྐཊསྶ། ཏེན ནིམིཏྟེན ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ། ཏཾ ནིམིཏྟཾ པུརེ ཝཱ པཙྪཱ ཝཱ ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི། ཨཝཧཱརཀསྶ ཨཱཔཏྟི པཱརཱཛིཀསྶ།
120.Nimittakammaṃ nāma nimittaṃ karoti. Akkhiṃ vā nikhaṇissāmi bhamukaṃ vā ukkhipissāmi sīsaṃ vā ukkhipissāmi, tena nimittena taṃ bhaṇḍaṃ avaharāti, āpatti dukkaṭassa. Tena nimittena taṃ bhaṇḍaṃ avaharati, āpatti ubhinnaṃ pārājikassa. Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
༡༢༡. བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཏཾ མཉྙམཱནོ ཏཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ།
121. Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ maññamāno taṃ avaharati, āpatti ubhinnaṃ pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཏཾ མཉྙམཱནོ ཨཉྙཾ ཨཝཧརཏི, མཱུལཊྛསྶ ཨནཱཔཏྟི། ཨཝཧཱརཀསྶ ཨཱཔཏྟི པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ maññamāno aññaṃ avaharati, mūlaṭṭhassa anāpatti. Avahārakassa āpatti pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཨཉྙཾ མཉྙམཱནོ ཏཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So aññaṃ maññamāno taṃ avaharati, āpatti ubhinnaṃ pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཨཉྙཾ མཉྙམཱནོ ཨཉྙཾ ཨཝཧརཏི, མཱུལཊྛསྶ ཨནཱཔཏྟི། ཨཝཧཱརཀསྶ ཨཱཔཏྟི པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So aññaṃ maññamāno aññaṃ avaharati, mūlaṭṭhassa anāpatti. Avahārakassa āpatti pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམསྶ པཱཝད – ‘ཨིཏྠནྣཱམོ ཨིཏྠནྣཱམསྶ པཱཝདཏུ – ཨིཏྠནྣཱམོ ཨིཏྠནྣཱམཾ བྷཎྜཾ ཨཝཧརཏཱུ’’’ཏི, ཨཱཔཏྟི དུཀྐཊསྶ། སོ ཨིཏརསྶ ཨཱརོཙེཏི, ཨཱཔཏྟི དུཀྐཊསྶ། ཨཝཧཱརཀོ པཊིགྒཎྷཱཏི, མཱུལཊྛསྶ ཨཱཔཏྟི ཐུལླཙྩཡསྶ། སོ ཏཾ བྷཎྜཾ ཨཝཧརཏི, ཨཱཔཏྟི སབྦེསཾ པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ bhaṇḍaṃ avaharatū’’’ti, āpatti dukkaṭassa. So itarassa āroceti, āpatti dukkaṭassa. Avahārako paṭiggaṇhāti, mūlaṭṭhassa āpatti thullaccayassa. So taṃ bhaṇḍaṃ avaharati, āpatti sabbesaṃ pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམསྶ པཱཝད – ‘ཨིཏྠནྣཱམོ ཨིཏྠནྣཱམསྶ པཱཝདཏུ – ཨིཏྠནྣཱམོ ཨིཏྠནྣཱམཾ བྷཎྜཾ ཨཝཧརཏཱུ’’’ཏི, ཨཱཔཏྟི དུཀྐཊསྶ། སོ ཨཉྙཾ ཨཱཎཱཔེཏི, ཨཱཔཏྟི དུཀྐཊསྶ། ཨཝཧཱརཀོ པཊིགྒཎྷཱཏི, ཨཱཔཏྟི དུཀྐཊསྶ། སོ ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི། ཨཱཎཱཔཀསྶ ཙ ཨཝཧཱརཀསྶ ཙ ཨཱཔཏྟི པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ bhaṇḍaṃ avaharatū’’’ti, āpatti dukkaṭassa. So aññaṃ āṇāpeti, āpatti dukkaṭassa. Avahārako paṭiggaṇhāti, āpatti dukkaṭassa. So taṃ bhaṇḍaṃ avaharati, mūlaṭṭhassa anāpatti. Āṇāpakassa ca avahārakassa ca āpatti pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ གནྟྭཱ པུན པཙྩཱགཙྪཏི – ‘‘ནཱཧཾ སཀྐོམི ཏཾ བྷཎྜཾ ཨཝཧརིཏུ’’ནྟི། སོ པུན ཨཱཎཱཔེཏི – ‘‘ཡདཱ སཀྐོསི ཏདཱ ཏཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So gantvā puna paccāgacchati – ‘‘nāhaṃ sakkomi taṃ bhaṇḍaṃ avaharitu’’nti. So puna āṇāpeti – ‘‘yadā sakkosi tadā taṃ bhaṇḍaṃ avaharā’’ti, āpatti dukkaṭassa. So taṃ bhaṇḍaṃ avaharati, āpatti ubhinnaṃ pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཨཱཎཱཔེཏྭཱ ཝིཔྤཊིསཱརཱི ན སཱཝེཏི – ‘‘མཱ ཨཝཧརཱི’’ཏི། སོ ཏཾ བྷཎྜཾ ཨཝཧརཏི, ཨཱཔཏྟི ཨུབྷིནྣཾ པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī na sāveti – ‘‘mā avaharī’’ti. So taṃ bhaṇḍaṃ avaharati, āpatti ubhinnaṃ pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཨཱཎཱཔེཏྭཱ ཝིཔྤཊིསཱརཱི སཱཝེཏི – ‘‘མཱ ཨཝཧརཱི’’ཏི། སོ ‘‘ཨཱཎཏྟོ ཨཧཾ ཏཡཱ’’ཏི, ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟི། ཨཝཧཱརཀསྶ ཨཱཔཏྟི པཱརཱཛིཀསྶ།
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī sāveti – ‘‘mā avaharī’’ti. So ‘‘āṇatto ahaṃ tayā’’ti, taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
བྷིཀྑུ བྷིཀྑུཾ ཨཱཎཱཔེཏི – ‘‘ཨིཏྠནྣཱམཾ བྷཎྜཾ ཨཝཧརཱ’’ཏི, ཨཱཔཏྟི དུཀྐཊསྶ། སོ ཨཱཎཱཔེཏྭཱ ཝིཔྤཊིསཱརཱི སཱཝེཏི – ‘‘མཱ ཨཝཧརཱི’’ཏི། སོ ‘‘སཱདྷཱུ’’ཏི 27? ཨོརམཏི, ཨུབྷིནྣཾ ཨནཱཔཏྟི།
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī sāveti – ‘‘mā avaharī’’ti. So ‘‘sādhū’’ti 28? Oramati, ubhinnaṃ anāpatti.
༡༢༢. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི པཱརཱཛིཀསྶ – པརཔརིགྒཧིཏཉྩ ཧོཏི, པརཔརིགྒཧིཏསཉྙཱི ཙ, གརུཀོ ཙ ཧོཏི པརིཀྑཱརོ, པཉྩམཱསཀོ ཝཱ ཨཏིརེཀཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
122. Pañcahi ākārehi adinnaṃ ādiyantassa āpatti pārājikassa – parapariggahitañca hoti, parapariggahitasaññī ca, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
༡༢༣. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི ཐུལླཙྩཡསྶ – པརཔརིགྒཧིཏཉྩ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, ཨཏིརེཀམཱསཀོ ཝཱ ཨཱུནཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི དུཀྐཊསྶ། ཋཱནཱ ཙཱཝེཏི, ཨཱཔཏྟི ཐུལླཙྩཡསྶ།
123. Pañcahi ākārehi adinnaṃ ādiyantassa āpatti thullaccayassa – parapariggahitañca hoti, parapariggahitasaññī ca, lahuko ca hoti parikkhāro, atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti thullaccayassa.
༡༢༤. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ། པརཔརིགྒཧིཏཉྩ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, མཱསཀོ ཝཱ ཨཱུནམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི དུཀྐཊསྶ། ཋཱནཱ ཙཱཝེཏི, ཨཱཔཏྟི དུཀྐཊསྶ།
124. Pañcahi ākārehi adinnaṃ ādiyantassa āpatti dukkaṭassa. Parapariggahitañca hoti, parapariggahitasaññī ca, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
༡༢༥. ཚཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི པཱརཱཛིཀསྶ། ན ཙ སཀསཉྙཱི, ན ཙ ཝིསྶཱསགྒཱཧཱི, ན ཙ ཏཱཝཀཱལིཀཾ, གརུཀོ ཙ ཧོཏི པརིཀྑཱརོ, པཉྩམཱསཀོ ཝཱ ཨཏིརེཀཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊས། ཕནྡཱཔེཏི, ཨཱཔཏྟི ཐུལླཙྩཡསྶ། ཋཱནཱ ཙཱཝེཏི, ཨཱཔཏྟི པཱརཱཛིཀསྶ།
125. Chahi ākārehi adinnaṃ ādiyantassa āpatti pārājikassa. Na ca sakasaññī, na ca vissāsaggāhī, na ca tāvakālikaṃ, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭasa. Phandāpeti, āpatti thullaccayassa. Ṭhānā cāveti, āpatti pārājikassa.
༡༢༦. ཚཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི ཐུལླཙྩཡསྶ། ན ཙ སཀསཉྙཱི, ན ཙ ཝིསྶཱསགྒཱཧཱི, ན ཙ ཏཱཝཀཱལིཀཾ, ལཧུཀོ ཙ ཧོཏི པརིཀྑཱརོ ཨཏིརེཀམཱསཀོ ཝཱ ཨཱུནཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི དུཀྐཊསྶ། ཋཱནཱ ཙཱཝེཏི, ཨཱཔཏྟི ཐུལླཙྩཡསྶ།
126. Chahi ākārehi adinnaṃ ādiyantassa āpatti thullaccayassa. Na ca sakasaññī, na ca vissāsaggāhī, na ca tāvakālikaṃ, lahuko ca hoti parikkhāro atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti thullaccayassa.
༡༢༧. ཚཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ། ན ཙ སཀསཉྙཱི, ན ཙ ཝིསྶཱསགྒཱཧཱི, ན ཙ ཏཱཝཀཱལིཀཾ, ལཧུཀོ ཙ ཧོཏི པརིཀྑཱརོ, མཱསཀོ ཝཱ ཨཱུནམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི དུཀྐཊསྶ། ཋཱནཱ ཙཱཝེཏི, ཨཱཔཏྟི དུཀྐཊསྶ།
127. Chahi ākārehi adinnaṃ ādiyantassa āpatti dukkaṭassa. Na ca sakasaññī, na ca vissāsaggāhī, na ca tāvakālikaṃ, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
༡༢༨. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ། ན ཙ པརཔརིགྒཧིཏཾ ཧོཏི, པརཔརིགྒཧིཏསཉྙཱི ཙ, གརུཀོ ཙ ཧོཏི པརིཀྑཱརོ, པཉྩམཱསཀོ ཝཱ ཨཏིརེཀཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི དུཀྐཊསྶ། ཋཱནཱ ཙཱཝེཏི, ཨཱཔཏྟི དུཀྐཊསྶ།
128. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
༡༢༩. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ། ན ཙ པརཔརིགྒཧིཏཾ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, ཨཏིརེཀམཱསཀོ ཝཱ ཨཱུནཔཉྩམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི དུཀྐཊསྶ། ཋཱནཱ ཙཱཝེཏི, ཨཱཔཏྟི དུཀྐཊསྶ།
129. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, lahuko ca hoti parikkhāro, atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
༡༣༠. པཉྩཧི ཨཱཀཱརེཧི ཨདིནྣཾ ཨཱདིཡནྟསྶ ཨཱཔཏྟི དུཀྐཊསྶ། ན ཙ པརཔརིགྒཧིཏཾ ཧོཏི, པརཔརིགྒཧིཏསཉྙཱི ཙ, ལཧུཀོ ཙ ཧོཏི པརིཀྑཱརོ, མཱསཀོ ཝཱ ཨཱུནམཱསཀོ ཝཱ, ཐེཡྻཙིཏྟཉྩ པཙྩུཔཊྛིཏཾ ཧོཏི། ཨཱམསཏི, ཨཱཔཏྟི དུཀྐཊསྶ། ཕནྡཱཔེཏི, ཨཱཔཏྟི དུཀྐཊསྶ། ཋཱནཱ ཙཱཝེཏི, ཨཱཔཏྟི དུཀྐཊསྶ།
130. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
༡༣༡. ཨནཱཔཏྟི སསཉྙིསྶ, ཝིསྶཱསགྒཱཧེ, ཏཱཝཀཱལིཀེ, པེཏཔརིགྒཧེ, ཏིརཙྪཱནགཏཔརིགྒཧེ, པཾསུཀཱུལསཉྙིསྶ, ཨུམྨཏྟཀསྶ, (ཁིཏྟཙིཏྟསྶ ཝེདནཱཊྚསྶ) 29 ཨཱདིཀམྨིཀསྶཱཏི།
131. Anāpatti sasaññissa, vissāsaggāhe, tāvakālike, petapariggahe, tiracchānagatapariggahe, paṃsukūlasaññissa, ummattakassa, (khittacittassa vedanāṭṭassa) 30 ādikammikassāti.
ཨདིནྣཱདཱནམྷི པཋམབྷཱཎཝཱརོ ནིཊྛིཏོ།
Adinnādānamhi paṭhamabhāṇavāro niṭṭhito.
ཝིནཱིཏཝཏྠུཨུདྡཱནགཱཐཱ
Vinītavatthuuddānagāthā
རཛཀེཧི པཉྩ ཨཀྑཱཏཱ, ཙཏུརོ ཨཏྠརཎེཧི ཙ།
Rajakehi pañca akkhātā, caturo attharaṇehi ca;
ཨནྡྷཀཱརེན ཝེ པཉྩ, པཉྩ ཧཱརཎཀེན ཙ༎
Andhakārena ve pañca, pañca hāraṇakena ca.
ནིརུཏྟིཡཱ པཉྩ ཨཀྑཱཏཱ, ཝཱཏེཧི ཨཔརེ དུཝེ།
Niruttiyā pañca akkhātā, vātehi apare duve;
ཝིགྷཱསེཧི པཉྩ ཨཀྑཱཏཱ, པཉྩ ཙེཝ ཨམཱུལཀཱ།
Vighāsehi pañca akkhātā, pañca ceva amūlakā;
ཚཔརིཀྑཱརཐཝིཀཱ , བྷིསིཝཾསཱ ན ནིཀྑམེ།
Chaparikkhārathavikā , bhisivaṃsā na nikkhame;
ཁཱདནཱིཡཉྩ ཝིསྶཱསཾ, སསཉྙཱཡཔརེ དུཝེ༎
Khādanīyañca vissāsaṃ, sasaññāyapare duve.
སཏྟ ནཱཝཧརཱམཱཏི, སཏྟ ཙེཝ ཨཝཱཧརུཾ།
Satta nāvaharāmāti, satta ceva avāharuṃ;
སངྒྷསྶ ཨཝཧརུཾ སཏྟ, པུཔྥེཧི ཨཔརེ དུཝེ༎
Saṅghassa avaharuṃ satta, pupphehi apare duve.
ཏཡོ ཙ ཝུཏྟཝཱདིནོ, མཎི ཏཱིཎི ཨཏིཀྐམེ།
Tayo ca vuttavādino, maṇi tīṇi atikkame;
སཱུཀརཱ ཙ མིགཱ མཙྪཱ, ཡཱནཉྩཱཔི པཝཏྟཡི༎
Sūkarā ca migā macchā, yānañcāpi pavattayi.
དུཝེ པེསཱི དུཝེ དཱརཱུ, པཾསུཀཱུལཾ དུཝེ དཀཱ།
Duve pesī duve dārū, paṃsukūlaṃ duve dakā;
ཨནུཔུབྦཝིདྷཱནེན , ཏདཉྙོ ན པརིཔཱུརཡི༎
Anupubbavidhānena , tadañño na paripūrayi.
སཱཝཏྠིཡཱ ཙཏུརོ མུཊྛཱི, དྭེ ཝིགྷཱསཱ དུཝེ ཏིཎཱ།
Sāvatthiyā caturo muṭṭhī, dve vighāsā duve tiṇā;
སངྒྷསྶ བྷཱཛཡུཾ སཏྟ, སཏྟ ཙེཝ ཨསྶཱམིཀཱ༎
Saṅghassa bhājayuṃ satta, satta ceva assāmikā.
དཱརུདཀཱ མཏྟིཀཱ དྭེ ཏིཎཱནི།
Dārudakā mattikā dve tiṇāni;
སངྒྷསྶ སཏྟ ཨཝཧཱསི སེཡྻཾ།
Saṅghassa satta avahāsi seyyaṃ;
སསྶཱམིཀཾ ན ཙཱཔི ནཱིཧརེཡྻ།
Sassāmikaṃ na cāpi nīhareyya;
ཧརེཡྻ སསྶཱམིཀཾ ཏཱཝཀཱལིཀཾ༎
Hareyya sassāmikaṃ tāvakālikaṃ.
ཙམྤཱ རཱཛགཧེ ཙེཝ, ཝེསཱལིཡཱ ཙ ཨཛྫུཀོ།
Campā rājagahe ceva, vesāliyā ca ajjuko;
བཱརཱཎསཱི ཙ ཀོསམྦཱི, སཱགལཱ དལ༹ྷིཀེན ཙཱཏི༎
Bārāṇasī ca kosambī, sāgalā daḷhikena cāti.
ཝིནཱིཏཝཏྠུ
Vinītavatthu
༡༣༢. ཏེན ཁོ པན སམཡེན ཚབྦགྒིཡཱ བྷིཀྑཱུ རཛཀཏྠརཎཾ གནྟྭཱ རཛཀབྷཎྜིཀཾ ཨཝཧརིཾསུ། ཏེསཾ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ། ཀཙྩི ནུ ཁོ མཡཾ པཱརཱཛིཀཾ ཨཱཔཏྟིཾ ཨཱཔནྣཱ’’ཏི ། བྷགཝཏོ ཨེཏམཏྠཾ ཨཱརོཙེསུཾ། ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི།
132. Tena kho pana samayena chabbaggiyā bhikkhū rajakattharaṇaṃ gantvā rajakabhaṇḍikaṃ avahariṃsu. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ. Kacci nu kho mayaṃ pārājikaṃ āpattiṃ āpannā’’ti . Bhagavato etamatthaṃ ārocesuṃ. ‘‘Āpattiṃ tumhe, bhikkhave, āpannā pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟཾ ཨུཔྤཱདེསི། ཏསྶ ཀུཀྐུཙྩཾ ཨཧོསི – ‘‘བྷགཝཏཱ སིཀྑཱཔདཾ པཉྙཏྟཾ, ཀཙྩི ནུ ཁོ ཨཧཾ པཱརཱཛིཀཾ ཨཱཔཏྟིཾ ཨཱཔནྣོ’’ཏི? བྷགཝཏོ ཨེཏམཏྠཾ ཨཱརོཙེསི། ‘‘ཨནཱཔཏྟི, བྷིཀྑུ, ཙིཏྟུཔྤཱདེ’’ཏི།
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacittaṃ uppādesi. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, cittuppāde’’ti.
ཏེན ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟོ ཨཱམསི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto āmasi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
ཏེན ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟོ ཕནྡཱཔེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ཨཱཔཏྟི ཐུལླཙྩཡསྶཱ’’ཏི།
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto phandāpesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti thullaccayassā’’ti.
ཏེན ཁོ པན སམཡེན ཨཉྙཏརོ བྷིཀྑུ རཛཀཏྠརཎཾ གནྟྭཱ མཧགྒྷཾ དུསྶཾ པསྶིཏྭཱ ཐེཡྻཙིཏྟོ ཋཱནཱ ཙཱཝེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto ṭhānā cāvesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༣༣. ཏེན ཁོ པན སམཡེན ཨཉྙཏརོ པིཎྜཙཱརིཀོ བྷིཀྑུ མཧགྒྷཾ ཨུཏྟརཏྠརཎཾ པསྶིཏྭཱ ཐེཡྻཙིཏྟཾ ཨུཔྤཱདེསི…པེ॰… ཐེཡྻཙིཏྟོ ཨཱམསི…པེ॰… ཐེཡྻཙིཏྟོ ཕནྡཱཔེསི…པེ॰… ཐེཡྻཙིཏྟོ ཋཱནཱ ཙཱཝེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
133. Tena kho pana samayena aññataro piṇḍacāriko bhikkhu mahagghaṃ uttarattharaṇaṃ passitvā theyyacittaṃ uppādesi…pe… theyyacitto āmasi…pe… theyyacitto phandāpesi…pe… theyyacitto ṭhānā cāvesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༣༤. ཏེན ཁོ པན སམཡེན ཨཉྙཏརོ བྷིཀྑུ དིཝཱ བྷཎྜཾ པསྶིཏྭཱ ནིམིཏྟཾ ཨཀཱསི – ‘རཏྟིཾ ཨཝཧརིསྶཱམཱི’ཏི། སོ ཏཾ མཉྙམཱནོ ཏཾ ཨཝཧརི…པེ॰… ཏཾ མཉྙམཱནོ ཨཉྙཾ ཨཝཧརི…པེ॰… ཨཉྙཾ མཉྙམཱནོ ཏཾ ཨཝཧརི…པེ॰… ཨཉྙཾ མཉྙམཱནོ ཨཉྙཾ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི །
134. Tena kho pana samayena aññataro bhikkhu divā bhaṇḍaṃ passitvā nimittaṃ akāsi – ‘rattiṃ avaharissāmī’ti. So taṃ maññamāno taṃ avahari…pe… taṃ maññamāno aññaṃ avahari…pe… aññaṃ maññamāno taṃ avahari…pe… aññaṃ maññamāno aññaṃ avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti .
ཏེན ཁོ པན སམཡེན ཨཉྙཏརོ བྷིཀྑུ དིཝཱ བྷཎྜཾ པསྶིཏྭཱ ནིམིཏྟཾ ཨཀཱསི – ‘‘རཏྟིཾ ཨཝཧརིསྶཱམཱི’’ཏི། སོ ཏཾ མཉྙམཱནོ ཨཏྟནོ བྷཎྜཾ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu divā bhaṇḍaṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno attano bhaṇḍaṃ avahari. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
ཏེན ཁོ པན སམཡེན ཨཉྙཏརོ བྷིཀྑུ ཨཉྙསྶ བྷཎྜཾ ཧརནྟོ སཱིསེ བྷཱརཾ ཐེཡྻཙིཏྟོ ཨཱམསི…པེ॰… ཐེཡྻཙིཏྟོ ཕནྡཱཔེསི…པེ॰… ཐེཡྻཙིཏྟོ ཁནྡྷཾ ཨོརོཔེསི…པེ॰… ཁནྡྷེ བྷཱརཾ ཐེཡྻཙིཏྟོ ཨཱམསི…པེ॰… ཐེཡྻཙིཏྟོ ཕནྡཱཔེསི…པེ॰… ཐེཡྻཙིཏྟོ ཀཊིཾ ཨོརོཔེསི…པེ॰… ཀཊིཡཱ བྷཱརཾ ཐེཡྻཙིཏྟོ ཨཱམསི…པེ॰… ཐེཡྻཙིཏྟོ ཕནྡཱཔེསི…པེ॰… ཐེཡྻཙིཏྟོ ཧཏྠེན ཨགྒཧེསི…པེ॰… ཧཏྠེ བྷཱརཾ ཐེཡྻཙིཏྟོ བྷཱུམིཡཾ ནིཀྑིཔི…པེ॰… ཐེཡྻཙིཏྟོ བྷཱུམིཏོ ཨགྒཧེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu aññassa bhaṇḍaṃ haranto sīse bhāraṃ theyyacitto āmasi…pe… theyyacitto phandāpesi…pe… theyyacitto khandhaṃ oropesi…pe… khandhe bhāraṃ theyyacitto āmasi…pe… theyyacitto phandāpesi…pe… theyyacitto kaṭiṃ oropesi…pe… kaṭiyā bhāraṃ theyyacitto āmasi…pe… theyyacitto phandāpesi…pe… theyyacitto hatthena aggahesi…pe… hatthe bhāraṃ theyyacitto bhūmiyaṃ nikkhipi…pe… theyyacitto bhūmito aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༣༥. ཏེན ཁོ པན སམཡེན ཨཉྙཏརོ བྷིཀྑུ ཨཛ྄ཛྷོཀཱསེ ཙཱིཝརཾ པཏྠརིཏྭཱ ཝིཧཱརཾ པཱཝིསི། ཨཉྙཏརོ བྷིཀྑུ – ‘མཱཡིདཾ ཙཱིཝརཾ ནསྶཱི’ཏི, པཊིསཱམེསི། སོ ནིཀྑམིཏྭཱ ཏཾ བྷིཀྑུཾ པུཙྪི – ‘‘ཨཱཝུསོ, མཡ྄ཧཾ ཙཱིཝརཾ ཀེན ཨཝཧཊ’’ནྟི ? སོ ཨེཝམཱཧ – ‘‘མཡཱ ཨཝཧཊ’’ནྟི། ‘‘སོ ཏཾ ཨཱདིཡི, ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰…། བྷགཝཏོ ཨེཏམཏྠཾ ཨཱརོཙེསི། ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནིརུཏྟིཔཐོ ཨཧཾ, བྷགཝཱ’’ཏི། ‘‘ཨནཱཔཏྟི, བྷིཀྑུ, ནིརུཏྟིཔཐེ’’ཏི།
135. Tena kho pana samayena aññataro bhikkhu ajjhokāse cīvaraṃ pattharitvā vihāraṃ pāvisi. Aññataro bhikkhu – ‘māyidaṃ cīvaraṃ nassī’ti, paṭisāmesi. So nikkhamitvā taṃ bhikkhuṃ pucchi – ‘‘āvuso, mayhaṃ cīvaraṃ kena avahaṭa’’nti ? So evamāha – ‘‘mayā avahaṭa’’nti. ‘‘So taṃ ādiyi, assamaṇosi tva’’nti. Tassa kukkuccaṃ ahosi…pe…. Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Niruttipatho ahaṃ, bhagavā’’ti. ‘‘Anāpatti, bhikkhu, niruttipathe’’ti.
ཏེན ཁོ པན སམཡེན ཨཉྙཏརོ བྷིཀྑུ པཱིཋེ ཙཱིཝརཾ ནིཀྑིཔིཏྭཱ། པཱིཋེ ནིསཱིདནཾ ནིཀྑིཔིཏྭཱ… ཧེཊྛཱཔཱིཋེ པཏྟཾ ནིཀྑིཔིཏྭཱ ཝིཧཱརཾ པཱཝིསི། ཨཉྙཏརོ བྷིཀྑུ – ‘‘མཱཡཾ པཏྟོ ནསྶཱི’’ཏི པཊིསཱམེསི། སོ ནིཀྑམིཏྭཱ ཏཾ བྷིཀྑུཾ པུཙྪི – ‘‘ཨཱཝུསོ, མཡ྄ཧཾ པཏྟོ ཀེན ཨཝཧཊོ’’ཏི? སོ ཨེཝམཱཧ – ‘‘མཡཱ ཨཝཧཊོ’’ཏི། ‘‘སོ ཏཾ ཨཱདིཡི, ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ནིརུཏྟིཔཐེ’’ཏི།
Tena kho pana samayena aññataro bhikkhu pīṭhe cīvaraṃ nikkhipitvā. Pīṭhe nisīdanaṃ nikkhipitvā… heṭṭhāpīṭhe pattaṃ nikkhipitvā vihāraṃ pāvisi. Aññataro bhikkhu – ‘‘māyaṃ patto nassī’’ti paṭisāmesi. So nikkhamitvā taṃ bhikkhuṃ pucchi – ‘‘āvuso, mayhaṃ patto kena avahaṭo’’ti? So evamāha – ‘‘mayā avahaṭo’’ti. ‘‘So taṃ ādiyi, assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, niruttipathe’’ti.
ཏེན ཁོ པན སམཡེན ཨཉྙཏརཱ བྷིཀྑུནཱི ཝཏིཡཱ ཙཱིཝརཾ པཏྠརིཏྭཱ ཝིཧཱརཾ པཱཝིསི། ཨཉྙཏརཱ བྷིཀྑུནཱི – ‘མཱཡིདཾ ཙཱིཝརཾ ནསྶཱི’ཏི པཊིསཱམེསི། སཱ ནིཀྑམིཏྭཱ ཏཾ བྷིཀྑུནིཾ པུཙྪི – ‘‘ཨཡྻེ, མཡ྄ཧཾ ཙཱིཝརཾ ཀེན ཨཝཧཊ’’ནྟི? སཱ ཨེཝམཱཧ – ‘‘མཡཱ ཨཝཧཊ’’ནྟི། ‘‘སཱ ཏཾ ཨཱདིཡི, ཨསྶམཎཱིསི ཏྭ’’ནྟི། ཏསྶཱ ཀུཀྐུཙྩཾ ཨཧོསི། ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི། བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ། བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ…པེ॰… ‘‘ཨནཱཔཏྟི, བྷིཀྑཝེ, ནིརུཏྟིཔཐེ’’ཏི།
Tena kho pana samayena aññatarā bhikkhunī vatiyā cīvaraṃ pattharitvā vihāraṃ pāvisi. Aññatarā bhikkhunī – ‘māyidaṃ cīvaraṃ nassī’ti paṭisāmesi. Sā nikkhamitvā taṃ bhikkhuniṃ pucchi – ‘‘ayye, mayhaṃ cīvaraṃ kena avahaṭa’’nti? Sā evamāha – ‘‘mayā avahaṭa’’nti. ‘‘Sā taṃ ādiyi, assamaṇīsi tva’’nti. Tassā kukkuccaṃ ahosi. Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ…pe… ‘‘anāpatti, bhikkhave, niruttipathe’’ti.
༡༣༦. ཏེན ཁོ པན སམཡེན ཨཉྙཏརོ བྷིཀྑུ ཝཱཏམཎྜལིཀཱཡ ཨུཀྑིཏྟཾ སཱཊཀཾ པསྶིཏྭཱ སཱམིཀཱནཾ དསྶཱམཱིཏི, ཨགྒཧེསི། སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾཙིཏྟོ ཏྭཾ བྷིཀྑཱུ’’ཏི? ‘‘ཨཐེཡྻཙིཏྟོ ཨཧཾ, བྷགཝཱ’’ཏི། ཨནཱཔཏྟི, བྷིཀྑུ, ཨཐེཡྻཙིཏྟསྶཱ’’ཏི།
136. Tena kho pana samayena aññataro bhikkhu vātamaṇḍalikāya ukkhittaṃ sāṭakaṃ passitvā sāmikānaṃ dassāmīti, aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃcitto tvaṃ bhikkhū’’ti? ‘‘Atheyyacitto ahaṃ, bhagavā’’ti. Anāpatti, bhikkhu, atheyyacittassā’’ti.
ཏེན ཁོ པན སམཡེན ཨཉྙཏརོ བྷིཀྑུ ཝཱཏམཎྜལིཀཱཡ ཨུཀྑིཏྟཾ ཝེཋནཾ པསྶིཏྭཱ ‘པུརེ སཱམིཀཱ པསྶནྟཱི’ཏི ཐེཡྻཙིཏྟོ ཨགྒཧེསི། སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu vātamaṇḍalikāya ukkhittaṃ veṭhanaṃ passitvā ‘pure sāmikā passantī’ti theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༣༧. ཏེན ཁོ པན སམཡེན ཨཉྙཏརོ བྷིཀྑུ སུསཱནཾ གནྟྭཱ ཨབྷིནྣེ སརཱིརེ པཾསུཀཱུལཾ ཨགྒཧེསི། ཏསྨིཉྩ སརཱིརེ པེཏོ ཨདྷིཝཏྠོ ཧོཏི ། ཨཐ ཁོ སོ པེཏོ ཏཾ བྷིཀྑུཾ ཨེཏདཝོཙ – ‘‘མཱ, བྷནྟེ, མཡ྄ཧཾ སཱཊཀཾ ཨགྒཧེསཱི’’ཏི། སོ བྷིཀྑུ ཨནཱདིཡནྟོ ཨགམཱསི ། ཨཐ ཁོ ཏཾ སརཱིརཾ ཨུཊྛཧིཏྭཱ ཏསྶ བྷིཀྑུནོ པིཊྛིཏོ པིཊྛིཏོ ཨནུབནྡྷི། ཨཐ ཁོ སོ བྷིཀྑུ ཝིཧཱརཾ པཝིསིཏྭཱ དྭཱརཾ ཐཀེསི། ཨཐ ཁོ ཏཾ སརཱིརཾ ཏཏྠེཝ པརིཔཏི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ན ཙ, བྷིཀྑཝེ, ཨབྷིནྣེ སརཱིརེ པཾསུཀཱུལཾ གཧེཏབྦཾ། སོ གཎྷེཡྻ, ཨཱཔཏྟི དུཀྐཊསྶཱ’’ཏི།
137. Tena kho pana samayena aññataro bhikkhu susānaṃ gantvā abhinne sarīre paṃsukūlaṃ aggahesi. Tasmiñca sarīre peto adhivattho hoti . Atha kho so peto taṃ bhikkhuṃ etadavoca – ‘‘mā, bhante, mayhaṃ sāṭakaṃ aggahesī’’ti. So bhikkhu anādiyanto agamāsi . Atha kho taṃ sarīraṃ uṭṭhahitvā tassa bhikkhuno piṭṭhito piṭṭhito anubandhi. Atha kho so bhikkhu vihāraṃ pavisitvā dvāraṃ thakesi. Atha kho taṃ sarīraṃ tattheva paripati. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, abhinne sarīre paṃsukūlaṃ gahetabbaṃ. So gaṇheyya, āpatti dukkaṭassā’’ti.
༡༣༨. ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ ཙཱིཝརེ བྷཱཛཱིཡམཱནེ ཐེཡྻཙིཏྟོ ཀུསཾ སངྐཱམེཏྭཱ ཙཱིཝརཾ ཨགྒཧེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
138. Tena kho pana samayena aññataro bhikkhu saṅghassa cīvare bhājīyamāne theyyacitto kusaṃ saṅkāmetvā cīvaraṃ aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༣༩. ཏེན ཁོ པན སམཡེན ཨཱཡསྨཱ ཨཱནནྡོ ཛནྟཱགྷརེ ཨཉྙཏརསྶ བྷིཀྑུནོ ཨནྟརཝཱསཀཾ ཨཏྟནོ མཉྙམཱནོ ནིཝཱསེསི། ཨཐ ཁོ སོ བྷིཀྑུ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཀིསྶ མེ ཏྭཾ, ཨཱཝུསོ ཨཱནནྡ, ཨནྟརཝཱསཀཾ ནིཝཱསེསཱི’’ཏི? ‘‘སཀསཉྙཱི ཨཧཾ, ཨཱཝུསོ’’ཏི། བྷགཝཏོ ཨེཏམཏྠཾ ཨཱརོཙེསུཾ། ‘‘ཨནཱཔཏྟི, བྷིཀྑཝེ, སཀསཉྙིསྶཱ’’ཏི།
139. Tena kho pana samayena āyasmā ānando jantāghare aññatarassa bhikkhuno antaravāsakaṃ attano maññamāno nivāsesi. Atha kho so bhikkhu āyasmantaṃ ānandaṃ etadavoca – ‘‘kissa me tvaṃ, āvuso ānanda, antaravāsakaṃ nivāsesī’’ti? ‘‘Sakasaññī ahaṃ, āvuso’’ti. Bhagavato etamatthaṃ ārocesuṃ. ‘‘Anāpatti, bhikkhave, sakasaññissā’’ti.
༡༤༠. ཏེན ཁོ པན སམཡེན སམྦཧུལཱ བྷིཀྑཱུ གིཛ྄ཛྷཀཱུཊཱ པབྦཏཱ ཨོརོཧནྟཱ སཱིཧཝིགྷཱསཾ པསྶིཏྭཱ པཙཱཔེཏྭཱ པརིབྷུཉྫིཾསུ། ཏེསཾ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, སཱིཧཝིགྷཱསེ’’ཏི།
140. Tena kho pana samayena sambahulā bhikkhū gijjhakūṭā pabbatā orohantā sīhavighāsaṃ passitvā pacāpetvā paribhuñjiṃsu. Tesaṃ kukkuccaṃ ahosi…pe… ‘‘anāpatti, bhikkhave, sīhavighāse’’ti.
ཏེན ཁོ པན སམཡེན སམྦཧུལཱ བྷིཀྑཱུ གིཛ྄ཛྷཀཱུཊཱ པབྦཏཱ ཨོརོཧནྟཱ བྱགྒྷཝིགྷཱསཾ པསྶིཏྭཱ… དཱིཔིཝིགྷཱསཾ པསྶིཏྭཱ… ཏརཙྪཝིགྷཱསཾ པསྶིཏྭཱ… ཀོཀཝིགྷཱསཾ པསྶིཏྭཱ པཙཱཔེཏྭཱ པརིབྷུཉྫིཾསུ། ཏེསཾ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, ཏིརཙྪཱནགཏཔརིགྒཧེ’’ཏི།
Tena kho pana samayena sambahulā bhikkhū gijjhakūṭā pabbatā orohantā byagghavighāsaṃ passitvā… dīpivighāsaṃ passitvā… taracchavighāsaṃ passitvā… kokavighāsaṃ passitvā pacāpetvā paribhuñjiṃsu. Tesaṃ kukkuccaṃ ahosi…pe… ‘‘anāpatti, bhikkhave, tiracchānagatapariggahe’’ti.
༡༤༡. ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ ཨོདནེ བྷཱཛཱིཡམཱནེ – ‘ཨཔརསྶ བྷཱགཾ དེཧཱི’ཏི ཨམཱུལཀཾ ཨགྒཧེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ཨཱཔཏྟི སམྤཛཱནམུསཱཝཱདེ པཱཙིཏྟིཡསྶཱ’’ཏི།
141. Tena kho pana samayena aññataro bhikkhu saṅghassa odane bhājīyamāne – ‘aparassa bhāgaṃ dehī’ti amūlakaṃ aggahesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti sampajānamusāvāde pācittiyassā’’ti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ ཁཱདནཱིཡེ བྷཱཛིཡམཱནེ… སངྒྷསྶ པཱུཝེ བྷཱཛིཡམཱནེ… སངྒྷསྶ ཨུཙྪུམྷི བྷཱཛིཡམཱནེ… སངྒྷསྶ ཏིམྦརཱུསཀེ བྷཱཛིཡམཱནེ – ‘ཨཔརསྶ བྷཱགཾ དེཧཱི’ཏི ཨམཱུལཀཾ ཨགྒཧེསི། ཏསྶ ཀུཀྐུཙྩཾ ཨཧོསི…པེ॰…། ‘‘ཨནཱཔཏྟི, བྷིཀྑུ, པཱརཱཛིཀསྶ། ཨཱཔཏྟི སམྤཛཱནམུསཱཝཱདེ པཱཙིཏྟིཡསྶཱ’’ཏི།
Tena kho pana samayena aññataro bhikkhu saṅghassa khādanīye bhājiyamāne… saṅghassa pūve bhājiyamāne… saṅghassa ucchumhi bhājiyamāne… saṅghassa timbarūsake bhājiyamāne – ‘aparassa bhāgaṃ dehī’ti amūlakaṃ aggahesi. Tassa kukkuccaṃ ahosi…pe…. ‘‘Anāpatti, bhikkhu, pārājikassa. Āpatti sampajānamusāvāde pācittiyassā’’ti.
༡༤༢. ཏེན ཁོ པན སམཡེན ཨཉྙཏརོ བྷིཀྑུ དུབྦྷིཀྑེ ཨོདནཱིཡགྷརཾ པཝིསིཏྭཱ པཏྟཔཱུརཾ ཨོདནཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
142. Tena kho pana samayena aññataro bhikkhu dubbhikkhe odanīyagharaṃ pavisitvā pattapūraṃ odanaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ དུབྦྷིཀྑེ སཱུནགྷརཾ 35 པཝིསིཏྭཱ པཏྟཔཱུརཾ མཾསཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu dubbhikkhe sūnagharaṃ 36 pavisitvā pattapūraṃ maṃsaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ དུབྦྷིཀྑེ པཱུཝགྷརཾ པཝིསིཏྭཱ པཏྟཔཱུརཾ པཱུཝཾ ཐེཡྻཙིཏྟོ ཨཝཧརི…པེ॰… པཏྟཔཱུརཱ སཀྑལིཡོ ཐེཡྻཙིཏྟོ ཨཝཧརི…པེ॰… པཏྟཔཱུརེ མོདཀེ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu dubbhikkhe pūvagharaṃ pavisitvā pattapūraṃ pūvaṃ theyyacitto avahari…pe… pattapūrā sakkhaliyo theyyacitto avahari…pe… pattapūre modake theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༤༣. ཏེན ཁོ པན སམཡེན ཨཉྙཏརོ བྷིཀྑུ དིཝཱ པརིཀྑཱརཾ པསྶིཏྭཱ ནིམིཏྟཾ ཨཀཱསི – ‘‘རཏྟིཾ ཨཝཧརིསྶཱམཱི’’ཏི། སོ ཏཾ མཉྙམཱནོ ཏཾ ཨཝཧརི…པེ॰… ཏཾ མཉྙམཱནོ ཨཉྙཾ ཨཝཧརི…པེ॰… ཨཉྙཾ མཉྙམཱནོ ཏཾ ཨཝཧརི…པེ॰… ཨཉྙཾ མཉྙམཱནོ ཨཉྙཾ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
143. Tena kho pana samayena aññataro bhikkhu divā parikkhāraṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno taṃ avahari…pe… taṃ maññamāno aññaṃ avahari…pe… aññaṃ maññamāno taṃ avahari…pe… aññaṃ maññamāno aññaṃ avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ དིཝཱ པརིཀྑཱརཾ པསྶིཏྭཱ ནིམིཏྟཾ ཨཀཱསི – ‘‘རཏྟིཾ ཨཝཧརིསྶཱམཱི’’ཏི། སོ ཏཾ མཉྙམཱནོ ཨཏྟནོ པརིཀྑཱརཾ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu divā parikkhāraṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno attano parikkhāraṃ avahari. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
༡༤༤. ཏེན ཁོ པན སམཡེན ཨཉྙཏརོ བྷིཀྑུ པཱིཋེ ཐཝིཀཾ པསྶིཏྭཱ – ‘‘ཨིཏོ གཎྷནྟོ པཱརཱཛིཀོ བྷཝིསྶཱམཱི’’ཏི སཧ པཱིཋཀེན སངྐཱམེཏྭཱ ཨགྒཧེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
144. Tena kho pana samayena aññataro bhikkhu pīṭhe thavikaṃ passitvā – ‘‘ito gaṇhanto pārājiko bhavissāmī’’ti saha pīṭhakena saṅkāmetvā aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ བྷིསིཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu saṅghassa bhisiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༤༥. ཏེན ཁོ པན སམཡེན ཨཉྙཏརོ བྷིཀྑུ ཙཱིཝརཝཾསེ ཙཱིཝརཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
145. Tena kho pana samayena aññataro bhikkhu cīvaravaṃse cīvaraṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༤༦. ཏེན ཁོ པན སམཡེན དྭེ བྷིཀྑཱུ སཧཱཡཀཱ ཧོནྟི། ཨེཀོ བྷིཀྑུ གཱམཾ པིཎྜཱཡ པཱཝིསི། དུཏིཡོ བྷིཀྑུ སངྒྷསྶ ཁཱདནཱིཡེ བྷཱཛཱིཡམཱནེ སཧཱཡཀསྶ བྷཱགཾ གཧེཏྭཱ ཏསྶ ཝིསྶསནྟོ པརིབྷུཉྫི། སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾ ཙིཏྟོ ཏྭཾ, བྷིཀྑཱུ’’ཏི? ‘‘ཝིསྶཱསགྒཱཧོ ཨཧཾ, བྷགཝཱ’’ཏི། ‘‘ཨནཱཔཏྟི, བྷིཀྑུ, ཝིསྶཱསགྒཱཧེ’’ཏི།
146. Tena kho pana samayena dve bhikkhū sahāyakā honti. Eko bhikkhu gāmaṃ piṇḍāya pāvisi. Dutiyo bhikkhu saṅghassa khādanīye bhājīyamāne sahāyakassa bhāgaṃ gahetvā tassa vissasanto paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃ citto tvaṃ, bhikkhū’’ti? ‘‘Vissāsaggāho ahaṃ, bhagavā’’ti. ‘‘Anāpatti, bhikkhu, vissāsaggāhe’’ti.
༡༤༧. ཏེན ཁོ པན སམཡེན སམྦཧུལཱ བྷིཀྑཱུ ཙཱིཝརཀམྨཾ ཀརོནྟི། སངྒྷསྶ ཁཱདནཱིཡེ བྷཱཛཱིཡམཱནེ སབྦེསཾ པཊིཝིསཱ ཨཱཧརིཏྭཱ ཨུཔནིཀྑིཏྟཱ ཧོནྟི། ཨཉྙཏརོ བྷིཀྑུ ཨཉྙཏརསྶ བྷིཀྑུནོ པཊིཝིསཾ ཨཏྟནོ མཉྙམཱནོ པརིབྷུཉྫི། སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘སཀསཉྙཱི ཨཧཾ, བྷགཝཱ’’ཏི། ‘‘ཨནཱཔཏྟི, བྷིཀྑུ, སཀསཉྙིསྶཱ’’ཏི།
147. Tena kho pana samayena sambahulā bhikkhū cīvarakammaṃ karonti. Saṅghassa khādanīye bhājīyamāne sabbesaṃ paṭivisā āharitvā upanikkhittā honti. Aññataro bhikkhu aññatarassa bhikkhuno paṭivisaṃ attano maññamāno paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Sakasaññī ahaṃ, bhagavā’’ti. ‘‘Anāpatti, bhikkhu, sakasaññissā’’ti.
ཏེན ཁོ པན སམཡེན སམྦཧུལཱ བྷིཀྑཱུ ཙཱིཝརཀམྨཾ ཀརོནྟི། སངྒྷསྶ ཁཱདནཱིཡེ བྷཱཛིཡམཱནེ ཨཉྙཏརསྶ བྷིཀྑུནོ པཏྟེན ཨཉྙཏརསྶ བྷིཀྑུནོ པཊིཝིསོ ཨཱཧརིཏྭཱ ཨུཔནིཀྑིཏྟོ ཧོཏི། པཏྟསཱམིཀོ བྷིཀྑུ ཨཏྟནོ མཉྙམཱནོ པརིབྷུཉྫི། སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, སཀསཉྙིསྶཱ’’ཏི།
Tena kho pana samayena sambahulā bhikkhū cīvarakammaṃ karonti. Saṅghassa khādanīye bhājiyamāne aññatarassa bhikkhuno pattena aññatarassa bhikkhuno paṭiviso āharitvā upanikkhitto hoti. Pattasāmiko bhikkhu attano maññamāno paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, sakasaññissā’’ti.
༡༤༨. ཏེན ཁོ པན སམཡེན ཨམྦཙོརཀཱ ཨམྦཾ པཱཏེཏྭཱ བྷཎྜིཀཾ ཨཱདཱཡ ཨགམཾསུ། སཱམིཀཱ ཏེ ཙོརཀེ ཨནུབནྡྷིཾསུ། ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ པལཱཡིཾསུ། བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ། སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… བྷགཝཏོ ཨེཏམཏྠཾ ཨཱརོཙེསུཾ། ‘‘ཀིཾཙིཏྟཱ ཏུམྷེ, བྷིཀྑཝེ’’ཏི? ‘‘པཾསུཀཱུལསཉྙིནོ མཡཾ, བྷགཝཱ’’ཏི། ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི།
148. Tena kho pana samayena ambacorakā ambaṃ pātetvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū paṃsukūlasaññino paṭiggahāpetvā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… bhagavato etamatthaṃ ārocesuṃ. ‘‘Kiṃcittā tumhe, bhikkhave’’ti? ‘‘Paṃsukūlasaññino mayaṃ, bhagavā’’ti. ‘‘Anāpatti, bhikkhave, paṃsukūlasaññissā’’ti.
ཏེན ཁོ པན སམཡེན ཛམྦུཙོརཀཱ… ལབུཛཙོརཀཱ… པནསཙོརཀཱ… ཏཱལཔཀྐཙོརཀཱ… ཨུཙྪུཙོརཀཱ… ཏིམྦརཱུསཀཙོརཀཱ ཏིམྦརཱུསཀེ ཨུཙྩིནིཏྭཱ བྷཎྜིཀཾ ཨཱདཱཡ ཨགམཾསུ། སཱམིཀཱ ཏེ ཙོརཀེ ཨནུབནྡྷིཾསུ། ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ པལཱཡིཾསུ། བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ། སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི།
Tena kho pana samayena jambucorakā… labujacorakā… panasacorakā… tālapakkacorakā… ucchucorakā… timbarūsakacorakā timbarūsake uccinitvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū paṃsukūlasaññino paṭiggahāpetvā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ཏེན ཁོ པན སམཡེན ཨམྦཙོརཀཱ ཨམྦཾ པཱཏེཏྭཱ བྷཎྜིཀཾ ཨཱདཱཡ ཨགམཾསུ། སཱམིཀཱ ཏེ ཙོརཀེ ཨནུབནྡྷིཾསུ། ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ པལཱཡིཾསུ། བྷིཀྑཱུ – ‘པུརེ སཱམིཀཱ པསྶནྟཱི’ཏི, ཐེཡྻཙིཏྟཱ པརིབྷུཉྫིཾསུ། སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི།
Tena kho pana samayena ambacorakā ambaṃ pātetvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū – ‘pure sāmikā passantī’ti, theyyacittā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
ཏེན ཁོ པན སམཡེན ཛམྦུཙོརཀཱ… ལབུཛཙོརཀཱ… པནསཙོརཀཱ… ཏཱལཔཀྐཙོརཀཱ… ཨུཙྪུཙོརཀཱ… ཏིམྦརཱུསཀཙོརཀཱ ཏིམྦརཱུསཀེ ཨུཙྩིནིཏྭཱ བྷཎྜིཀཾ ཨཱདཱཡ ཨགམཾསུ། སཱམིཀཱ ཏེ ཙོརཀེ ཨནུབནྡྷིཾསུ། ཙོརཀཱ སཱམིཀེ པསྶིཏྭཱ བྷཎྜིཀཾ པཱཏེཏྭཱ པལཱཡིཾསུ། བྷིཀྑཱུ – ‘པུརེ སཱམིཀཱ པསྶནྟཱི’ཏི, ཐེཡྻཙིཏྟཱ པརིབྷུཉྫིཾསུ། སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི།
Tena kho pana samayena jambucorakā… labujacorakā… panasacorakā… tālapakkacorakā… ucchucorakā… timbarūsakacorakā timbarūsake uccinitvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū – ‘pure sāmikā passantī’ti, theyyacittā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ ཨམྦཾ ཐེཡྻཙིཏྟོ ཨཝཧརི… སངྒྷསྶ ཛམྦུཾ… སངྒྷསྶ ལབུཛཾ… སངྒྷསྶ པནསཾ… སངྒྷསྶ ཏཱལཔཀྐཾ… སངྒྷསྶ ཨུཙྪུཾ… སངྒྷསྶ ཏིམྦརཱུསཀཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu saṅghassa ambaṃ theyyacitto avahari… saṅghassa jambuṃ… saṅghassa labujaṃ… saṅghassa panasaṃ… saṅghassa tālapakkaṃ… saṅghassa ucchuṃ… saṅghassa timbarūsakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༤༩. ཏེན ཁོ པན སམཡེན ཨཉྙཏརོ བྷིཀྑུ པུཔྥཱརཱམཾ གནྟྭཱ ཨོཙིཏཾ པུཔྥཾ པཉྩམཱསགྒྷནཀཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
149. Tena kho pana samayena aññataro bhikkhu pupphārāmaṃ gantvā ocitaṃ pupphaṃ pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ པུཔྥཱརཱམཾ གནྟྭཱ པུཔྥཾ ཨོཙིནིཏྭཱ པཉྩམཱསགྒྷནཀཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu pupphārāmaṃ gantvā pupphaṃ ocinitvā pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu āpanno pārājika’’nti.
༡༥༠. ཏེན ཁོ པན སམཡེན ཨཉྙཏརོ བྷིཀྑུ གཱམཀཾ གཙྪནྟོ ཨཉྙཏརཾ བྷིཀྑུཾ ཨེཏདཝོཙ – ‘‘ཨཱཝུསོ, ཏུཡ྄ཧཾ ཨུཔཊྛཱཀཀུལཾ ཝུཏྟོ ཝཛྫེམཱི’’ཏི། སོ གནྟྭཱ ཨེཀཾ སཱཊཀཾ ཨཱཧརཱཔེཏྭཱ ཨཏྟནཱ པརིབྷུཉྫི། སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ན ཙ, བྷིཀྑཝེ, ཝུཏྟོ ཝཛྫེམཱིཏི ཝཏྟབྦོ། ཡོ ཝདེཡྻ, ཨཱཔཏྟི དུཀྐཊསྶཱ’’ཏི།
150. Tena kho pana samayena aññataro bhikkhu gāmakaṃ gacchanto aññataraṃ bhikkhuṃ etadavoca – ‘‘āvuso, tuyhaṃ upaṭṭhākakulaṃ vutto vajjemī’’ti. So gantvā ekaṃ sāṭakaṃ āharāpetvā attanā paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjemīti vattabbo. Yo vadeyya, āpatti dukkaṭassā’’ti.
ཏེན ཁོ པན སམཡེན ཨཉྙཏརོ བྷིཀྑུ གཱམཀཾ གཙྪཏི། ཨཉྙཏརོ བྷིཀྑུ ཏཾ བྷིཀྑུཾ ཨེཏདཝོཙ – ‘‘ཨཱཝུསོ, མཡ྄ཧཾ ཨུཔཊྛཱཀཀུལཾ ཝུཏྟོ ཝཛྫེཧཱི’’ཏི། སོ གནྟྭཱ ཡུགསཱཊཀཾ ཨཱཧརཱཔེཏྭཱ ཨེཀཾ ཨཏྟནཱ པརིབྷུཉྫི, ཨེཀཾ ཏསྶ བྷིཀྑུནོ ཨདཱསི། སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ན ཙ, བྷིཀྑཝེ, ཝུཏྟོ ཝཛྫེཧཱིཏི ཝཏྟབྦོ། ཡོ ཝདེཡྻ, ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu gāmakaṃ gacchati. Aññataro bhikkhu taṃ bhikkhuṃ etadavoca – ‘‘āvuso, mayhaṃ upaṭṭhākakulaṃ vutto vajjehī’’ti. So gantvā yugasāṭakaṃ āharāpetvā ekaṃ attanā paribhuñji, ekaṃ tassa bhikkhuno adāsi. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjehīti vattabbo. Yo vadeyya, āpatti dukkaṭassā’’ti.
ཏེན ཁོ པན སམཡེན ཨཉྙཏརོ བྷིཀྑུ གཱམཀཾ གཙྪནྟོ ཨཉྙཏརཾ བྷིཀྑུཾ ཨེཏདཝོཙ – ‘‘ཨཱཝུསོ, ཏུཡ྄ཧཾ ཨུཔཊྛཱཀཀུལཾ ཝུཏྟོ ཝཛྫེམཱི’’ཏི། སོཔི ཨེཝམཱཧ – ‘‘ཝུཏྟོ ཝཛྫེཧཱི’’ཏི། སོ གནྟྭཱ ཨཱལ༹ྷཀཾ སཔྤིཾ ཏུལཾ གུལ༹ཾ དོཎཾ ཏཎྜུལཾ ཨཱཧརཱཔེཏྭཱ ཨཏྟནཱ པརིབྷུཉྫི། སོ ཛཱནིཏྭཱ ཏཾ ཙོདེསི – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ན ཙ, བྷིཀྑཝེ, ཝུཏྟོ ཝཛྫེམཱིཏི ཝཏྟབྦོ, ན ཙ ཝུཏྟོ ཝཛྫེཧཱིཏི ཝཏྟབྦོ། ཡོ ཝདེཡྻ, ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu gāmakaṃ gacchanto aññataraṃ bhikkhuṃ etadavoca – ‘‘āvuso, tuyhaṃ upaṭṭhākakulaṃ vutto vajjemī’’ti. Sopi evamāha – ‘‘vutto vajjehī’’ti. So gantvā āḷhakaṃ sappiṃ tulaṃ guḷaṃ doṇaṃ taṇḍulaṃ āharāpetvā attanā paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjemīti vattabbo, na ca vutto vajjehīti vattabbo. Yo vadeyya, āpatti dukkaṭassā’’ti.
༡༥༡. ཏེན ཁོ པན སམཡེན ཨཉྙཏརོ པུརིསོ མཧགྒྷཾ མཎིཾ ཨཱདཱཡ ཨཉྙཏརེན བྷིཀྑུནཱ སདྡྷིཾ ཨདྡྷཱནམགྒཔྤཊིཔནྣོ ཧོཏི། ཨཐ ཁོ སོ པུརིསོ སུངྐཊྛཱནཾ པསྶིཏྭཱ ཏསྶ བྷིཀྑུནོ ཨཛཱནནྟསྶ ཐཝིཀཱཡ མཎིཾ པཀྑིཔིཏྭཱ སུངྐཊྛཱནཾ ཨཏིཀྐམིཏྭཱ ཨགྒཧེསི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, ཛཱནཱམཱི’’ཏི། ‘‘ཨནཱཔཏྟི, བྷིཀྑུ, ཨཛཱནནྟསྶཱ’’ཏི།
151. Tena kho pana samayena aññataro puriso mahagghaṃ maṇiṃ ādāya aññatarena bhikkhunā saddhiṃ addhānamaggappaṭipanno hoti. Atha kho so puriso suṅkaṭṭhānaṃ passitvā tassa bhikkhuno ajānantassa thavikāya maṇiṃ pakkhipitvā suṅkaṭṭhānaṃ atikkamitvā aggahesi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, jānāmī’’ti. ‘‘Anāpatti, bhikkhu, ajānantassā’’ti.
ཏེན ཁོ པན སམཡེན ཨཉྙཏརོ པུརིསོ མཧགྒྷཾ མཎིཾ ཨཱདཱཡ ཨཉྙཏརེན བྷིཀྑུནཱ སདྡྷིཾ ཨདྡྷཱནམགྒཔྤཊིཔནྣོ ཧོཏི། ཨཐ ཁོ སོ པུརིསོ སུངྐཊྛཱནཾ པསྶིཏྭཱ གིལཱནཱལཡཾ ཀརིཏྭཱ ཨཏྟནོ བྷཎྜིཀཾ ཏསྶ བྷིཀྑུནོ ཨདཱསི། ཨཐ ཁོ སོ པུརིསོ སུངྐཊྛཱནཾ ཨཏིཀྐམིཏྭཱ ཏཾ བྷིཀྑུཾ ཨེཏདཝོཙ – ‘‘ཨཱཧར མེ, བྷནྟེ, བྷཎྜིཀཾ; ནཱཧཾ ཨཀལླཀོ’’ཏི། ‘‘ཀིསྶ པན ཏྭཾ, ཨཱཝུསོ, ཨེཝརཱུཔཾ ཨཀཱསཱི’’ཏི? ཨཐ ཁོ སོ པུརིསོ ཏསྶ བྷིཀྑུནོ ཨེཏམཏྠཾ ཨཱརོཙེསི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ནཱཧཾ, བྷགཝཱ, ཛཱནཱམཱི’’ཏི། ‘‘ཨནཱཔཏྟི, བྷིཀྑུ, ཨཛཱནནྟསྶཱ’’ཏི།
Tena kho pana samayena aññataro puriso mahagghaṃ maṇiṃ ādāya aññatarena bhikkhunā saddhiṃ addhānamaggappaṭipanno hoti. Atha kho so puriso suṅkaṭṭhānaṃ passitvā gilānālayaṃ karitvā attano bhaṇḍikaṃ tassa bhikkhuno adāsi. Atha kho so puriso suṅkaṭṭhānaṃ atikkamitvā taṃ bhikkhuṃ etadavoca – ‘‘āhara me, bhante, bhaṇḍikaṃ; nāhaṃ akallako’’ti. ‘‘Kissa pana tvaṃ, āvuso, evarūpaṃ akāsī’’ti? Atha kho so puriso tassa bhikkhuno etamatthaṃ ārocesi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, jānāmī’’ti. ‘‘Anāpatti, bhikkhu, ajānantassā’’ti.
༡༥༢. ཏེན ཁོ པན སམཡེན ཨཉྙཏརོ བྷིཀྑུ སཏྠེན སདྡྷིཾ ཨདྡྷཱནམགྒཔྤཊིཔནྣོ ཧོཏི། ཨཉྙཏརོ པུརིསོ ཏཾ བྷིཀྑུཾ ཨཱམིསེན ཨུཔལཱཔེཏྭཱ སུངྐཊྛཱནཾ པསྶིཏྭཱ མཧགྒྷཾ མཎིཾ ཏསྶ བྷིཀྑུནོ ཨདཱསི – ‘‘ཨིམཾ, བྷནྟེ, མཎིཾ སུངྐཊྛཱནཾ ཨཏིཀྐཱམེཧཱི’’ཏི། ཨཐ ཁོ སོ བྷིཀྑུ ཏཾ མཎིཾ སུངྐཊྛཱནཾ ཨཏིཀྐཱམེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
152. Tena kho pana samayena aññataro bhikkhu satthena saddhiṃ addhānamaggappaṭipanno hoti. Aññataro puriso taṃ bhikkhuṃ āmisena upalāpetvā suṅkaṭṭhānaṃ passitvā mahagghaṃ maṇiṃ tassa bhikkhuno adāsi – ‘‘imaṃ, bhante, maṇiṃ suṅkaṭṭhānaṃ atikkāmehī’’ti. Atha kho so bhikkhu taṃ maṇiṃ suṅkaṭṭhānaṃ atikkāmesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༥༣. ཏེན ཁོ པན སམཡེན ཨཉྙཏརོ བྷིཀྑུ པཱསེ བནྡྷཾ སཱུཀརཾ ཀཱརུཉྙེན མུཉྩི། ཏསྶ ཀུཀྐུཙྩཾ ཨཧོསི…པེ॰… ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཀཱརུཉྙཱདྷིཔྤཱཡོ ཨཧཾ, བྷགཝཱ’’ཏི། ‘‘ཨནཱཔཏྟི, བྷིཀྑུ, ཀཱརུཉྙཱདྷིཔྤཱཡསྶཱ’’ཏི།
153. Tena kho pana samayena aññataro bhikkhu pāse bandhaṃ sūkaraṃ kāruññena muñci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Kāruññādhippāyo ahaṃ, bhagavā’’ti. ‘‘Anāpatti, bhikkhu, kāruññādhippāyassā’’ti.
ཏེན ཁོ པན སམཡེན ཨཉྙཏརོ བྷིཀྑུ པཱསེ བནྡྷཾ སཱུཀརཾ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ མུཉྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu pāse bandhaṃ sūkaraṃ – ‘‘pure sāmikā passantī’’ti, theyyacitto muñci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ པཱསེ བནྡྷཾ མིགཾ ཀཱརུཉྙེན མུཉྩི… པཱསེ བནྡྷཾ མིགཾ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ མུཉྩི … ཀུམིནེ བནྡྷེ མཙྪེ ཀཱརུཉྙེན མུཉྩི… ཀུམིནེ བནྡྷེ མཙྪེ – ‘‘པུརེ སཱམིཀཱ པསྶནྟཱི’’ཏི ཐེཡྻཙིཏྟོ མུཉྩི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu pāse bandhaṃ migaṃ kāruññena muñci… pāse bandhaṃ migaṃ – ‘‘pure sāmikā passantī’’ti, theyyacitto muñci … kumine bandhe macche kāruññena muñci… kumine bandhe macche – ‘‘pure sāmikā passantī’’ti theyyacitto muñci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ ཡཱནེ བྷཎྜཾ པསྶིཏྭཱ – ‘‘ཨིཏོ གཎྷནྟོ པཱརཱཛིཀོ བྷཝིསྶཱམཱི’’ཏི, ཨཏིཀྐམིཏྭཱ པཝཊྚེཏྭཱ 41 ཨགྒཧེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ , བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu yāne bhaṇḍaṃ passitvā – ‘‘ito gaṇhanto pārājiko bhavissāmī’’ti, atikkamitvā pavaṭṭetvā 42 aggahesi. Tassa kukkuccaṃ ahosi…pe… ‘‘āpattiṃ tvaṃ , bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ ཀུལལེན ཨུཀྑིཏྟཾ མཾསཔེསིཾ – ‘‘སཱམིཀཱནཾ དསྶཱམཱི’’ཏི ཨགྒཧེསི། སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ཨཐེཡྻཙིཏྟསྶཱ’’ཏི།
Tena kho pana samayena aññataro bhikkhu kulalena ukkhittaṃ maṃsapesiṃ – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, atheyyacittassā’’ti.
ཏེན ཁོ པན སམཡེན ཨཉྙཏརོ བྷིཀྑུ ཀུལལེན ཨུཀྑིཏྟཾ མཾསཔེསིཾ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ ཨགྒཧེསི། སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu kulalena ukkhittaṃ maṃsapesiṃ – ‘‘pure sāmikā passantī’’ti, theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༥༤. ཏེན ཁོ པན སམཡེན མནུསྶཱ ཨུལུ༹མྤཾ བནྡྷིཏྭཱ ཨཙིརཝཏིཡཱ ནདིཡཱ ཨོསཱརེནྟི། བནྡྷནེ ཚིནྣེ ཀཊྛཱནི ཝིཔྤཀིཎྞཱནི ཨགམཾསུ། བྷིཀྑཱུ པཾསུཀཱུལསཉྙིནོ ཨུཏྟཱརེསུཾ། སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི།
154. Tena kho pana samayena manussā uḷumpaṃ bandhitvā aciravatiyā nadiyā osārenti. Bandhane chinne kaṭṭhāni vippakiṇṇāni agamaṃsu. Bhikkhū paṃsukūlasaññino uttāresuṃ. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ཏེན ཁོ པན སམཡེན མནུསྶཱ ཨུལུ༹མྤཾ བནྡྷིཏྭཱ ཨཙིརཝཏིཡཱ ནདིཡཱ ཨོསཱརེནྟི། བནྡྷནེ ཚིནྣེ ཀཊྛཱནི ཝིཔྤཀིཎྞཱནི ཨགམཾསུ། བྷིཀྑཱུ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟཱ ཨུཏྟཱརེསུཾ། སཱམིཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི།
Tena kho pana samayena manussā uḷumpaṃ bandhitvā aciravatiyā nadiyā osārenti. Bandhane chinne kaṭṭhāni vippakiṇṇāni agamaṃsu. Bhikkhū – ‘‘pure sāmikā passantī’’ti, theyyacittā uttāresuṃ. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
ཏེན ཁོ པན སམཡེན ཨཉྙཏརོ གོཔཱལཀོ རུཀྑེ སཱཊཀཾ ཨཱལགྒེཏྭཱ ཨུཙྩཱརཾ ཨགམཱསི། ཨཉྙཏརོ བྷིཀྑུ པཾསུཀཱུལསཉྙཱི ཨགྒཧེསི ། ཨཐ ཁོ སོ གོཔཱལཀོ ཏཾ བྷིཀྑུཾ ཙོདེསི – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཾསུཀཱུལསཉྙིསྶཱ’’ཏི།
Tena kho pana samayena aññataro gopālako rukkhe sāṭakaṃ ālaggetvā uccāraṃ agamāsi. Aññataro bhikkhu paṃsukūlasaññī aggahesi . Atha kho so gopālako taṃ bhikkhuṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, paṃsukūlasaññissā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ནདིཾ ཏརནྟསྶ རཛཀཱནཾ ཧཏྠཏོ མུཏྟཾ སཱཊཀཾ པཱདེ ལགྒཾ ཧོཏི། སོ བྷིཀྑུ – ‘‘སཱམིཀཱནཾ དསྶཱམཱི’’ཏི ཨགྒཧེསི། སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, ཨཐེཡྻཙིཏྟསྶཱ’’ཏི།
Tena kho pana samayena aññatarassa bhikkhuno nadiṃ tarantassa rajakānaṃ hatthato muttaṃ sāṭakaṃ pāde laggaṃ hoti. So bhikkhu – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, atheyyacittassā’’ti.
ཏེན ཁོ པན སམཡེན ཨཉྙཏརསྶ བྷིཀྑུནོ ནདིཾ ཏརནྟསྶ རཛཀཱནཾ ཧཏྠཏོ མུཏྟཾ སཱཊཀཾ པཱདེ ལགྒཾ ཧོཏི ། སོ བྷིཀྑུ – ‘‘པུརེ སཱམིཀཱ པསྶནྟཱི’’ཏི, ཐེཡྻཙིཏྟོ ཨགྒཧེསི། སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññatarassa bhikkhuno nadiṃ tarantassa rajakānaṃ hatthato muttaṃ sāṭakaṃ pāde laggaṃ hoti . So bhikkhu – ‘‘pure sāmikā passantī’’ti, theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༥༥. ཏེན ཁོ པན སམཡེན ཨཉྙཏརོ བྷིཀྑུ སཔྤིཀུམྦྷིཾ པསྶིཏྭཱ ཐོཀཾ ཐོཀཾ པརིབྷུཉྫི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ; ཨཱཔཏྟི དུཀྐཊསྶཱ’’ཏི།
155. Tena kho pana samayena aññataro bhikkhu sappikumbhiṃ passitvā thokaṃ thokaṃ paribhuñji. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.
ཏེན ཁོ པན སམཡེན སམྦཧུལཱ བྷིཀྑཱུ སཾཝིདཧིཏྭཱ ཨགམཾསུ – ‘‘བྷཎྜཾ ཨཝཧརིསྶཱམཱ’’ཏི། ཨེཀོ བྷཎྜཾ ཨཝཧརི། ཏེ ཨེཝམཱཧཾསུ – ‘‘ན མཡཾ པཱརཱཛིཀཱ། ཡོ ཨཝཧཊོ སོ པཱརཱཛིཀོ’’ཏི། བྷགཝཏོ ཨེཏམཏྠཾ ཨཱརོཙེསུཾ… ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི།
Tena kho pana samayena sambahulā bhikkhū saṃvidahitvā agamaṃsu – ‘‘bhaṇḍaṃ avaharissāmā’’ti. Eko bhaṇḍaṃ avahari. Te evamāhaṃsu – ‘‘na mayaṃ pārājikā. Yo avahaṭo so pārājiko’’ti. Bhagavato etamatthaṃ ārocesuṃ… ‘‘āpattiṃ tumhe, bhikkhave, āpannā pārājika’’nti.
ཏེན ཁོ པན སམཡེན སམྦཧུལཱ བྷིཀྑཱུ སཾཝིདཧིཏྭཱ བྷཎྜཾ ཨཝཧརིཏྭཱ བྷཱཛེསུཾ ། ཏེཧི བྷཱཛཱིཡམཱནེ ཨེཀམེཀསྶ པཊིཝིསོ ན པཉྩམཱསཀོ པཱུརི། ཏེ ཨེཝམཱཧཾསུ – ‘‘ན མཡཾ པཱརཱཛིཀཱ’’ཏི། བྷགཝཏོ ཨེཏམཏྠཾ ཨཱརོཙེསུཾ། ‘‘ཨཱཔཏྟིཾ ཏུམྷེ, བྷིཀྑཝེ, ཨཱཔནྣཱ པཱརཱཛིཀ’’ནྟི།
Tena kho pana samayena sambahulā bhikkhū saṃvidahitvā bhaṇḍaṃ avaharitvā bhājesuṃ . Tehi bhājīyamāne ekamekassa paṭiviso na pañcamāsako pūri. Te evamāhaṃsu – ‘‘na mayaṃ pārājikā’’ti. Bhagavato etamatthaṃ ārocesuṃ. ‘‘Āpattiṃ tumhe, bhikkhave, āpannā pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ སཱཝཏྠིཡཾ དུབྦྷིཀྑེ ཨཱཔཎིཀསྶ ཏཎྜུལམུཊྛིཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu sāvatthiyaṃ dubbhikkhe āpaṇikassa taṇḍulamuṭṭhiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ སཱཝཏྠིཡཾ དུབྦྷིཀྑེ ཨཱཔཎིཀསྶ མུགྒམུཊྛིཾ… མཱསམུཊྛིཾ… ཏིལམུཊྛིཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu sāvatthiyaṃ dubbhikkhe āpaṇikassa muggamuṭṭhiṃ… māsamuṭṭhiṃ… tilamuṭṭhiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu āpanno pārājika’’nti.
ཏེན ཁོ པན སམཡེན སཱཝཏྠིཡཾ ཨནྡྷཝནེ ཙོརཀཱ གཱཝིཾ ཧནྟྭཱ མཾསཾ ཁཱདིཏྭཱ སེསཀཾ པཊིསཱམེཏྭཱ ཨགམཾསུ། བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ། ཙོརཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི།
Tena kho pana samayena sāvatthiyaṃ andhavane corakā gāviṃ hantvā maṃsaṃ khāditvā sesakaṃ paṭisāmetvā agamaṃsu. Bhikkhū paṃsukūlasaññino paṭiggahāpetvā paribhuñjiṃsu. Corakā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ཏེན ཁོ པན སམཡེན སཱཝཏྠིཡཾ ཨནྡྷཝནེ ཙོརཀཱ སཱུཀརཾ ཧནྟྭཱ མཾསཾ ཁཱདིཏྭཱ སེསཀཾ པཊིསཱམེཏྭཱ ཨགམཾསུ། བྷིཀྑཱུ པཾསུཀཱུལསཉྙིནོ པཊིགྒཧཱཔེཏྭཱ པརིབྷུཉྫིཾསུ། ཙོརཀཱ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, པཾསུཀཱུལསཉྙིསྶཱ’’ཏི།
Tena kho pana samayena sāvatthiyaṃ andhavane corakā sūkaraṃ hantvā maṃsaṃ khāditvā sesakaṃ paṭisāmetvā agamaṃsu. Bhikkhū paṃsukūlasaññino paṭiggahāpetvā paribhuñjiṃsu. Corakā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
ཏེན ཁོ པན སམཡེན ཨཉྙཏརོ བྷིཀྑུ ཏིཎཀྑེཏྟཾ གནྟྭཱ ལཱུཏཾ ཏིཎཾ པཉྩམཱསགྒྷནཀཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི …པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu tiṇakkhettaṃ gantvā lūtaṃ tiṇaṃ pañcamāsagghanakaṃ theyyacitto avahari. Tassa kukkuccaṃ ahosi …pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ ཏིཎཀྑེཏྟཾ གནྟྭཱ ཏིཎཾ ལཱཡིཏྭཱ པཉྩམཱསགྒྷནཀཾ ཐེཡྻཙིཏྟོ ཨཝཧརི། ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu tiṇakkhettaṃ gantvā tiṇaṃ lāyitvā pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༥༦. ཏེན ཁོ པན སམཡེན ཨཱགནྟུཀཱ བྷིཀྑཱུ སངྒྷསྶ ཨམྦཾ བྷཱཛཱཔེཏྭཱ པརིབྷུཉྫིཾསུ། ཨཱཝཱསིཀཱ བྷིཀྑཱུ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… བྷགཝཏོ ཨེཏམཏྠཾ ཨཱརོཙེསུཾ། ‘‘ཀིཾཙིཏྟཱ ཏུམྷེ, བྷིཀྑཝེ’’ཏི? ‘‘པརིབྷོགཏྠཱཡ 43 མཡཾ བྷགཝཱ’’ཏི། ‘‘ཨནཱཔཏྟི, བྷིཀྑཝེ, པརིབྷོགཏྠཱཡཱ’’ཏི།
156. Tena kho pana samayena āgantukā bhikkhū saṅghassa ambaṃ bhājāpetvā paribhuñjiṃsu. Āvāsikā bhikkhū te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… bhagavato etamatthaṃ ārocesuṃ. ‘‘Kiṃcittā tumhe, bhikkhave’’ti? ‘‘Paribhogatthāya 44 mayaṃ bhagavā’’ti. ‘‘Anāpatti, bhikkhave, paribhogatthāyā’’ti.
ཏེན ཁོ པན སམཡེན ཨཱགནྟུཀཱ བྷིཀྑཱུ སངྒྷསྶ ཛམྦུཾ… སངྒྷསྶ ལབུཛཾ… སངྒྷསྶ པནསཾ… སངྒྷསྶ ཏཱལཔཀྐཾ… སངྒྷསྶ ཨུཙྪུཾ… སངྒྷསྶ ཏིམྦརཱུསཀཾ བྷཱཛཱཔེཏྭཱ པརིབྷུཉྫིཾསུ། ཨཱཝཱསིཀཱ བྷིཀྑཱུ ཏེ བྷིཀྑཱུ ཙོདེསུཾ – ‘‘ཨསྶམཎཱཏྠ, ཏུམྷེ’’ཏི། ཏེསཾ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, པརིབྷོགཏྠཱཡཱ’’ཏི།
Tena kho pana samayena āgantukā bhikkhū saṅghassa jambuṃ… saṅghassa labujaṃ… saṅghassa panasaṃ… saṅghassa tālapakkaṃ… saṅghassa ucchuṃ… saṅghassa timbarūsakaṃ bhājāpetvā paribhuñjiṃsu. Āvāsikā bhikkhū te bhikkhū codesuṃ – ‘‘assamaṇāttha, tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paribhogatthāyā’’ti.
ཏེན ཁོ པན སམཡེན ཨམྦཔཱལཀཱ བྷིཀྑཱུནཾ ཨམྦཕལཾ དེནྟི། བྷིཀྑཱུ – ‘‘གོཔེཏུཾ ཨིམེ ཨིསྶརཱ, ནཡིམེ དཱཏུ’’ནྟི, ཀུཀྐུཙྩཱཡནྟཱ ན པཊིགྒཎྷནྟི། བྷགཝཏོ ཨེཏམཏྠཾ ཨཱརོཙེསུཾ། ‘‘ཨནཱཔཏྟི, བྷིཀྑཝེ, གོཔཀསྶ དཱནེ’’ཏི།
Tena kho pana samayena ambapālakā bhikkhūnaṃ ambaphalaṃ denti. Bhikkhū – ‘‘gopetuṃ ime issarā, nayime dātu’’nti, kukkuccāyantā na paṭiggaṇhanti. Bhagavato etamatthaṃ ārocesuṃ. ‘‘Anāpatti, bhikkhave, gopakassa dāne’’ti.
ཏེན ཁོ པན སམཡེན ཛམྦུཔཱལཀཱ… ལབུཛཔཱལཀཱ… པནསཔཱལཀཱ… ཏཱལཔཀྐཔཱལཀཱ… ཨུཙྪུཔཱལཀཱ… ཏིམྦརཱུསཀཔཱལཀཱ བྷིཀྑཱུནཾ ཏིམྦརཱུསཀཾ དེནྟི། བྷིཀྑཱུ – ‘‘གོཔེཏུཾ ཨིམེ ཨིསྶརཱ, ནཡིམེ དཱཏུ’’ནྟི, ཀུཀྐུཙྩཱཡནྟཱ ན པཊིགྒཎྷནྟི། བྷགཝཏོ ཨེཏམཏྠཾ ཨཱརོཙེསུཾ། ‘‘ཨནཱཔཏྟི, བྷིཀྑཝེ, གོཔཀསྶ དཱནེ’’ཏི།
Tena kho pana samayena jambupālakā… labujapālakā… panasapālakā… tālapakkapālakā… ucchupālakā… timbarūsakapālakā bhikkhūnaṃ timbarūsakaṃ denti. Bhikkhū – ‘‘gopetuṃ ime issarā, nayime dātu’’nti, kukkuccāyantā na paṭiggaṇhanti. Bhagavato etamatthaṃ ārocesuṃ. ‘‘Anāpatti, bhikkhave, gopakassa dāne’’ti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ དཱརུཾ ཏཱཝཀཱལིཀཾ ཧརིཏྭཱ ཨཏྟནོ ཝིཧཱརསྶ ཀུཊྚཾ ཨུཔཏྠམྦྷེསི། བྷིཀྑཱུ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏསྶ ཀུཀྐུཙྩཾ ཨཧོསི། བྷགཝཏོ ཨེཏམཏྠཾ ཨཱརོཙེསི། ‘‘ཀིཾཙིཏྟོ ཏྭཾ, བྷིཀྑཱུ’’ཏི? ‘‘ཏཱཝཀཱལིཀོ ཨཧཾ, བྷགཝཱ’’ཏི། ‘‘ཨནཱཔཏྟི, བྷིཀྑུ, ཏཱཝཀཱལིཀེ’’ཏི།
Tena kho pana samayena aññataro bhikkhu saṅghassa dāruṃ tāvakālikaṃ haritvā attano vihārassa kuṭṭaṃ upatthambhesi. Bhikkhū taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi. Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Tāvakāliko ahaṃ, bhagavā’’ti. ‘‘Anāpatti, bhikkhu, tāvakālike’’ti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ ཨུདཀཾ ཐེཡྻཙིཏྟོ ཨཝཧརི… སངྒྷསྶ མཏྟིཀཾ ཐེཡྻཙིཏྟོ ཨཝཧརི… སངྒྷསྶ པུཉྫཀིཏཾ ཏིཎཾ ཐེཡྻཙིཏྟོ ཨཝཧརི… ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu saṅghassa udakaṃ theyyacitto avahari… saṅghassa mattikaṃ theyyacitto avahari… saṅghassa puñjakitaṃ tiṇaṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ པུཉྫཀིཏཾ ཏིཎཾ ཐེཡྻཙིཏྟོ ཛྷཱཔེསི། ཏསྶ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑུ, པཱརཱཛིཀསྶ། ཨཱཔཏྟི དུཀྐཊསྶཱ’’ཏི།
Tena kho pana samayena aññataro bhikkhu saṅghassa puñjakitaṃ tiṇaṃ theyyacitto jhāpesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ མཉྩཾ ཐེཡྻཙིཏྟོ ཨཝཧརི… ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu saṅghassa mañcaṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
ཏེན ཁོ པན སམཡེན ཨཉྙཏརོ བྷིཀྑུ སངྒྷསྶ པཱིཋཾ… སངྒྷསྶ བྷིསིཾ… སངྒྷསྶ བིབྦོཧནཾ 45 … སངྒྷསྶ ཀཝཱཊཾ… སངྒྷསྶ ཨཱལོཀསནྡྷིཾ… སངྒྷསྶ གོཔཱནསིཾ ཐེཡྻཙིཏྟོ ཨཝཧརི… ཏསྶ ཀུཀྐུཙྩཾ ཨཧོསི…པེ॰… ‘‘ཨཱཔཏྟིཾ ཏྭཾ, བྷིཀྑུ, ཨཱཔནྣོ པཱརཱཛིཀ’’ནྟི།
Tena kho pana samayena aññataro bhikkhu saṅghassa pīṭhaṃ… saṅghassa bhisiṃ… saṅghassa bibbohanaṃ 46 … saṅghassa kavāṭaṃ… saṅghassa ālokasandhiṃ… saṅghassa gopānasiṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
༡༥༧. 47 ཏེན ཁོ པན སམཡེན བྷིཀྑཱུ ཨཉྙཏརསྶ ཨུཔཱསཀསྶ ཝིཧཱརཔརིབྷོགཾ སེནཱསནཾ ཨཉྙཏྲ པརིབྷུཉྫནྟི། ཨཐ ཁོ སོ ཨུཔཱསཀོ ཨུཛ྄ཛྷཱཡཏི ཁིཡྻཏི ཝིཔཱཙེཏི – ‘‘ཀཐཉྷི ནཱམ བྷདནྟཱ ཨཉྙཏྲ པརིབྷོགཾ ཨཉྙཏྲ པརིབྷུཉྫིསྶནྟཱི’’ཏི! བྷགཝཏོ ཨེཏམཏྠཾ ཨཱརོཙེསུཾ། ‘‘ན, བྷིཀྑཝེ, ཨཉྙཏྲ པརིབྷོགོ ཨཉྙཏྲ པརིབྷུཉྫིཏབྦོ། ཡོ པརིབྷུཉྫེཡྻ, ཨཱཔཏྟི དུཀྐཊསྶཱ’’ཏི།
157.48 Tena kho pana samayena bhikkhū aññatarassa upāsakassa vihāraparibhogaṃ senāsanaṃ aññatra paribhuñjanti. Atha kho so upāsako ujjhāyati khiyyati vipāceti – ‘‘kathañhi nāma bhadantā aññatra paribhogaṃ aññatra paribhuñjissantī’’ti! Bhagavato etamatthaṃ ārocesuṃ. ‘‘Na, bhikkhave, aññatra paribhogo aññatra paribhuñjitabbo. Yo paribhuñjeyya, āpatti dukkaṭassā’’ti.
49 ཏེན ཁོ པན སམཡེན བྷིཀྑཱུ ཨུཔོསཐགྒམྤི སནྣིསཛྫམྤི ཧརིཏུཾ ཀུཀྐུཙྩཱཡནྟཱ ཚམཱཡཾ ནིསཱིདནྟི། གཏྟཱནིཔི ཙཱིཝརཱནིཔི པཾསུཀིཏཱནི ཧོནྟི། བྷགཝཏོ ཨེཏམཏྠཾ ཨཱརོཙེསུཾ། ‘‘ཨནུཛཱནཱམི, བྷིཀྑཝེ, ཏཱཝཀཱལིཀཾ ཧརིཏུ’’ནྟི།
50 Tena kho pana samayena bhikkhū uposathaggampi sannisajjampi harituṃ kukkuccāyantā chamāyaṃ nisīdanti. Gattānipi cīvarānipi paṃsukitāni honti. Bhagavato etamatthaṃ ārocesuṃ. ‘‘Anujānāmi, bhikkhave, tāvakālikaṃ haritu’’nti.
ཏེན ཁོ པན སམཡེན ཙམྤཱཡཾ ཐུལླནནྡཱཡ བྷིཀྑུནིཡཱ ཨནྟེཝཱསིནཱི བྷིཀྑུནཱི ཐུལླནནྡཱཡ བྷིཀྑུནིཡཱ ཨུཔཊྛཱཀཀུལཾ གནྟྭཱ – ‘‘ཨཡྻཱ ཨིཙྪཏི ཏེཀཊུལཡཱགུཾ པཱཏུ’’ནྟི, པཙཱཔེཏྭཱ ཧརིཏྭཱ ཨཏྟནཱ པརིབྷུཉྫི། སཱ ཛཱནིཏྭཱ ཏཾ ཙོདེསི – ‘‘ཨསྶམཎཱིསི ཏྭ’’ནྟི། ཏསྶཱ ཀུཀྐུཙྩཾ ཨཧོསི། ཨཐ ཁོ སཱ བྷིཀྑུནཱི བྷིཀྑུནཱིནཾ ཨེཏམཏྠཾ ཨཱརོཙེསི། བྷིཀྑུནིཡོ བྷིཀྑཱུནཾ ཨེཏམཏྠཾ ཨཱརོཙེསུཾ། བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ། ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི སམྤཛཱནམུསཱཝཱདེ པཱཙིཏྟིཡསྶཱ’’ཏི།
Tena kho pana samayena campāyaṃ thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṃ gantvā – ‘‘ayyā icchati tekaṭulayāguṃ pātu’’nti, pacāpetvā haritvā attanā paribhuñji. Sā jānitvā taṃ codesi – ‘‘assamaṇīsi tva’’nti. Tassā kukkuccaṃ ahosi. Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. ‘‘Anāpatti, bhikkhave, pārājikassa; āpatti sampajānamusāvāde pācittiyassā’’ti.
ཏེན ཁོ པན སམཡེན རཱཛགཧེ ཐུལླནནྡཱཡ བྷིཀྑུནིཡཱ ཨནྟེཝཱསིནཱི བྷིཀྑུནཱི ཐུལླནནྡཱཡ བྷིཀྑུནིཡཱ ཨུཔཊྛཱཀཀུལཾ གནྟྭཱ – ‘‘ཨཡྻཱ ཨིཙྪཏི མདྷུགོལ༹ཀཾ ཁཱདིཏུ’’ནྟི, པཙཱཔེཏྭཱ ཧརིཏྭཱ ཨཏྟནཱ པརིབྷུཉྫི། སཱ ཛཱནིཏྭཱ ཏཾ ཙོདེསི – ‘‘ཨསྶམཎཱིསི ཏྭ’’ནྟི། ཏསྶཱ ཀུཀྐུཙྩཾ ཨཧོསི…པེ॰… ‘‘ཨནཱཔཏྟི, བྷིཀྑཝེ, པཱརཱཛིཀསྶ; ཨཱཔཏྟི སམྤཛཱནམུསཱཝཱདེ པཱཙིཏྟིཡསྶཱ’’ཏི།
Tena kho pana samayena rājagahe thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṃ gantvā – ‘‘ayyā icchati madhugoḷakaṃ khāditu’’nti, pacāpetvā haritvā attanā paribhuñji. Sā jānitvā taṃ codesi – ‘‘assamaṇīsi tva’’nti. Tassā kukkuccaṃ ahosi…pe… ‘‘anāpatti, bhikkhave, pārājikassa; āpatti sampajānamusāvāde pācittiyassā’’ti.
༡༥༨. ཏེན ཁོ པན སམཡེན ཝེསཱལིཡཾ ཨཱཡསྨཏོ ཨཛྫུཀསྶ ཨུཔཊྛཱཀསྶ གཧཔཏིནོ དྭེ དཱརཀཱ ཧོནྟི – པུཏྟོ ཙ བྷཱགིནེཡྻོ ཙ། ཨཐ ཁོ སོ གཧཔཏི ཨཱཡསྨནྟཾ ཨཛྫུཀཾ ཨེཏདཝོཙ – ‘‘ཨིམཾ, བྷནྟེ, ཨོཀཱསཾ ཡོ ཨིམེསཾ དྭིནྣཾ དཱརཀཱནཾ སདྡྷོ ཧོཏི པསནྣོ ཏསྶ ཨཱཙིཀྑེཡྻཱསཱི’’ཏི 51། ཏེན ཁོ པན སམཡེན ཏསྶ གཧཔཏིནོ བྷཱགིནེཡྻོ སདྡྷོ ཧོཏི པསནྣོ། ཨཐ ཁོ ཨཱཡསྨཱ ཨཛྫུཀོ ཏཾ ཨོཀཱསཾ ཏསྶ དཱརཀསྶ ཨཱཙིཀྑི། སོ ཏེན སཱཔཏེཡྻེན ཀུཊུམྦཉྩ སཎྛཔེསི དཱནཉྩ པཊྛཔེསི། ཨཐ ཁོ ཏསྶ གཧཔཏིནོ པུཏྟོ ཨཱཡསྨནྟཾ ཨཱནནྡཾ ཨེཏདཝོཙ – ‘‘ཀོ ནུ ཁོ, བྷནྟེ ཨཱནནྡ, པིཏུནོ དཱཡཛྫོ – པུཏྟོ ཝཱ བྷཱགིནེཡྻོ ཝཱ’’ཏི? ‘‘པུཏྟོ ཁོ, ཨཱཝུསོ, པིཏུནོ དཱཡཛྫོ’’ཏི། ‘‘ཨཡཾ, བྷནྟེ, ཨཡྻོ ཨཛྫུཀོ ཨམྷཱཀཾ སཱཔཏེཡྻཾ ཨམྷཱཀཾ མེཐུནཀསྶ ཨཱཙིཀྑཱི’’ཏི། ‘‘ཨསྶམཎོ, ཨཱཝུསོ, ཨཱཡསྨཱ ཨཛྫུཀོ’’ཏི། ཨཐ ཁོ ཨཱཡསྨཱ ཨཛྫུཀོ ཨཱཡསྨནྟཾ ཨཱནནྡཾ ཨེཏདཝོཙ – ‘‘དེཧི མེ, ཨཱཝུསོ ཨཱནནྡ, ཝིནིཙྪཡ’’ནྟི། ཏེན ཁོ པན སམཡེན ཨཱཡསྨཱ ཨུཔཱལི ཨཱཡསྨཏོ ཨཛྫུཀསྶ པཀྑོ ཧོཏི། ཨཐ ཁོ ཨཱཡསྨཱ ཨུཔཱལི ཨཱཡསྨནྟཾ ཨཱནནྡཾ ཨེཏདཝོཙ – ‘‘ཡོ ནུ ཁོ, ཨཱཝུསོ ཨཱནནྡ, སཱམིཀེན ‘ཨིམཾ ཨོཀཱསཾ ཨིཏྠནྣཱམསྶ ཨཱཙིཀྑེཡྻཱསཱི’ཏི ཝུཏྟོ ཏསྶ ཨཱཙིཀྑཏི, ཀིཾ སོ ཨཱཔཛྫཏཱི’’ཏི? ‘‘ན, བྷནྟེ, ཀིཉྩི ཨཱཔཛྫཏི, ཨནྟམསོ དུཀྐཊམཏྟམྤཱི’’ཏི། ‘‘ཨཡཾ, ཨཱཝུསོ, ཨཱཡསྨཱ ཨཛྫུཀོ སཱམིཀེན – ‘ཨིམཾ ཨོཀཱསཾ ཨིཏྠནྣཱམསྶ ཨཱཙིཀྑཱ’ཏི ཝུཏྟོ ཏསྶ ཨཱཙིཀྑཏི; ཨནཱཔཏྟི, ཨཱཝུསོ, ཨཱཡསྨཏོ ཨཛྫུཀསྶཱ’’ཏི།
158. Tena kho pana samayena vesāliyaṃ āyasmato ajjukassa upaṭṭhākassa gahapatino dve dārakā honti – putto ca bhāgineyyo ca. Atha kho so gahapati āyasmantaṃ ajjukaṃ etadavoca – ‘‘imaṃ, bhante, okāsaṃ yo imesaṃ dvinnaṃ dārakānaṃ saddho hoti pasanno tassa ācikkheyyāsī’’ti 52. Tena kho pana samayena tassa gahapatino bhāgineyyo saddho hoti pasanno. Atha kho āyasmā ajjuko taṃ okāsaṃ tassa dārakassa ācikkhi. So tena sāpateyyena kuṭumbañca saṇṭhapesi dānañca paṭṭhapesi. Atha kho tassa gahapatino putto āyasmantaṃ ānandaṃ etadavoca – ‘‘ko nu kho, bhante ānanda, pituno dāyajjo – putto vā bhāgineyyo vā’’ti? ‘‘Putto kho, āvuso, pituno dāyajjo’’ti. ‘‘Ayaṃ, bhante, ayyo ajjuko amhākaṃ sāpateyyaṃ amhākaṃ methunakassa ācikkhī’’ti. ‘‘Assamaṇo, āvuso, āyasmā ajjuko’’ti. Atha kho āyasmā ajjuko āyasmantaṃ ānandaṃ etadavoca – ‘‘dehi me, āvuso ānanda, vinicchaya’’nti. Tena kho pana samayena āyasmā upāli āyasmato ajjukassa pakkho hoti. Atha kho āyasmā upāli āyasmantaṃ ānandaṃ etadavoca – ‘‘yo nu kho, āvuso ānanda, sāmikena ‘imaṃ okāsaṃ itthannāmassa ācikkheyyāsī’ti vutto tassa ācikkhati, kiṃ so āpajjatī’’ti? ‘‘Na, bhante, kiñci āpajjati, antamaso dukkaṭamattampī’’ti. ‘‘Ayaṃ, āvuso, āyasmā ajjuko sāmikena – ‘imaṃ okāsaṃ itthannāmassa ācikkhā’ti vutto tassa ācikkhati; anāpatti, āvuso, āyasmato ajjukassā’’ti.
༡༥༩. ཏེན ཁོ པན སམཡེན བཱརཱཎསིཡཾ ཨཱཡསྨཏོ པིལིནྡཝཙྪསྶ ཨུཔཊྛཱཀཀུལཾ ཙོརེཧི ཨུཔདྡུཏཾ ཧོཏི། དྭེ ཙ དཱརཀཱ ནཱིཏཱ ཧོནྟི། ཨཐ ཁོ ཨཱཡསྨཱ པིལིནྡཝཙྪོ ཏེ དཱརཀེ ཨིདྡྷིཡཱ ཨཱནེཏྭཱ པཱསཱདེ ཋཔེསི། མནུསྶཱ ཏེ དཱརཀེ པསྶིཏྭཱ – ‘‘ཨཡྻསྶཱཡཾ པིལིནྡཝཙྪསྶ ཨིདྡྷཱནུབྷཱཝོ’’ཏི, ཨཱཡསྨནྟེ པིལིནྡཝཙྪེ ཨབྷིཔྤསཱིདིཾསུ། བྷིཀྑཱུ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཀཐཉྷི ནཱམ ཨཱཡསྨཱ པིལིནྡཝཙྪོ ཙོརེཧི ནཱིཏེ དཱརཀེ ཨཱནེསྶཏཱི’’ཏི! བྷགཝཏོ ཨེཏམཏྠཾ ཨཱརོཙེསུཾ། ‘‘ཨནཱཔཏྟི, བྷིཀྑཝེ 53, ཨིདྡྷིམསྶ ཨིདྡྷིཝིསཡེ’’ཏི།
159. Tena kho pana samayena bārāṇasiyaṃ āyasmato pilindavacchassa upaṭṭhākakulaṃ corehi upaddutaṃ hoti. Dve ca dārakā nītā honti. Atha kho āyasmā pilindavaccho te dārake iddhiyā ānetvā pāsāde ṭhapesi. Manussā te dārake passitvā – ‘‘ayyassāyaṃ pilindavacchassa iddhānubhāvo’’ti, āyasmante pilindavacche abhippasīdiṃsu. Bhikkhū ujjhāyanti khiyyanti vipācenti – ‘‘kathañhi nāma āyasmā pilindavaccho corehi nīte dārake ānessatī’’ti! Bhagavato etamatthaṃ ārocesuṃ. ‘‘Anāpatti, bhikkhave 54, iddhimassa iddhivisaye’’ti.
༡༦༠. ཏེན ཁོ པན སམཡེན དྭེ བྷིཀྑཱུ སཧཱཡཀཱ ཧོནྟི – པཎྜུཀོ ཙ ཀཔིལོ ཙ། ཨེཀོ གཱམཀེ ཝིཧརཏི, ཨེཀོ ཀོསམྦིཡཾ། ཨཐ ཁོ ཏསྶ བྷིཀྑུནོ གཱམཀཱ ཀོསམྦིཾ གཙྪནྟསྶ ཨནྟརཱམགྒེ ནདིཾ ཏརནྟསྶ སཱུཀརིཀཱནཾ ཧཏྠཏོ མུཏྟཱ མེདཝཊྚི པཱདེ ལགྒཱ ཧོཏི། སོ བྷིཀྑུ – ‘‘སཱམིཀཱནཾ དསྶཱམཱི’’ཏི ཨགྒཧེསི། སཱམིཀཱ ཏཾ བྷིཀྑུཾ ཙོདེསུཾ – ‘‘ཨསྶམཎོསི ཏྭ’’ནྟི། ཏཾ ཨུཏྟིཎྞཾ གོཔཱལིཀཱ 55 པསྶིཏྭཱ ཨེཏདཝོཙ – ‘‘ཨེཧི, བྷནྟེ, མེཐུནཾ དྷམྨཾ པཊིསེཝཱ’’ཏི། སོ – ‘‘པཀཏིཡཱཔཱཧཾ ཨསྶམཎོ’’ཏི ཏསྶཱ མེཐུནཾ དྷམྨཾ པཊིསེཝིཏྭཱ ཀོསམྦིཾ གནྟྭཱ བྷིཀྑཱུནཾ ཨེཏམཏྠཾ ཨཱརོཙེསི། བྷིཀྑཱུ བྷགཝཏོ ཨེཏམཏྠཾ ཨོརོཙེསུཾ། ‘‘ཨནཱཔཏྟི, བྷིཀྑཝེ, ཨདིནྣཱདཱནེ པཱརཱཛིཀསྶ; ཨཱཔཏྟི མེཐུནདྷམྨསམཱཡོགེ པཱརཱཛིཀསྶཱ’’ཏི།
160. Tena kho pana samayena dve bhikkhū sahāyakā honti – paṇḍuko ca kapilo ca. Eko gāmake viharati, eko kosambiyaṃ. Atha kho tassa bhikkhuno gāmakā kosambiṃ gacchantassa antarāmagge nadiṃ tarantassa sūkarikānaṃ hatthato muttā medavaṭṭi pāde laggā hoti. So bhikkhu – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Taṃ uttiṇṇaṃ gopālikā 56 passitvā etadavoca – ‘‘ehi, bhante, methunaṃ dhammaṃ paṭisevā’’ti. So – ‘‘pakatiyāpāhaṃ assamaṇo’’ti tassā methunaṃ dhammaṃ paṭisevitvā kosambiṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ orocesuṃ. ‘‘Anāpatti, bhikkhave, adinnādāne pārājikassa; āpatti methunadhammasamāyoge pārājikassā’’ti.
༡༦༡. ཏེན ཁོ པན སམཡེན སཱགལཱཡཾ ཨཱཡསྨཏོ དལ༹ྷིཀསྶ སདྡྷིཝིཧཱརིཀོ བྷིཀྑུ ཨནབྷིརཏིཡཱ པཱིལི༹ཏོ ཨཱཔཎིཀསྶ ཝེཋནཾ ཨཝཧརིཏྭཱ ཨཱཡསྨནྟཾ དལ༹ྷིཀཾ ཨེཏདཝོཙ – ‘‘ཨསྶམཎོ ཨཧཾ, བྷནྟེ, ཝིབྦྷམིསྶཱམཱི’’ཏི། ‘‘ཀིཾ ཏཡཱ, ཨཱཝུསོ, ཀཏ’’ནྟི? སོ ཏམཏྠཾ ཨཱརོཙེསི། ཨཱཧརཱཔེཏྭཱ ཨགྒྷཱཔེསི། ཏཾ ཨགྒྷཱཔེནྟཾ ན པཉྩམཱསཀེ ཨགྒྷཏི ། ‘‘ཨནཱཔཏྟི, ཨཱཝུསོ, པཱརཱཛིཀསྶཱ’’ཏི། དྷམྨཀཐཾ ཨཀཱསི། སོ བྷིཀྑུ ཨབྷིརམཏཱིཏི 57།
161. Tena kho pana samayena sāgalāyaṃ āyasmato daḷhikassa saddhivihāriko bhikkhu anabhiratiyā pīḷito āpaṇikassa veṭhanaṃ avaharitvā āyasmantaṃ daḷhikaṃ etadavoca – ‘‘assamaṇo ahaṃ, bhante, vibbhamissāmī’’ti. ‘‘Kiṃ tayā, āvuso, kata’’nti? So tamatthaṃ ārocesi. Āharāpetvā agghāpesi. Taṃ agghāpentaṃ na pañcamāsake agghati . ‘‘Anāpatti, āvuso, pārājikassā’’ti. Dhammakathaṃ akāsi. So bhikkhu abhiramatīti 58.
དུཏིཡཔཱརཱཛིཀཾ སམཏྟཾ།
Dutiyapārājikaṃ samattaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. དུཏིཡཔཱརཱཛིཀཾ • 2. Dutiyapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā
དྷནིཡཝཏྠུཝཎྞནཱ • Dhaniyavatthuvaṇṇanā
པཱལི༹མུཏྟཀཝིནིཙྪཡཝཎྞནཱ • Pāḷimuttakavinicchayavaṇṇanā
པདབྷཱཛནཱིཡཝཎྞནཱ • Padabhājanīyavaṇṇanā
པཉྩཝཱིསཏིཨཝཧཱརཀཐཱཝཎྞནཱ • Pañcavīsatiavahārakathāvaṇṇanā
བྷཱུམཊྛཀཐཱཝཎྞནཱ • Bhūmaṭṭhakathāvaṇṇanā
ཨཱཀཱསཊྛཀཐཱཝཎྞནཱ • Ākāsaṭṭhakathāvaṇṇanā
ཝེཧཱསཊྛཀཐཱཝཎྞནཱ • Vehāsaṭṭhakathāvaṇṇanā
ཨུདཀཊྛཀཐཱཝཎྞནཱ • Udakaṭṭhakathāvaṇṇanā
ནཱཝཊྛཀཐཱཝཎྞནཱ • Nāvaṭṭhakathāvaṇṇanā
ཡཱནཊྛཀཐཱཝཎྞནཱ • Yānaṭṭhakathāvaṇṇanā
བྷཱརཊྛཀཐཱཝཎྞནཱ • Bhāraṭṭhakathāvaṇṇanā
ཨཱརཱམཊྛཀཐཱཝཎྞནཱ • Ārāmaṭṭhakathāvaṇṇanā
ཝིཧཱརཊྛཀཐཱཝཎྞནཱ • Vihāraṭṭhakathāvaṇṇanā
ཁེཏྟཊྛཀཐཱཝཎྞནཱ • Khettaṭṭhakathāvaṇṇanā
ཝཏྠུཊྛཀཐཱཝཎྞནཱ • Vatthuṭṭhakathāvaṇṇanā
གཱམཊྛཀཐཱཝཎྞནཱ • Gāmaṭṭhakathāvaṇṇanā
ཨརཉྙཊྛཀཐཱཝཎྞནཱ • Araññaṭṭhakathāvaṇṇanā
ཨུདཀཀཐཱཝཎྞནཱ • Udakakathāvaṇṇanā
དནྟཔོནཀཐཱཝཎྞནཱ • Dantaponakathāvaṇṇanā
ཝནཔྤཏིཀཐཱཝཎྞནཱ • Vanappatikathāvaṇṇanā
ཧརཎཀཀཐཱཝཎྞནཱ • Haraṇakakathāvaṇṇanā
ཨུཔནིདྷིཀཐཱཝཎྞནཱ • Upanidhikathāvaṇṇanā
སུངྐགྷཱཏཀཐཱཝཎྞནཱ • Suṅkaghātakathāvaṇṇanā
པཱཎཀཐཱཝཎྞནཱ • Pāṇakathāvaṇṇanā
ཙཏུཔྤདཀཐཱཝཎྞནཱ • Catuppadakathāvaṇṇanā
སངྐེཏཀམྨཀཐཱཝཎྞནཱ • Saṅketakammakathāvaṇṇanā
ནིམིཏྟཀམྨཀཐཱཝཎྞནཱ • Nimittakammakathāvaṇṇanā
ཨཱཎཏྟིཀཐཱཝཎྞནཱ • Āṇattikathāvaṇṇanā
ཨཱཔཏྟིབྷེདཝཎྞནཱ • Āpattibhedavaṇṇanā
ཨནཱཔཏྟིབྷེདཝཎྞནཱ • Anāpattibhedavaṇṇanā
ཝིནཱིཏཝཏྠུཝཎྞནཱ • Vinītavatthuvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā
དྷནིཡཝཏྠུཝཎྞནཱ • Dhaniyavatthuvaṇṇanā
པཱལི༹མུཏྟཀཝིནིཙྪཡཝཎྞནཱ • Pāḷimuttakavinicchayavaṇṇanā
པདབྷཱཛནཱིཡཝཎྞནཱ • Padabhājanīyavaṇṇanā
བྷཱུམཊྛཀཐཱདིཝཎྞནཱ • Bhūmaṭṭhakathādivaṇṇanā
ཨཱཔཏྟིབྷེདཝཎྞནཱ • Āpattibhedavaṇṇanā
ཨནཱཔཏྟིབྷེདཝཎྞནཱ • Anāpattibhedavaṇṇanā
ཝིནཱིཏཝཏྠུཝཎྞནཱ • Vinītavatthuvaṇṇanā
ཀུསསངྐཱམནཝཏྠུཀཐཱཝཎྞནཱ • Kusasaṅkāmanavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā
དྷནིཡཝཏྠུཝཎྞནཱ • Dhaniyavatthuvaṇṇanā
པཱལི༹མུཏྟཀཝིནིཙྪཡཝཎྞནཱ • Pāḷimuttakavinicchayavaṇṇanā
པདབྷཱཛནཱིཡཝཎྞནཱ • Padabhājanīyavaṇṇanā
པཉྩཝཱིསཏིཨཝཧཱརཀཐཱཝཎྞནཱ • Pañcavīsatiavahārakathāvaṇṇanā
བྷཱུམཊྛཀཐཱཝཎྞནཱ • Bhūmaṭṭhakathāvaṇṇanā
ཨཱཀཱསཊྛཀཐཱཝཎྞནཱ • Ākāsaṭṭhakathāvaṇṇanā
ཝེཧཱསཊྛཀཐཱཝཎྞནཱ • Vehāsaṭṭhakathāvaṇṇanā
ཨུདཀཊྛཀཐཱཝཎྞནཱ • Udakaṭṭhakathāvaṇṇanā
ནཱཝཊྛཀཐཱཝཎྞནཱ • Nāvaṭṭhakathāvaṇṇanā
ཡཱནཊྛཀཐཱཝཎྞནཱ • Yānaṭṭhakathāvaṇṇanā
བྷཱརཊྛཀཐཱཝཎྞནཱ • Bhāraṭṭhakathāvaṇṇanā
ཨཱརཱམཊྛཀཐཱཝཎྞནཱ • Ārāmaṭṭhakathāvaṇṇanā
ཝིཧཱརཊྛཀཐཱཝཎྞནཱ • Vihāraṭṭhakathāvaṇṇanā
ཁེཏྟཊྛཀཐཱཝཎྞནཱ • Khettaṭṭhakathāvaṇṇanā
ཝཏྠུཊྛཀཐཱཝཎྞནཱ • Vatthuṭṭhakathāvaṇṇanā
ཨརཉྙཊྛཀཐཱཝཎྞནཱ • Araññaṭṭhakathāvaṇṇanā
ཨུདཀཀཐཱཝཎྞནཱ • Udakakathāvaṇṇanā
དནྟཔོནཀཐཱཝཎྞནཱ • Dantaponakathāvaṇṇanā
ཝནཔྤཏིཀཐཱཝཎྞནཱ • Vanappatikathāvaṇṇanā
ཧརཎཀཀཐཱཝཎྞནཱ • Haraṇakakathāvaṇṇanā
ཨུཔནིདྷིཀཐཱཝཎྞནཱ • Upanidhikathāvaṇṇanā
སུངྐགྷཱཏཀཐཱཝཎྞནཱ • Suṅkaghātakathāvaṇṇanā
པཱཎཀཐཱཝཎྞནཱ • Pāṇakathāvaṇṇanā
ཙཏུཔྤདཀཐཱཝཎྞནཱ • Catuppadakathāvaṇṇanā
ཨོཙརཀཀཐཱཝཎྞནཱ • Ocarakakathāvaṇṇanā
སངྐེཏཀམྨཀཐཱཝཎྞནཱ • Saṅketakammakathāvaṇṇanā
ནིམིཏྟཀམྨཀཐཱཝཎྞནཱ • Nimittakammakathāvaṇṇanā
ཨཱཎཏྟིཀཐཱཝཎྞནཱ • Āṇattikathāvaṇṇanā
ཨཱཔཏྟིབྷེདཝཎྞནཱ • Āpattibhedavaṇṇanā
ཨནཱཔཏྟིབྷེདཝཎྞནཱ • Anāpattibhedavaṇṇanā
ཝིནཱིཏཝཏྠུཝཎྞནཱ • Vinītavatthuvaṇṇanā
ཀུསསངྐཱམནཝཏྠུཀཐཱཝཎྞནཱ • Kusasaṅkāmanavatthukathāvaṇṇanā
